筷子記

營業中

休息中

筷子記係澳門馳名嘅麵店，喺中環開咗好多年啦，今次第一次過嚟食，都幾失望。鋪頭細細，座位好迫，感覺衛生情況都爭啲，員工全部都好老，好彩手腳都算夠快同醒目。望望個menu，其實都係車仔麵姐，不過啲配料係香港好少食到，但係講真全部都係加工嘢有乜咁特別啊，雖然都有豬扒包嗰啲嘢澳門名物，但係成間店都冇人食，應該好食極有限吧。叫咗鹽香車厘茄、路環魚腐角、馬交魚羹、澳門包心丸，如果你問我邊款最好味，我會答你全部都唔好味😂，其實全部味都係甜甜地，湯底係味精味，我都係鍾意食香港嘅車仔麵多啲。香港嘅車仔麵好多都係自家製嘅配料，呢間就基本上都係啲現成貨，冇乜嘢好食，特別之處有福字麵囉😂叫咗咖喱魚蛋超級難食啊！呢間麵份量相對少，食完好似冇食過，奶茶都唔算好飲。而家已經變咗做旅客景點，下次都唔會嚟幫襯啦。

中環的平民食店，又點會唔介紹一下，「澳門🇲🇴平民麵食茶檔」已經好一清二楚🤡！主要都係以車仔麵嘅形式，🍜麵食搭配差不多三十幾款包括澳門🇲🇴美食，確實有趣😋.其中澳門包心卷都算是比較凸別，係香港🇭🇰真係無乜邊度有得食；撈麵嘅汁亦有多款選擇，沙茶醬、洋蔥汁、招牌豉油都係幾好撈🤭.跟埋飲品🥤都係$30嘅價錢實在好難得，搭多件多士就會夠哂飽😋。不能去計較裝潢同服務水準，坐位有限飯巿時間人頭湧湧㗎！

筷子記食咗好多次，今日中午去食，原來除了地舖，再隔離大廈一樓都有座位，我朋友話一樓嘅存在已經很久了。因為抵食所以中午都很多人，三餸麵包熱飲都只是$36，大大碗食得飽在中環地區都沒有什麼好挑剔了。不過人同人之間坐得很接近，想談天就不是一個好地方啦。

週末到中環改衫，一場嚟到，梗係要食下以前喺附近返工食開嘅餐廳。今次黎到筷子記，適逢到下午茶時段：兩餸麵$33，三餸麵$36，四餸麵$44，呢個價錢仲要連嘢飲。喺中環，用到呢個價錢食嘢真係好感動！今次食嘅係撈沙茶醬幼麵，餸來講就不過不失，特別一提係冬菇都幾入味，麵嘅份量都好多，真心抵食！但如果下次再嚟食就唔會揀沙茶醬，應該揀招牌豉油加辣。🍄🍄🍄🍄🍄🍄🍄🍄🍄🍄🍄🍄🍄🍄🍄肥仔波指數👦🏻：2.5/5分

完全係垃圾，門口大姐好似復讀機不聽講‘有位有位’，非常騷擾！點左菜20分鐘，都未黎。平時都好快，問下阿姐有冇漏單，一味話等等。等到半個鐘，再問，直接同我講：等唔到的話，不如你走好過。一肚氣，直接起身走人！我好理解人多要等多陣，冇咩服務可言，但係唔係咁樣的態度！以為自己老字號，做遊客生意，搏試完唔再返黎。不停擴充位，但係就完全冇增加人手。好似喂豬咁，仲趕你走。發誓以後唔會再幫襯！平時極少投訴餐廳，亦體諒做餐飲行業的辛苦，但係依次的經歷實屬難頂先寫係度。

最近開始喺附近返工 一到lunchtime真係人山人海唔想日日食南記 Openrice search到呢間小店好近我公司 即刻買嚟試下路面姐姐好落力話店入面有位 不過我自己一個就買返公司食自己比較鍾意湯麵所以叫咗個三餸米線湯米線湯底真係好淡味 睇返佢叫秘製澳門醬油湯底 味道真係幾寡 加咗小辣都係冇乜味 食呢間鋪可以唔洗試湯麵三餸嘅肥牛同香腐角都係一般般 金菇煮得幾淋都ok 米線太淋凍奶茶少甜少冰味道有啲淡 茶味唔夠濃Overall湯麵水準好一般 唔推介 但勝在算平 下次會試下佢嘅撈麵

星期六又系Fatbrown 出動覓食的日子 今日Fatbrown 特登系炎炎夏日下行到身水身汗，為的就系食到一碗出色的撈面舊式冰室嘅環境就預咗麻麻哋嘅，店面其實都幾細下，幾個食客一齊搭枱，大家都係快食完就走冇計啦，枱就係咁多咖喇，食完都唔好意思霸住人哋張枱啦，畢竟炎炎夏日出邊仲有好多人等<豬扒飽$18> 叫完嘢食好快就上齊，呢點好抵讚，好多老牌冰室此住人氣高，叫完之後又上唔齊野，吹兩吹仲要黑面講返個豬扒包先，豬扒好鬆化，而且炸到卜卜趣咁，加埋蜜糖芥茉漿，熱辣辣送入口一流<四餸面（冬菇、豬大腸、包心丸、雞翼）$44>四餸麵揀咗沙茶醬黎撈麵，沙茶醬好香好濃，撈麵食一流，食到最後簡直lam 乾淨隻碟豬大腸有輕輕炸過，又香又爽冬菇炆到好淋，又淋又入味，仲有四大粒包心丸陣味都幾特別，平時好少食OK嘅蘿蔔就稍嫌唔夠淋，可能炆得唔係夠耐，所以味道都唔特別入味

因為我第一次咁樣填呢張亂到打風的車仔麵紙📄畫完之後都唔知自己叫得啱唔啱🙈1️⃣沙嗲撈麵 (脆皮芝士腸，澳門包心卷，麻辣豬頸肉) $36沙嗲醬覺得有啲多，所以成個撈麵🍝就太過鹹身。麵質尚算可口，唔會食到有鹼水味。🥢芝士脆皮腸中規中矩，同平時食到嗰啲冇乜分別。🥢澳門包心卷原來係魚肉包豬肉。不過食落去就冇乜魚同豬肉嘅味，粉味比較重。同埋可能因為比沙嗲醬蓋過佢原本嘅味道。🥢麻辣豬頸肉豬頸肉炆得好入味，有輕微辣嘅味道。🙆🏻‍♀️美味指數:5.65/10💡整體來講，性價比一般，自己就覺得冇人地講到咁正，名過於實。

真係好耐無食筷子記，應該係自從離開無係中環返工後，好似都無黎過，咁應該有最少... 5人年?呢間係中環威靈頓街既小店，賣既係有澳門style既車仔麵同撈麵,問我邊隻最好味已經唔記得囉，因為真係太耐了，只記得要撈的!我好鍾意食魚肉，由其係呢尐無骨既XD 不過今日個水魷就好大陣味，但爽口既. 豬頸肉見到都覺得厚，我男人話麻麻. 豬大腸就正常囉. 仲有我既魚片頭咁，其實都無咩特別，只係個汁同個撈呢樣野btw, 今日個檸茶好味! 仲有，可能太餓，如果唔係之後有野做有野食，我應該可能點多碗XD

今日下午茶時段路經中環，咁啱係唔知食咩嘅情況見到呢間筷子記，見佢門口有咁多報道咁就入去試吓啦叫咗三餸面一個類似車仔餸嘅撈麵，仲有一個澳門代表美食既葡式辣魚包個撈麵就正正常常咁普通車仔餸既味，而個辣魚包都算好食嘅，辣辣地幾惹味。總括嚟講呢間野我覺得就不過不失啦，價錢來講係中環亦都係比較平嘅，絕對係糧尾之選

Lunch time 中環食咩好🙈🙈今日頹頹地決定食車仔麵。筷子記主打滷水汁，所以我揀咗瑞士雞翼、麻辣豬頸肉和生菜。雞翼水準幾高， 煮得好入味而且不會太老。而麻辣豬頸肉的份量亦頗多，足足有幾大舊。食咗咁多肉當然要叫返個蔬菜中和下啦，我今次揀咗生菜。食落都幾新鮮而且會有溶溶爛爛的feel。最重要的是三個餸加埋凍飲都係$39咋🤣🤣中環來講性價比都真係幾高嫁.🏠筷子記 (中環)中環威靈頓街85-89號群英商業大廈A1號舖

呢個星期食麵食到悶悶到，天氣又開始熱，想轉下食其他嘢。落到中環，想平平地食一餐，就揀左筷子記。午餐時間嘅筷子記好多人，一定要搭枱，見到午市有得叫澳門豬仔包。等左一陣就有得食，豬扒包即叫即整，都幾好食，仲加左杯凍檸茶，都係$40。

今日出去中環大館參觀,行左好耐人都肚餓,之後就去左附近搵野食經過威靈頓街筷子記 ,就同朋友入左去食今日就點左以下食物沙嗲汁魷魚雞翼撈米線(小辣)加熱奶茶,咖哩汁蘿蔔豬皮撈粗,熱華田沙嗲汁魷魚雞翼撈米線(小辣)-個汁都唔錯,魷魚就唔太夠味,但係爽口既,雞翼都幾正熱奶茶-茶香夠滑咖哩汁蘿蔔豬皮撈粗-個汁都出色,蘿蔔夠淋.豬皮就一般了熱華田正常野

這間麵店在中環多年，以澳門特色小吃聞名。而且是中環區少有定價仍然保持在$30-40左右，所以放飯時間必定大排長龍。這次我選擇下午茶時間來回味一下馳名的撈麵🤤🍽包心魚卷+咖喱魚蛋撈粗（沙爹醬）撈麵當然要叫粗麵才能吃到最多的醬了！而且我推介第一次吃的人一定要嚐一下它的沙爹醬，不僅量多，而且夠濃稠，非常適合撈麵。咖喱魚蛋也是另外一個必點，因為它的咖喱汁很好吃，所以加在沙爹醬會令味道更香、更惹味👍🏻我也非常喜歡包心魚卷，口感好像魚蛋一樣但是魚肉味會更重，非常特別！

夏日炎炎真是很需要飲凍飲解渴！最近有餐廳新推出了新的「可口可樂」特飲—海鹽柚子碧，即是雪碧加柚子醬和海鹽製成，整杯飲品很清新！夏天時候人真的超爽！這杯飲品因為加了海鹽的關係，令雪碧帶點鹹鹹甜甜的，很有趣的味道～而柚子醬就增加了雪碧的口感，柚子醬還毫不吝嗇的落得滿滿的！如果下次去餐廳食飯，不妨一試這款新的飲品! 之後就是撈麵啦！筷子記在中環來講很有名氣，其實就是車仔麵，可自選餸菜，建議揀鼓油加沙茶醬撈麵！汁料超特別，但又不會好咸，值得一試！