竹地館

營業中

休息中

先前已經聽過呢間良心💛店，今日經過土瓜灣終於有機會試下。潮香雞飯$30超過10件雞肉，加埋菜脯。雞肉夠滑，冇肥膏冇雪味，件件都食得入口，唔會好似有d燒味檔咁搭d下欄野。滷水拼盤$78 + 滷水鴨$20重頭戲滷水7拼，有腩肉、豬肚、豬腸、雞腎、紅腸、豆腐、雞蛋，勁勁勁大盒，超過4人份量，真係十級抵食。鴨肉入味，雞腎夠爽，其餘未算好濃，不過都絕對對得住呢個價錢。下次會再試下豬手飯！舖仔細細，不過乾淨企理。

因為好食又抵食，上次寫食評已經是一個月前，所以無違規哦！今日工作非常忙碌，做到 3 點才食午飯 late lunch.Hubby 話這個時候去竹地館不用排隊，哈哈！我們點了一個滷水拼盤，走紅腸加豆腐，然後一個飯，我問：仲有無湯？後生仔敬老，話送一個湯，我要求 2 個湯，我可以付費，然後他說：俾 2 個湯你啦！一個拼盤、一個飯、2 個湯，才收 $110。請看圖，多到好似小山，不再評價幾好味，因為之前已經寫了 2 個食評。我不是老闆，也不認識這店的老闆，只是街坊一名，喜歡支持小店 ！好飽，好滿足，嘻嘻 ！感恩 ！

星期六難得出城，途經土瓜灣，又好耐冇食滷水，上網見到呢間評價唔錯，就嚟試吓。第一次食，就買咗個滷水拼盤返屋企食。舖頭衛生情況都唔錯，有玻璃隔住晒，啲滷水唔會暴露喺街外面，呢樣野喺疫情底下尤其重要。唯一係姐姐切滷水速度比較慢。基本上樣樣都好味，如果叫我淨係揀一樣嚟買，都好難揀。腩肉係有帶軟骨嘅，老公好鍾意。腸、腎、豆腐都好食，反而係隻蛋味唔太夠。份量都好多，兩個人食都食唔晒，晚餐可以繼續。Send 相俾屋企人估下幾錢，大家都估最少要百一、二蚊。

自從 7 月朋友介紹來堂食加外賣，之後 hubby 就常常來外賣加餸，皆因抵食及好食。最初有點擔心他們不夠生意，因為位置凹了在內街，但好開心越來越多街坊認識這家小店，好多時候都要排隊買外賣，其實有堂食，裝修簡單、地方小小但乾淨，今晚 28/11 特別來堂食（不用洗碗）, 叫了一大碟我喜歡的滷水豆腐、豬肉、鵝掌、鵝翼 。。。及一碗飯，hubby 分了少少飯給我，他常取笑我晚上食飯份量就像 “餵貓” 第一次堂食有湯，年輕美少女笑笑說晚上就會賣曬, 當時有少少失望，因為口乾，我又不喝汽水，下次請廚師煲大煲 D 湯，謝謝

何文田朋友介紹，新開半年的滷水小店，車可以泊馬頭角道，大鄉里，最初找不到，原來在小巷。門面乾淨俐落，由三位年輕人主理。可以堂食, 而且地方乾淨，隨意點了鴨、豆腐、豬腩肉、豬大腸、一碗飯，及一碗湯，才 $49，而且份量不少。這個價錢，怎可以不支持 ？樣樣都好食，味道鹹淡適中，食材新鮮！突然 hubby 和我同時想起之前食過一家飯店什麼招牌餓乸 $308，那次簡直是笑話 ！吃飽飽，臨走時買了半隻潮香雞，$50 ！一定會再來支持 ！年輕人，加油 ！

係土瓜灣群組見到呢間滷水店，今天下午茶時間就到竹地館試吓午餐，兩送飯真心超抵$28就食到，加二蚊有例湯。$30食一餐係香港地買少見少，我今日試左滷水鴨加滷水豆腐二餸飯其實$30冇乜要求，味道可以，不過下次飯要少汁，唔係太多汁會口渴，湯偏鹹，但都可以，出面食個飯閑閑哋都五六十蚊，呢度$30食飽你，同埋店內面哥哥仔係同路人，平時收九點，今日特登開夜啲等啲人返到嚟有飯食，真係真心推介，平食之選，慳錢就黎呢度食。

以前係土瓜灣返學，好耐冇返過黎，今日同啊媽行過以前個細街市。見到開左間新嘅滷水店，見到價錢好抵，啲滷水逐件計都係十幾蚊一件，我去嘅時候仲有優惠，全部滷水9折，食物望落都唔差，就買左啲滷水同埋一隻沙薑雞諗住返去試下，買單都唔洗100蚊就兩盒野。夜晚食飯叮返熱黎食，發覺真係唔差，滷水味正宗冇酸味，點埋啲酸醋食仲開餵。沙薑雞40蚊一隻，又大隻又滑一家人食絕對夠。真係超抵食，下次再去土瓜灣一定會再幫襯。但係見佢地都冇乜人買，真係覺得幾可惜。

百物騰貴，自己煮仲貴過買外賣，近期在公司附近發現呢間良心小店，20蚊一個飯盒，最緊要係味道唔差，每日有唔同款式選擇，菜式會寫在櫥窗玻璃上。飯餸份量都很多，加2蚊可以有個湯，湯料十足，可堂食可外賣。最喜歡京都骨，肉質鬆軟，汁煮得很入味；排骨好似係用蛋液粉漿包住炸的，不會太乾，裏面都好juicy。竹地館嘅滷味都好好味，唔會過鹹，我經常會買豬肚和豬脷做餸，好有咬口，但滷水牛肉偏硬。每日有唔同特價，試過25蚊特價沙薑雞飯，有成半隻沙薑鷄。蘿蔔牛腩係常設菜式，蘿蔔同牛腩都煮得好入味。

不止何時開始，這裡成了我和同事的飯堂，每天都和她結伴來買外賣。也許疫情緣故，一開始吃的時候一盒飯的價格才18元，加2元還會有足料例湯。以前店裡是以買鹵水為主，現在還有家常菜式供選擇，款式多樣，味道也不錯，一餸飯才20元，每添一餸加8元，簡直是良心價。店鋪像是家族生意，店員服務態度也很好，非常推薦這家店，期待有更多的菜式供選擇，不過千萬別加價哦！

今日去食個鹵水鴨飯，本來30蚊，收錢時竟然聽到話鹵水鴨飯有特價:18蚊，我沒聽錯係18蚊。疫情關係店員细心的送上小雞皮袋比我放口罩，感覺貼心。碟鹵水鴨飯味道正常，但加左海带做伴菜有少少特別。間食肆由於新開，地方乾淨整潔光猛，食物感覺上也乾淨，加2蚊仲有例湯飲。由於特價咗，我就另外比多15蚊加多隻雞脾做餸，食得豐富d，雞脾味道比鹵水鴨優勝，雖然鹵水汁輕輕鹹了點，但不太影響整體感覺，我下次仍會幫襯良心小店。

聽聞呢度雞髀飯好抵食，嚟到見到腩肉，鵝翼同豬腸，想試咗先，於是乎試咗3拼，肉質鮮嫩，滷水入味，加兩蚊仲有例湯，湯熱拉拉，天氣凍凍地飲好暖胃，3拼加埋例湯38蚊埋單，值得一試

牛肉滷蛋飯😎$18新開小店☺️行過見到，有優惠，即刻試試😉有8片滷牛肉😝加埋一粒滷水蛋🥚滷得幾好食😘牛肉有咬口👍而且一啲都唔韌😋滷水雞髀飯🍗$18之後再去先知佢哋原來有堂食😂繼續有開張優惠😁今次試吓滷水雞髀先🐔雞髀都好大隻💪而且滷得幾入味👍肉質又夠嫩滑😘夠豐富，好抵食呀🤩竹地館 (土瓜灣)土瓜灣馬頭角道50號迎豐地下