竹園台式火鍋飯店

營業中

休息中

熟食中心有驚喜位於漁灣村既熟食中心，平時經過都係買下衣物，今日跟朋友去發現柳暗花明，係樓上有個咁大既火鍋飯店。呢間餐廳應該新開，見好多街坊光臨，也有火鍋同小菜可點。今日兩個人嗌左馬友魚兩煮，起肉蒸蛋勁滑。而個骨就炸左用避風塘炒。蕃薯粒牛肉粒彩椒，好惹味同脆口。魚唇魚魚時蔬，勁靚仔既美味魚湯。仲點左三杯雞。每個小菜材料新鮮，而且大大份。難怪咁多人幫襯。見到附近既人都係食打邊爐，心諗d湯底好似幾正。同埋廚房可以一次出哂兩邊既食物好勁。

今日來到柴灣漁灣熟食中心頂樓新開既火鍋店竹園台式火鍋飯店，本身呢間o係北角做雞煲做到街知巷聞，今次開來柴灣做打邊爐，即刻約朋友來試下，打邊爐當然係選湯底，我選左個……黑白美人養生鍋 $168湯底其實係花膠藥膳配 竹絲雞，湯底直接攞來飲都可以，花膠煮到成個湯好滑 ，飲落去好滋潤，另外花膠都好多片，好足料，絕對無叫錯，呢個湯底絕對推介手切封門柳 $118大大碟牛柳肉 都係$118，呢d部位出去d尖沙咀 銅鑼灣火鍋店叫起碼兩百四五蚊一碟，呢度食絕對抵食，牛肉呢個位食落去油脂同瘦肉分明，牛味十足，又勁彈牙 ，推薦蝦籽蝦滑 #75蝦滑配上蝦籽，食落去單比蝦滑多左份鮮味口感，蝦滑來到個份量都幾多，呢個絕對抵食招牌四寶餃 $88好似有蝦餃，菜肉餃，仲有咩就唔記得啦，不過都約足料，好食，咬落去好 juicy炸噹噹 $48呢個一定要叫，其實係響鈴來，最主要佢唔係用 現成既，佢係即炸，好香口，好生鮮，推介就算係咪住o個邊既，都可以來試下，平民價錢材料生鮮竹園台式火鍋飯店 網址: https://s.openrice.com/QrbS0jfSB00~uogh6Aw地址: 柴灣怡豐街33號漁灣街市熟食中

柴灣新開的大排檔，有各款火鍋同小菜，價錢中等，食物質素不錯，上菜速度快👍🏻 店舖夜晚氣氛十分熱鬧，環境新淨 空間寬敞 座位多，適合家庭或一班人聚會，飲杯啤酒放鬆吓🍻 啱哂柴灣嘅一眾街坊☺️☺️人均消費：$300 以下（十分飽肚溫馨提示：週末晚上7點後會滿座，請提早預約/攞位。另外餐廳空調較大，建議帶外套🙆🏻‍♀️💖═ ═ ═ ═ ═ ═ ═ ═💖💖💖食評💖💖💖火鍋配料選擇非常多，有各款冷盤、牛肉、刺身、燒烤小食、丸類、粉麵類、蔬菜及飲料提供💁🏻‍♀️ -🍲薑母鴨鍋 (半隻BB鴨) ($168)✨ 本店招牌火鍋，的確不錯，好少見有得食鴨鍋😍 湯料豐富，有好多椰菜、姜片同香蔥，鴨肉很入味，二人食份量剛剛好😋食法：先食鴨肉，再加濃濃的湯底打邊爐🥩手切牛頸脊 ($138)✨ 必點！牛肉口感一流，亦切得很厚身👍🏻🥟招牌四寶餃(韭菜餃 • 鮮蝦雲吞 • 松露蟹餃 • 雙黃魚餃) ($88)✨ 全部人手製作👍🏻 餡料份量多，味道亦不錯，特別一提 松露蟹餃十分好味，黑松露味很濃郁😋🦑蟹子墨魚滑 ($75)✨ 好大杯的墨魚滑，可以分到20粒以上，十分抵食👍🏻 口感爽口彈牙😋🦆鴨肉丸 ($58)✨店員推薦的新款式

鹽酥脆脆菇 $72用了五味粉灑在外皮，搭配相夠火候的油炸既菇菇，不用很擔心十分之油膩，因為五味粉索去了外面多餘嘅油味，加上味道，脆脆的外皮有多汁的菇菇，簡直是火辣的純情女郎砂鍋雲吞雞 $128大鍋的雲吞雞，材料豐富，有很多粒的雲吞，又多肉多汁的雞，最適合大食的三五知己一齊叫一鍋，大家一齊分一杯羹，又有大大粒既雲吞又有雞，而且碗湯仲可以飲落去，有種爽既感覺，忘記咗雲吞有足料既內涵鮮甜豬潤浸花甲 $148鮮甜美味既豬潤，細心嘅廚房，仲要將佢切細，唔會有大大嚿嘅豬潤，為大家過分嘅口感，只有適可而止嘅恰到好處，相反花甲就充滿肥美，每一口都有嗒海鮮嘅清新，適合喜歡食海鮮嘅大家可以補一補

首先價位極不合理，屋邨熟食市場二個人冇食過野咁濟買單都五舊水，淨係湯底開爐費已經200，照完嘢食等成10幾分鐘先來湯底，個湯鹹到不得了，同店員講，店員都話今晚見有好多客人投訴個湯太鹹然後主動同我哋換湯，可以證明個湯底好有問題。真係諗唔明一間火鍋店連湯底都搞唔掂可以收人咁貴價錢，而且好多食物已經放進湯裏，浪費晒啲食物。叫左一盤菜一碟牛少少丸，食物質素好一般，但價格非常進取，完全唔係屋邨熟食市場該有的價位，完全諗唔明點解比呢個價位要喺漁灣街市食。

今日同朋友嚟試吓位於漁灣街市熟食中心一間新開的火鍋飯店，這裏裝修環境寬敞，冷氣充足，好有大排檔的風味，餐牌上有小菜同火鍋，店員就為我哋推介幾個特色小菜，冰梅骨小炒王，飛天通菜煲，黑椒牛油脆骨腩，欖角扭扭鱔球，奶油威士忌牛仔肉，川味豬手等！樣樣炒得好有鑊氣，你最鍾意食佢嘅冰梅骨，啖啖肉，咬落酸酸甜甜好香口。另外欖角扭扭鱔球，魚肉炸得外脆內嫩，加入欖角一齊炒，好惹味😋黑椒牛油脆骨腩，炸到脆卜卜，好香脆可口，黑椒帶點微辣，食唔停口👍啤酒一流！

平時睇食評睇得多 寫食評真係第一次，因為真係好嬲 ， 看了menu已經覺得貴 ，雖然牛肉牛丸係幾好食 但叫了一個招牌四寶餃，粒雲吞個皮超厚， 差到冇得再差 另外我叫了冬粉， 問想轉刀削麵得唔得， 佢幫我換咗， 後來發覺原來價錢不同， 諗住埋單果陣再睇有冇改返， 我埋單嘅時候我同佢講 我哋冬粉轉咗刀削麵，佢即刻話取消了冬粉啦!， 看了一下以為沒問題便埋單了，走了之後再看一看張單，怎料他竟然沒有取消冬粉( 看漏眼😭😭😭😭)， 真係嬲到爆總結: 員工態度差又寸， 地點系街市湯底都要百幾蚊唔值， 菜籃追了兩次才有😕😕 ，客人换嘢食，唔幫人改單仲要同人講改了單😡😡😡

味道：偏鹹(應該話好咸先啱！)不過人人口味唔同，不過就真係勁咸，非濃環境：張凳有背靠，好過好多熟食中心，但冷氣極凍。。。凍到雪房咁！無誇張份量：正正常常價位：⋯⋯唔貴吖(如果好食更貴都冇問題)服務：都唔會期望有服務，有啲幾正常，有啲好怪(所以應該咁先係正常)未必會回頭了⋯可惜區內真係無咩好選擇，坐得舒服嘅，乾淨企理。其實只要你唔怕凍，唔怕鹹，其實佢係100分㗎！唔難食，只係真係好鹹推介：新開咪試吓囉

記得以前細細個讀中學嘅時候都成日嚟呢個漁灣街市打邊爐😋今日重遊舊地，發現佢成個漁灣街市都翻新左🤩好多舖頭都轉型，入到去，第一眼就比呢間竹園台式火鍋飯店吸引，因為喺舖頭嘅位置有好多霓虹燈牌，好有特色，亦好新淨，同屋企人一行四大一細就坐低咗啦🥰店員同我哋推介薑母鴨煲，原本以為係好似打邊爐咁，一嚟就烚吓烚吓，點知原來係同雞煲嘅玩法一樣喎，都係先食咗入邊啲料，食到咁上下，先至加水打邊爐😝個湯底超濃郁好好味，越煮越入味添我哋仲叫咗一碟牛頸脊同埋封門柳，牛頸脊就有咬口啲，封門柳就厚身啲，軟熟啲，兩碟都係好重牛味，全家都對呢兩碟牛好滿意🤤然後再叫咗個四寶，有八粒，四款味，古法鯪魚丸，梅菜豬肉丸，芝士墨魚丸，鵝肝牛丸。我自己最鍾意就係嗰粒鵝肝牛丸，第一次食呢個配搭，啱晒啲鍾意食鵝肝嘅人，另外一個鍾意食嘅就係芝士墨魚丸，芝士冇得輸，配咩都係夾😙我覺得好食過普通芝士丸添再特色啲嘅係個蝦滑，佢上邊有啲櫻花蝦之類嘅嘢，煮熟咗就好似食緊蝦米咁，好香口，同埋好有咬口，口感好豐富唔講唔知，原來佢仲有小菜食嘅，不過今日就太飽啦食唔到，下次再試啦🥰竹園台式火鍋飯店 (柴灣)柴灣怡豐街33號漁灣街市熟食中心1樓CF10號

今日同大大來左柴灣呢間台式火鍋飯店食飯，呢到地方好闊落，好岩一大班朋友來吹水飲酒食飯，原本諗住喺街市熟食中心食飯會好熱，原來呢度啲冷氣好犀利架😬所以怕凍嘅朋友記得帶件披肩，佢呢到主打係打邊爐，我見佢地整左新野(臨時中菜) 所以試吓😋𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌✍︎︎青芥八爪魚沙律☞︎ 超大碟，青瓜新鮮爽脆，啲八爪魚勁鮮味，同平時放題個啲八爪魚差好遠😆台仔三柸雞☞︎ 上枱嘅時候重出煙🤤即叫即整，雞肉勁嫩滑，整出嚟嘅味道濃而不鹹水煮牛什☞︎ 超大窩，入面有薯粉，萵筍，芽菜🤭呢啲全部都係我鍾意食嘅野來，勁多牛什，我平時唔食牛腸，但呢個牛腸你地一定要食，佢清得好乾淨，唔會入口成口肥膏，食得出好香嘅牛腸味🤭我食左四舊🤤米通鯪魚球☞︎ 呢個又係超好食，佢地自己手打嘅，再加埋外層米通落去炸，口感更加好，點埋佢個蜆芥醬🤤一流椒鹽雙魷☞︎ 即叫即炸，熱辣辣大大條，炸醬勁薄，點埋喼汁食🤤正

因為我嫲嫲以前住喺呢度附近，所以由細到大都成日喺呢度聚餐，而家都一段時間冇上嚟呢度食野，今日同朋友約左柴灣，我就上黎搵食，好中意呢度既風味同回憶🤓本身想過嚟呢度打邊爐，但原來佢都有小菜，唔知點解成日都覺得大排檔食中菜特別好食，可能係夠鑊氣🔥-冰梅骨 $95肉質鬆軟又多肉汁，完全唔會乾，食落又有少少焦糖香既味道～酸酸甜甜好開胃🥰-奶油威士忌牛仔肉 $156冇諗過大排檔都食到西餐嘅質素，感覺係慢煮整嘅，食到廚師既心機喺裏面～牛肉好軟嫩多汁，之前喺出邊食呢個質素都要二百幾，呢碟性價比高👍🏻👍🏻-冰鎮秋葵（冷）$58見到都覺得好得意，一條條秋葵插住😂不過冰鎮住食真係爽啲，仲要點埋佢準備既芥末豉油，好夾👍🏻👍🏻-韭菜脆豆腐 $68聽講係佢地自創既呢道菜式，佢本身好似椒鹽豆腐咁表層又夠薄脆鬆化，豆腐好滑，加埋韭菜汁鹹鹹地，好特別🫢-尖椒雞雜小炒王 $95尖椒好惹味，但相對有少少辣，要食得辣先好叫呀好過癮架🤣雞雜姐係雞內臟，送酒一流🍻

好唔掂的大排檔，無下次。漁灣街市樓上新開張一個月左右，星期六同太太過嚟食晚飯，點知食到一肚氣。大排檔格局，嘈就預咗，有得揀食小菜或打邊爐，兩個人簡單叫了三個小菜。先來一枝大藍妹，戰鬥碗上，夠冰凍，估唔到全晚最正就係呢杯啤酒。👍第一道餸「冰梅骨」：等了差不多30分鐘先到，碟餸打風咁，唔明點解叫冰梅骨，我預期係凍嘅梅子排骨，點知上枱即不是凍食，又沒有梅子味，食到係熱嘅欖角蜜糖排骨。排骨好細粒，太乾身。👎👎👎之後無耐上了「椒鹽雙魷」：雙魷即是乾魷魚及新鮮魷魚。我和太太都不太欣賞，普通質素，食唔到大排檔嘅火候和風味，又係太乾身。👎👎👎最後呢碟「鹹魚白菜仔」先谷氣，兩個餸食晒都未到，先後嗺咗兩次，足足一個半鐘先上枱。唔係太太每餐都要食下菜，一早Cancelled 咗。幾條白菜仔，搭少少鹹魚炒，底有啲鹹魚都未切碎，完全冇心機炒。👎👎👎👎👎街市樓上大排檔，價錢唔算平，但冇質素，仲要漏單，不會再幫襯。