稻香.茶居 (鱷魚恤中心)

適逢有家人從外地歸來，想食中菜，呢間酒樓都算經濟實惠，昨晚雖然酒樓人多，但服務態度都幾好，員工親切又細心。有自助冲茶機，菜式選擇多樣，有孖寶優惠，味道地道又鮮美，份量適中，價錢合理。環境乾淨，食物出品速度正常，適合平日同朋友或家人輕鬆聚餐。整體體驗令人滿意，下次再嚟都會揀佢。🍽️今餐晚飯，叫咗清蒸東星班、叉燒、清炒勝瓜、咕嚕肉、椒鹽鮑魚和清蒸鮑魚。最後用壽包作完美的句號。今歺我覺得椒鹽鮑魚同咕嚕肉都好惹味，清炒勝瓜好清甜，蒸魚都可以。知道他們有個優惠叫早啲開飯優惠（好似2人套餐）、打邊爐（正價時段已經有折扣優惠）相當抵食下次可以試吓…查看更多

觀塘鱷魚恤九樓稻香出品真係名副其實…平靚正，好食，抵食，環境不錯，乾淨企理，服務態度好，細心，周到，又可以提前預定獨立房間飯前玩幾鋪麻唔使另外收費，我唔使買送自己煮咁辛苦喇，住在附近可以當飯堂喇…查看更多

今日夜晚同老公去觀塘稻香打邊爐， 王牌必試花膠雞湯， 湯底濃郁鮮甜，花膠嫩滑，入口即化，滿滿膠原， 重要半隻雞比你, 肉細嫩多汁，配料選擇豐富，點了鮑魚、冬菇、，魚片， 牛肉 ， 吊桶 ， 鵝腸， 鮮蝦，豆腐卜生菜 。手切牛肉鮮嫩，吸收湯汁後更加香濃。鮮蝦好新鮮 鮮甜。整體食材新鮮，湯底正宗，適合一家人或朋友聚餐，環境寬敞舒適，服務貼心， 仲要九點去食 湯底半價， 其他打邊爐配料三折， 打邊爐嚟講都算抵食， 如果諗唔到食咩可以不妨一試👍👍👍👍…查看更多

個“早D開飯”算係抵食嘅，二人餐份量都算係咁，絕對食得飽但係我地3個人，所以叫多左個孖寶味道都唔錯架，係個炒蜆有半碟都係殼者，介意嘅就要叫其他餐啦，仲有其他選擇…查看更多

我們9人去飲茶，因為人數多被安排在房間內。見到有電視，我們問店員可不可以開電視去看，她說要包房才能看電視，飲茶看電視不是正常的嗎？真是第一次聽這回應。服務有待改善，看來培訓不足。有電視機但不提供給食客都是第一次經歷，太令人失望。雖然食物都可以，但服務體驗不好。:(其他食物都是一般，可能心情被影響。到去最後，去櫃檯付錢時，態度都不太好，唔知點解，個個服務員都好似好躁。應該都不太建議再去，即使食物都過得去，但服務真心不好。…查看更多

🍽️ 呢度啲食物真係唔掂。我哋叫咗幾款主菜，結果每一款都係真係難頂!!!! 請問係點做到ga?仲要去個樣冇個樣...但係又照比menu你點...從未食過咁難食ge雞煲..個煲都唔夠火候，雞同d汁好似係分開咁...雞係冇味..真係一啖都食唔落。服務生嘅態度都唔係特別好禮貌，冷淡。我哋等咗好耐先有人理，成個用餐過程真係好唔愉快!聽到附近d客都係到投訴緊...無論係食物、環境定服務都非常差，絕對唔好去呀大家!!…查看更多

飲早茶限時半小時 完全係將散叫自助化 利益最大化 香港人飲茶係大家坐係度傾下計食下野 放鬆下依家等佢上晒点心都用20幾分鐘 即係有一小時俾你食 等同返工食午餐 高消費低服務 以後不會再來 提醒下 全棟鱷魚恤大厦的酒樓都一樣 建議大家去飲茶先三意…查看更多

今日放假去左觀塘鱷魚恤稻香飲茶星期一至五有孖寶優惠 $19就有兩個點心 食左鴛鴦症燒賣同黑松露鮮蝦粿另外嗌左前薄撐 大大份切開4件 早市點心有六折優惠乾貝雲片肉嫩雞煲仔飯 熱辣辣食完暖粒粒 $18.8已經有個煲仔飯飲早茶嚟講真係好抵食 三個人$200蚊唔洗都食到好飽炸雲吞好脆…查看更多

周不時都會去呢間飲吓茶食吓嘢，最方便嘅係每張枱都有一個自動上水機，夠晒方便，大家都知㗎啦，有時忙起上嚟都冇人嚟加水，所以我覺得呢個做法幾好，qr code落單方便快捷，點心方便蒸嗰啲幾好，不過炸嘢就一般。整體嚟講算佢合格啦。…查看更多

今日去稻香飲茶，環境是不錯，大部份待應都態度正常，唯獨到最尾嘅收銀員，問佢積分優惠係點用，答極都淨係講一蚊一分，根本就唔想回答客人問題，淨係顧住同自己同事講埋啲無聊野，我問得呢個問題當然係諗住再幫襯，所以想知啲積分係點用。客人不停問就係你根本答唔到佢問題，最後重用啲惡劣嘅態度話個客無問佢，話番佢你唔早講，好似想跳出來同我對罵咁，真係大支野，既然你哋態度係唔休做，我都要成存你地，所以唔會有下次、你哋請到呢啲員工真係有福氣，包你啲員工唔會做到勞損。整體來講，呢個價錢根本有好多其他選擇😡😡😡…查看更多

我最近就去咗呢間茶樓食過,真係唔錯呢! 首先要推介嘅係佢哋個沙薑雞!雞肉又嫩又滑,再加埋濃濃嘅沙薑味,好香好味! 不過隻雞有啲肥。另一個要推介嘅就係瑤柱蛋白炒飯。 白米飯同蛋白混在一齊,好係啱中下午想食啲清淡嘢,但仲要飽肚嘅。濃郁嘅蛋香配上瑤柱嘅鮮味,真係一絕啊!再來食吓佢哋個炸魷魚喇!魷魚切成條,炸到外脆內軟,入口即化,我真係忍唔住又食咗好幾件。呢度啲魷魚特別大條。最後就係燒賣同小籠包啦!燒賣皮薄餡多,入口即融,小籠包個皮QQ,湯汁又sweetly夠味。真係味道好正,又吸引人下去一大份!總之呢間茶樓嘅菜式真係特色十足。…查看更多

26/5去食晚飯 眼見地方乾淨無乜人 係門口見做特價清蒸松業蟹 $398 話有兩斤重 都想試吓食坐低 伙記就極力推介食松業蟹套餐$450左右 有松業蟹配上湯伊麵 加咕嚕肉 見伙記友善 客客氣氣咁推介 好喇 就叫呢個套餐喇食物一上枱 眼見一大堆槳糊倒在蟹面 松業蟹炸到乾哂身 肉痴實蟹殻 根本食唔到肉 無理由新鮮蟹會炸到咁 啲汁似即食麵湯包味 好難食 咕嚕肉係一大堆肥肉 唯一可取係個燉湯及乳鴿 埋單$570 松業蟹個碟野正一垃圾食物 咁嘅時勢 唔做好食物 唔好怪人北上消費 😡…查看更多

去到觀塘想飲個早茶 之前都有食過呢間 不過食物質素好似冇之前咁好 不過咁岩撞正六折特價時段 都幾抵食 而家係自己掃QR code落單 對後生嚟講都幾方便 不過就少咗服務嘢食都ok 款式種類都多 唔知係咪因為平日嚟 酒樓都冇乜客人 比較靜 坐得幾舒服…查看更多

一家人聚餐，有老有嫩，中式晚餐唔少得我哋喜歡到稻香茶居包房，不受外界騷擾阿拉斯加長腳蟹，份量十足。巨大長腿，啖啖都係鮮甜嘅蟹肉小朋友最愛嘅菠蘿咕嚕肉，酸酸甜甜加上脆卜卜口感仲有脆皮乳豬，大時大節必點菜式。飯後來一碗芝麻糊，養顏健康…查看更多

0服務！！😡😡😡😡經理好似有份賺錢咁，咩優惠都收收埋埋特登賺客多啲錢，收貴你！！！要佢服務你就完全扮睇唔到🙊🙊🙊🙊🙊🙊入呢間店要預左咩都自己黎！一入門口無人帶位搵職員就話自己揀位等揀完位坐好哂～另一個經理就突然叫我地轉位！話我地坐果張係大枱！？ 晏啲會有客黎（結果到走都仲有大把位）留意返當時有成一半枱都係空而且隔離位都係咁坐（經理聲稱人地入得早）而且擺碗都符合我地人數（經理即叫待應大枱要補返5-6套碗，唔係既話人地會坐左） 比說話我地聽然後轉完位就變返0服務枱到無點餐紙自己唔識去收銀拎 就唔會拎到早茶優惠經理會叫你掃QR落貴野，唔會自己比優惠時段紙你更加唔會提起茶壺方面用新式壺禁制電子爐自動加水煲水完全無人說明一下而且蓋好熱！大意既話會辣親！！隔離枱後尾黎左一組客人同我地一樣未黎過 唔識用但唔會有人幫你！ 我地直頭教埋隔離台用🌚🌚🌚食物一般埋單果陣多口問先知原來指定時間前離座有折當然亦都唔會有人提你！！最終都係比人陰左😡…查看更多