影片
更多
2021-09-25
185 瀏覽
話說噚日係中秋佳節，大家食左幾多月餅呢 ?? 我就當然要趁呢個日子同屋企人一齊渡過，一齊食飯做節，大家趁機相聚一下。事前我地已經 BOOK左枱了，但噚日應該太多人都做節關係，我地只能安排 6點幾呢個時段，幸好大家都提早收工，可以趕到。首先入場時果然真係好熱鬧，疫情之下都好耐冇見過咁多人的場面了，咁我地就安排左一張唔細的枱坐低，每張枱都有個水壼連倒水為一體的裝置，職員表示可以將洗碗的倒落去，我覺得呢個做法唔錯，可以減少呼喚職員的次數，值得一讚！💋鮮果咕嚕肉，首先一黎就上左呢碟餸，唔知係咪擺耐左關係，佢溫度唔太夠熱，算係室溫狀態，幸好佢啖啖肉，唔似有D用排骨製作，要吐骨，唔夠優雅，味道方面都幾好，唔會太酸，最有驚喜反而係拌碟的菠蘿，一食首先覺得好冰凍，好特別，食落好甜，甜到好似食緊地X罐頭的程度，但我鐘意XD，小妹好怕食酸野，呢個伴碟反而好似係主角咁成為大家爭奪的目標LOL。💋海味雜菜煲，份量好多，菜菜的款式又豐富，噚日的配搭係娃娃菜，小棠菜，西蘭花同菜心(唔知配搭係咪日日唔同呢) 岩晒我呢D同菜菜做朋友的孩子，佢中間有D粉絲，似有經過加工處理，呈現出啡啡地的顏色，但食落唔太覺，係心理感覺
話說噚日係中秋佳節，大家食左幾多月餅呢 ?? 我就當然要趁呢個日子同屋企人一齊渡過，一齊食飯做節，大家趁機相聚一下。事前我地已經 BOOK左枱了，但噚日應該太多人都做節關係，我地只能安排 6點幾呢個時段，幸好大家都提早收工，可以趕到。首先入場時果然真係好熱鬧，疫情之下都好耐冇見過咁多人的場面了，咁我地就安排左一張唔細的枱坐低，每張枱都有個水壼連倒水為一體的裝置，職員表示可以將洗碗的倒落去，我覺得呢個做法唔錯，可以減少呼喚職員的次數，值得一讚！
💋鮮果咕嚕肉，首先一黎就上左呢碟餸，唔知係咪擺耐左關係，佢溫度唔太夠熱，算係室溫狀態，幸好佢啖啖肉，唔似有D用排骨製作，要吐骨，唔夠優雅，味道方面都幾好，唔會太酸，最有驚喜反而係拌碟的菠蘿，一食首先覺得好冰凍，好特別，食落好甜，甜到好似食緊地X罐頭的程度，但我鐘意XD，小妹好怕食酸野，呢個伴碟反而好似係主角咁成為大家爭奪的目標LOL。
💋海味雜菜煲，份量好多，菜菜的款式又豐富，噚日的配搭係娃娃菜，小棠菜，西蘭花同菜心(唔知配搭係咪日日唔同呢) 岩晒我呢D同菜菜做朋友的孩子，佢中間有D粉絲，似有經過加工處理，呈現出啡啡地的顏色，但食落唔太覺，係心理感覺好食D咁。而佢份量多到食到埋單前都仲食緊，哈！
💋翡翠炒帶子蝦球，呢碟好似平時去宴會時都會食的餸，有點懷念！佢D荷蘭豆份好甜，係冇細心咁去邊，不過諗到呢個價錢，都唔能夠要求太多了。帶子份量有點偏少，但食落都唔錯，一般水準啦，如果多返一兩粒會好好多囉！
💋上湯龍蝦伊麵，龍蝦伊麵的最好朋友係咩 ?? 唔使問當然係上湯，由細食到大都係咁食，別無他選！隻龍蝦睇落都幾大隻，肉質爽口彈牙，處理得唔錯，肉的份量都幾多下，我地一行5人都分到2~3舊左右，唔錯的了。而伊麵方面佢應該加左牛油去烹調，所以食到淡淡的牛油香，咁配搭都幾好，麵質方面都唔錯，唔會一夾就斷，所以我見差唔多每枱都必有一碟咁濟。
💋紅燒乳鴿，之前佢有做過特價，當時都冇咩機會去食，咁岩做節，就叫返幾隻黎食下XD。佢應該先鹵過後再炸再放左一段時間。首先食落唔算太熱，有點過鹹，又唔太夠脆。可幸的佢附上一碟喼汁可以為佢挽回少少分數，兩者配搭唔錯，食落層次豐富左，唔會得個鹹字，同埋唔好睇佢好似好細隻咁，其實都幾多肉下。
💋茄子班腩煲，我好怕食D班腩係一舊肉咁炸出黎，食落雪味好重下，又唔知係咪真‧班腩。而呢個就唔係，佢係真係一條魚咁斬出黎，雖然多骨，但至少食唔到有雪味，算唔錯的了，而上菜時個煲邊仲有D”滋滋”聲，間接證明左係岩岩煮好就上枱，但味道就稍為過鹹，如果淡返D會更佳！
💋火燙燒鵝皇半隻，千呼萬喚至出現的燒鵝皇終於出場！我地食到尾聲，問左好多同事至出場的燒鵝都幾大隻下，就算同隻大手比都唔會顯得好細，果然等待係值得的！佢呢隻肉質厚實，味道真係同鴨有好大的分別！CP值極高，不過就見到佢皮同肉之間的脂肪層都唔講得笑，只好合埋大眼放晒入肚就算數，要
懺悔留返第日吧，今餐食完至算！
張貼
