稻香 (蔚景園)

2025年9月5日 星期五終於放完大假呢幾日開始返工真係有啲攰，而且天氣實在太熱，連屋企人都無心機煮飯，於是乎夜晚直接出街食飯最後選擇左稻香既晚市，因為餐廳到8點半後入座火鍋湯底有半價優惠，而且其他食物都只係3.8折，真係抵到爛，回歸90年代既價錢，所以就決定齊齊打邊爐同場仲有小活動環節，只要$48就可以參加一次，需要30秒內用單手任拎啤酒，能夠堅持10秒就得，拎幾多支就送幾多支，而且如果拎到7支就可以另外用$9.9加購一隻新鮮龍蝦添，真係好吸引我哋當然唔執輸即刻排隊參加，最後都好彩成功拎到5支，平均每支啤酒都只係$9左右，夠抵飲講返個火鍋，我哋要左菌皇竹笙鍋，一打開蓋就聞到陣陣菇香，湯底清澈但味道濃郁，而且帶有淡淡草本氣息竹笙爽脆，吸收晒菇湯精華，各款菇類都層次分明，口感由嫩到彈，齒頰留香，飲完湯有種身心舒暢嘅感覺唔洗幾耐所有野食都已經到齊，十分豐富，擺滿晒成張枱當中最吸引既當然係呢個安格斯牛盤，除咗因為價錢由$168到現在優惠價$68之外，牛肉切得薄而均勻，油花分佈靚到好似大理石咁，落鍋一燙即熟，入口嫩滑得嚟又唔失牛味，啖啖都係肉香同脂香交織嘅享受配埋牛筋、牛肚同肉丸，口感層次豐富，好似黎左一次牛肉界巡禮咁之後有五福蔬菜籃，色彩繽紛又新鮮，菇菌香氣自然，粟米甜得嚟又有啲脆，南瓜綿密帶些微甘，白菜爽口唔澀，仲有啲生菜同蕃茄點綴，落鍋一煮，湯底即刻升級，清新得嚟又唔失層次，啱晒打邊爐時平衡油膩呢個係半隻地雞，雞皮呈天然黃金色，睇落已經好吸引淥熟之後，雞肉嫩滑得嚟又有咬口，唔會粉粉地脂肪分布平均，食落唔油膩但又夠香，冇腥味，啖啖都係雞味，唔靠醬料都好好食最後由左至右分別係手打蝦滑、墨魚滑同手打鯪魚滑，蝦滑入口爽彈，蝦肉鮮甜得嚟帶少少海水味，咬落去有啲爆汁感，唔使點醬都夠味，啖啖都係真材實料，而墨魚滑就質感煙韌，咬落去有啲彈牙，味道偏清淡但有淡淡海鮮香，啲墨魚粒粒分佈平均，口感層次豐富鯪魚滑則比較粗獷，魚味濃郁，仲有啲微微嘅薑香，口感冇咁滑但好實在，啲魚骨已經打碎晒，食落唔怕卡喉埋單五個人都唔使$600，真係好抵食！！…查看更多

都好耐無得閒飲過下午茶，難得今日放假有時間一於嘆個特價下午茶，嚟到沙田呢間酒樓接近兩點攞飛，兩點準時派枱，都係得廿人等候，但派枱相當慢，一個個派，派咗15分鐘先派到我，雖然酒樓大把枱，但一個人指明係搭枱入座，都唔緊要叫嘢食。叫咗個孖寶星級燒賣，原來唔係普通燒賣，有3粒，帶子燒賣、鮑魚燒賣、黑松露燒賣各一粒，燒賣入面包有冬菇幾惹味，黑松露嗰粒就無乜黑松露味。蒜蓉魷魚桶應該係急凍唔多新鮮。翡翠蝦腸蝦仁有蝦味幾大隻，包翠玉瓜，我就覺得包韭黃好食啲。北菇綿花雞，雞幾滑，魚肚就有啲硬，仲有啲乾身。整體各樣食物味道都幾一般，唯獨壺香片茶幾香幾好飲。…查看更多

夜晚睇完戲同屋企人去左稻香打邊爐， 咁啱原來八點半後做緊優惠，勁抵！！火煱煱底半價，其他配料仲要3.8折！ 仲有48蚊一手任攞藍妹啤酒遊戲玩！ 只要拎住hold到10秒就得！屋企人都勁興奮！拎到唔同支數嘅啤酒，仲可以用優惠價食龍蝦！ 我哋因為驚飲唔曬，費事浪費所以只係攞咗5支！ 仲要後尾先發現可以用優惠價叫龍蝦真係蝕咗！火鍋方面， 必食抵到爛之選有$68 安格斯全牛拼盤！四個人可以叫兩盤！ 食物比圖片仲要誇張， 叫咗之後完全唔使叫其他肉！ 安格斯肥牛肉、新鮮牛肉、安格斯牛肉粒、牛肚牛筋、牛丸等等都有齊！仲要係好食！ 安格斯牛柳粒就算落咗好耐好耐都唔會靱，而且牛尾非常濃鬱！其他我哋就叫咗水餃 一啲菜 蝦滑墨魚滑 鱈場蟹棒 四寶丸等等，都好好食！冇時間限制可以慢慢食！ 我哋四個大人一個小朋友，又啤酒又食左勁多野計埋都唔駛$600！ 真係抵過啲任食好多！ 之後應該會搵埋朋友再嚟過！…查看更多

今早的早餐有別於平日吃的西式雞蛋麵包，是到了酒樓吃一盅兩件，感覺也不錯呀！這酒樓座位寬敞，環境光猛。雖然食客不少，但尚算寜靜。這裏的晨光老友記優惠性價比高：現製點心任配2款，只是$20.8 ，非常抵食。～柱侯醬牛筋腩蒸陳村粉炆得淋淋又入味的牛筋腩份量不多，最愛那些爽滑的陳村粉，吸收了牛筋腩的味道，佷不錯。～乾貝蟹籽燒賣乾貝雖小，但味濃有嚼勁。蟹籽燒賣非常充實，乾貝絕對足錦上點花。～豬潤肉丸粥肉丸味鮮爽口；豬潤實在太小，份量也不多。要讃的是那入口綿滑的粥底。～鮮蝦韭菜餅外皮炸得酥脆，餡料爽口，韭菜味突出，是我喜歡的！～XO 醬牛肉燒賣 （$12.8）微辣XO醬配牛肉燒賣効果也不錯喎。這酒樓星期一至六早和午市茶錢只是十一元一位，算是便宜。二人早上飲早茶，全單不用一百元，性價比甚高。…查看更多

依家做中式酒樓，點都要有啲特價或者優惠吸引客人，稻香最近做緊一個晚飯優惠，即刻試試佢。晚飯套餐包兩味餸兩盅燉湯一個油鹽煲仔飯：燒鵝三品盤呢碟份量好少，燒鵝皮唔脆，白切雞就不過不失，反而醃蘿蔔辣辣地幾好味。蘿蔔牛腩煲調味唔錯，牛腩都算腍，亦都有唔少牛筋，蘿蔔都炆到幾入味燉湯聽阿姐講材料有茶樹菇，另外我都見到有啲乾瑤柱。個湯好鮮味，份量亦唔少。油鹽煲仔飯煲飯上枱會配埋一碟豬油同蔥，要趁熱撈落啲飯度再焗一焗。出嚟效果唔錯，啲飯有咬口又夠香，成餐飯最好食就係呢個煲仔飯！最後埋單$190有找，都算抵食。…查看更多

今日得一個原因嚟到稻香酒樓，就係試吓佢一個平通全港嘅早餐孖寶點心，睇吓質素如何。餐單上著名“老友記專享孖寶”，以為65歲以上先叫得，原來所有人都叫得，虛驚一場。共有十款點心你揀，我叫左個牛柳陳村粉和鮑片鮮竹卷，先講牛柳炆得唔夠淋，要俾啲力先咬到，如果老人家要有少少牙力，喜歡陳村粉不太油，亦不會太多汁浸住，味道不太濃，只有淡淡炆牛柳嘅味，我覺得合格。鮑片鮮竹卷就蠔油味較濃，鮑片只有小小兩片，鮮竹卷算正常發揮，可以一試。總結，整體味道可以，上枱時亦有温度，份量偏少，可能本身個餐嘅目標都係老人家，份量偏細合理。埋單＄18.8+茶錢$11再加一，都係＄33埋單，真係輕食嘆茶平價之選。…查看更多

今日嘅屋企人去咗稻香飲茶我哋叫咗幾樣嘢食，包括砂鍋雲吞雞呢個比我想像中好食雲吞都幾足料，隻雞都唔會太過鞋砂鍋粥，呢個都OK嘅味道上都不過不失煎堆同鹹水角兩者味道都正正常常正常酒樓發揮…查看更多

羊腩煲特價打算一試，上到菜嚟勁淡，羊腩好似膠咁勁難食，諗住都算，叫其他配料，啲蝦膠成$50蚊得一個湯匙大小的份量，叫咗兩碟牛肉差唔多成舊水，上到嚟嚇咗一跳，啲色水係近啡色，超唔新鮮唔知放咗幾耐，其他上菜又慢，啲碗筷環境又污糟，沖茶嗰部機又係壞嘅，但係又收你茶芥位位$15蚊，中大伏，仲要特價時段叫咗6款配料，埋單成$500蚊，人均都要$250呢個質素又要呢個價錢(仲要特價後），我寧願去食任食火鍋/美心晚市火鍋好過。…查看更多

下午茶時段嚟光顧飲茶，員工數量好似不足，水機完全運作唔到，叫好多次都冇人理你，就算望到都扮望唔到，真係火都嚟，冇下次！ 就算你做幾多promotion都冇用，你啲員工簡直趕客，不知所謂，唔夠人就請多啲人啦，啲水機又壞，冇下次！…查看更多

阿媽生日食飯，五大三細，諗住搵酒樓book枱叫半席，睇過沙田同石門幾間嘅菜式同價錢，最後決定食稻香。一星期前打咗電話book枱，去到酒樓佢地好似完全無我地book枱紀錄咁，不過半席依然可以叫就ok啦。個餐本身免加一免茶介，因為多咗兩個人，所以收兩位茶介好合理，但俾個茶包我地，叫我地自己煲水自己斟水自己沖茶，收兩個人加埋60蚊嘅茶介，我覺得好唔值囉。部長話龍蝦會送伊麵，我地係開心嘅，但傳菜阿姐上菜好衝下，捧住個湯上枱但又唔睇枱上擺咗d乜，倒瀉水一枱都係，差d搞到我家人一身濕，呢個感覺好差。食物係ok好味嘅，半席嘅份量比想像中多，我地仲另外叫多半隻燒鵝，仲有壽包，埋單千五有找我地都覺得抵食嘅。不過真係覺得佢地要員工培訓下囉。…查看更多

咸薄罉同鮮蝦腐皮卷煎到勁燶 ，好鬼多油。叉燒飯啲汁有啲怪味 ，唔係好接受到。蒸燒賣同牛肉球勁細粒。燒賣個肉底勁難食。煎堆仔個餡無咩味甘。日後唔會再黎食甘難食嘅野啦！…查看更多

今天晚上沒有飯局，諗吓有咩嘢好買番屋企煮嚟食，咁啱經過沙田希爾邨中心，諗起隔離私人屋苑有間稻香，行過去睇吓有咩嘢買，問店員有無燒味，她說有，望一望叉燒例牌108都唔平，都買嚟試吓，又要加1蚊盒，1蚊膠袋，覺得有啲搵笨都算，照買。買完見到外賣原隻走地雞特價88，又要加1蚊。返到屋企打開叉燒比我想像份量算多，味道偏鹹叉燒肉有啲硬。隻雞都幾肥，皮好滑，但雞肉就唔滑，無乜雞味， 勉強都算合格，唔講得上係好食，又未去到難食嘅質素。…查看更多

沙田新城市果頭，夜晚唔知食咩。聽講稻香10月尾仲有得食長腳蟹，$188斤，都幾抵，當做時可以係呢個價錢1倍以上！呢隻阿拉斯加長腳蟹1000蚊內搞掂佢個$58燒腩仔配粟米餅都唔馬虎，件數夠用料足，熱辣辣🔥不過乳鴿我就覺得一半，quota可以留返比其他美食事關佢肉身唔係太嫩口，同埋其實食蟹會好飽唔食蟹的話，夜繽紛仲有半價打邊爐添環境：舒服，冷氣夠交通：就係沙田站一出，穿過3個商場，前後大約行10-15分鐘，經過埋m記就到～…查看更多

今日星期日，晏晝冇咩做，簡簡單單出左去稻香飲返個茶我地叫左鮑魚燒賣正正常常咁，足料嘅，但太惜調味重手左，咸咗啲。羊肚菌灌湯餃湯底都幾清甜，又有羊肚菌又有花膠仔咁，隻餃裡面都算多料，不過不失。稻香蝦餃皇(4件)蝦肉都算大隻，外皮唔會話太厚。鬆軟叉燒包包皮夠鬆軟，叉燒餡夠汁夠味，唔錯。奶黃馬拉卷味道方面係唔差嘅，但好可惜唔夠鬆軟。法式鮮蝦春卷個餡係ok嘅，不過上枱時外皮已經較淋唔夠脆口鮑汁雞腳雞腳炆得入味，每一啖都充滿骨膠原。…查看更多

從未見過如此一隻燒鵝9成係骨、燒鵝皮厚過豬皮，皮下脂肪肥到好似豬肉。問經理回覆說她們燒鵝是這樣的，個殼併出來，我出去食碟燒鵝飯d肉都多個係稻香食一隻燒鵝d肉。絕對不會再去。…查看更多