稻香 (杏花新城)

營業中

休息中

老公1點正黎拎位...去到仲有5成位未滿。。可能大雨d人唔想出街佢話事叫食物。 4大1細口水雞超級正。。麻醬炸蒜辣醬加岩岩好既滑雞我同媽媽食到汁都唔留鮑魚燒賣叫左兩籠。因為每籠得3隻唔夠分。。水準之作。。內有大粒新鮮蝦肉同迷你鮑魚。。雞粉粉皮係劣作。。份量多。。但只係多粉皮。。冇多到雞粉青瓜粉。。同埋唔夠麻醬。。根本食唔落。。 金錢肚味道係夠既又唔會太咸。。但太難咬。。如果幼牛肉球十分難食。。果皮味太重。。腐竹蒸到融左。。什菇菠菜伊麵原來係伊麵內加左菠菜。。 幾大碗。。燒肉正。。 脆皮。。 偏咸。。偏乾。。屬中上。。可以一試。。叉燒腸粉冇食到埋單334。。佢唔會俾你睇細數。。所以點收費係一個謎。。你要主動問佢先知。。同樣地。。我見到上次呆企唔會做野既經理。。原來佢只係負責禁電腦既。。

星期六諗住過嚟飲個茶、三位去到個卡位張凳勁多油跡、嗰個侍應睇到都唔抹、仲即刻行開咗、個快子有跡、點啲嘢食嚟啦仲衰！個鹹水角係凍嘅、唔知放左幾耐、啲油滲晒出嚟、個南乳豬手件件都勁多毛、睇到都食唔落、個鮮蝦腸粉入邊嘅蝦梅既、個菠蘿叉燒包、個面一啲都唔脆、軟既、入邊呢呢餡得d 醬、個鳳爪排骨見到都唔開胃、樣樣嘢食都好似放左勁奈咁、可能係咪天氣熱、啲嘢食係唔熱嘅冇一樣野係熱嘅最多可以用微䁔泥形容！嘢食又來得慢、態度又唔好、唔怪得知星期六都唔使等啦⋯⋯

今日星期五happy friday 突然想飲茶1點正去到要搭台就有位 否則要等咁我等下喇。。點知要自己望住個屏幕, 個屏幕又不停閃廣告, 叫號碼又唔會有聲, 所以我係miss左既算喇。。走入去原來有2成位都冇人坐。。但出面好多人等梗。。而個樓面俾左個咁既位我。。。百冇有個伙記黎俾餐具我。。佢真係俾低左要我自己set 我明lunch time係忙。。。但我總算係個客人因為太肚餓。。叫左好多食物有個男伙記全程企左個度冇做過野。。。 擺明蛇王。。其他人就忙到死。食物方面: 推介: 燒味飯同木耳青瓜埋單時。。 我俾到張單係收銀面前 佢都見我唔到。。

本身一家人開開心心食飯點知搞到好激氣。。。一去到見到人唔多就即刻攞張飛，係B18依家仲三個就企係螢幕面前等，等左十分鐘左右，見到B17啦心諗好野下個到我地，再等左十分鐘度，點知螢幕一跳就由17跳去20即係刻上到中間禿髮嘅男前台講，佢聲稱叫左但我哋一家人無可能聽唔到囉。算，當自己黑佢叫再等啦下張有，我哋企係前台面前等佢就叫21同佢講你啱啱叫我哋等嘅！！佢嘴角微微向上“有咩，無喎”，佢好明顯係存心戲弄，真係搞到我哋十分十分激氣！！之後睇番食評原來已經有前科，會比熟客入先。比人入先都算啦個男經理態度真係好過份！！

約長輩食飯， 都係近近地又出名就算3大1細星期日晚上7點前拎位， 即刻有位打邊爐要平日抵d, 所以叫小菜指定要龍蝦， 就叫個龍蝦伊麵拼沙薑雞。 龍蝦伊麵龍蝦幾多肉， 沙薑雞半隻。 288蚊一份前菜叫左打拍青瓜同雞絲粉皮。 60蚊2碟。 size okay ge再黎咕嚕肉， 我鐘意有骨多d. 普通不過不失， 有d細份菠蘿豬軟骨， 豬軟骨太肥，好多豆腐帶子。好正。 帶子好大隻。侍應sell我地叫澳洲龍蝦548? 再加30蚊半隻雞定一隻雞。。。 如果真係叫左實要打包。每位要收14蚊茶錢再加m, 比較貴店內十分嘈 坐唔到好耐

今晚想找個地方hea幾個鐘坐低慢慢食個晚飯，就諗起去打邊爐任食。突然想起杏花邨有間稻香，就打去問下幾錢，嘩，以為聽錯，話8點攞飛，8點半已經係“宵夜時段”，$138一個人，仲可以食到11點。。。二話不說，即刻揸車到杏花邨7點55分剛去到，已經有幾個人排緊隊，我地攞左第4張飛，之後行一行，8點半番到去，已經好多人係度等緊入坐。原來好多人係book左位。安排了坐房內，更good，靜好多，一坐低就落單啦，我與友人主力都係牛、魚、菜、蝦、蜆。。。encore完encore再encore，$138既質素真係抵到爛，服務也不差，個個服務員都笑容滿面，好有禮貌。唯一要壇既係，第一轉tick左蝦，來了4隻，好快再落第二張單，已經話蝦無哂了！整晚食得好好好滿足，兩個人賣單都係$303!!!!! 仲有得免兩小時泊車！！！

裝修後又細又迫,表面上是取票排隊入座,但其實前台全部俾位熟人,超離譜。啲員工上下一樣冇禮貌,超乞人憎,明明到左號碼,叫都唔叫就俾左熟人,明明人冇行閞過,又狡辯話人聽唔到,手楂住G2飛,屏幕顯示G2都冇得入,静静雞俾左G9,好死唔死G9又有人黎揾唔到枱出黎問俾我地聽到,佢當G2至G8嘅人死㗎。😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒

酒樓重未來試過，襯住同一班舊同事聚舊食飯，所以决定試下重開的稻香，以前多數打邊爐，今次試下叫餸食。雖然有8個人，原本先叫了一個6人餐，再諗住叫多幾個其他餸，點知道原來6人餐都有咁大的份量，結果唔駛再叫餸。各碟餸菜都大大碟，而且好好味，真係抵食夾大件，值得推介。（9餸1 湯$1088，仲送啤酒汽水。）上湯龍蝦伊面（蝦好入味，如果係龍蝦仲好）蒜茸粉絲蒸貴妃蚌（好大只好好味）錦繡燒味大拼盤碧綠炒雙蚌日式吉列帶子（非常香脆可口）原盅燉靚湯（湯料十足，非常入味）清蒸珍珠龍躉班（超大條魚，非常抵食）沙薑雞（好入味）臘味糯米飯（好好味）豬仔包（賣相好得意，有流心鬆軟好味）

無意中看到前人食評話阿拉斯加蟹好抵食，甘啱要開餐看下有冇運氣去食到啦頭一輪入座-星期日也有優惠，一直想食很奈何其它酒樓真係冇千幾也不用稔一於去試下虛實先。小資金食海鲜入到酒成缸蟹迎賓。我們叫了一隻侍應叫你出去睇重量有3斤幾。约5百幾未計加一。清蒸真係原隻冇劏自己解體。嘩5百幾食到真係開心。D肉又多又甜2個人都食得哂。喜愛海鲜朋友咪走寶

稻香嘩，杏花村稻香，做緊$9.8一兩阿拉斯加蟹。想點先？⋯⋯即係要我山長水遠去你度食啦⋯⋯好！我去😑😑😑，我太為食了。一去到，原來大部份阿拉斯加蟹都係得三兩幾！Ummm.....唯有叫兩隻食囉⋯⋯🤣🤣🤣清蒸，嘩，好正！本身有一隻蟹好咸，可能佢係咁游海水！另一隻，適中，好正！兩隻一齊上枱時，何期壯觀！😍😍😍咁嘅價錢，唔使講，都知九萬幾黎食啦！訂咗位？冇用啦，一樣要等，但係等小好多張枱！其他食物：燒鵝，好味！貴，但值得叫！蔬菜，普普通通啦！其實，食完蟹同燒鵝，已經好飽！好多嘢都唔記得曬！不過，自備紅酒，免䦕瓶價！新開將，仲有Coupon，好似係九折添⋯⋯堅係超級扺，此價一完就冇⋯⋯飛雲⋯⋯⋯機會嚟啦⋯⋯🚨🚨🚨🚨🚨

杏花邨的稻香經過數月來的裝修,已經重新開幕了。今天突然心血來潮很想吃火鍋，所以去了附近稻香。因消夜時段比較便宜($138)，而且時間適合我，所以我選擇了消夜時段。稻香的火鍋採用任食模式，有自助醬料、飲料、火鍋材料和甜品。而且有單點食物（都是任叫的） ，包括羊肉、豬肉和牛肉，還有一些蔬菜和澱粉質類。以這個價錢來說，真的物有所值。雖然食品品質一般，但有這麼多選擇，真是不錯了。我認為書可以再去吃的。特別推介醬料中的麻辣醬，完全適合喜歡吃麻辣的人士。而且可以彌補湯底沒有麻辣的選擇。甜品有雪糕，亦有中式糖水，算是多選擇了。甜品的雪糕，飲料中的可樂，將兩者溝在一起，便可以成為黑牛了，是我最喜歡的。😍總括而言，稻香食火鍋是值得推介的。