稻香 (杏花新城)

營業中

休息中

去完石澳沙灘，周圍搵地方食晚飯，朋友諗起稻香酒樓，於是去咗杏花邨商場果間食。去到唔使等位就可以入座，睇餐牌見到有推廣龍蝦伊麵$99 ，當然就叫來試試啦。原來都有一隻龍蝦（開埋邊上枱），而且隻龍蝦🦞鉗都算大隻及有肉，沒有戲場，只係覺得D伊麵少咗D，另外送上枱的時候比較涼咗D，可能D伊麵係已經整定放晒喺度，上枱前只係淋上湯汁而已，但眼見當晚都有唔少枱客人都係叫咗呢碟餸。今日嘅香港，大部份酒家都係自助的，茶水係全自助的（擺放咗一部自助上水機）。

稻香（1124杏稻）地址：杏花村盛泰道100號杏花新城204舖電話: 8300 8161堂食4人$1隻燒雞（平日）［推廣］2$2.00莧菜（選）（金銀蛋）1$98.00燒汁蜜桃脆香［推廣］ 1$98.00伊麵 1$118.00晚茶 4人 $60.00點菜總數 $376.00服務費 $37.60總數：$ 413.50蹈香＄1雞好抵食、好脆、好夠熱、好好食，莧菜金銀蛋好好食，燒汁蜜挑脆香好好食，伊麵好好食、不會太油、茶好好飲，環境舒適，好抵食又平好值得推介的酒樓，記得一定要去試吓

平日晚上6點正入座，當然全場只有幾枱客，冇人等位，坐低唔夠兩分鐘，兩個樓面行咗埋嚟四次催我哋落單，我哋連張單張都未睇完，同佢講等多一陣，佢唔係嚟介紹有咩好食，只係黑面、反白眼咁企喺我哋張枱等。由於食咗下午茶，又早食晚飯，我哋求其叫咗兩個餸先，費事俾人監視。$1蚊雞唔算細隻，但超級鹹，連骨都好鹹，好「鞋」好乾。$98燒汁蜜桃脆香骨，有8支，皮包骨，骨多肉極少。食到尾聲，見樓面向鄰枱食客上糖水，客人馬上給利是，應該係熟客仔，我就問樓面呢度有冇糖水甜品，個樓面亞姐第一時間態度囂張咁話「$16.8喎」，連咩糖水都冇講，就調頭走，我係嚟消費食飯，但樓面當食客係乞衣？連一碗糖水都食唔起咩？！呢啲服務態度，難怪香港人要北上消費。

見到最近稻香做推廣優惠阿拉斯加長腳蟹$188一斤，十月係老豆生日，就想一家人食餐好啲，就去稻香試吓呢隻阿拉斯加長腳蟹，老豆揀咗一隻5.5斤重嘅蟹，職員話蒸需要30分鐘，但等咗15分鐘左右就話蒸熟，隻蟹蒸熟一上枱賣相無咩問題。我哋係由蟹腳食先，剪蟹腳時候就開始好多水流出嚟，都唔為意隻蟹有問題，以為佢無咩肉者，咁我哋就食曬d 蟹腳啦！到打開蟹蓋時候，真係嚇親，成個蟹蓋都係水，蟹身都係空心，心諗中伏啦，千幾蚊一隻蟹，質素可以咁差😡🤬真心懷疑呢隻係唔係死蟹或唔新鮮蟹🤬之後同職員講呢隻蟹質素好差，職員話水蟹係咁㗎，即刻O咗嘴，以往食長腳蟹都唔係呢種質素😤😤

午市無蒸飯🥲🥲🥲🥲🥲但整體感覺都可以，4大人2小朋友$700唔洗食物都等得唔算耐！有牛展但無燒腩仔🥲燒賣仲有鮑魚喺上面，小朋友好鍾意😆屋企人仲叫左杏仁霜Tim，個人就麻麻杏霜隻味嘞，但冷門野都有，屋企人話稀左少少咁，不過算唔錯啦！其實仲有d午市套餐都幾抵嘅，例如有龍蝦伊麵…不過我哋無叫到，起身第一餐食唔到太多。。。叫左大概10樣野左右，竟然清得晒所有食物👍🏻另外腸粉大推！！！我哋只係叫左齋腸都覺得好正！係拉布果隻！

1. 碗筷勁油 ： 足足用熱水洗左3次，都仲有油。仲有隻碗要換2. 普洱茶無味，得個色3. 雞扎先最吓人： 用料已經cheap啦，豬皮仲要滿佈豬毛🤮。。。。。。。。。。。。。。。。。。。。。。。。。以下只為字數 。。。。。。。。。。。。。。。。。。。1. 碗筷超超勁油 ： 足足用熱水洗左3次，都仲有油。仲有隻碗要換

假日飲茶樂🫖🫖🫖適逢假期當然要陪下屋企人齊齊去一盅兩件😋😋😋點心~~原蝦燒賣皇(4件)大功夫小籠包XO醬蘿蔔糕奶黃馬拉卷豉汁蒸鳳爪豉汁蒸排骨醬皇金錢肚金勾炸兩腸香煎蝦米腸香煎風味蛋餃均安煎魚餅海蝦艇皇粥大滿足

同位朋友去叫咕雞煲.. ..火鍋料咩新鮮..樓面勇服務..食到一口氣..仲想屈人錢1蚊雞收人168..大佬呀見到咁嘅食物質素..吾通仲會嗌咩..點知收銀串我哋食吾起..話無嗌火鍋料..雞煲要原價168..請我都唔食啦..你食埋我嗰份 有一說一稻香玩唔起一蚊就唔好玩

.星期日母親節飲早茶一早8點左右黎到茶樓唔駛等位直入😚三個人但坐張大枱🤭太耐無黎稻香飲茶，原來而家係用智能水壺，全程自助形式，唔再需要等侍應開茶，落單唔再剔點心紙，改為QR code落單，少左人與人既接觸。如果電子落單之餘俾番張點心紙睇下就好。第一轉叫了5款點心，包括鮑魚燒賣、春卷、鳳爪排骨、炸兩及素餃子。最好食係春卷，剛炸完拎出黎，又熱又脆。一碟有4條，份量都多，平時多數3條🧐之後再加單叫了雞扎。點心不過不失，正常茶樓點心。環境都乾淨，如果下次再附近飲茶都會再黎。唯有食是最治癒的

稻香飲茶係我最鐘意既港式酒樓之一！佢嘅叉燒酥好好味，酥皮又脆又香，叉燒肉質鮮嫩，好入味！蝦餃同燒賣都好滑，肉汁多汁味道濃郁，真係好出色啊！另外啲粉果同鹹水角好香口，好好食，好開胃！價格實惠，份量足夠，真係好滿足！

呢排稻香又再推出一蚊雞優惠，趁住放假就去試下啦，二人同行就已經可以order一隻雞架啦！再加2碟小菜，一個蟹肉扒雙寶蔬，一個芋頭南瓜煲，都200零蚊，好抵食！😆😆😆隻雞完隻上，仲要燒到皮脆肉滑，好好食！個蟹肉雙寶蔬都唔輸蝕，啖啖蟹內，好好味！芋頭南瓜煲都好正，芋頭好香，南瓜又夠甜，正！👍👍👍

稻香宵夜時段即8:30後做緊$1海皇酸菜魚煲或鮮飽魚雞煲。我們8:00到達取票，等到8:30入座。入座後立即落單叫酸菜魚煲，之後才慢慢叫火鍋配料，火鍋配料6折。過了9點個煲都未出現，唔係漏單，糸全部人都未有得食。個煲黎到糸凍的，我們開爐煮到9:00才可放落口。煲內有魚片，2隻蝦，薯粉，沙白，蚌，花椒，辣椒。最奇怪的事出現，糸無酸菜的。整體味道幾好，材料也新鮮，魚都滑，但糸不酸也不辣。因此個煲除了味道不似預期，其他都無問題，好ok。其他火鍋配料如蟹柳，午餐肉，雲吞都普普通通，唔係差。鴨血入不到味。但牛肉真的差了，以前3百幾一個牛拼盆，種類多，牛肉靚。現在2百多一碟的安格斯牛肉得6片，仲要又肥又欠肉味。反而我們叫了個小食，七味豆腐好好吃，外脆內軟熱辣辣。

天氣開始涼涼，又係秋風起，喺網上見到稻香一蚊雞羊腩煲廣告又真係十分吸引，一心一意就係諗住去幫襯一蚊🤪（當然知道加埋茶錢、醬芥、加一埋單就一定唔會一蚊啦）。上網睇咗最近分店在杏花邨，所以就去杏花邨順道行，波鞋店 outlet 💡由於一蚊雞羊腩煲只限宵夜優惠，由晚上八點半先開始，一早到達杏花邨，先到稻香問定入座安排與細節，以免專登過嚟食唔到羊腩煲，原來八點鐘開始可以取飛，取飛後就可以暫時離開，至八點半再回到酒樓門口才會安排入坐。我哋好聽話跟足指示去做，八點半就順利入坐，一坐低就用手機掃描稻香二維碼用手機點菜，就係想快人一步，以免無得食羊腩煲。喔？原來羊腩煲係唔可以單點，必須要跟餐，餐有三個選擇:1）安格斯肥牛$136 ；2）鮮活鮑魚$88；3）噴水象拔蚌$168⋯⋯有一些取巧☹️我選了最平的鮑魚，由於實在太肚餓，我哋驚唔夠食，所以再叫多一個濃湯花膠雞煲$168。羊腩煲就真係好不錯，羊腩都算幾多，拼羊腩煲的配菜都幾多幾豐富，味道亦都正常👍🏻。但係嗰四隻鮑魚就真係唔係好掂，完全冇鮑魚味外仲要實過石頭，口感就好似𡁻緊掃字膠一樣，相當古怪☹️最唔掂都總算係嗰個濃湯花膠雞煲，個湯極之鹹，鹹到飲唔到，花膠

平日都唔去食，一食就出事。入到去準備開餐，就先黎隻曱甴BB..第一時間緊係整死佢啦，叫個部長黎，佢竟然係冇反應，好似見慣見熟，就即刻清潔左個屍骸。 其實都諗住算啦，照坐底食啦。。。唔夠一分鐘又黎。。 仲要係隻好生猛既隻曱甴。由隔離張卡位行過黎。 可能係我大驚小怪啦，隔離檯見到隻曱甴竟然冇反應，只係照飲佢係雪櫃拎入黎個10幾支菊花蜜。。叫個部長黎話佢知又有曱甴，又係冇反應。只係叫我地轉檯。。。 成晒飯都冇晒胃口。。。

朋友聚會，朋友們話想食中餐又要抵食又想食片皮鴨，為了滿足各人需求，我只想起稻香，就試下睇睇有無片皮鴨，竟然今期有抵食推介片皮鴨。片皮鴨：切片賣相麻麻，配料除了基本青瓜、京蔥，還有酸薑，配搭不錯。😋😋😋鴨肉炒苦瓜：苦瓜少，鴨肉微咸，豉士味唔出。😋😋鮑魚燉湯：湯水新鮮，料見算足，鮑魚仔size一口鮑。😋😋😋😋蟲草花蒸斑：見條魚$100都唔洗，算大條。😋😋😋😋海鮮菜煲：抵食有兩種菜，仲有海鮮添，比起蒜炒菜$88加多$10。😋😋😋