稻香 (恆星樓)

被浪費了的帝王蟹🦀晚餐嗌咗一隻阿拉斯加帝王蟹，差唔多六斤重，清蒸，出到嚟d蟹腳overcooked，但係蟹身就未熟晒，d 蟹膏流質兼腥到不得了。問咗個副經理，佢話不嬲做法都係原隻蒸嘅，今次d蟹膏蒸唔熟，可能係因為蟹肚太厚喎（我唔明點解唔斬件蒸？出面其他酒樓都係斬件蒸，可以確保熱力均勻）副經理只係表達唔好意思，仲叫我哋加錢用d腥嘅蟹膏去炒飯添，真係好”搞笑”。咁嘅服務態度，難怪咁多人唔喺香港嘅酒樓食飯啦！…查看更多

最近見到尖沙咀稻香中菜，新裝修咗，門口寫住「海鮮/點心/小菜/火鍋」，食完之後發覺味道好差，無論點心定小菜都係「預製菜」嗰啲味道（附埋啲相影到貨車送嘢入去菜館，我估應該係預製點心同食材）可能新裝修關係，客人明顯多咗少少，大部份都係內地遊客，原因可能係尖東西鐵站出口，隨便搵間就入去食；本地客唔多，部份客人相信係冇乜要求，或者方便朋友等。個人意見，出街食又唔係免費，性價比咁低，俾錢嗰個，點睇都係冤大頭。其實同區尖沙咀有好多粵菜海鮮港式點心可以揀，都好過稻香好多，其他有正宗粵菜味道，稻香就冇。例如翠園（海港城星光行）、映月樓（海旁文化中心太空館）、家全七福（H Zentre，尖東西鐵站K出口行1分鐘就到）、六公館（海港城商場）、星海（The One商場）、凱薈（The One商場）、粵藝館（海港城商場）、頂好中菜（清真寺斜對面）、龍圖閣（麼地道漆咸道交界，帝后廣場一樓）、海港薈（北京道一號）、御寶軒（北京道一號）、新竹園軒（漆咸道南五礦大廈3樓）……呢度加埋有成20幾間中菜。其中「家全七福」同「龍圖閣」，同稻香中菜距離得50米步行、行2分鐘就到，都好方便, 唔使去稻香...…查看更多

星期日下午無事可忙，索性獨自到尖沙咀恆星樓的稻香酒家，來一場「一盅兩件」的自我療癒。下午2:15推門而入，或許是週末的慵懶時段，酒樓人跡稀疏，反而成全了我這孤獨食客的任性——能慢條斯理挑選心儀的座位，而侍應也不惱我反覆挪移，只笑笑遞上茶單。 點了一份$32的下午茶套餐，要了炸兩和煎韭菜餃。炸兩的腸粉皮略厚，但內裏油條尚脆；韭菜餃煎得金黃微焦，餡料飽滿，雖談不上驚豔，但以這價位已是合格有餘。當然，別指望這裡是半島酒店嘉麟樓的點心質素——但當熱茶氤氳、陽光斜照進廳堂時、看看玻璃大門外人來人往的街景，帶出有種「偷得浮生半日閒」的愜意。 **後記**：若說高級酒店的下午茶是華麗交響樂，稻香的這頓更像是街頭小調，平易近人。在愜意的氛圍下，決定點了一瓶冰凍的啤酒，賺到的不只是滿足，還有一份獨處的自由，悠然自得，一個人都能盡興，幫我充足電，為星期一的工作好好準備。…查看更多

紀錄一下稻香自動化的煲水沖茶系統，呢個系統好新鮮。點心方面有好多唔同種類既造型點心，有天鵝又有minion，對小孩來講會幾吸引。稻香係電子下單，食品味道屬中等水平。…查看更多

服务确实一般般，但是出品幾正宗下，价格很亲民，腐皮卷虾饺推荐，普洱茶都唔錯！稻香虾饺皇  虾饺非常juicy，水晶皮嘅外皮薄而韌，入面包滿大隻鮮甜嘅蝦仁，，食落口感豐富，鮮味十足，推荐～ ⭐本人唔中意吃牛肚和鳳爪，屋企人話不错，牛肚是弹牙的，處理得一啲異味都冇，口感軟腍又有嚼勁，「豉汁蒸凤爪」，很入味，亦係必點，蒸得夠火候，一吮就骨肉分離。肠粉酱汁有D少，口味比较重的需要多加点酱汁。其他包點就不過不失，不過款式選擇都好多。…查看更多

之前又再試吓幫襯稻香，發覺味道一樣普通、好似仲差過上次，無論點心小菜，都係「預製件」味道 偶爾平日晚上經過，只有兩三枱客，食肆生意麻麻，部份原因同經濟有關，要有食客光顧，始終靠食物質素。目測所見，一般可能係啲冇要求嘅食客、貪地鋪就腳，求其西鐵站或地鐵站出口經過，或者內地遊客，貪方便入去試吓港式粵菜，如果慕名而來的應該冇。同區尖沙咀有其他粵菜選擇，比稻香好很多，例如：翠園、家全七福、頂好、映月樓、龍圖閣、龍苑... …查看更多

一坐低 環境麻麻地都算做遊客生意 唔抱太大期望第一籠上來 燒賣睇落去怪怪地個元寶紅棗就幾得意點知一咬燒賣就出事 舊嘢散嘅一睇先知 完全係生豬肉！！！！！叫個姐姐過來 就拿拿淋拎走話換一龍第二籠就係熟嘅 但係味道鹹到pk 失望至極元寶紅棗糕就係預製 不過不失燒賣之後 我地碟碟都睇下熟咗未先敢擺落肚蝦餃味道唔錯 但係蒸到皮都穿牛肉球4粒 但賣相睇上去已經知急凍牛肉球個公仔龍龍包就幾好食嘅 流沙餡個腸粉又係大出事 入面舊炸嘅嘢唔知食緊d乜一舊都食唔落鳳爪排骨飯就抵贊嘅 難得係用煲仔飯都幾有口感但係鳳爪同排骨仲無 唐X記好食建議大家唔好來受苦…查看更多

朋友想食龍蝦伊麵我地見到稻香有限定優惠就走去食點知真係有得叫喎🤤🤤🤤上湯波士頓龍蝦伊麵 $9917:30 - 20:30期間 就可以用優惠價叫啦～成隻龍蝦上 分左兩邊😍都算大隻🦞 不過個麵底就較為鹹咗啲如果可以轉芝士底就好啦～🥹🥹我見到後面個對夫婦叫左3碟食光光真係太厲害🤣咁睇就應該無限你叫幾多份既會另收加一同茗茶 2位大約$30左右啦跟住仲有夜繽紛系列20:30後就可以叫啦👍呢個就真係堅抵啦～😋有兩款火鍋簡 都係$9.9. 真係$9.9A. 沙爹鴛鴦牛小海鮮套餐B. 椰子雞竹笙小海鮮套餐我地就牛魔王簡左Set A(有肥牛，鮮牛， 魚肉， 蝦，墨魚仔，丸子， 冬菇，蜆)份量都ok仲可以用6折叫其他配料"二至四位可享用一份五位以上最多可享用兩份(同款)"當然都係會收加一同茗茶啦～個沙嗲湯勁濃 再加蕃茄同薯仔真係無得頂呀～啲肉都ok 呢個價錢直頭覺得好好tim我地就無叫其他配料啦 因為已經好飽好滿足啦😋😋2個人食哂2款都唔洗$200蚊 抵哂😍稻香尖沙咀緬甸臺3號地下恆星樓#Foodie_aki #yum_yum #foodie_aki尖沙咀#尖沙咀美食 #著數分享 #龍蝦伊麵 #龍蝦 #伊麵#火鍋 #沙嗲湯 #沙嗲 #牛肉 #牛魔王 #海鮮…查看更多

經濟不景，1元雞重現，於是一試。炸雞非常脆口嫩滑，都算大隻，還有幾塊蝦片伴碟，用手套手撕雞吃，十分惹味juicy；還點了蒸魚，只是$99，也不欺場，魚剛熟恰到好處。…查看更多

如果你是一個海鮮愛好者，稻香酒樓絕對是你不能錯過的餐廳。他們以新鮮、美味的海鮮聞名於地區。首先，稻香酒樓的海鮮提供多樣化的選擇，從龍蝦、螃蟹、魚類到貝類，他們都擁有令人驚艷的品質和口感。每一道海鮮菜品都是由新鮮的食材製作而成，保持了海鮮的鮮甜和鮮嫩。其次，稻香酒樓的廚師們以其精湛的廚藝將海鮮菜品提升到另一個水平。無論是烹調技巧還是味道搭配，他們都能夠將海鮮的原始風味發揮到極致。他們的烹飪方式保留了海鮮的鮮味和嫩度，同時融入了獨特的調味和風味，給你帶來一場美味的海鮮盛宴。總的來說，稻香酒樓是一家海鮮愛好者的天堂。他們提供多樣化、新鮮美味的海鮮選擇，讓你能夠品嚐到最好的海鮮美食。環境也坐得舒適，好適合成大班朋友、家庭聚會…查看更多

唔好食、味道普通，大規模自置食品工場（內地用語：預製件），目測好大嘅凍櫃貨車，將點心或食材、運入酒樓，生意物流快，對一啲冇乜要求或貪地鋪方便食客，會幫襯。我花一分鐘上網、已經去同區其他中菜火鍋或粵菜點心 😌…查看更多

今晚叫咗海鮮有蝦顏色都幾紅跟住又有龍蝦芝士麵都口肉厚身仲有蒜蓉蒸蟶子d聖子超級大啲粉絲都幾吸味。魚都夠大條同埋都夠滑佢個糯米飯都好好食，不過真係超級飽仲有最尾甜品有小白兔，造型小朋友好鍾意,款式都多中間仲有糯米糕同埋有個黃色白色椰絲糕，小朋友食咗兩隻小白兔覺得好味中間有奶黃心，跟住有個杏仁唔知乜嘢糖水，如果又係紅豆沙就好啦好似冇得揀款式。時間都可以坐得耐都唔錯，家庭聚會稻香 (恆星樓) (尖沙咀)尖沙咀緬甸臺3號恆星樓地舖…查看更多

呢一晚因為係尖沙咀行街影下聖誕 之後就順便係尖沙咀食飯,因為想食小菜關係,所以就搵下酒樓食, 結果揀左稻香食了.等位就等左15分鐘咁上下, 之後就有位坐低, 同侍應講食小菜, 叫佢比紙我地點, 叫左第一個結果沒回頭,等左幾分鐘再叫第二個食小菜要小菜紙, 結果都係沒回頭, 到第三個終於有回頭了, 其實唔算係服務差而係因為沒足夠人手服務, 前前後後等紙都等左20分鐘味道係酒樓黎講算正常不過不失, 唔算難食又唔係特別好味...不過呢一餐最誇張既係大約有四分一地方有fans club聚會, 其實都沒所謂,佢地係熱鬧開心既但佢地抽象環節真係好嘈好大聲 對於佢地係熱鬧但對其他食客黎講係好嘈, 而且有尖叫聲... 令人有點不舒服... 但又無隔板隔住, 佢地係一個open area 有呢種活動 對其他食客有好大影響...總結黎講... 環境好嘈既酒樓又唔夠人手.... 真係需要改善這些問題...…查看更多

入到去就揾左個涼快嘅位坐低，望望餐牌，決定先來杯凍檸茶消消暑氣。飲落口凍凍哋，酸酸甜甜好正點，瞬間減走半日嘅燥熱。第一碟係鹹蛋黃炒蟹，勁夾呀！鹹香撲鼻，蟹肉彈牙得嚟不失咸蛋嘅醇厚。跟住一啖啖嘅蝦餃，皮薄餡美嘅程度，一啲都唔拖泥帶水，直頭係咬落去感覺得到蝦跳舞咁生動。 最夠晒震撼嘅時間到啦，炸醬面上檯。面條Q彈，醬汁厚重得嚟又唔膩口，夠哂力，叫你情不自禁一啜再一啜。到咗甜品時間，點咗個芝麻糊，滑得嚟又唔會太甜，尾音比高音更悠長，嗌得正！有種食完饒有餘味嘅滿足感，店呢度簡單得黎每樣野做得出色，人哋講“少即是多”，呢度就係實証。彩禮錢花到正確嘅地方，真心推介！渣甩胃口，下次一定再嚟！🍜🦀🍮…查看更多

📍稻香 (恆星樓)尖沙咀緬甸臺3號恆星樓地舖由於要房，所以要有最低消費。叫咗一個可以話係抵食嘅海鮮餐，一次過品嚐多款美味海鮮，除了我們，都見唔少枱叫咗呢個套餐。打頭陣係每人一盅熱辣辣嘅鮑魚雞腳燉湯。🦐蒸籠灼蝦，隻隻都大隻，啖啖肉。🥦西蘭花炒帶子蚌蒜茸粉絲蒸扇貝，好夠蒜茸味，扇貝又係啖啖肉。陳皮蒸鮑魚，好大隻，蒸得剛好唔韌。🦞上湯龍蝦伊麵🤤蒜茸蒸龍躉，好食。🐔炸子雞，皮脆肉滑。🐰蓉壽包加上三隻白兔奶皇包，賣相可愛吸引，應晒中秋節。…查看更多