稻香漁港市集 (雅蘭中心)

今日上完堂8:30pm, 就跟朋友一齊去稻香食三點八折火鍋配料優惠。全部湯底仲做緊五折優惠。還有藍妹啤酒「一手任擸」遊戲，在限時30秒內，單手拿起多少支藍妹啤酒細支裝，維持10秒便可獲得同等支數的藍妹啤酒，無限暢飲。如一手拿到七支啤酒，更可用$9.9換購一隻新鮮龍蝦。如果拎唔到七支，拎到四至六支，都有其他優惠價錢換購新鮮龍蝦。其他火鍋配料都做緊38折。即$68一碟的火鍋配料，只需$26。抵到爛。最後叫到成枱都系，都係$400賣單。叫左個胡椒豬肚大蜆湯，湯底超濃胡椒味，入而勁多沙白卜卜蜆，仲有好多豬肚，煮任何食物，都好提鮮、好出味。最近仲有推廣優惠，可用$68和牛安格斯拼盤，非常抵食。安格斯牛質鮮嫩且富有油花，火鍋必叫的完美搭配。我自己最喜歡入面嘅一口安格斯，煮完好彈牙，食落唔會韌。日本廣島蠔煮熟後超級或亂食落口好好味鵝腸煮30秒已經可以攞上水食食落sharkshark send好彈牙日本紅鮮魷落水一陣食落非常爽口，一啲都唔韌。天然花豚肉食落唔會過肥，脂肪比例均勻、肉質鮮嫩。炸魚皮浸落火鍋幾秒後食用非常之好味，配啤酒必叫之選。…查看更多

周末想同屋企人找個熱鬧又好食的地方聚會，最終選了稻香漁港打邊爐——沒想到不僅吃到靚餸，還撞上超有趣的互動優惠，全程又食又玩，一家人都笑得好開心。一坐低服務員就熱情介紹「一手任擸」活動，聽完瞬間來了勁，先點了招牌花膠雞鍋做底。上枱時湯面浮著金黃油花，揭蓋的瞬間，膠原蛋白的濃香直衝鼻尖。花膠炖得軟糯，夾起時微微晃動，入口滿是膠質；雞肉斬得大件厚實，涮完依舊嫩滑，咬開時肉汁滲出來，配著濃湯喝，暖意從胃裡蔓延到全身，打底的湯就先贏了半程。原條金虎斑新鮮到魚眼透亮，師傅片得薄厚均勻，湯裡涮3秒就變雪白薄片，入口彈牙鮮甜鮮鮑魚涮完咬落彈牙有勁，蘸點薑蓉豉油，鮮味直接翻倍廣島蠔個頭飽滿，咬開瞬間爆汁，一點腥味都冇牛肉拼盤絕對唔講得優惠價$68可以試到咁多款靚牛肉…查看更多

這天830pm來到稻香，目的就是為了「打邊邊」。準時來到，已經坐無虛席，場面非常熱鬧。稻香最近推出推出一連串火鍋優惠，晚上8時30分後入席，可享火鍋配料3.8折及鍋底半價，還能參加有趣的遊戲活動，以$9.9換購即撈鮮活龍蝦！除火鍋配料有優惠外，火鍋食客更可以參加「藍妹$48一手任擸」遊戲，限時30秒內，單手拿起細支裝藍妹啤酒，維持10秒，拿多少就得多少，更可以低至$9.9 點選鮮活大龍蝦一隻。火鍋配料選擇多樣化，包括頂級海鮮、鮮嫩牛肉片，招牌彈丸、雲餃等等，還是新鮮蔬菜，都可以以超值價格享用。招牌花膠雞鍋及菌皇地雞鍋都可以以半價點選。菌皇地雞鍋湯底味道超級鮮甜，有滿滿菇菌香，雞件大大件，口感嫰滑，每一口都充滿雞香及菌香，推介。即撈鮮活龍蝦龍蝦肉質結實，細緻Q彈，口感十足，味道鮮甜，非常新鮮。美國安格斯牛盤原價原價$168，現低至$68/份，安格斯牛肉肉質鮮嫩，脂肪豐腴，入口滿滿油花，肉味濃郁。手打蝦滑蝦滑口感彈牙，鮮嫩爽滑，非常好吃。嫩鴨血鴨血份量極多，鮮美嫩滑，零腥味，吃後有餘香。鮮味魚腐魚腐口感細滑，吸收了滿滿雞菌湯後，味道巨鮮味。…查看更多

近排同幾個老友記約埋去稻香打邊爐，未入門就見到店員係門口介紹「一手任擸」活動，單手拎住細支藍妹啤酒撐10秒就得啤酒，仲可以平價換鮮活龍蝦，拎7支以上居然$9.9就有隻龍蝦，前10名仲能參加9月30日終極活動贏萬元大獎，即時約定下次一定要挑戰！入坐後揀咗招牌花膠雞鍋做底，上枱時湯滾得滋滋響，揭蓋就聞到濃香，花膠厚身腍滑，咬落有膠質，雞肉斬得大件，涮完都唔會柴，飲兩碗湯暖到入心，用嚟涮餸最啱！食材揀咗一堆靚餸，原條金虎斑新鮮到反光，師傅片得厚薄岩岩好，放湯裡涮3秒，肉質雪白彈牙，入口滿是魚鮮；3隻鮮鮑魚洗得乾淨，殼薄肉厚，涮完彈性十足，蘸少少豉油就夠鮮；廣島蠔個頭夠大，咬開爆汁，完全無腥味；白鱔片切得透光，涮完滑溜溜，帶住淡淡油脂香。仲有竹笙皇吸飽湯底精華，咬落爽脆多汁，油麥菜新鮮翠綠，解膩又惹味。最抵讚係推廣嘅安格斯牛盤，$68一份分量唔少，牛肉雪花紋勻稱，放花膠雞湯裡輕涮至微粉，入口嫩到融化，性价比真係無得彈！呢餐打邊爐，食材新鮮、湯底夠正，仲有好玩嘅互動活動，食到飽飽仲有期待，真係一次超開心嘅食飯體驗，下次一定帶多啲朋友嚟挑戰拎龍蝦！…查看更多

稻香又推出咗新優惠啦！下晝5:30後入座，全部鍋底半價，而且全部火鍋配料6折！而夜晚8:30後入坐嘅話，所有火鍋配料仲會有3.8折添呀！另外仲可以挽埋藍妹$48「一手任獵」遊戲，拎到指定數量嘅藍妹啤酒，仲可以以優惠價換購鮮活龍蝦一隻！真係抵挽又抵食呀！晚市咁抵，我同朋友都唔經唔覺叫咗好多野食！🍲招牌花膠雞鍋 $198- 份量好足，有成半隻雞！花膠軟滑，雞肉鮮嫩多汁，湯底味道濃郁！🐟原條金虎斑 $208🦐鍋用手打蝦滑 $68🍄‍🟫金菇 $43🥬油麥菜 $43🥓羊肉片 $68🧆自選餃類雙拼(各三粒) $48- 各種火鍋配料無論係蔬菜定係肉類，都非常新鮮，份量絕對唔少，而且虎斑魚有完整一條！🥩安格斯牛盤[推廣] $68- 68蚊就可以食到大大份嘅安格斯牛盤！有各式各樣嘅牛肉，一次有大大嘅滿足！🍵晚市茶位費 $15/位叫咗咁多野食折完之後都係四百幾蚊咋！真係好抵食呀！特別係安格斯牛盤，真係超級大份！另外鍾意飲啤酒嘅朋友一定唔好錯過佢地嘅藍妹$48「一手任獵」遊戲啦！真係抵食又抵挽，有興趣嘅朋友快啲帶埋朋友一齊黎啦！…查看更多

前排成日OT🥺同事話稻香8:30pm後打邊爐好抵呀！所以去試吓！埋單都係$3xx‼️火鍋湯底全晚半價‼️打邊爐最緊要就係湯底！今次試花膠雞鍋😻有半隻雞啖啖肉！仲有幾塊大花膠，入秋後食滋補養顏🫶🏻🌟必食推介🌟安格斯牛盤 \.震撼價💲6️⃣8️⃣./有安格斯牛肉粒、牛肉片、肥牛、金錢肚、牛丸及菇類‼️超抵食呀！火鍋配類❗️8:30pm後食低至3.8折❗️叫海鮮最抵食！平過買一送一！所以叫咗鮑魚、沙白！牛丸同蝦膠鮮味又彈牙！🌟瘋狂大優惠🌟1️⃣所有鍋底全部半價（17:30-22:30）2️⃣火鍋配料8:30pm後低至3.8折；17:30-20:30 有63️⃣凡8:30pm後入座惠顧火鍋，則可參與藍妹💲4️⃣8️⃣任臘‼️🍻 遊戲玩法：限時30秒內，單手任擸藍妹啤酒細支裝並需維持10秒，即可獲得同等支數藍妹啤酒🍻每人每晚最多可參與兩次！遊戲參加者必須年滿18歲。優惠日期：8月29日-9月30日…查看更多

稻香又有超級優惠活動了！這次我們2個人才吃了400左右，一個人就200港幣，有龍蝦🦞鮑魚，老虎斑！稻香宵夜時段8:30入座，全部鍋底都有半價，所有火鍋配料都係38折好抵食，仲可以現場玩藍妹遊戲「一手任擸」，凡參與$48一手任擸活動，每一次任擸指定藍妹啤酒數量，可優惠價換購鮮活龍蝦一隻；4支可換購$88壹隻，5支可換購$78簽隻，6支可換購$68壹隻，7支或以上可換購$9.9壹隻。蝦湯鮮貝鍋，湯底入面有新鮮海蝦🦐同埋海蜆，湯底好鮮甜濃郁！必食推介一定係安格斯牛盤，限時優惠價$68，有安格斯肥牛同牛肉粒，牛肩胛肉眼，滑牛肉，牛肚等，個拼盤非常豐富足料。原條金虎斑🐟即叫即劏特別新鮮，肉質好彈牙，而且size真係好大，重量級！廣島蠔好肥美，咬落一口爆汁，食落鮮甜甘香鮮鮑魚經過處理，清洗得好乾淨，大大隻，好有咬口，好鮮味！😍😋日本紅鮮魷，每一隻都肥嘟嘟，食落好鮮味爽口！啊！要再去！！😂哈哈！…查看更多

突然想食飲茶，見呀女好肚餓就入咗間最近既食酒樓。餐廳有BB椅🪑，又可以攞畫紙俾小朋友畫畫，幾貼心。今次叫咗兩個點心籠：蝦餃同燒賣，仲有一碟乾炒牛河。蝦餃皮薄蝦爽，燒賣好彈牙，味道唔會太咸，小朋友都啱食。牛河炒得乾身又香，有鑊氣但唔油膩，我自己都食得幾滿意。女女食完之後仲話下次要再嚟，因為「燒賣好好味」😄。店員態度都唔錯，主動幫我哋搬位擺BB車，又有笑容，感覺幾舒服。雖然旺角人多，但稻香內部空間算闊落，小朋友坐得都幾安心。埋單都合理，兩大一細埋單$180左右。整體來講係一次幾愉快嘅親子晚餐體驗，方便又好味🍽️。…查看更多

開完會一齊去旺角晚飯，去咗一間出名平價酒樓，選擇唔多，侍應生最鍾意叫你食套餐，因為8個人所以唔叫套餐，今日好似無乜優惠，只有幾樣特價。清蒸龍躉斑$29.9-（特價）魚就細細條算係新鮮，正常發揮。山楂咕嚕大蝦球$108-有6隻份量可以，山楂幾特別。酥香蓮藕餅$98-好大件，炸粉包蓮藕片夾魚肉炸，蓮藕片超薄，都唔錯。花膠紅燒豆腐$98-成碟各方面都比較淡，麻麻地。椒鹽焗肉排$118-外皮香脆，裏面肉就無乜味。沙嗲粉絲肥牛煲$118-上枱有啲嚇親，超級大煲，味道又係偏淡，無乜沙嗲味，牛肉普通，超多粉絲。魚香花膠茄子煲$128-即係茄子煲加幾件魚肚，正常茄子煲味道。鬼馬小炒皇$128-同一般小炒皇分別係用蒜芯加油炸鬼炒，有啲特別，味道無驚喜楊洲炒飯$128-呢個有啲貴，配料少，味道好普通。…查看更多

訂咗長腳蟹 嚟到又話冇貨啲職員侍應惡到死大大聲話唔關佢哋事左推右退 耍晒太極明明就有蟹 係留起咗比自己啲熟客建議以後都唔好再去如果10分差係滿分 稻香大概係150分極度極度極度惡劣…查看更多

冬至晚上，門口接待的職員在招待客人時，因與其他待應溝通出問題而爆粗，用詞流利而且兇惡！粗言穢語響徹整個大堂，雖然不是責罵客人，但令眾多等位客人耳朵受罪。另外，接待職員指冬至不設訂枱，但有客人來到時表示，有職員早前主動預留了客人電話號碼作訂枱之用。當晚待應派發的菜單亦列明，預早訂枱可享減價優惠。為甚麼職員說的與菜單所列的不符？是酒樓行政混亂所致？臨走時又見有客人要求找最高級的經理作投訴。整體來說，酒樓給予客人一個非常惡劣的體驗。…查看更多

由坐底落單至埋單都係自助形式。成場爆滿，服務待應左右全場應該無6個人。落單4-5個人舉手落單，待應只係用一雙眼射下你，之後自己做返自己野走開。叫左套餐一圍好快手上炸子雞了，但燉湯及波龍大慨等一個半個小時先上，每款菜平均等二十分鐘。（佢話廚房好爆！）自己壺茶自己行去加水，枱枱都係咁。食完啲餸菜碟，三隻放住係張枱道，自己攞去車仔喇。枱枱都係咁！骨碟自己攞自己派自己收，上咗翅一大湯碗咁放住係道，待應用對講機講上翅攞碗。講左當做左，等佢分，深消都未有得食！每人自己筆落碗算喇！到中段4-5個待應及樓面大家姐係場內鬧交，做就5分鐘，鬧就鬧咗十幾二十分鐘。好野！做兩三場大龍鳳就可以收工。服左你！直到去櫃檯埋單，收銀同樓面都仲有得鬧。啲客就企曬係道等。如果大家希望有服務，這店係零。平係平，但希望帶長老去興祝紀念日的朋友，請三思！這店會俾你見到服務態度可以做到有幾差的一面！下次去過關定去這間，毫無疑問；過關！！！！！…查看更多

服務態度真係差到一個點😡一入去推車仔送餐嘅姐姐橫沖直撞，完全不會理會食客，直接就撞過去😪然後到坐低叫嘢食，完全冇人會走過嚟落單，落完單等咗45分鐘，發現嘢食未嚟，問一問樓面原來漏單，然後再等多半個鐘先有得食😪所謂嘅樓面經理態度亦都非常之惡劣😡👎👎👎…查看更多

提前預訂好2張枱，當我們到達時職員張已預訂好的餐枱給其他客人使用，與職員商榷解決問題時職員不耐煩，而且嫌客人事多麻煩，不想處理。入座後才告知用餐時間為2小時，在有時間限制下並沒有即時提供二維碼掃碼點食物，需要三催四請下才有相關服務。…查看更多

晚飯一行幾人，想開心食個晚飯啫，嗌咗個套餐，等咗45mins,最後咩都冇上到，問一問先知原來冇落單，道歉都冇，唔好意思都冇講，仲要大大聲話落錯單好正常喎！好笑嘅係仲要同隔籬枱講，搵人認同添！犀利！今時今日嘅服務態度，真係令我眼界大開！！其實唔想做咪唔好做囉！態度呼呼喝喝咁，比錢買難受，嘢都未食，已經成肚氣！谷鬼氣，唔食走人！唔明點解呢間垃圾，今時今日仲生存到！呢間嘢永遠不會再光顧！垃圾中的垃圾，無其一！…查看更多