稻田食堂

營業中

休息中

屋企附近新開左間日本餐廳，入到去見到佢啲便當幾吸引，就叫咗鹿兒島便當。呢個便當都幾抵食，分別有刺身兩塊三文魚、兩塊帶子、一隻刺身蝦，食落去都幾鮮味。個咖喱飯都做得唔錯，好重咖喱味。天婦羅炸蝦個炸漿夠脆夠鬆軟，另外豬軟骨都炆得好淋好入味。食日本嘢，我最鍾意飲麵豉湯。依家入面有三文魚肉，我超級鍾意。叫左串照燒脆骨雞肉丸子，幾好咬口。鹽燒三文魚鮫燒得剛剛好，油脂分布好平均，好香魚油味。叫多咗個特選五色丼，入面有三文魚、北寄貝帶子、赤蝦、海膽，超級豐富，見到已經流晒口水，一啖刺身一啖飯，食到超級飽。最後口痕，叫多個帶子刺身，帶子好鮮甜入口超級新鮮。

這間稻田食堂仍然試業中，見到餐牌幾抵食就入內一試。裝修簡約舒服，用QR code 自助落單，十分方便。餐牌選擇頗多，壽司，刺身，炸物小食，一品料理等。星期六的下午還有多款抵食的午市定食提供。特選壽司配迷你真打稻庭鳥冬，配上小食及茶碗蒸都只是$75, 壽司有三文魚，油甘魚，帶子，北寄貝，墨魚及加州卷，賣相不錯，壽司新鮮肥美，配上薄而幼身，口感滑身的稻庭烏冬，十分飽肚。日式蜜糖烤雞翼拉麵，附送味噌湯，小食及蒲燒鰻魚加州卷2件，都只是$78. 豬骨湯底的拉麵大大碗，3隻蜜糖烤雞翼比較細隻，有CP 雞翼的味道。味噌湯內有三文魚及海帶，不會太咸。另加$22追加了唐揚魷魚鬚，沒有厚厚的粉漿，炸得香脆乾身。二人埋單都不用$200，很抵食。

日式便當日本旅行就未有得去住, 咁唯有去食返個日式嘅便當🍱同日式咖哩吉列豬扒🍛飯當去咗旅行啦!😂😂我講緊嘅就係位於葵芳新開嘅稻田食堂呀! 😊呢間食堂仲係試業中。 因我要等個仔補習放學, 所以我去買外賣返屋企食, 等外賣嘅期間都見到好多人都入去試, 仲見人已經食緊便當, 我見到個樣已經好吸引呀! 😍秋田便當咖哩飯 - $94淨係便當都有十款 , 一盒便當🍱有5格, 價錢由$75-$94。 我揀咗秋田便當, 有脆香吉列雞扒一件, 燒汁豬軟骨兩件, 付味螺肉, 刺身三種, 有三文魚兩件, 帶子兩件, 有頭甜蝦一隻, 飯可選擇和風燒汁飯🥢或咖哩飯🍛。 三文魚刺身夠厚又新鮮, 豬軟骨非常之入味鬆化, 脆香吉列雞扒炸得夠鬆脆。 唔要飯可以加$10轉豬骨湯拉麵🍜或者鰹魚湯烏冬, 想食得再濃味啲, 可以加$12食芝士咖哩撈烏冬!自家製咖喱吉列豬扒飯🍛 - $59日式咖哩飯大大碗, 吉列豬扒大大塊炸得好鬆脆, 又juicy, 個咖哩汁一啲都唔辣, 但係好香甜, 食極都唔厭呀! 😋唐揚魷魚鬚 - $49一盒魷魚鬚, 份量唔錯, 即叫即炸, 非常之香口, 惹味😋, 好香脆, 又係食到停唔到口呀! 😂😂