稻八日式火鍋炸物放題 (已結業)

昨晚一家人去食生日飯，今次選了去稻八。每位$298再加一食澳州和牛放題，主要因為想試新野芝士奶蓋湯底，味道好特別，冇選錯。食品方面：我覺得澳洲M6和牛不肥，味道好；海鮮、帶子、甜蝦刺食等亦係我地今晚的主菜，另外，仲有大量新鮮蔬菜、丸類、自炸物及甜品選擇，整體都好好味。食到飽飽大満足。埋單後，可以每人還可以取一杯Haagen-daz 或Dryers任選，味道方面亦有多種選擇，正整體來說，地方舒適、食物總類多，且相當新鮮，極力推薦一試。

M6和牛盛合火鍋放題 $298好耐之前黎大埔踩完單車黎食過一次覺得唔錯 所以encore~ 店員推薦新出既芝士奶蓋湯 話配和牛一流喎😈 不過我真係唔夠勇氣試🙉 所以店員好熱心再推薦左日式沙嗲x清酒煮蜆湯呢個組合啦 沙嗲湯越煮越濃郁 同牛肉真係好夾!!🥰呢個澳洲M6和牛盛合有唔同部位 包括和牛胸肉 和牛下腹腩肉 和牛肩胛肉 和牛舌 唔似平時不斷食同一個部位咁悶!😇 全部排到靚靚仔仔 油花均勻 肉嫩有牛味同油香 牛舌少爽口😋羊肉片少少羊羶味好軟熟 豚肉夠香夠嫩滑海鮮盛合 有蝦 蠔 象拔蚌 墨魚仔等等 好豐富刺身任食 選擇多 新鮮 質素唔錯!出面有蔬菜丸類任夾仲有食涮涮鍋不可餸少既咖哩飯! 咖哩夠香濃 牛肉大大件炆到好淋 正!🤣出面仲有個DIY天婦羅區 有好多炸物串選擇🤯 今次終於食到上次冇曬既炸蝦! 仲食左金菇煙肉卷同茄子😍 自己蘸漿蘸粉拎去炸 仲可以喪落調味粉 難唔到小弟啦~臨走當然要食雪米糍同埋movenpick雪糕!☺

昨晚我們去食飯，今次選了去稻八每位$298再加一食澳州和牛放題，因為從來未見過芝士奶蓋湯底，所以打算去試吓。湯底唔會太甜好重芝士奶蓋味，煮肥牛一流！食物方面，我覺得澳洲M6和牛冇多餘嘅肥膏，味道好，重牛味，容易咬！海鮮、帶子、甜蝦刺食全部都好新鮮，另外，仲有大量不同種類蔬菜、丸類、自炸物及甜品！自炸物操作好簡單亦都好好味，實在係大満足呀。埋單後，可以每人有一杯免費Haagen-daz 或Dryers任選，味道方面亦有多種選擇，正。座位方便坐得舒適，行出去攞嘢食都好方便， 而且提供藍俾你放袋！整體來說，地方舒適、食物總類多，且相當新鮮，極力推薦一試。

咁耐無黎過，一黎到就發現有新湯底：芝士奶蓋味！未食之前以為係淡淡地，點知一試難忘，原來係好香濃嘅芝士奶蓋味，離遠都可以聞到。當然，配埋澳洲和牛之後，牛嘅脂肪比例剛好，食落又有奶香味，𝖕𝖊𝖗𝖋𝖊𝖈𝖙 𝖒𝖆𝖙𝖈𝖍! 今次咁創新的味道啱唒平時覺得普通湯底太冇新意嘅朋友。或者可以試下推出現在很受歡迎的珍珠奶茶味湯底，相信可以吸引更多人到店內品嚐。魚生又係必點，好新鮮！除了優質牛，店內的環境同服務維持好水準，枱與枱的距離適中，裝修舒服👍🏻店員幫忙加湯的效率幾高，最後亦主動叫我們拿雪糕食，值得一試！

當日9點15分就到左 見到9點半有宵夜可以平幾十蚊 當然等埋啦 睇下可唔可以早少少可以入去 職員都話可以早5分鐘入去混著醬先 再等到搭半先幫我地落單 非常好服務簡左258個個餐 有刺身 有靚牛牛食 醬汁方面點完好似無點咁 同水無咩分別 我地都反映返比職員知道 佢都真係去試飲 呢個精神非常配服 証實事實後都馬上說明左原因 可能是新職員去調較 比例輕左 所以馬上都拎左兜比較濃既比我地去食用 服務態度一流前前後後都食左幾次 今次既服務都係keep到咁好抵食加抵讚

通常價錢比較平嘅放題，食物質素相對冇咁高不過冇諗過喺大埔都可以搵到間有質素又唔貴嘅放題為食嘅我樣樣都想試，所以就揀咗$298/位嘅放題見呢個套餐包咗靚牛肉，仲有海鮮、刺身等等飲食，睇落好抵入到嚟覺得環境好舒服，坐位唔會好逼肉類就要請店員幫我哋攞，而其他配菜都可以自己去拎眼見蔬菜同其他食物都好新鮮除咗普通打邊爐材料，呢度仲有個小小嘅位置可以自己整炸物牆邊仲好細心有張紙教我哋點樣炸嘢食我哋揀咗兩款湯底，呢款係花膠雞湯見到有大大塊花膠同埋雞肉喺湯入面，非常足料另一個揀咗冬陰功毛蟹湯，湯底唔算好辣牛肉嘅款式都好豐富，有澳洲M6和牛、手切牛肉、美國豚肉同羊肉等等肉片嘅花紋好靚，脂肪分佈平均，唔似出面普通放題，如果係唔靚嘅肉，白色嘅脂肪仲多過紅肉除咗肉類，海鮮都係任食海鮮睇落同樣好新鮮，有貝類、蝦、墨魚等等呢個價錢連刺身都係任食，而且刺身同樣好新鮮，一啲都唔馬虎我哋另外加$30可以任飲清酒、啤酒等等雖然第一次嚟，但係呢度嘅食物同環境都好有驚喜，冇諗過呢個價位嘅食物質素可以咁好我哋已經諗住下次家庭聚會可以揀呢度食飯，所以即刻問定人多嚟有冇優惠原來七點半前埋單或者九點半後入座都有85折，生日提早訂位仲

嘩！好耐冇試過咁早開飯啦！今日我book咗6:00入大埔食呢個日式放題，有咩咁特別？因為我有班大埔朋友介紹我嚟呢度食，佢哋個評語係抵食夾大件， 咁唔係唔知啊嘛。 其實佢有唔同嘅set嘅$158起到到$368都有我就叫咗個$298 M6和牛任食。 呢個價錢已經食到好好味嘅和牛再加埋佢哋有啲特色嘅湯底， 所以我好想好想試。但因為正常晏d 嘅時段已經full晒啦所以我6:00都book, 照開飯， 今次帶同媽媽黎試， 開頭都怕佢唔啱食, 點知佢話好好食好抵食， 下次都一定要來， 哈哈！$298 M6 和牛set 有以下M6澳洲和牛牛肩胛肉M6澳洲和牛舌M6澳洲和牛下腹腩肉M6澳洲和牛牛胸肉極上安格斯牛小排特級美國穀字牛美國進口牛肉美國自然豚肉片羊肉刺身炸物日本北海道雞片海鮮盛盒佢有啲湯底都真係幾特別㗎， 我都掙扎左一陣叫邊個湯底好因為我本身又好鍾意食🧀芝士但係又想試佢個美人鍋喎。最後媽媽話想試佢個冬陰公毛蟹🦀， 所以就點左冬陰公毛蟹湯底啦，唔太辣，所以唔太食得辣嘅人都可以叫呢個湯底， 成隻毛蟹🦀喺裏面架真係。🤤🦀餐廳仲有自助蔬菜吧， 包括有不同菇類啊，不同種類嘅菜啊， 豆腐等等。。。另外仲有

相信大家最近生活上面對住各種壓力~ 香港人加油~!!!  要同自己講番聲   辛苦晒~!     終於都可以好好食番餐啦~!     今次入黎大埔搵朋友   見到呢邊好多野食[[ 其實有好多間我都想食 =V=]]  但就揀左呢間好好彩   一點都冇令我地失望~   一級棒!!! 超好食的牛肉放題    Yummy~~~~一入黎已經見到好多人  個個都滾緊呀!!!   侍應都好好人 好NICE ~  1d黑面都冇  招呼周到~ 配料仲好多  任君選擇   排得好靚呀~ ~然後我地揀左比較少地方有的  壽喜燒湯底~ 拿拿拿~  以我食過咁多間大大小小火鍋的經歷呢~   呢個湯底真係唔係成日有架~ 通常有的都係真係日式餐廳先有~   而呢一款湯底 係搭配牛肉最佳之選   有佢連醬油都唔洗點架 *v*  甜甜地 + 小小咸味  +牛肉味  可以再落d蛙蛙菜  小白菜 吊下味~ 會更加好食~  入正題啦~~  我地點左 澳洲M6和牛盛合食完再叫無限叫~ @3@  唔清楚的話 可以問下店員呀~   和牛超好食 超好食 超好食 呀!!!  翻叫左4盤和牛 HAHAHA  羊肉都好好食~  仲有刺身都

假日去太和探朋友 晚飯時朋友介紹了這間位於大埔新開的高質牛火鍋任食餐廳 店外嶄新的裝潢  店內擠滿了的客人 我們拿了籌號等待著 終於輪到我們 坐定後我們選了澳洲M6和牛盛盒任食餐 選了北海道3.6牛乳牛骨湯底 這個套餐有牛肩肉 牛舌 牛胸肉 牛下腹腩肉 全部都是任食 我認為最好味的是牛下腹腩肉 嫩滑又甘香 所以我再點了兩盤 另外點了三文魚刺身 甜蝦刺身等等 刺身還是腩位來的 外面還有許多半自助的火鍋配料任君選擇 清酒 飲品 熱茶 雪條雪糕 自助天婦羅烤物區 最後結帳後還會送一人一杯哈根達斯雪糕 價錢300蚊左右就可任食到高質牛肉 物超所值阿

非常滿足又係時候刷返餐, 今晚食稻八日式火鍋炸物放題! 一入去就有員工熱情款待, 而且環境舒適乾淨, 食物擺放得好有條理, 食得好放心! 佢仲有個位可以自製天婦羅, 好過癮~ 小朋友就記得要有成人陪同喇😉我地order左$298澳洲和牛餐 & 壽喜燒湯底, 就咁睇啲牛到都已經覺得好新鮮, 仲試咗好多唔同部位, 肉味濃, 好味😌😌 呢個餐仲可以任點指定刺身, 仲有一碟海鮮拼盤, 而放喺出面嘅材料都係任食, 仲有雪糕, 飲品, 都係任飲任食🤪🤪 非常滿足!!

大埔區好多嘢食，除咗一般小店外，仲有好多唔同種類食物可揀。相信總有一樣啱你口味！今次嚟試呢間係日式火鍋，店內裝修都以日式為主。店員服務好好，會再講介一下邊啲係推介菜式，而且地方闊落，一啲都唔迫啊！今次試咗$298嘅«嚴選澳洲M6和牛餐»，仲有任點刺身，果然好超值😗今次揀咗某幾樣自己特別想分享多少少嘅比大家，120分鐘嘅放題絕對夠時間食呢🤤記得最後食埋Movenpick或者Haagen Dazs雪糕先走啊😛壽喜燒甜醬油湯因為本身鍾意食壽喜燒，所以一見到就二話不說揀咗😛澳洲M6和牛$298呢個餐本身就包左呢份。肉質相當鮮嫩，唔會韌！而且牛味很濃。我自己本身好鍾意食牛，所以我覺得呢個價錢真的物超所值！刺身包羅萬有海鮮盛合天婦羅區不得不提佢有個自製天婦羅區域，可惜我口嚨痛所以就無整到了。感覺都幾可惜，但總有機會吧！

今日約左班小學同學聚會，所以遠征太和同朋友見面，本身好少會過黎呢邊，所以對呢邊非常陌生。見完面又到左晚飯時間，所以早d 上Openrice搵定野食。見到呢間稻八係openrice 既評價非常之高，主打和牛放題日式火鍋。入座後可以先揀套餐，再揀湯底。今次試下個冬蔭公毛蟹湯，最近做緊promo, 唔洗加錢。估唔到真係用成隻毛蟹淆湯，冬蔭公味就略嫌淡味左d.另外我地揀左💲2️⃣9️⃣8️⃣ 澳洲M6 和牛放題套餐，已包括所有肉類任點。另外仲有刺身，炸物任食。呢間算係我食放題之中既頂級，肉類絕對有水準，就算其他食物都唔馬虎，推介⭐️⭐️⭐️⭐️⭐️

控制成本，雪糕愈來愈cheap, 開頭幫襯佢比我地既ice cream 係dryers，任食, 之後變做每個食客限拎一杯，鎖左個雪櫃，仲有waiter係隔離睇住，waiter話因為有某部分食客拎左dryers返去之後又無食，浪費左，再之後去幫襯，由一杯dryers變左做大脚板雪條..............................無言，之後亦都無意欲再去，本來幾鐘意佢有串燒蕃薯仔同埋幾好食既甜品&咖哩飯的，可惜愈做愈差。

140 cm 以下小童半價醬料：最基本 豉油、生蒜、蔥、辣椒就夠用。喜歡辣的朋友，可以加埋 七味粉。前菜：中華沙律、八爪魚依家好貴，食多D先........食物：有刺身 （帶子、象拔蚌、鮑魚、劍魚腩...）自己炸天婦羅，炸蝦🍤天婦，小朋友自己炸自己食。仲有燒賣、魚旦、茄子🍆......主角：牛、豬 （要叫侍應下單）最仲意食的蔬菜🥬，好新鮮。不過「嚮鈴」就洩氣，不好吃。甜品：雪糕糯米茲、雪糕雪條。最正係 榴連雪條。最後，有好好味的 M字頭雪糕一杯。環境：多人，不擠迫。天婦羅的位置，不油，好乾淨；

是日同朋友們相聚，呢間火鍋加放題係朋友仔介紹，主要食多款種類牛肉、海鮮拼盤、刺生等……原本聽起來並不吸引，因為相似類型餐廳多的是，但用餐後發現牛既款式真的比其他餐廳選擇多，而且價格合理，我們只用了三百多元便能夠吃到五款不同種類的牛、海鮮、花膠、刺生等……首先，到達的是M9和牛、M6和牛盒（包括金錢展、 牛肩胛肉、牛舌、牛下腹腩和牛胸口肉）、穀飼牛、牛小排、美國牛，共五款。M9和牛不得不試，我們重複數次點叫並且每次叫2份至4份，而M6和牛盒能夠一次過品嚐五個牛的不同位置。其次，豚肉片、雞肉片和海鮮拼盤。雞肉片和豚肉片都相當嫩滑，薄身的豚肉片不用等太耐便能夠吃，而海鮮拼盤有多款貝殼類、海蝦、鮮魷魚和蟹柳，除了以上海鮮外，還是花膠、鮮蝦滑、鮮墨魚滑可以向員工落單。然後，桌上有刺生紙提供給客人自行落單，款式也頗多，例如八爪魚、北寄貝、象拔蚌、油甘魚、帶子等……除了必食和牛和火鍋配料和刺身外，飲品和雪糕都是自取任食，性價比很高！