稚

營業中

休息中

橫街上的小店，坐位不多，平日晚上8點接近滿座，除左主食，仲有好多選擇。香煎和牛漢堡扒照燒汁表面焦香，入面軟熟，其實唔點燒汁都好夠味。好鐘意佢個擺盤，菜絲底，上面放漢堡扒，旁邊有薯餅，漬物，玉子蛋，好有日本家庭feel。定食有足料麵豉湯，鐘意佢細碗得嚟夠濃郁；關東煮嘅福袋有軟熟年糕。茶漬飯淡淡清香，夏天食唔錯。西京燒比目魚定食喜歡西京燒，有兩大件魚。比目魚魚脂豐富，加上濃郁麵鼓醬焦香，入口又滑又香，送飯一流。黃金醬燒蠔 其實冇留意係咩燒蠔，面頭係燒過嘅沙律醬，下層食落似蒸蛋，口感滑溜特別。日本青椒豚肉串要小心食，青椒爆汁燙口，燒過嘅豚肉脆但唔乾，有肉汁好味

上次嚟咗呢度食午餐嘅時候叫咗佢哋嘅🧀芝士年糕, 好食到不得了念念不忘🤭記得佢哋個Menu定食裏面有好多唔同🐡魚類嘅飯,所以琴日中午特登嚟試吓佢哋嘅比目魚同鰻魚飯定食🍚兩樣嘢都好好食呀而且比目魚🔥煎得好香口, 裏面啲魚肉仲係好嫩， 鰻魚都好大條而且都好厚肉， 個鰻魚汁又好好味， 佢哋嘅麵豉湯裏面有冬菇🍄同豆腐又夠熱辣辣，好好飲😬當然唔少得佢哋嘅🧀芝士年糕啦， 呢個我一個人都可以食到10件真係好好食😋， 裏面仲流晒心添

❤️相信都唔少人鍾意食日本菜除咗食魚生、拖羅之外其實我係非常之鍾意食熟食！因為要煮熟咗至少都起碼唔驚會有啲咩肚仔唔舒服嘅問題🫶今日咁啱入開元朗，去咗早排見到幾個朋友都去食嘅一間日本菜小店，佢哋話呢度嘅午市套餐好有特色同埋好好食，一set裏面就有埋小食前菜麵豉湯等等，價錢仲係幾實惠嘅，我哋兩個人就嗌咗兩個便當套餐加多一個小食。🐟蔥燒三文魚腩定食肥肥嘅魚腩經過廚師嘅精心燒制，啲omega-3好似爆曬出嚟啦🫶蔥燒呢個做法其實真係幾香口，飯上面會有飯素，好食🫶🐷汁燒豬軟骨便當豬軟骨又淋又滑又入味，師傅唧咗一啲沙律醬喺上面再明火燒，呢種豬軟骨經過消後有一種焦香非常惹味！🍡和牛可樂餅咁本身我就唔食牛肉嘅，朋友叫咗呢個食,話佢都炸得鬆脆香口裏面嘅薯仔同埋啲和牛味道好融洽🫶

元朗一向小店食店較多，今日搵左間地點無咁旺既地方小食開飯，小店的定食好抵食，幾十蚊有交易，而且質素唔錯，值得一試。蒽燒三文魚腩定食 $84定食有前菜、湯、沙律及飯，相當豐富，而且味道不錯。三文魚燒得外表脆脆的，魚肉多汁，配上燒汁惹味可口，好味。這個蒽燒三文魚腩充滿驚喜，外脆內軟，口感一流。香煎和牛漢堡扒定食配照燒汁$84和牛漢堡有濃郁的牛肉味，而且漢堡不會太乾身，隨自己喜好加上照燒汁，帶出不同口感。隨和牛伴上的小薯餅十分香脆，不會有油味，也不會有太多油，配合漢堡一起進食，令整個定食更完美。章魚小丸子$42上檯時熱辣辣的，小丸子外面香脆，不會太多粉醬，餡料味道不會太濃也不太淡，而且一咬就食到章魚粒，不錯。

上次請大佬鋸扒，今次輪到他請我吃飯 😙 日式店小小一間位置不多，裝修充滿動漫元素，青春返來了 😆🔸招牌蒲燒鰻魚定食（半條）份量比想像中多，鰻魚蒲燒汁好好味！鰻魚肉好軟腍又入味 😍 定食還有蜆肉麵豉湯和關東煮，伴碟有漬物酸酸的吃一口特別解膩 👍🏻🔸西京燒比目魚定食比目魚的油脂超級正！一夾就爛入口即化 🥰🥰 轉了貓飯，加了紫菜、柴魚碎、特製醬油和少許牛油，一定要馬上拌勻，好吃 😋😋😋🔸酥炸生蠔 / 芝士流心年糕生蠔外面好脆入面不腥，要趁熱吃！年糕好軟糯，放到最後吃也很好吃，配上芝士一流 🤤整體味道很滿意，份量亦是超出預期的多！下次再來嘗試其他定食 🤩🤩

相信好多元朗友都知呢間人氣日式料理小店。上年老公喺OpenRice 發現評分幾高，帶我嚟食過一次。食過真係OK喎😋 好食👏🏻價錢合理👏🏻 我食完念念不忘，叫老公陪我再食一次，質素水準Keep得住喎❤️主食（+$30升級定食, +$10 轉貓飯)1. 蜜糖芥末雞翼雞翼兩面有煎過，雞皮金黃焦香，淋上蜜糖芥末醬，滋味無窮🤤 當夾起雞翼，已經知道雞肉鬆軟嫩滑👏🏻 肉汁脂油佈滿口腔，好味！2. 味醂魚乾魚乾口感烘得乾而不柴，通透潤澤。魚香鹹鮮，配合味醂甜甜哋，惹味👍🏻 用嚟送日本清酒🍶一流，可惜老公今晚有揸車。3. 蒲燒鰻魚（半條）定食燒鰻魚肉質口感軟熟，冇咩骨，好食。味噌湯材料幾多，仲有一至兩粒蜆👍🏻 關東煮日本大根香甜入味，軟腍無渣。4. 西京燒比目魚定食 *轉貓飯比目魚好入味，以前自己整過西京燒比目魚，要整到魚肉入味，一定要醃得耐，但又不能太耐否則魚肉容易鬆散，煎得唔靚。呢度比目魚食到肉質緊實，而且魚皮煎得好香好脆，真係抵讚☺️👏🏻

約咗好耐冇見嘅朋友，誠邀我到元朗這間日式小店「稚」，說這裏的定食好出色，而且鄰近朗屏地鐵站，都算交通方便。步進這間日式小店，兩邊的牆壁上也有一些日本漫畫掛畫，店舖亦會播放在日本的動漫歌曲，恍如置身於日本食店呢！🐟比目魚西京燒定食（貓飯）比目魚有2大片，真正煎得皮脆肉滑，貓飯即係加左紫菜、醬油、牛油及木魚絲嘅飯，個定食仲包左麵豉湯、關東煮及熱茶，份量非常足夠！🐮燒汁和牛漢堡定食（茶漬飯）這個定食除了有一大件很好味的和牛漢堡外，還有兩塊炸得香脆的薯餅。另外定食套餐還可以$18加配小食，我們點了燒雞腎及燒雞軟骨串，食物質素真係唔錯！飲品方面，這裏有進口的日本支裝汽水，我們分別叫了富士山柚子梳打及靜岡綠茶可樂，味道非常特別！

自從搬咗去元天屯之後，我就開始喺附近搵餐廳，尤其近屯馬綫沿線嘅就更加唔可以錯過🤭今晚嚟到朗屏出名性價比極高嘅和風定食小店「稚」🇯🇵 我仲約埋住錦上路嘅同事一齊，原來佢之前已經嚟過幾次，所以今次佢話食乜就食乜🤤西京燒比目魚配貓飯定食 ⭐️⭐️⭐️⭐️⭐️西京燒真係日本其中一樣最偉大嘅發明😍 呢度嘅西京燒比目魚有兩大塊，啖啖肉嘅魚肉好滑好厚身，配埋貓飯係絕配，如果唔係同同事share食，我應該會1個人食晒2塊🤣滑蛋吉列豬扒配烏冬定食 ⭐️⭐️⭐️⭐️⭐️無諗過原來睇落好平常嘅滑蛋吉列豬扒係可以整得咁好食😍 唔怪得同事一坐低就話食呢個！吉列豬扒不但止炸得好香脆，而且調味一流，上面舖滿滑蛋加埋洋蔥，配埋一齊食真係好滋味，可以話係我食過最好食嘅滑蛋吉列豬扒👍🏻 呢個定食我地轉咗烏冬，諗諗吓應該配飯會夾啲🤣飛驒和牛可樂餅 ⭐️⭐️⭐️⭐️不嬲都好鍾意食可樂餅，見到menu有飛驒和牛梗係要試吓😁 可樂餅有2餅，外層炸到脆卜卜，入面餡料質地比較似薯蓉，牛肉磨得幼細，所以食落好creamy🐂味淋魚干 ⭐️⭐️⭐️⭐️⭐️Menu推介嘅菜式之一，果然係必食之選🥰 平時去居酒屋都會叫魚干配吓酒，今晚雖然係無酒之夜，但同朋友一邊傾計一邊食魚干都非

呢間元朗🎌日式料理小店好精緻呀！仲有鋼之鍊金術師🗻做壁報，鋼迷見到實好有歸屬感！叫咗波子汽水一齊飲，食日式菜必叫！😋🍋檸檬🍊柚子雞翼🍗柚子醬好濃，雞翼脆脆哋，勁大隻！其實兩人叫一份都夠～🍯蜜糖芥末雞翼🍗調味好吸引！蜜糖芥末雞翼喺香港都少見，整得好好味西京燒比目魚🐟比目魚勁大舊勁滑！加埋mayonnaise真係一啖接一啖！蔥燒三文魚腩🎏份量又係勁多，三文魚腩好有咬口，加埋配菜食到勁飽～

元朗日料小店🍽️估唔到甘有驚喜呀😋探索完濕地公園之後🔍特別肚餓🤤定食份量相當豐富🍱味道及性價比都好高🆙🍱西京燒比目魚定食比目魚煮既時間拿捏得好好～肉質嫩滑🌟茶漬飯份量亦唔細喔😌🍱蔥燒牛舌定食即叫即燒🔥薄切牛舌👅所以都要等待一下⏳表面燒至剛好微焦💥牛舌鮮嫩🈶嚼口👍🏻沾上醬汁更將味道帶上層次🍱漬物年糕福袋🫔軟綿入味🙂‍↕️年糕夠軟糯🌀大根無渣且超清甜🍱味噌湯鮮味十足👍🏻用上鮮花甲✨日本菇🍄豆腐煮成🍲

好耐都唔入一次元朗，今次跟住朋友去左呢間位於元朗既日系小店食lunch，環境唔係好大，不過裝修充滿日系風格，定食都唔係好貴，值得一試西京燒比目魚定食 每份定食均配前菜、小食、煎茶、味增湯及珍珠米比目魚肉嫩骨少，特別鐘意個醬甜甜地好惹味，最岩配飯一齊食*定食當中「白飯」可轉貓飯、茶漬飯、湯烏冬今次揀左平時好少見既貓飯，其實係加左紫菜、木魚花、日本醬油同牛油既飯，食既時候更有風味招牌蒲燒鰻魚定食鰻魚大大條，醬汁香甜，同樣出色，鐘意食鰻魚既朋友仔要試下小食揀左炸雞同炸芝士，炸粉不會太厚，食落香口大滿足蜜糖芥末雞翼有4隻，熱辣辣雞翼入面仲係好juicy，蜜糖芥末醬汁甜甜辣辣好惹味

距離朗屏站有間和食小店，成日經過都好多人等位終於都有機會試到啦，座位唔算多同埋有低消所以要留意下，主食可以加$30 升級做定食，抵食又夠飽🔸西京燒比目魚定食兩塊大大塊既比目魚，魚肉嫰滑味道帶甜，加左d檸檬汁去調味平衡返魚油既膩口，定食仲有個關東煮，真係種類夠多又夠飽，滿足貪心既人類🔸滑蛋豬扒定食轉貓飯滑蛋豬扒就正常發揮，要講下個貓飯貓飯依個食物睇漫畫就睇得多，食就真係第一次。放一小塊牛油係白飯然後擺木魚花+紫菜碎，上枱後用白飯既熱力盡快搞勻。牛油既香伴咸咸既紫菜木魚花，好食到不得之了😍

今晚《稚》好多人呀！等左半小時先有位🙈二次回訪，牆上換上新壁畫，依然走動漫風，添上好多新人物😌來兩份日式定食晚餐，今次齊齊升級貓飯，藉米飯熱氣微微融化牛油，柴魚香包裹著飯香，濃郁舒心，上班前來吃一碗貓飯，簡直是心靈大療癒！🥰必點蔥燒簿牛舌，今次試下山賊豚肉燒，估唔到超大份囉！真係好抵食，豬肉口感柔軟嫩滑，一流既下飯菜👍🏻另外點多左兩串燒鰻魚，外皮燒得非常香脆，白燒清香鮮甜，汁燒簡直是無法抗拒的美味😍

見到咁多正評就諗住放工過黎試下，叫咗原條饅魚定食（$138+$30）鰻魚上嚟個顏色唔錯同埋好厚，本身都好期待，但唔知係咪因為好厚，鰻魚邊緣係熱嘅，而中間係凍嘅，我都有啲懷疑鰻魚係唔係應該凍食，就問返侍應，佢話係應該熱食同埋換條比我。等到我碗飯凍晒，第2條饅魚上嚟，我即刻檢查中間係咪凍，點知又係凍嘅！試咗其他位都係咁！真係唔敢相信，咁就同侍應講，搞到我都有啲尷尬，佢同廚房講「又凍喎」就拎返第2條魚去重新叮熱。到第2條魚第2次送上嚟，見到魚出煙就覺得好啲，至少係熱嘅。食到咁耐發現魚嘅頭尾部份都叮到焦，硬得都唔能夠食，我決定放棄再食，決定埋單離開。

見到咁多正評就諗住放工過黎試下，嗌左原條饅魚定食追加2串燒雞腎 ($138+$30+$18)、大阪燒 ($88)同黃金醬燒蠔2隻 ($42)首先，個大阪燒係用伴碟用嘅椰菜，食落一pat野咁，費事講。最大問題係條饅魚，饅魚上到黎色水唔錯又幾厚身，本身都幾期待，但唔知係咪因為厚身嘅關係，條鰻魚側邊係暖嘅，而中間係凍嘅，塊魚皮仲要韌到用筷子整唔開黎食，嗰下我仲懷疑條鰻魚係咪要凍食，就問返侍應，佢就話係熱食嘅同埋換條比我。等到我碗飯凍晒，第2條饅魚上到黎喇，我就即刻督開佢中間睇下係咪凍，點知又係凍嘅! 試埋其他位都係咁! 真係無辦法相信，咁我又同侍應講啦，搞到我都有啲唔好意思，侍應就同廚房講: 「又凍喎」就拎返第2條魚去翻叮。到第2條魚第2次送上我枱面，見到條魚出煙心諗都隱陣啲，起碼係熱嘅。食到咁上下就發現條魚嘅頭尾部份係叮到燶左，硬到督唔入，我都選擇放棄再食，決定埋單走人。