秋意 (多寶樓)

計劃趕不上預期，原本約了好友一起吃飯，但朋友臨時腸胃炎去不了。因而變咗鰂魚湧附近買外賣回家跟老婆一起吃秋意於鰂魚涌海堤街，地鐵站出發大約七分鐘便到，地點方便就腳。我們一行二人共點了幾樣不同菜色，一起互相分享。瑤柱去骨貴妃雞(⭐⭐⭐⭐⭐)貴妃雞是這裏的名菜，來到一定要一試。肉質嫩滑，而且外皮爽口，配上面頭的瑤柱，令人停不了口。我們叫的是半隻，份量都算大碟，二至三人分享剛剛好。酸菜魚淮山麵(⭐⭐⭐⭐⭐)酸菜魚一共有七至八片，吃起來爽口而且無骨，啖啖肉。配上微微辣的湯底，令人食慾大增。蟲草花烏雞燉花膠湯(⭐⭐⭐⭐⭐)這個燉湯是跟餐配搭，$50十分抵。花膠大大件，而且吃起來十分厚身。配上蟲草花、龍眼肉等不同材料，湯味濃郁，令人回味無窮。蔥油涼拌雙耳(⭐⭐⭐⭐⭐)這裏的雙耳是木耳和雲耳，吃起來爽口。配上蔥油作為點綴，吃起來更加野味。總括而言，這間餐廳食物質素不錯，而且價錢十分大眾化。下次經過也一定會再來。~~~~~~~~~~~~~~~~~~~~~~~~秋意 鰂魚涌海堤街2號多寶樓地下E5號舖推介菜式：瑤柱去骨貴妃雞👍🏻地點方便👍🏻價錢大眾…查看更多

There are many small shops and restaurants in Quarry Bay. We went to a newly opened takeaway restaurant - Qiu Yi, which is already very famous in Kwun Tong. It specializes in boneless soy sauce chicken. The restaurant opened in Quarry Bay, and I really don’t want to miss it and share it with everyone!Boneless soy sauce chicken: First of all, I want to talk about boneless soy sauce chicken. The chicken is very tender and smooth, and the soy sauce flavor is strong but not too salty. It is very convenient to remove the bones, which is suitable for lazy people like me. With a little ginger oil, the taste is even more delicious.The store cooks its own soy sauce, using local soy sauce, Taiwanese soy sauce, and more than ten kinds of spices. Like the soup of the brine soup, it is re-seasoned every morning to ensure that the taste is the same every day.The soy sauce chicken skin is tender and a little sticky, and it is very fragrant and tasty. The shop even has a big sign saying, "If you eat chicken but not the skin, it's better not to eat it" It really takes a lot of confidence to say that, and the fact is that the chicken is really not chewy and the skin is thin, and the white rice is pearl rice, which must be praised. Several cold dishes are cooked in-house, not sloppy vegetables, and have a Taiwanese bento feel.…查看更多

呢排OT已經食到唔知食咩好，今日試左同事大推，專賣雞嘅外賣店「秋意」。叫咗兩款招牌雞：招牌豉油雞同口水雞。兩款都係無骨，啖啖肉，對住電腦食真係好方便！雞肉整得好嫩滑。佢哋個口號話「食雞唔食皮不如唔好食」，果然有啲道理。平時我哋都唔太食雞皮但佢哋嘅雞皮處理得幾好尤其係豉油雞個皮，甜甜地又唔肥膩今次真係破例食晒🤤口水雞個汁調得幾好，麻香得嚟唔會太辣味道好濃，配住個雞湯淮山麵一流！見menu有個shake shake芥蘭原來係配咗蝦頭醬，上菜前搖勻芥蘭保持到爽脆，蒜香十足，幾有驚喜。另外試咗個蟲草花烏雞燉花膠湯，湯料好足好多蟲草花，仲有烏雞件個湯飲落好舒服，冇味精感飲完成個人都暖晒，啱晒捱夜嘅打工仔羅漢果菊花茶，夠哂下火清熱，熬夜必備！整體來講，係個健康好味又抵食既外賣選擇，會再幫襯！…查看更多

食過第一次豉油雞淮山湯麵，覺得幾好，第二次嗌飯。十一點半左右網上交單，想12：35拎。因為咁岩工作有d野趕，遲左落樓，去到舖頭都已經12：45，但外賣架只有A8x同A9x既單，我A6，以為俾人拎左個餐。問收銀阿姐，佢話應該做緊，唔會有人拎左去，但話唔係跟單做。佢入去問完話張單係度，之後就大力放個外賣係我面前，但唔講呢個外賣係我，要我自己睇係唔係A6。如果早超過一個鐘落既單，要求埋取餐時間，仲要話唔係跟單做，真係唔明咁俾個客揀乜野取餐時間。遲落單仲反而早有餐係咩玩法。香港餐廳普遍態度差呢下真係世一。…查看更多

今次同同事放工去咗鰂魚涌多寶樓嘅秋意，試咗兩款招牌菜，真係有種返咗屋企飲湯食飯嘅感覺！首先要大推佢哋嘅去骨豉油雞！一上碟見到油亮亮嘅雞皮已經流口水～雞肉超級嫩滑，完全唔嚡口，最正係已經貼心去骨，啖啖肉食得超舒服！個豉油汁調得剛剛好，唔會死鹹，帶少少甜味，仲有淡淡玫瑰露香氣，連底下墊嘅大豆芽都吸盡精華，好惹味！另一驚喜係蟲草花烏雞燉花膠湯，原盅燉足4個鐘！一打開蓋就聞到好香嘅藥材味，飲落好清甜完全冇油膩感。烏雞燉到好軟爛，花膠大大塊又黏嘴，蟲草花份量十足，仲有紅棗同杞子，真係足料到呢～飲完成個身暖笠笠，最近轉天氣飲真係啱晒！特別推薦俾鍾意飲湯同怕吐骨嘅朋友，呢度絕對係你哋嘅天堂～…查看更多

「食雞唔食皮 不如唔好食」鍾意食雞嘅我係平時都會連皮食嘅呢一間外賣餐廳正正合我心意今日連同公司嘅同事就去試吓呢一個要連皮食嘅雞我哋分別叫咗三個餐再加一個例牌小食主打「秋意去骨豉油雞」成為了我心目中的必試美食豉油的鮮香撲鼻而來，配合嫩滑的雞肉的而且確要連皮都要食埋落肚，配上淮山麵吸咗豉油嘅精華十分滋味第二「招牌去骨口水雞」口水雞嘅醬汁撈埋喺個去骨嘅雞的而且確好好食配左蝦蝦冷拌麵 ，風味清新最佳嘅配搭第三陳年醉汁去骨雞 ，雞肉滲入晒滿滿嘅醉汁味道每一道都各具特色，令人垂涎。另外，蒜辣午魔王（牛展拼牛舌）也值得一提。豐富的肉質，而且超級入味，簡直係店舖嘅招牌，仲要超級大份強烈推薦來此同同事朋友都可以嚟一試…查看更多

今日約朋友响佢公司附近聚餐，回程返屋企時，記得佢推介[秋意]嘅去骨豉油雞好正，係佢每個星期都會食一次嘅外賣午餐。難得去到鰂魚涌，梗係要買啲好嘢返屋企做餸同家人開心share🥰。秋意去骨豉油雞 (半隻) $100.-半隻雞份量足，肉質軟嫩腍滑唔見血，煮得好入味，豉油嘅鹹鮮香甜味完全滲入雞皮，加上雞肉香味，更覺鮮甜，正🥰。招牌去骨口水雞 (半隻) $100.-雞肉質感同樣軟嫩腍滑，雞皮爽口滑溜，加上秘製麻辣醬汁、大量芝麻、花生及蔥花，非常香辣惹味。蒜辣牛魔王 (例牌) $100.-牛魔王係牛展同牛舌雙拼，牛展肉質緊緻，肉味重，牛舌口感軟腍，混入味道濃郁嘅蒜辣醬汁，鹹香味滿滿又帶有微微嘅辣味，送飯一流。…查看更多

最近發現咗一間隱世外賣小店「秋意」，主打招牌豉油雞，一試難忘！今次同朋友試咗兩款招牌，真心推薦俾大家～ 😋秋意去骨豉油雞配淮山麵豉油雞肉超級嫩滑，豉油汁香甜得嚟唔會死鹹，入味到不得了～啖啖肉，大滿足！配搭清爽嘅幼身淮山麵，撈埋豉油汁食更正！瑤柱去骨貴妃雞配淮山麵鍾意清淡鮮甜啲，一定要試貴妃雞！瑤柱湯底好鮮味，雞皮爽脆，肉質嫩滑。淮山麵吸收咗湯汁精華，不知不覺就清碗！酒釀溏心蛋溏心蛋火候控制得啱啱好，蛋黃軟心，帶有淡淡酒香份量十足，而且感覺幾健康。絕對係會encore嘅外賣選擇！支持小店！💪…查看更多

今次係鰂魚涌見到呢間秋意，之前試過係觀塘堂食，味道好好，今次呢間轉做外賣，一於試下未食過既野買番屋企食😋😋😋叫左一個淮山麵同埋瑤柱雞仲有招牌菜口水雞🤤🤤1. 口水雞 好好食，個醬係好惹味，又唔會太辣，好多醬所以隻雞麵好入味，雞皮爽口，雞肉嫩滑，好好食，唔怪之得佢專有口水雞醬買😍😍😍 口水雞可以室溫食， 唔會話夏天食到熱辣辣。2. 瑤柱雞配淮山麵瑤柱雞感覺清淡d, 都多瑤柱同雞，好足料，清清地，食到雞既原味😋😋😋食淮山麵感覺上健康d, 個湯清清地，感覺都好健康😆入面仲有腐竹索晒d 湯，好味😋🤤🤤…查看更多

📍秋意呢間豉油街名店之前喺觀塘已經聽過佢嘅大名，最鍾意佢嘅口號係食雞唔食皮不如唔好食，正正就係啱晒我嘅口味！我食雞最緊要係雞皮雞肉都夠嫩滑，原來我返工附近有呢間豉油雞名店，就趁住打風前夕買咗嚟試吓費事花時間煮餸～點知一食驚為天人，我同屋企人都好鍾意食雞，所以我就一次過買咗佢一隻豉油雞同伴隻口水雞同屋企人一齊分享。豉油雞味道非常之濃郁，食得出係精心炮製嘅調味，唔會好似其他舖頭咁得個死鹹，係有層次嘅味道～配飯食真係一流！口水雞都有驚喜喎，本身以為豉油雞係主打，但其實佢嘅口水雞都係好出色，味道唔算話太辣，但係辣油都係好香口～ 佢可以食用室溫食用，所以拎到返屋企即刻食啱啱好！整體嚟講我覺得鍾意食雞嘅朋友可以試吓，鰂魚涌嘅返工都有得45雞飯食真係幾幸福😊#秋意#鰂魚涌美食#香港美食…查看更多

今日特登去咗鰂魚涌海堤街呢間「秋意」，試咗兩款招牌去骨雞飯。雖然店面唔起眼，但係食物水準令人驚喜，尤其係對雞肉同雞皮嘅處理非常見功夫。首先要讚嘅係「去骨豉油雞白飯」（$66）。雞肉去骨去得乾淨利落，每件都切得整整齊齊。雞肉嘅質感處理得恰到好處——肉質保持適中嘅彈性，咬落去有細緻嘅纖維感，唔會過韌或者過淋。最出色係雞皮部分，皮層薄而爽滑，入口帶點輕脆，完全無油膩感。豉油汁調味清淡得宜，鹹甜平衡，輕輕包裹住每件雞肉，同熱騰騰嘅白飯簡直係絕配。另一款「瑤柱去骨貴妃雞轉淨脾」（$78）更加值得推薦。轉淨脾後份量相當足夠，雞脾肉特別嫩滑，但仍然保持到應有嘅肉質口感。瑤柱嘅鮮味自然柔和，同貴妃雞淡淡嘅酒香相互襯托，味道層次豐富。雞皮同樣處理得宜，爽滑而不膩，連皮食都完全無問題。整體而言，「秋意」嘅雞飯雖然看似簡單，但處處見心思。雞肉火候掌握得準，肉質保持嫩滑又多汁；雞皮處理更見功夫，爽滑而不油膩。如果你經過鰂魚涌，想食碗用心製作嘅雞飯，呢度絕對係個唔錯嘅選擇。…查看更多

秋意（Quarry Bay）是間外賣店，今次點了招牌豉油雞，紅燒肉、蒜辣牛魔王牛等，可以揀雞濃湯淮山麵或者白飯或者蝦冷拌麵等…豉油雞色澤油潤，雞皮帶微甜醬油香，肉質嫩滑入味，好入味真的不錯！紅燒肉滷香濃郁，肥瘦比例均勻，下次應該要配白飯🤣🤣蒜辣牛魔王牛展牛舌⋯⋯口感結實帶筋，蒜味和微辣刺激開胃，麻油好香！麵條彈牙，冷拌麵則配有半熟蛋、木耳、海苔和蔬菜！螺草花烏雞燉花膠湯清潤，花膠份量OK，入口膠質順滑，烏雞本身細嫩無異味，湯底甘甜👍…查看更多

紅燒肉都煮到咁 根本揀都冇揀過 就俾啲垃圾人 九成都係瘦肉 柴到完全食唔到 紙皮咁樣 好意思俾人食？ 真係唔該檢討下 70幾蚊俾啲拉圾人要掉 不知所謂 已經食過好多次最差就係今次 ！ 唔會再幫襯…查看更多

這家店看起來不起眼，但食物很有驚喜也很有心思！招牌去骨口水雞飯 💛💛💛💛💛 （HKD 66）一打開飯盒就被驚艷到了！以為只有口水雞，沒想到有豐富的配菜，而且份量很大！口水雞味道很好，不會太辣，溏心蛋熟得恰到好處，推！蟲草花烏雞花膠湯 💛💛💛💛💛（跟餐HKD 50）非常大一碗，而且裡面的雞很多，用料確實不手軟，值得推薦！喝下去能夠感受到是自己熬制，不是單純的味精湯。蔥油涼拌雙耳💛💛💛💛💛（HKD30）很少見到不辣的涼拌木耳，還不是用麻醬，有點新意。一開始有點擔心沒有味道，然而一嘗試就停不下來。淡淡的咸味，非常好味！…查看更多

喺鰂魚涌返工，想搵個好食又唔頹嘅外賣飯盒真係好難！😭 日日食茶記都食到厭... 前排經過海堤街，俾一間叫「秋意」嘅小店吸引住，佢個slogan超搞笑：「食雞唔食皮 不如唔好食」，即刻決定要試下佢係咪真係咁堅！😎我哋兩個人叫咗兩個外賣飯盒，一個係豉油雞，一個係貴妃雞，拎到返公司打開個下，嘩，個樣好吸引！唔係平時嗰啲hea爆外賣飯盒，啲餸排得好整齊，仲有唔同配菜，睇見都開胃！🍗 瑤柱去骨貴妃雞飯 ($78) 先試呢個貴妃雞，一啖食落去真係有驚喜！啲雞肉超級滑溜，完全唔嚡口，而且雞味好足，唔係嗰啲冇味嘅雪藏雞。最重點係塊雞皮！薄薄一層，口感爽滑，連住皮同肉中間仲有層啫喱狀嘅雞汁凍，超正！配埋個貴妃雞汁撈飯，啲飯索晒啲精華，好食到停唔到口！🤤🤎 秋意去骨豉油雞飯 ($66) 另一碗豉油雞都唔輸蝕！個豉油味調得啱啱好，鹹香得嚟帶少少甜味，好惹味。啲雞肉完全吸收晒豉油嘅味道，但又唔會蓋過本身嘅雞味。佢哋好貼心，全部雞都係去晒骨，可以大啖大啖食，啱晒我呢啲懶人！😂💯 畫龍點睛嘅配菜 除咗主角啲雞，個飯嘅配菜都完全唔馬虎！有爽口嘅雲耳、清甜嘅椰菜，最估唔到係有隻溏心蛋！隻蛋做到流心效果，蛋黃勁香濃，撈飯一流！成個飯嘅配搭好均衡，有肉有菜，感覺好圓滿。👍總括嚟講，呢間「秋意」絕對係我近期嘅外賣No. 1！$144 兩個人食到咁高質嘅雞飯，CP值真係超高！以後喺鰂魚涌嘅Lunch time終於有著落啦！強烈推薦俾各位港島東嘅打工仔！😉…查看更多