私伙

紅豆沙十分十分之美味😋紅豆粒粒飽滿，整體不會太甜。陳皮味好香好清新因為做得唔近，喺商場食完一碗，即刻再買多一碗夜晚做宵夜。一定會再來幫襯試試其他食品，支持小店😁…Read More

今日試咗榴槤摩天輪同埋流心楊枝甘露糕 個老細好有心機解釋每一款甜品入面嘅材料基本上好食到爆炸佢唔係只係將所有材料撈埋一齊仲講求一種harmony嘅感覺兩個甜品都係食咗一啖就會嘩聲 好開心將軍澳有呢間甜品店繼續支持小店，加油…Read More

多謝私伙，定期將軍澳沿線送外賣由於唔係住寶琳站 又真係好少會行過慧安園買糖水但店主定期突發送外賣到將軍澳沿線 如果嗰日喺屋企都盡量支持因為糖水好食，麻辣小食都好好食 其實花雕小食都好出色狂芒特盛芋圓楊枝甘露 啲芋圓好好味 芒果夠甜 但成碗糖水又唔會過甜之前食過腰果糊 好濃 係親手磨亦食過粒粒麻糬tiramisu 下次再補回相片芋泥亦都好好食但每次都要取捨 食唔晒咁多麻辣唔使講 好穩定好好食 開咗個盒 行開咗一陣女女已經食剩一舊花雕小食都好入味讚👍…Read More

一早已留意此舖頭，因本人很少品嚐甜品的，後來發覺提供醉雞腎等等的美食，決意入內睇睇，怎知反而點了爆芒 Yogurt Cake (最好是預訂)，芒果汁跟Yogurt一直都是絕配。最緊要『心』。…Read More

已經聽過將軍澳既朋友同好多group講「私伙」好正，但礙於有d遠無機會食，前日終於有機會試到! 個「流心楊枝甘露糕」世界級好食！本身我唔好楊枝甘露，但呢個食左一啖停唔到口，好清新芒果味，新鮮世袖粒粒唔酸，食食下中間有流心芒果溶，重要唔太甜，口感好好似puddings💛 一條咁長但係2個人可以一次過食灑因為太好食！ 「狂芒芋圓楊枝甘露」又係好正，足料，又香又甜啖啖芒果肉🥭 完全無出面d甜品咁，細碗又死甜又稀既糖水味手工琥珀合桃，好味，脆甜，食一粒就停唔到口！花雕醉雞翼，夠酒香好味，明顯浸夠味先拎出黎賣👍好耐無喺香港，食過咁有心做，又做得咁好味既甜品✨食落口的感動🥰…Read More

難得有新嘅甜品舖就諗住試下，仲見評價超高，搞到好有期望，到左之後食咗一啖就擺返落袋，個溫度係唔熱唔凍亦都係有少少溫度唔知想點，得個擂沙湯圓糖叫做食得。芝麻糊同腰果糊係好似水溝咁，仲見人話係手工磨我真係食唔出，第一次咁浪費買返嚟冇食過。…Read More

一向都係《空肚講宵夜》忠粉😂睇完就即刻試呢間小店嘅芋圓🍧自選仙草芋圓-紅豆芋泥桂花蜜三色芋圓煙韌，芋味偏淡，但配上大大粒紅豆及綿綿芋泥，口感豐富；澆上桂花蜜，淡淡桂花清香，又唔太甜，整體感覺和諧，水準不俗😋由於要食其他嘢，無試到小店嘅甜不甩，下次試試佢🤣…Read More

#私伙 #寶林美食 #外賣自取🥡支持小店😍💓 店鋪員工都好好人 #鐘意有人情味的店舖糖不甩 （$30)呢間店舖好出名糖不甩，今次終於可以trytry🥰佢係有唔同嘅口味，我今次就叫左幾款口味，包括朱古力，薑味同芋頭味，平時出面既甜品店都係得原味/薑味，今次新嘗試，我覺得都幾有新鮮感，食上黎好煙韌，未試過既都可以去試下👍🏻👍🏻草莓芋圓奶凍 （$23)奶凍上面有幾粒芋圓，好qq🤣芋圓好好咬口👍🏻👍🏻 然後再不d 草莓奶凍😜正正！ 好香奶味，我買完再放落雪櫃凍一陣先食㗎🤣 #下次可以再試下其他2隻味！Tiramisu❣️新推出有濃郁的咖啡酒香🤣🤣🤣 面頭有好多可可粉！所以食落好夾❣️流心楊枝甘露糕 ($44)楊枝甘露就食過，流心糕點就係第一次！真係值得推介，勁重芒果味！ 2至3人一齊share食都無問題😜因為份量都ok多🤣口感係超有驚喜的 ！地址: 私伙 (將軍澳)將軍澳毓雅里9號慧安商場地下A116號舖…Read More

返完通宵班成個人好累回家睡飽之後就落街到樓下買外賣回家吃完打算再睡多一會樓下的小商場一進門就有一間新開的小食店於是沒有繼續覓食便選了它🥰🥰🥰除了有台式糖水亦都有很多港食小食有些我還沒見過所以決定嘗試一下♥️醉雞翼$30我最愛吃醉雞翼因為可以凍食或者熱食都得見店主都是放入雪櫃所以首先我決定凍食之後把它翻熱再熱食凍食方面酒味很集中香醇沒有酒的苦澀味反而帶有酒香咸度適中這是令我驚喜的🥰🥰🥰🥰🧡麻辣牛𦟌$30不太能吃辣的朋友也能吃因為這個辣味不是死辣死辣而是以辣香帶出食物的味道辣中帶點麻就更加惹味牛𦟌煮很淋身但保持爽口所以有口感的同時亦容易咬開👍🏻👍🏻👍🏻💛楊枝甘露糕$48最驚喜的是楊枝甘露糕第一次見這款食物見店中圖片小小一個正立方體以為份量很少但因為從未吃過也捱貴點餐但見到實物原來份量很多應該有15cm x 6cm 的甜品而且切下去是流心的芒果果打成的芒果蓉所以芒果味濃郁而且一點酸味都沒有都是清香香甜的芒果芒果控不能錯過📍 私伙 (將軍澳)將軍澳毓雅里9號慧安商場地下A116號舖…Read More

好街坊既家常甜品😃😃😃😃睇得出 老闆好有心思，因為由裝修，擺設，單張，佈置既黑板都睇得出心思位，試左陳皮紅豆沙，注意係少甜既，紫色糖不甩，用芋泥當成平時既芝麻砂糖，仲有Oreo Mousse 奶凍，呢個夠甜最推介😂但我想試既金沙糊，同埋楊枝金露糕就冇哂😣原來老闆自己一個手工做，量貴精不貴多，將就下，好適合街坊得閒口痕落去食下野，…Read More

呢兩日番咗風，喉嚨好乾，突然好想食糖水滋潤下，剛見到呢間小店有我最愛的芋圓🤩🤩🤩，就去咗買外賣來試吓🤤🤤🤤唔好睇少佢只係一間喺小商場的小店呀，入面絕對係內有乾坤㗎，小店個裝修呢係非常之日式風格同佛系㗎，水晶好鍾意呢間舖頭設計嘅甜品卡通人物，全部都好可愛呀😻😻😻皆因呢間小店嘅甜品全部都係人手每日新鮮即場製造㗎😻😻😻水晶今次就同朋友試咗桂花酒香芋圓小丸子、醉雞翼、椰汁糕、糖不甩同隱藏食譜入面嘅玫瑰酒陳皮紅豆沙×香芋椰汁紫米露呢5款美食😋😋😋 薑汁糖不甩：一入門口已經有雜誌報道推介話全人手即場製造嘅糖不甩係佢哋嘅招牌，本身要下午4點後先會有得食㗎，但因為水晶睇見張相實在流曬口水🤤🤤🤤，最後就成功求到店主，特登破例幫我提早開始整啦😋😋😋糖不甩口感好煙煙靭靭，而且伴碟的花生同椰絲都好香，推薦畀鍾意食糖不甩嘅朋友💜💜💜 醉雞翼：個醉雞翼未入口已經聞到好香嘅花雕味，食落係非常之入味呀，喜歡花雕醉雞翼嘅朋友可以試試👍👍👍 椰汁糕：首先絕對要讚下個椰汁糕嘅份量，係超級無敵咁大盒嘅，我覺得個份量可以夠四個人食，一人一件都夠，而且呢食落去佢係會有流心㗎，流出嚟嘅係紅豆沙，呢個係非常驚喜嘅一點，而且唔會太甜，都會適合一啲比較鍾意清新嘅朋友仔💜 玫瑰酒陳皮紅豆沙×香芋椰汁紫米露：呢款甜品係店主話要識得講暗號先有得食嘅甜品嚟㗎，佢話因為好多客人都好似水晶咁，心思思咩都想食，但個肚有冇咁多位喎🙈🙈🙈所以就整咗一堆隱藏版嘅甜品出嚟啦😏😏😏其實我人生中從來都冇諗過當紅豆沙遇上紫米露係會夾得嚟嘅😳😳😳個紅豆沙係非常之咁足料呀，你係會聞到陳皮香同埋望到大大塊陳皮喺裏面，而個香芋椰汁紫米露好香，竟然出奇地夾，真心要讚下店主嘅創意👍👍👍 桂花酒香芋圓小丸子最後終於到咗水晶最愛嘅桂花同埋芋圓啦，呢碗糖水真心超級足料！！！除咗桂花、芋圓、小丸子之外，仲有非常之養生既杞子同埋桃膠，使徒家仲要粒粒都好大粒㗎🤤🤤🤤，人手搓嘅芋員非常之Q彈，好有咬口，完全係我會一試愛上嘅甜品🤩🤩🤩因為一碗就已經滿足曬我所有嘅願望啦☺️☺️☺️不過就嚟入冬，如果有個甜品可以將薑汁同黑糖加入芋圓，咁就非常好啦😊😊😊一邊驅寒，一邊可以食到最愛嘅芋圓，人生應該會即時覺得好幸福好完美希望水晶會集氣成功令到店主們加到呢一個甜品啦 最後竟然俾我發現，近日喺社交平台嘅燒賣關注組入面大熱嘅如如手包燒賣，呢間小店竟然係有得賣㗎😱😱😱即刻忍唔住買咗包返嚟試…Read More

桂花酒香芋圓小丸子味道濃郁，而且材料豐富，芋圓、小丸子以及桃膠都很多，喜歡吃甜的女生絕對不能錯過，而且桃膠還是有很大的美顏功效。 紅豆沙×香芋椰汁紫米露紅豆沙份量很多，但略嫌有少許蓋過紫米露。還有大大件椰汁糕在中間，令傳統糖水則添一份新鮮感。醉雞翼一份五件，外皮彈牙，而且醃製得非常入味。椰汁糕（流心版）超大件流心椰汁糕，係紅豆流心，一盒嘅份量夠晒全家人食。糖不甩煙煙銀銀好彈牙，而且每一粒丸子都係每日新鮮製造。店舖仲有「如如燒賣」可以俾大家購買，呢款燒賣最近喺各大網上論壇都熱烈討論㗎！…Read More

私伙 今日來將軍澳返工，口淡淡想食下糖水，無意中經過呢一間小店，原來呢間係隱世美味的糖水舖😍 呢度除左特色甜品，仲有小食。最驚喜係除左舖頭上的餐牌上，仲有隱藏菜單添。 最後我就叫左：麻辣雞腎 😋😋😋😋（份量適中價錢相對簡直抵）麻及辣混合一起，食落去麻同辣的分別好明顯，2者一齊好夾👍，啱晒我食辣但又食唔到好辣的我。雞腎唔硬又唔梅，幾惹味，小食一流👍 桂花酒香芋圓小丸子 😋😋😋😋但白色芋園相對有點硬，話明酒香，當然有少少酒，但食落口唔會覺得好重酒味，少少酒味及甜味較重，芋圓煙韌適中，鍾意酒嘅朋友可以一試。但美中不足是，芋園方面白色的芋園口感會比較硬，破壞整體感覺。 紅豆抹芋豆腐奶凍 😋😋😋😋紅豆甜甜， 煲得又淋，淡淡的綠茶味唔會蓋過紅豆味👍口感順滑，配合紅豆有起沙既口感，兩者夾埋一齊口感獨特 提拉米蘇奶凍 Tiramisu😋😋😋隱藏菜式之一，咖啡味濃厚，同樣口感順滑。但對不喜歡咖啡的人可能覺得咖啡味較濃。 芋圓草莓奶凍 😋😋😋😋😋整體上全部奶凍口感都十分順滑，草莓味有食士多啤梨果醬既感覺，唔酸仲帶甜味，而且中間夾雜牛奶乳酪的味道，豆腐花好似yogurt嘅感覺。上面有數粒芋圓，加強口感，但白色芋圓都係比較硬，而且食落有感覺未煮熟的感覺，這方面要加以改善。 楊枝甘露糕 😋😋😋😋佢用一個長條型既盒裝住，賣相有D似芒果布甸，食落更加似布甸，中間做到流心效果，有D芒果汁流出來。糕方面，就咁食糕會覺得有D淡，要點汁先覺得味道岩岩好，而且糕中間有切到好細既椰果增加口感，唔會食落口一陣風咁，無論賣相及味道都相當吸引。可惜當日沒糖不甩，如果唔係我一定會食埋😁…Read More

見女女中意食芒果，特登去買楊枝甘露比啊女試😍真材實料，芒果好香好甜👍🏻👍🏻仲有芒果木糠布甸，出奇地好夾，仲要好滑😍😍😍下次過開去一定會再試埋其他😊…Read More

寶琳居然新開咗糖水鋪完全唔知！價格都好平！鋪頭細細但老細都幾熱情介紹 每日仲有hidden menuuuuuu~一百零8蚊就可以買到四份糖水成屋人食！平時應該淨係夠兩個人食🤣🤣～試咗仙草芋圓$28 有得自選配料同搭醒邊種糖水～🥣🥣聽老細搭配咗桂花蜜🍯同配料 紅豆&芋泥！紅豆好綿又有少少口感好出色！！！超好食～芋泥好軟唔會食到芋頭塊 但又唔會太甜！整體食落大概三分甜 好舒服好清爽⛄️⛄️⛄️芋圖幾驚喜！！！有四種～綠色嘅食落有少少綠茶味！紫色嘅真係會食到紫薯味！！🤏仲有試埋幾款中式糖水🥄🥄桂花酒香芋圓小丸子$30 因為冇小丸子所以轉左桃膠～～都大碗足料沉哂底～🙇🏻‍♀️飲落甜甜地幾舒服⛅️⛅️紫米露$28 上面落咗少少花奶食落結結地但唔會太甜！！！～都係三分甜到🌬好足料大碗到食完會飽🤣🤣綠豆沙$24我哋倒咗出嚟加熱～屋企人話會食到幾種質地 偏綿嘅/少少硬吧同啱啱好嘅都會食到～會有少少甜 食落都ok足料！😚😚真心覺得tko居民要試佢個仙草芋圓$28 好抵好好味！再另加配料都係2蚊😝😝😝芋圓又煙韌有味又有咬口真心好食！！！！～外賣上樓翻去食絕對大滿足😝😝😝…Read More