禾牛薈火煱館 (南角道)

營業中

休息中

平日兩個都好鍾意打邊爐, 多收去旺角旺順或佐敦火鍋館, 尋晚落雨, 費事時咁遠, 近近地落九龍城, 搵間未試過的試吓! 一搵九龍城火鍋, 呢間排頭位, 好! 即打電話去, 有位! 馬上出發! 七點半去到, 樓下得兩枱有人坐, 其他都係空的, 我地兩公婆上咗樓上坐, 樓下得三張枱, 計埋我地, 坐齊晒三張枱!蕃茄薯仔濃湯底 - 一般特級本地手切肥牛 ($198) - 有牛味, 無渣, 可能食慣旺順及火鍋館, 呢間差啲, 唔值呢個價, 少淋, 但乜脂肪!手切肥牛($98) - 有啲雪花, 呢個反而抵食, 想比起個本地手切肥牛!魚皮餃 ($58) - 個皮可以接受, 但入面的肉好"鞋", 旺順果啲好食好多!墨魚滑 - 又係"鞋", 真係唔係滑囉....試一次, 唔會再有下次! 人地好多自家手打唔係咁既!白鱔片($38) - 呢碟份量少, 但都算新鮮!老友鬼鬼 - 油炸鬼上面有舊蝦膠, 啲蝦膠唔知係咪過熟, 變咗蝦膠乾!! 又硬又"鞋"!三文魚刺身 ($78) - 呢個係老細推介, 好一般! 板前刺身仲重三文魚味!值得一讚係, 個個員工都好有禮貌!不過....老公同我都一致話: 有得揀, 唔會

初嘗禾牛薈後, 一想打邊爐就諗起佢喇,我本身住沙田,又唔想特登出九龍城......是日剛出左旺角買嘢,所以順路落九龍城再嘗禾牛薈喇!!!講返食物,水準keep 住無差,: 上次我去食安格斯手切肥牛我食左二碟細,今次我叫一碟大,二個人食剛剛好,好大碟牛味重,好味!!!上次我食左虎蝦, 今次我試左花竹蝦, 勁鮮甜肉質花甲皇: 無沙, 大隻, 鮮甜三色餃:一樣好食, 個人喜歡韮菜多Ｄ三文魚刺身:最驚喜, 完來而家佢地逢星期五,六都開三文魚, 仲要係挪威空運返嚟嘅, 咁就要試下喇!!一食勁新鮮一碟十幾片,好味!花膠筒:易淋,不硬,亦爽口白酒:$120, 易入口,唔酸.....喺食市叫之白酒$120我覺得抵啦!!!總括嚟講食物水準keep到, 服務週到!!!而家仲開多一層,下次我約多幾個friend book房食先,其實貴我又唔覺得算好貴,有食過九龍城幾間出名的邊爐價錢都唔平喇, 呢間算合理,起碼我食得開心!!!

hot pot night =)we ordered a twin soup base: milk + 麻辣both were good, milk was sweet and the 麻辣 was not extremely hot.we had the cheapest beef, and it was soft and very good! i love it!ordered a lot, in general they're nice: dumpling plater, meat ball plater, fish skin, fish, veggie, mushroom plater, scallop, sweet corn...and they served free dessert afterwards, nice too.services were good, and they wouldn't do anything to urge you to leave.thanks my friends for the treat!!!i was sooooooo full

見食評咁好,去試試,失望.本人牛魔,大牛2碟同老婆都唔夠.一上碟,見樣失望,仲要係店內最$的特級,口感差,份量少.如收$128我都覺得浪費我一餐食飯時間。地方企理，招待不錯，食物質素要改善.

第一次見到零負評食店...梗係要去試試啦!一去到,望望地下,心諗,咁細嘅?原來隔離樓梯上去,二樓同三樓都係佢哋!上到去仲怕好殘舊,一開門又好似另一個世界...場地好舒服,仲有電視機仔比您地睇,唔錯!枱面有九款調味料,梗有一款啱你用!讚!北海道花膠鮮奶湯,好香好滑好味! (開頭好驚 refill 會加咩呢!?加水?!結果係...加奶!!)$18 隻鮑魚,叫左一人一隻,唔錯!本地手切牛肉,好重牛味好好食!雙影夜明珠,龍眼好甜,甜中帶咸,唔係人人都啱!墨魚丸, 有咬勁又彈牙!蟹籽丸, 正!特級手切肥牛,好好食,好肥,入口感覺好好!食到咁上下,老細出嚟派卡片,好搞笑!傾左一陣,先知樓上嗰層仲大,而且可以包場兼無最低消費!多人可以試試!食到飽飽仲有甜品送,都不錯,好好味!仲有好多都好好味,唔想寫啦...自己去試啦!!P.S.Waitress 姐姐好細心,經常幫我哋片走湯面的泡!讚!!而且我地只係請佢拎過一次水,之後佢每次見我哋差唔多飲晒,都會 refill 比我哋,完全唔駛出聲!讚!!

突如其來的飯局與兩位友人到此品嚐沒有喊面的食店果然，不論食物質素、服務態度及周圍環境都沒有一處值得批評!!!十分物有所值今次，因為我們三個都能吃辣所以叫了麻辣+清湯底麻辣湯底 不算太辣，但仍算惹味﹗﹗ 加湯後，嫌不夠辣 要求加辣，他們特登叫廚房炒了碟辣醬放落湯底內﹗ 我們亦嘗試直試食那些辣醬~ 確實麻辣 超正!! 台面上的辣椒粒亦都辣度十足!! 可隨意加入醬油中~清湯湯底 十分清甜 湯底內的所有蔬菜都十分清甜，粟米超甜!!!共叫了以下的食材：蘆薈小麥草汁 X 2真的好好飲!! 完全覺得是新鮮榨的!! 蘆薈粒十分多，而且清甜!!鮮鮑魚 X 3每人一隻鮑魚~ 十分新鮮，聽說最佳涮的時間約四分鐘左右，不過放入清湯內涮了超過四分鐘後，鮑魚依然鮮甜，唔UM~ 好味~~~特級手切肥牛有質責的肥牛，厚度適中，配麻辣湯底一流老友鬼鬼(油炸鬼+蝦滑)油炸鬼十分鬆脆，空口食或者放入湯底後食依然脆﹗ 好味~~肥鮮鵝腸真的是肥美，而且份量夠!!脆鯇骨腩新鮮 脆身 不錯 借蔗(蔗蝦)蝦十分爽口,,,蔗超甜!!羊肉片沒有SO味 依然美味及新鮮!!菜心很少打邊爐食菜心，但職員推介菜心新鮮，所以叫了菜心真的很新鮮，嫩

之前黎過, 冇book位諗住walk-in, 點知唔book位冇得食......好, 有預謀地預早一日打去book位, 掂.....有得食........同朋友兩個人去到之後, 有個姐姐仔帶左我地上樓梯去左閣樓.....原來閣樓都開埋黎做....地方都好企理, 係樓底矮左d, 不過都算係好特別o下.....正題: 叫左.........:--北海道牛奶湯底配花膠, 奶味好濃, 湯面仲有塊雙皮奶咁既物體, 好潤咁樣.....--老友鬼鬼, 油炸鬼細細條, 脆到不得了, 就咁當小食咁.....不過都幾熱氣!!--貴花蚌, 鮮甜彈牙, 輕輕咁拖水兩o下即食, 食得出食新鮮既.....good~~~--三式餃一碟, 有雲吞, 菜餃同唔知乜餃, 小弟打邊爐就唔太食餃既, 每樣食左粒都覺得唔錯, 尤其係雲吞特別好食, 朋友就話好食, 所以佢包底食曬d餃...........做得好!~~--帶子串串, 成串帶子企左響度, 不過講真, 又唔會真係成串放落去滾既, 都係拆返開一粒粒!! 講多句, 帶子都係好鮮味, 仲好有份量o下添~~~--雙影夜明珠, 龍眼入面釀墨魚膠咁既野, 龍眼粒粒都勁甜, 不過朋

遲左幾個星期先寫到呢個食評，因為實在太忙，不過經常提住自己要寫，原因係近期試咁多間火鍋，呢間真係最值得encore & 推介。星期六即日先打去book位，都預左好爆，結果要9:30pm果輪先有位，但因為太想試既關係，唯有行足兩個鐘街等食...接待果位哥哥非常好禮貌，俾個menu我地睇住先，又介紹招牌"特級手切牛"，鑑於當中有幾個"牛魔王"，所以即刻預留兩碟。近期經常食"牛雜鍋"，所以揀選左"北海道花膠鮮奶湯" 拼"傳統沙嗲"，好耐無食過傳統既湯底，估唔到呢度既沙嗲整得幾香又濃。至於鮮奶湯，就因應個人喜好，鍾意奶既人就覺得好香，有d人就會覺得好唔夾。"特級手切牛"果然係招牌推介，有牛味有嚼感，"牛魔王"簡直食到停唔到，留左兩碟都唔夠食，再後加一碟"牛頸脊"，其實呢碟都好食得過，不過食完兩碟極品緊係有所比較。"老友鬼鬼"都係推介之一，本來新鮮炸好，可以當小食，但用黎"索"湯仲好味，浸耐少少都唔怕。其他配料都係水準之上，最值得稱讚係服務態度，環境也不俗。黎緊encore會試"牛雜鍋"。

兩個月前在禾牛薈,兩圍人馬滾得高興,是次在徇眾要求之下,再下一城,同樣是兩圍人馬,但是同上次的不一樣.今次就換成另一班人,今次就一邊圓桌,一邊就長檯.天氣剛好在這幾天轉涼,來得正合時,老細一早留定靚料給我們,所有湯底可以鴛鴦上,今次我要求來個招牌禾牛薈鍋,上次沒有試,今次正好可補中,深不見底的湯底,內有各式的牛雜如牛肚,牛膀等等,味道濃甜得來又惹味.旁邊的是較為清甜的菜乾章魚湯,有一點點家常的菜乾湯味道.一剛一柔的味道,非常之合拍,亦合乎我們一貫多心之原則.上次眾人對牛奶花膠湯底讚不絕口,今次另一邊廂便來個牛奶湯搭番茄薯仔湯.湯一滾,牛奶的濃香隨之飄至,對奶類敏感的食記M,聞到也頂不住,要即刻調位呢.可想而知,此牛奶湯底有幾濃.牛肉也是本地手切牛,雪花肥牛,牛頸脊,牛柳粒,水準依然好.因為店方用上的是靚貨,雪花分明的肥牛入口即化,帶有油香,牛頸脊肉味濃,質感嫩,手切牛永遠是味道最濃的一方,當你打著邊爐時,會為那些不吃牛的人不值,不吃牛便少了很多口福,例如火鍋桌上的牛肉.其他的配料如鬼馬,即是釀油條,淥三數秒便成,有如油條放粥的感覺.鵝腸肥美又爽口,生蠔飽滿鮮甜,花甲大而有當,鮮甜爽而沒

一直都想到這家『零喊樣』ge火煱店試下，咁arm諗住慶祝身邊的他考專業試pass，特別選址於此。或者，因為已不下數次去了open rice『過譽』的食店，戒心一定係有。但我總係覺得，出得去食野，睇ｇｅ都係３樣野：ｄ野要好食，唔好食服務都要好，服務唔好環境都要好。如果三樣野都無，我就好唔明點解仲生存到　（ｔｓｔ燒魂就係樣板．．．）不過講真今次真係好大驚喜。首先我都係因為佢個北海道牛奶花膠湯底+ 烏冬至勁想去，所以我地都係叫左唔多野：牛牛，雞，山根，魷魚，牛百葉，生菜，雙影夜明珠，自家餃子，魚皮，烏冬．．．（好啦好啦，其實係叫左好多野食）之後ｄ野黎到，不得之了，個份量係勁多，已經心知不妙。山根為例，＄２２有１２粒大山根，個價錢其實好值，而且佢仲係珍珠山根（有名堂ｇａ）。之後每一樣野放係個牛奶煱到烚下都係即時好味左２倍，連平時好咀刁ｇｅ林生都用表情出賣晒佢暗暗竊喜ｇｅ味覺。佢ｄ牛都係不得之了。　（不過話時話，後來我地剩左ｄ野，因為真係太多=p )第二，就係環境。雖然細係細ｄ，但就好企理乾淨，而且大部分係卡位，有埋細電視。可能有人會話，好多食店都咁ｇａ啦。哈，厲害在有客人想係佢部細電視睇波，老

本想約友人去任食火鍋大吃一頓，但再想想，又發覺自己每一次都是去任打的，吃到肚滿滿，實在想不起把甚麼都放進肚子裡，而且.....夏天要來臨了，還是要慳回一些quota 最後還是要靠openrice，揀選了這間禾牛薈。湯底選擇還不賴，可惜menu上並沒有附上示範圖，畢竟湯底是火鍋的靈魂，如照字面解選錯了口味可就影響大。最後友人替我選擇的《番茄薯仔湯底》始終只是2個人的飯局，order的食物不多，食物質素不俗，above average咁啦，印象較深刻的有:特級手切肥牛肉 ---比一般吃的厚，但吃下去一點也不韌，而且肉汁豐富，值得叫多數客 (如果多人的話)雙影夜明珠 ---可能是小弟鍾情龍眼的關係，對此菜式特別有印象，爽甜的龍眼肉配上彈眼的蝦肉....使我吃了大半碟，友人差點沒有得吃 三式餃---吃火鍋吃餃子是指定動作吧? 其實吃餃子最在乎不外於它的皮，，再吸收湯底中滾過很多食材的精華味道，怎能不好吃?! 今次吃的雖然它的皮很易散開，但只要時間控制得好點，皮薄又嫩滑的，合格吧。溫馨提議: 這裡的番茄薯仔湯底會越煲越濃味，不像我吃得濃味的朋友，建議你們途中向侍應們表示加水代替加湯便可以。有點兒

嘩!!!之前上嚟openrice睇左呢間邊爐已經好想試, 禽晚終予試左, 真係好好食呀!!!環境唔錯, 卡位有埋細電視睇, 服務態度良好, 老細介紹左枝紅酒俾我哋飲都相當唔錯, 最正係個安格斯手切肥牛, 我哋食左二碟呢!!!哈哈!!是晚都試左好多樣嘢:湯底: 沙嗲湯底/ 皮旦芫茜湯底( 好夠味, 湯底好足料, 打到尾都好夠味!!)食物:老友鬼鬼 (蝦膠釀油炸鬼), 就咁食都好好味, 新鮮炸起的 帶子串(賣相吸引, 好新鮮, 四粒大大粒) 虎蝦刺身(生猛劏的, 就咁食, 灼一灼都好爽甜)蝦頭, 尾仲幫你炸埋, 好味!!! 蜆(新鮮) 三色餃 (金粟餃, 韮菜餃, 鮮蝦雲吞)(皮薄, 足料) 雙影夜明珠( 龍眼肉包住蝦滑, 墨魚滑)呢個一般, 可能唔啱我口味總括嚟講, 食得開心, 我十點後入座有八折仲抵Ｄ....我食到點幾先走囉!!!一定會再去食!!!同埋佢哋有房book 架4位開始就有架啦!!提議去食前打左電話去book 位先, 由其六, 日!!之前我星期日7:00pm去到都無位俾我book到full 晒, 禽晚食我都好隱陣地打去

朋友介紹去試下, 叫左麻辣拼胡椒豬肚湯底, 豬肚好香好味 麻辣真係超辣, 唔食得咁辣o既要考慮下, 跟住叫左 極品手切肥牛, 雖然有d 貴$198, 不過好好味, 四五個人食都夠 老友鬼鬼 (蝦膠釀油炸鬼), 就咁食 或浸一浸先食都好味 炸魚皮, 好香脆, 比出面o個d 好味好多 借蔗 (蔗蝦)/ 蝦丸, 幾新鮮好味 芝心丸, 呢個好好味! 生菜, 跌左d 落地, 老闆仲好nice 咁幫我地refill竹笙, 午餐肉, 珊瑚蚌,三色餃 (金粟餃, 韮菜餃, 鮮蝦雲吞）..etc雖然貴過出面一般打邊爐, 但食物全部都好新鮮, 總括黎算quality 幾高, staff d 態度/服務都幾好, 坐得都好舒服, 五個人有卡位坐, 睇得出老闆好用心做生意另外推介個小麥草蘆薈, 好味呀~清清甜甜 o岩晒打邊爐~

火鍋三重奏的第三重奏設局於九龍城的禾牛薈，也有幸參與其中，在此先謝過主人家南瓜兄的邀請，開了兩張大枱的火鍋局，每張枱有兩個爐，每個爐也用上鴛鴦湯底，總共就試到四款湯底，本人坐的一圍，點的湯底分別是鹹菜胡椒豬肚湯拼蕃茄薯仔濃湯及沙嗲湯拼北海道花膠鮮奶湯。未吃火鍋，先來點佐酒小吃，先談椒鹽鮮魷，其實不用說也知是一流的佐酒小吃，鮮魷每條都夠粗大，外層的炸漿很脆，椒鹽的味道也很足，吃起來很惹味，如果炸漿可以薄一點的話會更好；另外一味小吃是辣家牛肚，牛肚塊塊也夠粗大，吃起來煙韌而軟腍，但又不會如吃橡膠一樣的難啃，辣汁有蒜香，吃起來夠惹味，但對我而言當然就是不夠辣，而在牛肚下的紅薯粉也是彈牙得來又煙韌，伴上辣汁吃，夠順滑惹味，不錯不錯。是夜喝的主打是啤酒，點了青島，吃火鍋喝啤酒簡直就是一個非常棒的享受，冰凍順喉的啤酒稱職消除在口中食物餘下的灼熱感覺；另也有食友帶來的一支Saint-Emilion酒區 Chateau Monbousquet Grand Cru等級的2003年紅酒，入口酸度果香平衡，雖然仍是挺dry，但已經很是不錯，在此多謝該食友帶來與大家分享，自咱們政府免了酒稅之後，喝此質素的酒也

突然想打邊爐,九龍城區好多間都食過,都唔知去邊間,咪上openrice睇下有咩好介紹,見到呢間禾牛薈係頭3位推介之一,就一於去試下! 去到有代客泊車, 門面都算ok,座位舒服不過冷氣就好似唔多夠凍,服務態度一流.食物質數與食評都差不多,略為細碟左少少,我最like d特級手切肥牛,真係正"超淋"無得頂!仲有個老闆推介既"老友鬼鬼"非常正油乍鬼入面+埋d蝦滑,外脆內軟..好味!"稻庭烏冬" 超彈牙,仲要好滑呀,好少打邊爐會有d咁正既烏冬!!田雞/黑豚肉/三色餃/貢丸都正!!! 最值得一試就係個"冬陰公"湯底,好香濃又有海鮮襯底,同食泰國菜d冬陰公無分別,好正最後仲有甜品送埋,超抵...整體上很滿意, 服務貼心,我地6個人一致都覺得很滿意,已經plan左月尾再encore....haha ^,^