禮記

以前還是住在土瓜灣時爸爸時常會帶我來這裡買杯椰汁雖然環境較簡樸,但我們可為了一杯椰汁而專登走過來~(我家跟譚公道有成10分鐘步程的)椰子批好,切好,放在筲箕裡,一籃籃備用,每接一個ORDER,叔叔就係籃裡'不'了一碗放入攪拌機,加少少水,多多冰,攪了兩三下,再落花奶,再攪兩三下,"格格榨"就搞掂~飲落去,只可以講三個字:【香．滑．濃】可惜今天再去已經不是那回事,哥哥仔把一早搾定的椰子汁從器皿中倒進紙杯裡便算了~椰味沒有了,有榨...不凍.... 一門手藝就此絕跡?!…查看更多

路過此店 見有椰汁賣 心郁郁買杯飲下 降下溫買一杯大$6及一枝外賣$12比屋企人試下比左錢 跟手行住啜啖試下 明顯好夠凍(好多冰) 可惜只有甜 又稀 無乜椰子味 似乎水同 糖水落得比重太多 椰汁係鮮榨 榨左去邊 無椰子味既 情願飲杯溝左罐頭椰汁沖既 仲有椰汁味道平 無乜用.. 要生意好"真材實料 先為上策..味先係重點 賣貴幾倍 D客都肯遠道跑來比錢你賺 為了一杯 "用心做" 既椰汁又想起細個同老豆係街邊幫趁手推車阿叔既超冰凍 下花奶既椰汁 車上按了塊玻璃 還大大隻字漆上紅色鮮榨椰汁字樣? 這杯椰汁又是否為大家集體回憶之一呢?…查看更多

土瓜灣大部份都是舊區.呢家禮記.食家都有提是歷史悠久的.....店員有禮的.我都信椰汁是真材實料的.....但椰汁好淡...我信係隔左渣...令到椰汁淡........我除了買左一杯,都買左一樽..倒出來勁似水...我不懂欣賞.....但勝在平.都不可要求太多…查看更多

當年珠江戲院仲未拆時已經存在,大大話話都有廿幾三十年,多年來水準如一,就連今時今日開到通街通巷既椰汁大王,不論做法同口味真係抄到八成,其他兩成係禮記咁多年都係咁濃郁,椰汁大王之流可以彈開.對面轉角位新開一間串燒店,就趁等位時間,先黎一杯潤下.用料雖然簡單,但卻花心機時間,既要削椰肉去衣,又要刨冰攪拌,最後加入錬奶至大功告成,果人最喜歡老板啱啱攪完既出品,因為仲有少許冰碎在內,大熱天時呷一口,真係暑氣全消.起初仲係飲一杯,結果係再補多一枝慢慢嘆.…查看更多

o係土瓜灣食完飯後, 又去飲椰汁因為我好口渴呢... 食飯o個時都冇飲過野$6 一杯既椰汁嘩, 一飲落去真係透心涼呀, 尤其係大熱天時, 真係消暑佳品甜得黎又清澈既感覺. 又唔會好杰好似奶咁唔解渴自從上次飲完之後就開始對椰汁唔抗拒依家甚至有少少愛上, 只限禮記, 其他椰汁鋪我未試過, 如果我去到mk 都唔會揀買椰汁今次佢有落冰, 但味道依然, 無異. 仲係咁濃椰汁味. 而且夠晒凍, 正呀!!…查看更多

有親戚話哩間野佢由細飲到大. 好正咁話. 我本身就唔太鍾意飲, 不過唔貴都可試一試一杯$6, 一支$12. 差成倍, 都係買2 杯好了.睇住佢開蓋倒落杯度. 冇加冰喎. 親戚都問我佢有冇加冰, 因為間野有時會加冰, 我話冇喎, 真係好好彩飲落都好清甜, 冇乜渣. 正呀! 透心涼…查看更多

本居士十份喜愛鮮椰汁！路過此店多次都差些少想幫襯！結果都不理大家的評語而忍唔住買左杯試下……唉！佢就真係放晒d椰子啊！架生啊出黎！但係佢的椰子汁，好明顯椰子成份超低，主要成份係水同埋糖槳！有加椰奶蓋住糖水味，但技巧太差了！求奇找間糖水舖的椰汁西米露的椰汁都好味過佢啦！明白落糖水同椰奶係好普遍的事情，但係請加重鮮椰子成份，碎冰亦不要咁大粒，否則好難維持啊！…查看更多

食完譽麵坊之後, 黎左禮記買左杯細椰子汁飲...見到佢大大個banner sell 椰子汁, 就買左黎試...好難飲... 唔知點形容, 好結, 但係又唔係椰子味, 仲要真係好細杯, 細過mc donalds o既細橙汁... 唔抵+唔好飲...…查看更多

吃完美味腸粉繼續向前行,行到譚公道盡頭時見到這間有鮮打椰汁的禮記士多了!!向坐陣的老闆(?!)要了一杯大椰汁,他目無表情從膠壺中倒了一杯給我,先飲一口;很重的奶味,椰子味也不輕,只是不夠凍!是因為做好一段時間和天氣太熱的關係嗎?? 先前很期待那飲後頭會痛那種古早鮮打椰汁感覺,今次卻嘗不到了! 也許遇上剛打好的時候,情況會好一點吧。撇開不夠凍的問題,這杯椰汁仍夠滑溜和有椰香的,甜度也剛好,要是可以冰凍一點真的很讚!…查看更多

果日同女友逛街, 唸住呢間野有好多人讚, 就提議試.叫了兩杯梛汁,開頭夠味,飮飮下有碎冰,唔太満意女友睇得好淸,佢有加糖加冰我唸... 點解個個讚好?又expensive...…查看更多

雖然剛剛喝過了一杯極出色的豆漿，不過在這個殺人的炎熱天氣之下，水份流失得非常利害。突然想起了附近有一間食友提起很不錯的椰汁店，便致電給這位食友，原來他還在睡覺，真是不好意思了。他一邊指示那店在那兒，怎知原來就在我前方不遠之處。掛線後便要了一杯大的椰汁，滿有期望的等待著，又勾起當年的味道......這個椰汁雖及不上當年的味道，但是口感滑溜又濃郁，暫時來說已是做法跟味道最"對辦"的一杯椰汁了。口快快的飲了幾口，身上的熱氣立即消散得無影無蹤。這樣的一杯冰涼飲品，才是真正的夏日奇冰啊~ …查看更多

由紅磡行路返屋企, 路經呢間士多, 0黎買杯椰汁 (大杯裝 $6) 解解渴.白雪雪的椰汁完全無落冰的, 但十分冰凍, 質地似奶咁滑, 飲落椰味濃郁, 幾甜0下, 消暑一流, 兩0野就飲晒. 不錯!$5 一小杯, $6 一大杯, 十分抵飲. 0黎開呢頭的話, 值得一試.…查看更多

土瓜灣椰汁老字號,也敵不過通漲之大氣候.大小杯裝椰汁,各加$1.禮記的椰汁,近年的味道淡過以前,因為加上大量冰塊,來同椰子肉,黑白淡奶一起搞拌之故.加價後就反而回復本色.椰味香濃,喝到最後沒有碎冰積聚著.妄想一點,由冰轉用椰汁冰,或者不加冰去搞拌,後放入雪櫃.待夠凍才奉客,同春園街的金鳳奶茶一樣.可是,區區$6大杯裝,支裝$12.那有閒情同你這樣做?簡簡單單,就是最好,那些什麼椰子大王.應該向這間小店取一取經.記得身邊好多朋友,也是飲禮記椰汁長大,如果你之前覺得大不如前,有時間不妨回去一試,重拾昔日的味道.…查看更多

每次經過也會光顧，買大杯的椰汁喝！對上一次，光顧譽麵坊後，感到很口渴，便快快的走到禮記要一杯椰汁，發現由$5加價到$6，禮記的椰汁一向有很多冰我也知道，但沒有想過加價了的質素竟差劣到這地步！！！椰汁淡而無味且杯底很多碎冰，閉起雙眼喝也不會知道這是椰汁，第一次覺得白開水的味道也比它好...…查看更多

出完field work，天氣又熱又頸渴，最好莫過於來一杯冰凍嘅椰汁...感覺上椰味不夠以前嘅濃，飲到最後，就算之前已預先搖勻，卻已經係淡而無味，正式淡出個鳥來...雖然如此，但始終夠冰夠凍，整體上依然比其他地方出色嘅...…查看更多