福記麻辣燙

營業中

休息中

葵涌廣場，店鋪五花八門，食肆小店多不勝數🥰，往往就會隱藏一啲驚喜小店😍，福記麻辣燙 可算係其中一間，店鋪地方唔大，只有兩三個位，主要做外賣。小店用剔紙仔📝形式選擇四福、六福或者八福組合，價錢由$48至$68不等，已包湯底及4至8款葷/素菜類，選擇款式勁多，如果想食得豐富啲可以另加$3追加粉麺及$6追加軟品。湯底有2️⃣個選擇，骨湯底由大骨熬製；另一款麻辣湯底，就由精選幾十種香料炒製而成😋。今日我哋試下六福 小脆肚爽脆有咬口；牛百葉脆口入味；鴨血十分軟嫩滑溜；麻辣雞腎香辣中帶陣陣藤椒香氣；手打牛丸肉香又彈牙；腐竹份量多，豆味濃又香辣。麻辣湯底鮮味香辣🌶，雖然點咗微辣，但係辣度都有啲刺激，紅薯粉口感一流，柔軟煙韌，掛上湯汁，越食越上頭😋。肥牛卷及腩肉片同樣帶有油脂部份，口感軟腍，肉香油脂味更突出；魚豆腐爽滑，虎皮鵪鶉蛋、白蘿蔔片及藕片，吸收咗湯汁，勁好味。骨湯底鮮甜中滲出肉香味，配得勁滑溜嘅土豆粉一齊食，好食到停唔到口🤤。

葵涌廣場呢個年輕人聚腳地，好多時都心癢癢想過嚟掃街，而近排麻辣燙喺香港真係大熱，行行下見到喺地下嗰層有間麻辣燙，啱晒我哋呢啲辣魂上身嘅麻辣控！福記麻辣燙預設咗幾個套餐：四福、六福同八福，食材都特別過人，例如蛋餃、虎皮鵪鶉蛋、小脆肚、骨肉相連、海帶節同千葉豆腐都有，感覺素食者都有好多選擇～麵類就有紅薯粉、土豆粉、米線、公仔麵、粉絲；除咗麻辣湯底，仲可以揀清甜嘅骨湯底，想乾拌嘅亦得！先叫咗個小辣麻辣湯六福，即係可以揀六款配料，湯底表面浮住一層誘人嘅紅油，配埋成碗芫茜蔥加持，香氣撲鼻直撲嚟！揀咗魚豆腐、藤椒肉片、蟹排、麻辣牛肉，仲有油麥菜同貢菜，啲肉係事先已調味同醃製，肉質口感軟滑，好入味。另外土豆粉滑嘟嘟好有嚼勁 (不過夾嘅時候要小心啲，好容易就滑走) 配上擁有濃烈辣味嘅湯底，口感刺激，令人瞬間上癮！朋友揀咗骨湯底，個湯係奶白色，睇落都已經好吸引，一啖飲落就感受到濃郁嘅鮮味！配料份量算多～揀咗魚子福袋，大大件有驚喜！白蘿蔔片就清甜爽脆，配埋個骨湯唔錯，加埋茼萵唔會覺得太漏～最特別係佢嘅粉絲，比較粗身，長期浸落湯度都保持到佢嘅彈牙口感，完全唔會軟晒咁～福記麻辣燙葵涌廣場地下A75號舖

葵涌廣場一向係小食集中地，行完街就想搵d地道小食。福記麻辣燙位於葵涌廣場地下。餐廳以外賣形式，並設有兩三個座位。➰六福套餐 $56任選六款食材第一款套餐中，選了蛋餃、魚豆腐、香菇貢丸、QQ滑雞、香菇和娃娃菜。食材新鮮，仲各具特色。特別係QQ滑雞，雞肉滑嫩，食落好入味。微辣的麻辣湯底，散發著麻辣嘅香氣。微辣的口感恰到好處，既能感受到麻辣的刺激，紅薯粉食落好Q彈，份量十足。➰六福套餐 $56任選六款食材在另一個套餐中，選擇了麻辣牛肉、QQ滑雞、魚豆腐、白蘿蔔片、茼蒿和海帶節，並搭配小辣嘅骨湯底。麻辣牛肉鮮嫩多汁，帶著微微嘅香辣，肉質彈牙。白蘿蔔片嘅清甜同湯底的辛辣形成對比，每一口都充滿層次感。