祥正飯店

營業中

休息中

～ 晚餐．大排檔 ～🐷 炸大腸 👉🏼 皮腍同肉韌，唔點汁唔知食咗啲咩。🦑 椒鹽鮮魷 👉🏼 炸粉唔平均同炸過頭導致太硬，完全無味，唔係新鮮貨。🐟 椒鹽九肚魚 👉🏼同鮮魷一樣奇差，點汁先叫放得落口。🦐 豉油皇中蝦 👉🏼 大小一般，無膏，似用冰鮮貨。🐚 蒜蓉粉絲扇貝 👉🏼 大隻但蒸過頭攪到肉質好韌，粉絲上碟時已吸滿豉油有啲過咸。🍗 脆皮風沙雞 👉🏼 招牌菜，皮脆肉滑，全晚最好食。🐚 豉椒炒大蜆 👉🏼 大蜆變蜆仔，可能店家對個大字有誤會，但九成都有肉唔似其他地方一半殼一半肉，味道唔錯。🍜 豉油王炒麵 👉🏼 夠乾身，正正常常。🦑🐷 墨魚餅拼豬頸肉 👉🏼 墨魚餅唔彈牙，豬頸肉本身整到點衰都好食。㊙️ 個人評價 👉🏼 可能地理位置方便，同港島無咩大排檔，所以先咁多人，如果唔係，唔明點解要去呢度，無下次。💸 埋單 👉🏼 ＄1160🏡 地址 👉🏼 灣仔寶靈頓道16號永德大廈地舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝

海鮮唔新鮮！食都一肚氣！1）豉椒炒蜆，蜆好細，細個1蚊銀2）白灼花螺，叫一斤得半斤3）油浸筍殼還可以4）泥鯭粥無果皮….5）聖子 ，比D唔新鮮….你去食,自己諗清楚!

一行三人諗住食潮州野，點知中晒伏，好失望，整體食物味道正常，但重點係唔新鮮，上菜果時又唔熱，呢下已經冇下次⋯唔怪之得成間野晚市時間7-9pm只得兩枱客人⋯瀨尿蝦唔新鮮：肉霉，出去水缸睇，叫佢撈上黎睇下，d蝦死咕咕唔識郁，仲好意思話黎貨果時係咁⋯辣酒煮花螺：好淡，冇乜味啫啫煲通菜：唔熱，黎到一d煙都冇，味道一般豉油王炒麵：過份乾，唔似新鮮炒，似用微波爐翻熱，又乾又淡，小食店幾蚊一碟好食過佢一千倍蠔仔粥：味道正常，食到幾粒蠔仔臭嘅**附上收據以供參考

有兩個朋友從法國過來香港，便帶他們試一下我們香港的地道美食。今次的選擇比較特別，之前我們都會選擇到廟街或者銅鑼灣的明記，但是今次想試試新地方便來到了這間在明記隔離的祥正。走到寶靈頓街，基本上街客都會給明記攔截了，因為祥正在街尾。正因為這個緣故，這裏是比較少人和舒適的。我們叫了很多小菜包括蝦仁炒蛋、燒乳鴿、蒜蓉蒸蝦、椒鹽鮮魷、通菜煲、豉椒炒蜆、避風塘炒蟹和炒飯等等，全部都是新鮮即製，熱騰騰的上枱。其中有幾個我想說一說：先說蝦仁炒蛋，蛋是非常滑的！但是蝦仁才是重點！每隻蝦仁的直徑有差不多四厘米，不是一般的白蝦！是有質素的海蝦！配上韮皇，香口好吃！再說燒乳鴿，可以說是極品！剛燒起的乳鴿皮脆肉嫩！還有肉汁的！骨還是很軟，證明這真的是BB鴿！我的法國朋友吃得弄油手指也在所不計！蒜蓉蒸蝦的重點在於那些粉絲！真的是好吃到不得了！在蒜蓉，熱油和豉油的陪襯下簡直令我們想叫一碟淨粉絲！另一重點菜就是椒鹽鮮魷。在外國的Calamari。所以對於我的朋友來說是完全不會陌生的。但是他們說這比起他們一向吃的Calamari簡直就是差天共地！因為他們那邊沒有我們的鑊氣，魷魚也是不靭而香軟！上枱時還是燙口的！到大排檔

星期五放工有咩好做 梗系同同事去食食食食好野啦 大家一人一句 終於諗到食咩 lu 就系公司附近既大排檔 !!!! 坐低睇睇個餐牌 全部都好想先 最終一行六人豉油王鵝腸超好食 超級好味豉油好滑. 仲有雞肝腎 .其他菜式仲有 炸蝦球 鳳梨子薑炒牛肉 椒鹽魷魚 通菜煲 都好有風味 胡椒豬肚湯： 要求少放胡椒，味道非常不錯，胡椒味道過後還能品出一絲甜味，豬肚也非常軟嫩，一連喝了兩大碗。椒鹽瀨尿蝦：味道很好很入味，蒜蓉脆口，瀨尿蝦新鮮，因為門口有游水海鮮蒜蓉粉絲蒸扇貝：口味很好，扇貝夠鮮甜，蒜蓉粉絲都足料炸乳鴿：口味不錯，不沾醬也已經相當夠味，皮脆肉嫩金銀蛋浸豆苗：豆苗很嫩，湯頭重鹹旦味，總體不錯幹炒牛河：牛肉鮮嫩，炒河粉也不膩，整體感覺良好其實餐牌上仲有好多野都想試 已經決定我哋下次再黎食過

蒜茸粉絲蒸蟶子 -熱辣辣的蒸蟶子，筷子一夾，面頭的粉絲好入味，炸蒜好香好夠味~燒乳鴿 ─鴿皮咬落脆口乾身~蝦醬炒通菜 ─兩個字：好食！椒鹽豆腐  ─  外型又大又細鬼五馬六，外皮係好脆囉，裡面好嫩滑，咬落熱騰騰、好出色的一味~要加餸，請大佬介紹炒蟹，但我食親蟹都整損嘴，最後我哋點咗避風塘炒蝦。避風塘炒蝦 ─辣椒炸蒜等配料勁香勁惹味，蝦肉入味，想食得更滋味，請先啜吓蝦殼，再剝蝦肉食，或者直接夾炸蒜料落蝦肉到一齊放入口，咁就有味嘞~總結，下次都會來食鑊氣小菜。

今日去左Sogo Thankful血拼，又要排隊人又多又逼血拼左一輪之後真系好攰。因為Sogo Thankful基本上Sogo個邊啲人多到好難行，出返Sogo見肚餓就決定貢去鵝頸橋個邊覓食。行下行下就隨便入左一間菜館裡邊食飯，點知有驚喜……我地叫左椒鹽瀨尿蝦、鹵水拼盆、避風塘炒蟹、蒜蓉粉絲蒸蟶子、啫啫通菜煲、黃金蝦。椒鹽瀨尿蝦，蝦殼都炸到好透基本上可以連殼食，好香口所以都叫左啤酒加上行完街真系好口渴。鹵水拼盆，所有野都鹵得好夠味但又吾會耐左好，掌握得岩岩好。避風塘炒蟹，蟹鉗肉質飽滿，沾上炸蒜同食，鮮甜又惹味。蒜蓉粉絲蒸蟶子，都係好香蒜味, 但又唔會搶左海鮮原本陣味，蒸得岩岩好又好爽口。連粉絲都好入味夾蔥蒜食一流!! 啫啫通菜煲，好有鑊氣, 而且好新鮮, 通菜好爽口, 唔多油之餘又煮得岩岩好唔會太淋, 好考功夫嫁，味道帶點微辣。正!!!黃金蝦球，蝦球夠彈牙而且好鮮味好新鮮，配埋啤酒大滿足。環境整潔舒適，侍應跟進速度快，飲飽食醉之後我地走既時候漏低左野，侍應還跑出來交返我地，我覺得佢地好老實。

內地朋友落黎香港濕平，打算系銅鑼灣血拼，之後話同我慶祝生日，問我想去邊間餐廳。內地咩都有得食，想帶佢地去d內地少食嘅菜色，又要坐得舒服環境又唔失禮，search openrice見到祥正有d菜係內地唔多見，二話不說即刻打去訂位。港式野椒鹽瀨尿蝦，避風塘炒蟹，哩兩款菜d內地朋友話未食過，再豉椒炒蟶子，蒜蓉炒豆苗，時蔬豆腐海鮮湯，薑蔥魚雲煲同辣酒煮東風螺。椒鹽瀨尿蝦炸至外層脆卜卜，幾乎連殼都可以食埋，而入面嘅蝦肉亦非常 juicy，一啲都唔老，肉質鮮甜！避風塘炒蟹蟹鉗肉質厚實、口感彈牙，特別惹味。大廚非常細心，上桌前已經將蝦鉗外殼拍碎，既方客人享用又能使蝦肉沾上味道。豉椒炒蟶子十分多肉，吃下去非常惹味，完全無沙。蒜蓉炒豆苗，菜嫩仲有蒜蓉而且有啲汁濕濕地。時蔬豆腐海鮮湯，成個湯乜都有好滿足好有鮮味豆腐都好滑。薑蔥魚雲煲，恰好火喉的走油，魚皮表面焦香，軟骨香脆鬆化，魚頭的魚汁和啫喱有水盈口感，加上無過稠過濃的芡汁，精髓被魚雲吸收哂，這道薑蔥魚雲食得津津有味！辣酒煮花螺，調味既酒夠香，辣「色香味」也夠，螺裡無沙肉頗甜。天氣凍凍地叫個辣酒煮花螺，辣辣地送啤酒好夾perfect match!!其實每

老豆今個星期日生日, 加上佢好中意食海鮮, 所以帶埋屋企人同老豆去祥正食生日飯! 幫老豆點左 避風塘炒蟹, 椒鹽細尿蝦, 豉椒炒聖子, 豉油皇花竹蝦, 木桶沙薑雞, 芝士墨魚丸, 啫啫通菜煲, 豆豉鯪魚油麥菜避風塘炒蟹: 炸到金黄色既蒜粒, 再配上油炸蟹, 爆炒然後出鍋真係好香 肉質都好爽甜! 椒鹽細瀨尿蝦: 雖然係細瀨尿蝦, 但食落都OK, 好香口豉椒炒聖子: 聖子最怕炒得太老! 廚房炒得都唔錯, 有鑊氣豉油皇花竹蝦: 蝦身都大隻, 但炒得幾入味!!木桶沙薑雞: 雞好滑, 但又唔會太咸, 但太飽, 食唔曬, 打包拎走芝士墨魚丸: 個口感幾好, 但一定要熱個時食!!!啫啫通菜煲, 豆豉鯪魚油麥菜: 不過不失啦~ 祥正個性價比都OK, 同埋最緊要老豆食得開心!!!!! 

今個星期五屋企人懶得煮飯食,但我又唔想求其食,所以就拉左屋企人落祥正醫肚~落去祥正一定會叫我最愛既薑蔥炒蟹 同 蒜蓉粉絲蒸聖子!!呢個我爸爸最鐘意食，仲叫左幾枝冰凍既藍妹啤酒食薑蔥炒蟹，海鮮夠新鮮就一定,啲蟹仲要好多肉啲蟹肉都入哂味，啲汁都好正又夠鑊氣。蒜蓉粉絲蒸聖子，夠爽口又鮮甜!!!另外再叫左個芝士炸墨魚丸同蒜蓉炒白菜仔配飯!!祥正出名海鮮好食!其實配菜都唔差!咁樣配飯食一流!我地一家4口去食都係好平咁埋單!有時夜晚咁樣食都唔錯!

個日接完男朋友收工, 諗住去食飯, 男朋友就帶左我去食祥正, 本身唔係幾想去但男朋友話好好食,叫我試下, 就跟左佢去, 點知食落又OK, 比想像中好食, 地方都算衛生~我地兩個叫左避風塘炒蟹, 蒜蓉開邊蝦同腐乳通菜, 咁樣兩人食都好夠D肉好新鮮同彈牙, 炒得岩岩好, 一放上枱就聞到好香~ 食得出用料新鮮, 炒得都好食, 唔會煮過頭, 男朋友係冇介紹錯~

我同屋企人都勁中意食海鮮, 個日同呀媽行完街, 就叫埋老豆細佬出尼一齊食飯, 諗唔到食咩, 咪諗住食個大排檔就番去, 點知依間野出奇地好食 LOL由其係個避風塘炒蟹!! 一流!! 勁好食, 仲叫左幾個小菜, 都唔錯, 我自己就覺得椒鹽鮮魷同牛仔粒真心有驚喜, 最衰4個人叫唔到太多餸, 仲有好多都想試, 下次會同朋友再去食 XP

咁岩行完百貨公司想食大排檔就去左祥正，今日決定要食返多D野去補充體力呀!我同老公仲有2個朋友叫左幾樣野，包括避風塘蝦、白灼花螺、蒜蓉蒸扇貝、蟶子皇，仲有豉油皇炒麵，正呀! 我同老公都最中意避風塘蝦，配埋藍妹超夾! 佢地D海鮮夠新鮮，豉油皇炒麵夠鑊氣，我地都好滿意今日餐飯呀! 又食又買，今日好滿足呀!

今日約左個好耐無見的朋友食飯，想話傾下計，咪叫左佢地祥正一齊啤啤佢。我地行到門口見到游水海鮮好新鮮，就叫左個炒蜆同椒鹽豆腐拼海蝦，之後再叫多左個同鹵水拼盤同芝士龍蝦，一流呀! 之後仲發現原來可以用支付寶比錢，初初我都唔識，之後我個FD就試比我睇，真係好方便，下次會再黎食!

剛搬來銅鑼灣，聽聞頸橋街市附近食肆很好便選一間來試試。見祥正門外咁多圖片很吸引，即入去試試。怎知是一吐氣的開始點了豉椒炒蜆，椒鹽鮮魷，京都骨及菠菜。等了20分鐘也未有碟餸來，要追，正常炒菜都可以來。之後椒鹽鮮魷到了。不脆加是凍的，真失望。 之後又等了10分鐘又要追單。之後京都骨到了。沒有酸味，肉也很硬。我開始問為什麼那些餸全是凍，他只說已經即刻炒。講真今天是星期四冇可能係咁。都是炒蜆來到有沙的也不入味也是凍。真是越食越火滾。到最後等了20分鐘菜也沒有來，取消佢又話整緊。最後又話都係同你取消。真不明白食一碟菜要等1小時多，是什麼大排檔！買單再說自己不滿一句不好意思也沒有，他們的服務態度真好令我食了谷氣的一餐。身邊跟我食的人也起得走了。因他趕時間。我自己白白在等候一跌最後沒有來的菠菜！想起我幾條的權發，平民化但係服務態度同埋食物好好多。真係可一不可再你有時間就可以去試吓包你可以坐好耐。