神戶屋日韓放題

營業中

休息中

去旺角買完運動用品，順便食埋晚餐，見到呢間嘅日式放題幾平，就試下。呢個係用QR code自助落單，一入座會有小食同醬料，另外仲送火鍋，不過我一個人食唔落就無要到。1️⃣ 刺身拼盤刺身可以自己單點，或者廚師發辦。我選擇困難，所以就比師傅決定～ 一上臺好驚豔，擺盤好靚😍 總共有13種刺身，有三文魚、甜蝦、有頭甜蝦、希靈魚、松葉蟹棒、厚燒玉子、珍寶帶子、泰式生蝦、鮑片、激巨赤蝦、北寄貝、八爪魚、天使蝦。魚生都幾新鮮，有咬口，唔會軟爛👍🏻 當中我最鐘意松葉蟹棒、厚燒玉子、鮑片。刺身愛好者必點！2️⃣壽司藍鰭吞拿魚蓉、辣味螺肉、黑松露珍寶帶子吞拿魚蓉同螺肉都正常發揮～ 雖然帶子上面無黑松露，但原來收埋係入面，咬落即刻有濃郁嘅黑松露香味～3️⃣ 炸物榴槤炸彈、韓國炸鮮奶新鮮滾熱辣上臺，炸得脆身，尤其炸鮮奶嘅味道濃郁🤤4️⃣ 燒物黃金芝士燒廣蠔、北海道燒扇貝、鐵板紐西蘭羊架、燒有機菠蘿啲芝士好香濃，又有咬口；羊架肉質嫩滑，調味好香口；燒菠蘿好有驚喜，超甜🥰5️⃣ 甜品/飲品雪糕櫃有兩個，門口一個（選擇多、好正），入面一個（主要係雪米糍）。我眼殘睇唔到門口個櫃，所以淨係攞咗阿華田、朱古力同埋抹茶紅豆味嘅雪米糍，啲餡好正。

好耐冇食放題，年紀大左食唔到咁多而放題嘅嘢食quality通常都一般，但係咁難食嘅真係第一次🤧Sashimi望落去d顏色感覺唔係好新鮮，食落都無咩鮮味，食唔曬Tempura一d都唔惹味，唔知關唔關d油事牛油炒菇個味好怪，特別係個牛油味最經典係炒飯，酸嘅，好似係變壞左嘅味道咁其實唔想浪費但真係完全食唔落好啦...講下食得嘅野最好食係炒菜同枝豆...個韓式粉絲似中式粉絲...唔緊要啦，冇怪味可以食Overall實在太難食食左一陣就走啦 要平復下心情 $280去食菜 哈哈 第一次喺OpenRice俾劣評，真心難食

大家會唔會有一個小時回憶嘅地方神戶屋係我每次小學、中學朋友聚會到大個公司同事聚會都去嘅地方雖然以前地方窄 10個人照塞埋去坐大家好Close咁食個放題係開心嘅依家因為疫情過往個年都好少食放題好少再10個人坐埋一檯但係再到神戶屋食放題都係有驚喜今次趁母親節同左媽媽去食小窮J嘅母親節禮物🥲🥲幸好媽媽都食得開心#咁爸爸節都可以🤪🤪🤪🤪🤪好開心神戶屋加左火鍋 #定係不嬲都有？有壽喜燒、韓式部隊鍋同四川辣雞煲揀我地揀左壽喜燒，但係覺得下次可以試下部隊鍋提提大家肥牛填1係會黎大大卷🙂#我臨尾填左3🙂刺身嘅蝦都有幾種有頭 無頭 大蝦 同生蝦都甜都可以試三文魚都切得幾厚炸物我中意食炸芝士同炸鮮奶甜品有好多好新款嘅雪條😍趁呢排openrice做緊特價可以重返一戰😇

黎到兆萬，喱度搭lift上去都知有好多餐廳原來8️⃣樓有間良♥️放題 今次揀左lunch hour去食😸1330入座 🔆因為lunch time好抵食 😍唔洗200蚊（每人$179，未計+1）就可以食到放題！CP值高 仲要係良♥️餐廳真心推薦‼️會encore👍🏻👍🏻上去到counter姐姐好有禮貌熱情招待😇入到去環境都寬落座位舒適 有卡位 入面仲有房位岩哂三五知己一齊傾計食好嘢💬我地咁岩就坐到卡位 yeah一坐低就好快上左幾款前菜同醬料點餐用QR scan code好易睇又環保👍🏻有好多款野食任君選擇，刺身、壽司、炸物、日本韓式料理、一品料理、沙律等等等👉🏻最驚喜係有日韓式迷你火鍋🙀一般放題好少可有喱類選擇但喱個mini火鍋就滿足到鍾意食熱食嘅朋友我地今次揀左日本和牛壽喜燒😽仲有韓式芝士部隊鍋同埋四川香辣雞煲😸壽喜燒入面有幾塊大片和牛，仲有生雞蛋，好足料嘅娃娃菜同白菜仔👉🏻刺身方面真係冇得彈非常新鮮豐富又好快上擺設好靚😍😍選擇有厚切三文魚、油甘魚、八爪片、北寄貝、松葉蟹棒、厚燒玉子、赤貝、天使蝦、美式凍蝦、帶子、泰式生蝦等等👉🏻當中最推介係松葉蟹棒、厚燒玉子、赤貝仲有少試到嘅泰式生蝦，辣辣地咁

母親節帶咗媽媽去旺角食好嘢😽 揀咗呢個選擇好多嘅放題，媽咪都超滿意😆💛🥗 刺身淨係刺身我哋就食咗十五款😝 一定要食嘅包括肥美嘅三文魚、麻辣嘅泰式生蝦、鮮甜嘅有頭甜蝦、厚片嘅厚燒玉子、肥美嘅珍寶帶子等等🥳🍣 壽司我哋食咗四五款壽司，我鍾意吞拿魚壽司！火炙芝士三文魚好cheesy~ 仲有海膽赤蝦壽司都好正！🍤 炸物、天婦羅炸物好推薦~ 又係好多款揀~ 我最鍾意係炸鮮奶, 佢嘅形狀好似春卷咁, 脆皮之中包住啲白滑嘅鮮奶~ 炸芋頭都好好味, 特別係熱辣辣, 又夠晒香~ 炸榴槤都係一如己往地大愛~ 仲有天婦羅蝦, 啖啖蝦肉!🍲 其他呢度仲有自選邊爐食, 但我哋就冇叫到, 留晒肚食刺身🥳仲有啲串燒/熱食, 例如牛舌咁, 牛舌係椒鹽味, 超級厚片又好肥美!🍦甜品甜品方面有各款雪米磁、蛋糕仔、布甸仔、雪條等等, 不過不失喇~

兆萬不嬲岀名好嘢食前排同朋友喺旺角行完街之後就過去搵食見到神戶屋放題非常坻食下午去食都係百零蚊就食到日韓放題首先有刺身我哋叫咗個震撼級嘅刺身拼盤超級正 超新鮮 超大份食完刺身我哋亦點左天婦羅同埋竟然有川菜 有炒土豆絲 仲有泰式馬拉盞炒通菜炒菜應該係即叫即炒所以上菜時都係熱辣辣而且味道非常夠味 馬拉盞炒通菜我encore咗多一次另外點咗串燒串燒加上左椒鹽粉 好香好惹味如果想食清清地仲有沙律我叫咗泰式沙律🥗 非常清新真係唔止日韓放題簡直係亞洲美食集會除此之外其實仲有火鍋但係因為自己眼闊肚費事浪費所以就冇叫到火鍋如果係想以超低價滿足唔同嘅渴望神户屋絕對係一個選擇🙌🏻

愛理不理，出菜速度龜速🐢🐢雖然味道還可以，但速度極之慢，態度之惡劣連街邊賣報紙都好過佢。母親節嚟食係人生一大錯誤，吹咗三四次先出到三件嘢，重要出嘢出到其他枱嘅嘢食喺我枱。😱😱

和朋友去了旺角西洋菜街1號兆萬中心8樓的神戶屋日韓放題食飯。這是一間在兆萬屹立很多年的放題日韓放題餐廳。店員服務和主動，招呼我們到一卡位安坐。安坐後，很快為我們奉上豐富的壽司刺身拼盤，小窩雞煲。這盤豐富的壽司刺身是神戶屋日韓放題的招牌菜，每枱都會奉上這盤刺身作為開場。刺身很多款式，新鮮美味，而且色彩豐富。有刺身帶子，三文魚，帆立貝，象拔蚌，八爪魚，虎蝦，泰國生蝦，甜蝦等等。非常豐盛見到已經吸引食慾。三文魚好肥美而且，刺身蝦亦好鮮甜。小窩雞煲細細鍋，味道不錯也惹味。除了刺身，還有其他熟食，例如羊架，牛舌，芝士焗蠔，一口牛，豉椒炒蜆等。刺身不錯我們再追加，三文魚，帶子，甜蝦等。羊架，牛舌，是放題必食。至於飲品方面，有含糖的汽水，啤酒，解茶等，適合各人口味。甜品有自家制慕絲蛋糕，雪米糍，雪條等。總結：神戶屋日韓放題在兆萬是老字號的放題餐廳，食物品種很多，而且價錢 大眾化，適合與朋友聚餐，傾計食放題😉👍👍

預約咗先去，一去到就立即入座，一坐低果下就後悔，如果係3-4個人坐卡位都好啲，兩個人去食將一張4人枱隔住塊膠板分左兩邊，枱原本已經細間開左仲細，侍應叫我地快啲用QR code落單落多啲，怕人多出得慢，成個過程好似幾日無食野咁，不停將到咗嘅野食係咁塞落個口（因為啲野上左無位擺），啲野食量足味道都好，但完全唔覺得自己係餐廳食梗嘢，一味係咁倒嘢落個口。餐廳用膳時間為90分鐘，我哋食咗一個鐘就走咗，因為食得實在太急，同朋友傾計嘅時間都冇，位又窄枱又細用膳時間又短⋯價錢埋單614兩個人，300蚊一個人其實食嘅嘢算中規中矩無特別，一般任食水準，但餐廳嘅座位安排真係令我唔會想再去，食後感非常差⋯

今日約好姊妹行下旺角，行行下開始肚餓，搵個地方醫肚，突然好想食放題，就去附近兆萬中心食神戶屋日韓放題，真係好耐無食放題，價錢好親民，真係好開心呀！😂😂🎀首先點選必定係刺身，有好多刺身選擇，嘩！刺身船好豐盛呀！三文魚🍣好肥味好新鮮呀！帆立貝刺身好鮮甜，海膽更加無等頂😋😋😋🎀日式炸物，有天婦羅炸物，仲有炸榴連波波球、炸芋圓波波球、炸雞翼、炸多春魚，炸物襯熱食超正呀！😋🎀日式串燒，燒得岩岩好，燒蝦串，可以連埋蝦殼食埋都得呀！調味得好入味😋😋🎀除咗日式，仲有馬拉盞炒通菜，炒銀芽菜、 炒蜆都有，炒得好入味，最愛食炒通菜😋🎀飲品區有各式各樣飲品選擇，有罐裝飲品和紙包飲品👏🏻🎀甜品區，有甜點，有豆腐花，仲有各式各樣雪糕雪條食呀！😍🎀仲有火鍋選擇😍今日呢餐食得好豐富，二百幾元真係好抵食，食得好滿足又好開心😄

首先今日訂今晚七點，問佢可以食到幾點？佢就話兩小時，去到我地早左15分鐘到，就6點50到。第一轉刺身還可接受，我地叫左炸物，就見到有一件炸物懷疑有隻腳仔既小朋友，有一個好似經理級同我地講係黑芝麻，都嗌左一段時間，我地就話算啦算啦算啦。無耐到7:50-55分到開始，趕客流程開始黎了，走過來同我地講：你地仲有半個鐘last order，我地當時無理佢，仲有成個鐘wo，就同我地講last order?無耐又開始問我地吹我地，我地個程式就快轉其他餐牌個啲，大概咁既意思，跟住又話:依啲要唔要幫你收野呀，啲野食黎左未呀，幾個樓面同事夾攻，我地忍唔住就講，我地訂7點黎，你地就8點都未到就吹我地？所謂既經理走過黎同我地講，你地走左幾個字到，我就話吓？以家八點二十幾分炸wo?最記得有位女同事同我地講，啲雪糕甜品係大門出邊，係門口出邊食，我真係第一次聽。仲有8點鐘就叫你結帳，結左就話:你地出門口拎翻找番啲錢，就唔係走過黎找番啲錢比我地😑食物方面:好無技巧炸物可接受，第一轉刺身，所謂甜頭，可接受，其他真係垃圾。感想:唔會第二次黎，為左番枱趕客，雖然有講唔好意思前唔好意思後，唔係大唒，講就話有兩小時坐，實質上

今日同朋友經過旺角想食放題，經過兆萬商場見到有好多間放題。跟住就揀咗一間放題叫做神戶屋，我同朋友入去嘅時間係5:30咁你知呢個時間入去食就一定會平同埋抵好多㗎啦！呢一間餐廳都有好多嘢食：刺身、沙律、炸物、天婦羅、日式料理、串燒、壽司、手拳等等一坐低就見到佢有好多醬汁預備咗俾我，仲見到有泡菜同埋其他小食。食放題第一樣嘢就梗係要叫刺身啦，刺身就最代表到成間餐廳嘅質素啊。我想講佢全部刺身都好鮮甜冇雪藏味，尤其是佢啲蝦勁大條又好鮮甜，佢啲帶子都好鮮甜又大件。跟住我仲叫咗一個清酒煮蜆，蜆肉有好大浸清酒味而且d蜆肉仲要係難得冇沙！跟住我哋仲嗌咗好多炸物，佢嘅粉漿唔算太厚而且薄得來又好趣口。我仲叫咗牛舌同羊扒，兩樣都唔會話特別蘇而且牛舌亦都好爽。我想同大家講樣好重要嘅嘢就係門口有一大個雪櫃入面有勁多雪條同埋雪糕可以比大家選擇。就連之前人氣益力多乳酪都有喺度，佢仲有好多款唔同嘅韓國雪糕可以試吓。同埋我哋臨走嘅時候佢仲送咗一杯movenpick 雪糕俾我哋。真係超級正！同埋我想講呢一間餐廳嘅侍應真係超級好禮貌，問乜嘢佢哋都會好落力咁樣去搭。而且佢哋都會同我哋講炸物可能要等好耐叫我哋先order左炸物先。

有史以來見過最垃圾嘅放題，冇一樣野好食，冇一樣野係人食嘅，無論係質素或水準都係最差的，環境噏噏揼揼，好似茶餐廳，廚房環境差到極致，睇過其他食評，已經肯定有曱甴，壽司吧望落都好污糟，刺身唔新鮮，軍艦的紫菜淋啤啤，粟米全部都係粟米乾，牛柳粒望落唔知似咩。服務態度更加不予置評，喺樓下派傳單嘅紋身哥哥就話咩都送，上到去乜都唔送，問佢係咪送海膽，服務員不情願咁幫我哋落單，送到黎，爭啲見唔到海膽，勁細粒，食咗一陣，就有服務員不停騷擾咁問我哋，有冇嘢要收，自己睇啦，啲嘢食都係個枱上面，做咩不斷喺度問，去到1個鐘多啲，直情好似想趕我哋走，唔會再有下次！兩個人$481，想食垃圾就去啦，一定後悔！包保你終身難忘！

上星期同朋友嚟到旺角嘅神戶屋食午市放題，食物種類好多好豐富呀，有最大路嘅刺身選擇：三文魚、油金魚、帶子、蟹棒、甜蝦、玻璃蝦等等。除咗刺身，熟食亦好豐富，我哋叫咗個牛肉壽喜燒，麻油味非常重。如果朋友仔唔食生嘢刺身類嘅，仲可以將刺身放落去打邊爐添！除此之外，我哋仲叫咗好多炸物：炸雞翼、炸蟹棒、炸春卷、椒鹽豆腐等等，真係食到我哋飽到嘔。佢每份食物嘅份量都唔少㗎，如果大家眼闊肚窄嘅話，記得要量力而為，一次唔好叫太多啊。最後作為一個放題嘅終結，梗係要食返啲甜品啦，我哋就揀咗芒果味嘅雪條，大細都比我想像中大呢。總結而言，呢間放題嘅食物水準係水平之上，食物選擇亦幾多，如果午餐想平平哋同朋友食餐豐富嘅都不妨嚟到旺角嘅呢間神戶屋呀，埋單都只係每人二百幾，幾抵呀

兆萬呢到好多野食，諗唔到食咩就去左神戶屋食放題，lunch hour 都係200幾蚊一位，幾抵食。一開始就叫左個壽喜燒，之後落單主要都係QR CODE落，冇咁易溜單。壽喜燒入面好多薄牛肉片，湯底甜甜地，幾唔錯。另外，都有小食類，炸物類，刺身類等等。刺身拼盤好足料，三文魚係厚切! 仲有玉子，蛋卷中間有蔥。帶子好厚肉好新鮮。熟食方面叫左個炒蜆，好夠味，有時食放題好多呢類都得番D 殻，但呢到真係粒粒都仲有隻蜆架。炸物不過不失，上台的時間都仲熱辣辣。最驚喜係呢到既甜品，雪條牌子選擇比其他的多，簡左款芒果味雪條，好滿足。而且呢到既員工態度都好好，值得一黎!