神戶屋日韓放題

營業中

休息中

小朋友想食放題，訂座8點半2大2細（2歲同4歲）...上到去係勁混亂全場企爆人訂左等於無訂重新等位...唔緊要入座前問我小朋友夠唔夠米3..2個小朋友都唔夠...坐低話2個小朋友收299+1😓😓食咁多放題未試過100CM高唔夠都要收費...最後講到109+1都算...呢啲日子預左比人劏但食物質素同價錢唔成比例，食物款唔多，頭一轉刺身有睇頭同大份之後既都唔掂...牛舌入口即溶無咬口...係熟過龍既林，豬仔脾一樣...應該係話唔識煮飯既人都整得好食...火鍋配料更加唔好講..無之前人地講既蝦，蛤之類...大部分係菜...檯面上既碟無人收..飲品櫃大半清哂上唔切...雪糕款同樣清得7788.....總結埋單2大2小連加1共1118...1個鐘已經走人轉場

今日去咗食放題，地點就腳又方便👍🏻重點係野食多款又好味🤤始終疫情都未話好，但餐廳衞生好好，枱與枱之間都有間板，食得安心！入正題啦😳壽司刺身必點啦，刺身力推珍寶帶子同天使蝦☺️帶子真係啖啖肉，軟林又滿口都係鮮味好爽🫶🏻而天使蝦就彈牙，隻隻都好飽滿😘串燒就不得不提牛舌同芝士黃金沙律開邊蝦，兩款都encore左幾次😋特別係牛舌，唔會韌仲好爽脆🤩跟住熱食就要食期間限定嘅和牛壽喜燒，香氣撲鼻，而且牛肉味好濃，好好味丫😊仲有特別位係有韓式炸雞，蜂蜜芥末味好出色，真係有係韓國專門店嘅水準👍🏻人蔘雞都相當唔錯🥳總括嚟講，呢度係正嘅，下次要再食丫😎

自從政府宣佈「0+3」同告別黃碼之後，身邊好多朋友仔都去日本旅行，可惜工人姐姐放假去唔到旅行住，唯有同屋企人去住旺角食放題先，首先要讚下餐廳衛生情況好好，枱與枱之間有間板，而且仲會定時消毒，我地帶埋小魔怪出去食飯都放心好多🌟刺身刺身類既選擇好多，有我最愛既赤蝦、甜蝦、三文魚、海膽、北寄貝等等，連生蠔都有，三文魚厚切又夠肥美，赤蝦大隻鮮甜，超高質🌟天婦羅媽咪最鐘意食天婦羅，佢地既天婦羅都好出色，點左勁多大蝦天婦羅，蝦肉爽口彈牙，而且炸粉唔算好厚，正🌟熟食熟食方面就最岩爸爸啦，佢大讚豬仔髀好好食，用上秘製既日式滷汁，夠哂入味，蒜蓉粉絲蒸扇貝都好正，又係回本之選🌟甜品食到最後記得留肚食埋甜品先走呀，佢地有Movenpick雪糕，呢個放題性價比超高，聖誕大餐約埋一大班朋友食飯就最好不過

聖誕Book咗7:30嚟食，上到去一開𨋢D人多到一個點，原來Book咗位都仲要等，安排極度混亂！等到8:00先入到枱⋯⋯入到去侍應部分都算好服務嘅，一嚟叫我哋點咗刺身先，但好多刺身原來只有頭一次，之後你唔會叫得返⋯⋯一口和牛、好似得D牛嘅頭頭尾尾，冇一舊係無筋嘅⋯⋯仲要得微温⋯⋯個鍋放落嚟 張枱已經細，個鍋超過15分鐘都滾唔記，途中又有侍應走嚟話「我幫你較細D⋯⋯」其實個制我都識得擰⋯⋯佢未滾起啊⋯⋯聖誕節你Full我都明，張枱細都無法⋯⋯但唔駛有D嘢上枱係放落我用嚟食嘢個碟度嘅，仲要用拋添⋯⋯因為一張四人枱本身唔大，仲要中間加板隔開⋯⋯天婦羅喎⋯⋯火鍋料中嘅蜆⋯⋯唔知點解係開晒口嘅咁就七舊幾而又唔覺食咗D乜嘅一餐喇⋯⋯咁中間當然有漏單啦總之就唔會再去，請都唔去，亦都唔會叫人去⋯⋯

今日同事farewell揀咗神戶屋食放題因為見佢地食物種類都幾豐富魚生方面極力推薦鐘意食蝦類嘅朋友黎依到！有泰式生蝦！赤蝦 天使蝦 凍蝦 甜蝦重點係食得出新鮮 鮮甜🥺上菜一大盤擺有乾冰 一路食一路keep住凍！另一樣值得點嘅係韓式部隊鍋湯底非常惹味加分有我最愛嘅芝士 吸收咗濃郁湯汁嘅娃娃菜同午餐肉都係食唔停口必點推介仲有蜂蜜芥末炸雞本身以為放題食炸雞質素一般但係驚喜發現炸雞好嫩滑 拍得住炸雞專門店嘅水準 ！仲有炸雪糕都係必點嘅特色甜品外脆內軟咬落煙煙韌韌唔係間間放題都有 係完美嘅飯後甜點整體黎講依度食物質素唔錯 依加食物處理衛生企理款式豐富 岩曬鐘意食唔同種類美食嘅朋友

我又黎神戶屋喇，雖然就黎出發去日本，但同屋企人嘅聖誕大餐都係揀返日本放題😂呢間放題比我感覺一直都好衛生，唔怕帶兩老黎～今次試一試個四川香辣雞煲，都係第一次喺日式放題食雞煲，但又好好食喎！真心幾夠辣，雞亦都係滿意嘅嫩滑👍食完雞煲就嗌左一輪刺身，壽司，卷物等等。築地直送嘅所有刺身我全部都食齊，鮮甜好好食！連原燒玉子刺身都好甜，比我encore左幾次🤓今次仲食左幾款以往冇食過嘅特色炸物，都幾推介，包括香蕉天婦羅、韓國炸鮮奶同沖繩網紙蝦卷，口感酥脆唔會太油

去唔到日本旅行唔緊要，因為可以嚟呢間日韓日式放題，用二百幾三百蚊有找嘅價錢，就可以食到飽，仲可以享受到呢度非常高質素嘅日式料理食物質素，絕對值得推薦！～餐廳本身唔算好大，不過每一張枱都好有私人空間感，坐低之後亦都覺得張枱同座位好寬敞舒適。由於天氣好凍，我哋首先叫咗壽喜燒牛肉鍋同埋韓國人參雞湯，味道非常濃郁好味。呢度嘅飲品亦都有非常之多款式，我哋攞咗兩款有氣嘅果茶同埋椰青水，味道清甜。先來主角，就是一大盤魚生刺身，種類非常之多，而且每款都極為新鮮。有赤蝦、泰式生蝦、甜蝦、三文魚、海膽、北寄貝、蟹棒、螺片、鮑魚片、八爪魚、魷魚片、生蠔、玉子等等。赤蝦好大隻，肉質新鮮，入口清甜。三文魚油脂感重，而且肉厚肥美。海膽非常新鮮，入口有甜味。珍寶帶子壽司、黑松露帶子壽司、黑松露油甘魚壽司，全部都又大件又好食，水準非常出色。炸蝦天婦羅同多春魚天婦羅超級香脆好食！！～燒菠蘿用上焦糖來烤，焦糖燒得好香好惹味，而且仲非常juicy。韓式炸鮮奶，入口非常creamy，充滿奶味。炸榴槤波波同炸香芋波波都非常好食，外脆內軟。燒牛柳粒好淋好入味。燒粟米粒同埋燒雜菇同樣不能錯過。粉絲蒜蓉蒸扇貝用咗大量嘅蒜蓉同小小辣椒

聽同事講旺角神戶屋日韓放題有大閘蟹食，到了12月是大閘蟹尾期，所以同事們話要把握最後機會去食，否則又要等下年了。臨近聖誕，餐廳掛滿飾物，甚有聖誕氣氛！大閘蟹即叫即蒸，熱辣辣上枱，Size適中，雖然是尾期大閘蟹，但入面都幾多膏，味道甘香鮮美。刺身亦好新鮮，擺放精美，三文魚、希靈魚、鯛魚肥美，油脂甘香。有頭赤蝦、激巨赤蝦、泰式生蝦爽口，美式凍蝦、墨魚片彈牙。生蠔肥美鮮甜厚肉。黃金芝士燒廣島蠔，面層是香氣迫人的芝士，入口再食到煙肉火腿、廣島蠔，口感豐富好滋味。燒黃金沙律開邊蝦，蝦已去殼，加上特醬濃郁的醬汁，爽口又惹味！日本香芋丸，芝士蝦春卷：即叫即炸，香脆可口。松葉蟹粥，粥底綿滑有鮮味。鯖魚豐富的油脂，經高溫一烤，天然的魚油慢慢滲出，甘香可口。最後食甜品，有自製糕點、豆腐花、韓式雪條、雪糕。期間限定，每枱入座即送限量火鍋，有日本和牛壽喜燒、韓式芝士部隊鍋，四川香辣雞煲。因為太多美食，而且我哋知道自己食量有限，所以沒有叫火鍋，待下次再來再品嚐吧！

很久沒吃日式放題，這晚心血來潮，拉着老公去最多放題的旺角覓食，終於在兆萬中心樓下收到一傳單標價$298,看似不錯，於是直衝上8樓試試。進去後內裡充滿日式和聖誕氣氛，二人坐的卡位尚算寬敞。原來這裡尚可以選擇大閘蟹放題或任食生蠔套餐，以迎合不同人客口味。但我倆還是選擇日式放題，小碟前菜幫助先開胃口。原來這間放題會先送上日式刺身拼盤，侍應奉來時我倆被它的精美外型和份量深深吸引，而且刺身種類繁多，十分美味新鮮。我另外也點了我至愛的三文魚腩手卷，三文魚腩肉厚肥美清甜，正合我口味。壽司則點了黑松露油甘魚、珍寶帶子、黑松露鯛魚，把黑松露加上壽司，升格美味。當然要點一些熱食混和一下腸胃，於是叫了吉列廣島蠔、海苔多春魚和松葉蟹棒兩款天婦羅。也叫來了香辣燒生蠔，滋味十足。還有鐵板一口和牛粒，和牛粒非常入味最後不得不提就是這個和牛壽喜燒，在這個初冬微凉時間吃這個十分温暖，加上煲內有不少蔬菜，正好可調理腸胃。其實吃完這個壽喜燒，還可點選火煱食物繼續火鍋，但我倆實在太飽，所以只有放棄。

在旺角行街，行行吓有d肚餓，就上網搵吓附近有咩好食。搵到有間韓日式放題，仲話有大閘蟹食，就緊喺上去試吓啦。一去到侍應很有禮貌為我們安排座位，我們通過QR code點食物，想食嘜就叫嘜，呢個就喺放題嘅好處。但侍應提醒我們，熱食要早點下單，因為制作要20分鐘。所以，最好一座低，就先叫熱食。刺身可以慢慢叫。一大盆刺身相當吸晴，有生蠔，海膽，4款唔同嘅蝦，三文魚，赤貝，飽魚，螺肉，帶子等。超正，超滿足。之後，有叫粉絲蒜蒸帶子，燒牛舌，燒菠蘿，芝士年糕，天婦羅蟹柳等。仲有，牛肉壽喜燒。Ichiban.👍最後，嚟左兩隻大閘蟹，食埋真係行唔玉。總之，呢度好多選擇，有刺身，壽司，燒物，天婦羅，熱食，麵同烏東。真係睇見到開心。飲品自己去雪櫃攞就得啦！。有機會，會再嚟。

今日同朋友係附近行街，接到呢間餐廳既傳單，見到款式好多，仲要日韓式食物兼備，正好我地兩個都好餓，一於大拆一餐。一坐低店員就叫我地先填左呢三張先，其他就Scan QR code再落單。見到已經覺得興奮，有咁多野食揀。期間限定料理可以三選一，我地揀左芝士部隊鍋，另外仲可以按人頭叫生蠔同海膽，好少放題有得叫呢啲。韓式芝士部隊鍋，部隊鍋應有既配料佢都有齊：年糕、午餐肉、芝士腸、火腿片同大量娃娃菜，重點係另外仲附有一包辛辣麵，唔係普通公仔麵，而係辛辣麵，即刻加哂分。刺身當然係放題既重頭戲，師父將切身砌得好有心機，成隻刺身船好靚，忍唔住多打幾張卡，每種刺身都好厚身，種類亦好多，除左一般既三文魚甜蝦果啲外，仲有泰式生蝦、鯛魚等唔係度度有既刺身。海膽同生蠔當然係重點，生蠔都算大隻，而海膽亦唔會腥苦，仲可以+$99任食生蠔海膽，真係超級扺食，但我地想留肚試其他食物就無加到。黎個生蠔大特寫先，真係見到都覺得好吸引。海膽同樣黎個特寫，雖然份量唔多，但叫做可以過下口癮。壽司既選擇同樣非常多，每一件都小巧精緻，可以試好多好多款，花之戀同三文魚籽花之變當然係必點，牛油果軟殼蟹巷同芝士鰻魚巷亦都同樣推介。炸物係今餐

旺角食放題，其實真係好多選擇，今次我就揀咗呢間，因為之前朋友食過話呢間嘢好多嘢食，性價比極高環境乾淨企理。最緊要刺身夠新鮮，我最鍾意係三文魚厚切,，脂肪紋理好靚，新鮮海膽的鮮甜味，希靈魚刺身，厚切而且肉質結實有彈性爽脆，生蠔口感Creamy，都有海水和蠔味。鹽燒活海蝦其實蝦好唔好味，夠新鮮就得啦，最驚會痴蝦殼，呢度就係夠新鮮，加少少鹽好好味。encore咗好多串😂鐵板紐西蘭羊架肉味突出，肉質亦爽滑有咬口，肉嫩無羶味，好味！避風塘一口豆腐避風塘口味，相當惹味，豆腐炸粉唔會好厚，裏面係滑脫脫，外脆！好食，不過食得多覺得好熱氣🤣甜粟米，雖然會好飽，但係真係忍唔住要食😂😂飲品方面都好多選擇甜品又點可以缺少，仲有Movenpick雪糕食添😋😋😋

今日好朋友誠邀我同佢去食放題，我地去到兆萬中心呢間神戶屋，因為有大閘蟹放題，我地都超中意食，一定回到本🤭地方大坐得舒適，不得不提呢到個個staff服務都very good👍🏻👍🏻👍🏻一黎就緊係食大閘蟹先啦，把握最後蟹的季節，每隻唔算太大，但勝在隻隻都爆膏，鮮甜。再來個刺身拼盤，款式好多，有d我地都無叫到，刺身全部築地直送，新鮮甘甜，唔會雪得凍冰冰，無腥味。最愛三文魚刺身，厚切好有口感。泰式鳳爪酸辣開胃，爽口彈牙。日本芝士年糕炸到外脆內軟，芝士味濃郁。蒜蓉粉絲蒸大元貝元貝厚肉，口感彈牙，加左蒜蓉好惹味。蟹粥粥底綿密，鮮甜。櫻花蝦炒娃娃菜有鑊氣，娃娃菜鮮甜爽脆，加左櫻花蝦有口感。燒菠蘿呢個菠蘿十分出色，甜度十足，好有心機燒到焦糖色。

同朋友做完GYM, 肌餓感爆燈, 於是我倆決定食放題, 去咗旺角放題集中地之一兆萬, 係樓下收到張傳單, 就係8/F嘅神戶屋, 吸引之處就係季尾都仲有大閘蟹任食, 即刻入座食餐勁!餐廳面積不大, 座位分佈密集, 不過還好只有甜品同飲品都係自助區拎, 所有食物均以scan QR code落單, 算係唔洗係餐廳周圍行。飲品方面就有罐裝汽水、果汁。食放題首round一定係瘋狂order刺身啦!呢度嘅刺身選擇多, 包括有刺身方面亦都有大量嘅選擇，包括三文魚、甜蝦、赤蝦、希靈魚、松葉蟹棒、厚燒玉子、珍寶帶子、北海道角螺、泰式生蝦、鮑魚、極巨赤蝦刺身、北寄貝、八爪魚、美式凍蝦、赤貝、馬刀貝、墨魚片、鯛魚刺身、海膽同埋生蠔! 一大盤刺身排得靚靚上檯, 單睇都已經好滿足, 所有魚類刺身均為厚切, 三文魚係有魚油香同有彈性爽果隻, 極巨赤蝦刺身超肥美, 生蠔仲係脹卜卜, 有淡淡海水味。再order嘅刺身, 同樣都係厚切。除了生蠔, 仲有熟蠔, 加入咗大量香蒜, 令味道更加濃。另外香蒜類仲有扇貝, 放上了大量香蒜同埋粉絲, 提升帶子鮮香。壽司方面就有火灸同埋軍艦系列, 軍艦即包, 入口紫菜仲係脆。吞拿魚蓉

我好耐無食過一間金既任食，我叫人參雞湯，佢好似給金寶栗米雞忌廉湯我，細碟，上餐慢， 白菜苦的，唔似300蚊一位的食物，似係自己屋企食大亂鬥， 買一推急凍，擺係枱自己搞掂，好彩有茶。只可以話我唔知佢做緊promotion, 店員沒問我有無189coupon, 就收我正價， 叫些野上得遲，肥牛一壘未解凍就拿過來。 只可講我唔好彩比樓下 sales 老點上去 食，您想女友食到眼都突，就可來。服務員服務好，環境舒服，但食物垃圾