神戶北之板

小編我超愛吃意粉，前排意外發現這間主打日式意粉焗飯後，便瘋狂愛上🥰另外+$6 仲有套餐（沙律丶餐湯丶飲品）個人覺得都幾抵食。🍝日式雜菌明太子意粉 $48明太子的粉絲請舉手🙋小編每次來都叫這款😍on top一堆明太子但又唔會太咸 加埋其他雜菌味道酸酸地幾開胃 而且意粉質地彈牙。🍝白汁煙肉溫泉蛋意粉 $46即是卡邦尼意粉 溫泉蛋仲有埋流心效果 但略嫌唔夠濃郁重口味 自己個人比較喜歡明太子意粉多啲。🍛芝士焗吉列豬扒飯 $45咖喱唔辣 整體不過不失 比較普通 個人覺得意粉比較出色。📍神戶北之板 (九龍灣)九龍灣偉業街33號德福廣場二期5樓PIAGO美食廣場…查看更多

行過德福呢個food court,見舖頭唔算多，但朋友話幾抵食，所以試下叫左吉列豬扒蛋包飯，黎到大大碟好似唔錯，豬扒同飯份量都幾多不過食落味道就一般般，豬扒唔係熱辣辣似炸左一段時間，炸皮唔厚但唔脆豬扒係普通雪藏貨仔，唔會期望係juicy,但都入得口咖哩汁味道OK 但偏稀，不過以四十零蚊算係填得飽肚又唔難食仲叫左鯖魚定食，鯖魚大大條，份量足！食落會有輕微腥但擠左檸檬汁就唔覺！略嫌飯量太少，食完飯都仲有半條鯖魚整體黎講價錢係抵既，但味道就唔好期望太高…查看更多

自從學識左黎德福二期呢個food court 食飯，我就成日同同事嚟！貪佢呢度經濟得嚟又多選擇！原本想食咖喱飯，但見到隔離枱食意粉覺得好吸引就幫襯左呢間！幾抵食五十零蚊有個意粉，加$6就有沙律、湯同飲品！湯可以揀麵豉湯或者粟米湯，味道不過不失啦！沙律係普通生菜沙律，都唔錯！要咗個番茄海鮮意粉，都唔錯，軟硬度適中，唔會煮到黐埋一舊咁，海鮮咁嘅價錢就唔好expect太多嘞，都係雪藏海鮮，無咩味果隻！但以食個午飯嚟講都唔錯，都會再嚟食！…查看更多

呢間野其實都算係小妹一個小小回憶黎幾年前喺德福工作嗰陣成日都黎食最大印象就係個蕃茄雞排蛋包飯所以幾年後難得黎九龍灣仲喺度就一於回味一番啦！我大約12點半度到都已經開始多人好彩我單枝公所以不愁無單人位坐XD 今次直接叫左我嗰回憶蕃茄雞排蛋包飯雖然望落個雞排煎燶左少少但整體食落質素都仲喺度既而個蕃茄汁味道適中仲有少少煮熔左既茄粒 都足料架個蛋皮依然一流保持靚仔 盡顯師父功架仲包住有超細紅蘿蔔粒粒既飯而且套餐有包埋栗米湯沙律同餐飲誠意滿分55蚊買返個咁好既回憶 絕對值得…查看更多

近九龍灣地鐵站嘅 food court 得PIAGO 內，food court 內嘅食店唔多，總可以揾到一間啱食。黎神戶北之板已經好多次了，黎親呢度 food court 多數食呢間，呢度food court勝在唔多人，比起德福廣場內嘅食肆，呢度算幾抵食，又唔駛點等位。從店名會以為神戶北之板係食日式定食，呢度係食和式洋食，帶點西餐風。今次點左芝士焗意大利肉醬千層麵套餐，除左主食外，仲有沙拉、湯同飲品，凍熱飲品價錢一樣。芝士焗意大利肉醬千層麵:  睇見芝士好似好厚，仲以為份量好多，非也。其實千層麵並非千層麵，而係濶條麵而已，三層濶條麵其實食幾啖都冇晒，極度唔夠飽，濶條麵撈埋少少肉醬，味道一般。芝士唔算落得多，少少而已，所以唔多夠芝士味。肉醬亦都唔多，肉醬味唔濃，一般而已，唔似其他餐廳嘅肉醬意粉咁啖啖肉醬。食咁多次之中，呢次份量係最少。沙拉係最穏定，每次味道一樣，沙律菜夠新鮮清爽，惟沙律汁太多，如果另上沙律汁或放埋一邊，隨自己喜好落幾多就最好。湯係麵豉湯，少少咸，配意粉就怪怪咁。之前多數係粟米忌廉湯，洋食飲麵豉湯好似唔多夾，粟米忌廉湯比較適合啲。飲品就要左凍檸茶走冰，正常好味。如果下次再黎，都係穏定啲，食番之前果啲就冇甩拖了。…查看更多

經常約朋友係到lunch, 如果要食呢間，要早少少去擺位，一點鍾左右就好多人去food court。order左三文魚菠菜忌廉汁意粉，加4蚊有餐飲( 冷熱同價)。(p.s :唔加6蚊要埋餐湯同沙律係因為真心唔識欣賞佢個湯，唔想費時浪費既心態而飲左佢，破壞keep fit大計)廚房等快出到餐，三文魚份量算係咁，起碼一定多過“超級三文治“個三文魚意粉。味道都濃郁但唔會over左，不過本人芝士控，係都要落芝士粉 食完碟麵都幾飽下，唔係大食既男士都夠食…查看更多

想簡簡單單平平地食個飯，我即刻諗起九龍灣德福廣場二期嘅food court。之前食過一次覺得呢度比較少人，環境都尚算ok，叫做有卡位坐。 點解今次會再嚟呢...因為我對呢度嘅神戶北之板餐廳日式雜菌明太子意粉念念不忘，所以決定一定要再嚟食！！今次又係叫咗日式雜菌明太子意粉套餐，個餐$54真係超值㗎! 佢包一碗沙律，一個湯，仲有一杯嘢飲，都只係五十幾蚊！好抵呀！！明太子意粉都唔算好普遍有得食，呢度仲要整得好好味！！個粉有好濃嘅雜菌味，加埋明太子一齊食，味道perfect！！…查看更多

係九龍灣放工, 食完野再去德福行下街買下野, 咁第一時間食左dinner 先, 6點食可以避開D 太迫人既景象 平平地就去左 Food Court食, 最后選左呢間北之板, 佢D 食物相又平又靚, 真係幾吸睛.  離晚歺時間有一段距離, 好輕鬆咁搵到位坐.咖哩豬扒飯 - 49 (主菜加6蚊-> 可轉套歺)唔駛50蚊黎計個賣相唔錯, 平日九龍灣lunch 都5X 啦. 豬扒炸得幾脆, 小小甜既咖哩加上小小既辢, 好適合我既口味.套歺有沙律(一般啦), 但幾健康, 同埋重有個粟米湯, OK 熱. 凍OT 都唔會太甜, 唯一唔好係落單小冰, 但其實都係好多冰, 好似無小過咁整體OK LA~ 性價比夠高, 有下場節目唔會食好耐之選. …查看更多

今日同朋友一齊去咗德福買野，然後一齊去咗food Court食晚飯，剛好六點前後，人唔多，好快就揾到卡位。諗咗一陣，最吸引都係日式神户店，一個主菜再轉餐，加六蚊就有，因為係即煎，好新鮮，我哋叫咗個煎茄子意粉同焗肉碎飯。焗肉碎飯上灑滿焗芝士，焗得啱啱好。我好耐未食過咁爽脆嘅焗芝士。另外除咗茄子意粉嘅汁有少少過濃之外，食物整體都好好食。因為係第一次去食，職員都好有禮貌推介店舖嘅首選嘅餐，而且一個餐包飲品同沙律，平均55蚊一個餐，都好抵食呀。…查看更多

Food court嚟講都算ok, 價錢亦唔太貴，五十幾蚊一個餐，有湯有沙律有飲品雞扒蛋包飯套餐$52咖哩吉列豬扒蛋包飯套餐$51忌廉湯，味道較淡沙律蔬菜尚算新鮮豬扒都脆又熱，略錯咖哩汁咸咗少少然扒唔太熱，茄汁又酸咗少少整體都算ok…查看更多

上個禮拜諗住去睇侏羅紀之前簡單食個飯結果中曬伏我地去咗德福嘅food court 係二期五樓Piago裡面兩個人都係決定食神戶北之板 我嘅係雞扒蛋包飯 佢嘅係千層麵嘩 啲雞扒簡直難食到要直接嘔出來 我都明香港無乜新鮮雞 就算有 咁嘅價錢都只會係冰鮮雞 但我就真係未試過咁難食 又老又韌最後食曬啲蛋撈啲番茄汁就算啦 番茄汁都好酸下男朋友話佢果個都麻麻 基於已經中伏所以都唔夠膽試因為係套餐 所以有沙拉同栗米湯 好彩唔係伏仲可以食得但無可能淨係食前菜 所以都係blacklist好過無下次…查看更多

話說九龍灣得褔既piago開多一左一層，裡面仲有個food count。咁就入去睇下有咩好食啦，其實都係得4間舖，有北之板，pepper lunch，銀咖哩，同8番拉面。北之板就算係日本洋食屋感覺啦，我見完輪就簡左個芝士焗漢堡扒飯。諗住就咁睇呢個配搭都唔會伏得去邊啦。套餐有沙律，湯，野飲，主菜。湯就係玉米湯。味道都唔算差，不過不失吧。沙律就無咩特別啦，都係生菜再加上啲胡麻醬。都算新鮮。主菜，焗飯真係落左都幾多芝士去焗，而且仲有拉絲既效果。不過漢堡就可能overcook左少少，裡面就比較乾左少少，但係味道係可以既。個汁就類似係紅酒汁，而且都唔算少，所以啖啖飯都有汁。但係飯都係有少少乾啦。不過40幾50蚊就唔好要求咁多啦…查看更多

日式西餐，一想就想到蛋包飯。點了燒汁牛肉奄列飯、跟是日餐湯、沙律、餐飲。蛋包飯好得意、是開口笑的。飯份量好足夠，日本米係特別細粒、燒汁比較濃味、牛肉又軟身。餐湯應該是開粉、沙律就係用醋的。…查看更多

適逢小弟去九龍灣面試睇食評之前希望大家會祝我見工成功啦呢間野其實都算係小弟一個小小回憶黎幾年前喺德福讀Asso嗰陣成日都黎食最大印象就係個蕃茄雞排蛋包飯所以畢業後難得再黎到九龍灣就一於喺見工前回味一番啦我大約12點半度到都已經開始多人好彩我單枝公所以不愁無單人位坐今次直接叫左我嗰回憶蕃茄雞排蛋包飯雖然望落個雞排煎燶左少少但整體食落質素都仲喺度既而個蕃茄汁味道適中仲有少少煮熔左既茄粒 都足料架個蛋皮依然一流保持靚仔 盡顯師父功架仲包住有超細紅蘿蔔粒粒既飯而且套餐有包埋栗米湯沙律同餐飲誠意滿分55蚊買返個咁好既回憶 絕對值得…查看更多

北之板係太古既分店奶油包就食得多今次同朋友就試下係德福既分店老實講...環境係唔得既...美食廣場中呢度都算熱冇咩冷氣...仲有通風唔好不過都唔係北之板既問題講返野食先北之板有好多野食選擇但奶油包真係好鍾意食炸豬扒所以就叫左個咖哩豬扒飯仲加$6做SET$6包左一個沙律，一杯野飲同湯湯係極度粟米味既粟米湯應該係一包包粉沖個種沙律冇咩特別係芝麻醬如果再多D就好講返個咖哩豬扒飯好大份...奶油包食唔晒飯又多，豬扒又多，咖哩汁都多咖哩汁唔係辣食人個D好一貫日本咖哩既味道豬扒就炸得好香口仲有好脆件件都好脆唔會放耐左就唔好食因為份量太大既關係奶油包食唔晒有D豬扒分左俾朋友食…查看更多