影片
荃灣西西鐵站 C3 出口，步行8分鐘
繼續閱讀
電話號碼
31881801
62230988 (WhatsApp)
開飯介紹
這川式火鍋店以中式古建築為設計藍本，處處都充滿打卡點；其火鍋配搭多國高質新鮮食材，鮮味十足，是聚餐的好選擇。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
星期六朋友仔揾食飯，一行四人，唔去荃灣西，因為泊車真的很難位，朋友仔介紹，過嚟plaza 88話有泊車優惠，唔使煩一於過來試新嘢⋯⋯Open rice 訂位非常方便，還有八折優惠。食店裝修富有中國風，四個人坐卡位自成一格，枱櫈為木長櫈，朋友們都覺得硬橋硬馬，未有依靠⋯⋯先來下酒小吃:鬼馬蝦滑$58.(上)~炸出來較深色，油份頗多，但即點即做，熱騰騰。椒鹽九肚魚$68(下)~粉夠薄，內裡鬆軟，筆者當晚至愛。大骨湯$118~大骨湯底，帶點點油份蒲上面頗油膩，由於朋友喜歡清淡湯底，後來店員告知，原來是可以鴛鴦雙拼，下次必定選兩款味道。每張桌上會放下幾罐香麻油作調味，一看成份係8:2 菜糠油和芝麻油，最有趣的地方是罐頭揭蓋。手工青芛荀$48~賣相精美，薄薄的，一焯即成。凍豆腐半份$29~這裡可以選擇半份份量，很有彈性，方便人少少可以選擇多。紅薯粉$58~食店用上粗薯粉，一讚。脆骨腩半份$39~由於當日脆骨腩已沽清，只得半份，唯有試少少，魚身未算脆。安格斯牛肉$208~攞盆靚，打咭一流。獅頭鵝腸半份$49~肥膏鵝腸，邪惡中的口感享受。竹筒墨魚滑$138.~另一個擺盆精美的款式。手工白菜餃子$68~甜品:米糕~像豆腐花的親戚，濃香米味的米糕，配上黃糖漿，未算太甜，筆者頗喜歡這個甜點。整體來說:服務態度殷勤，火鍋配料能選半份，很有彈性，唯獨是美中不足的是坐位方面，大家都覺得挺直腰骨坐成晚，沒有椅子坐，除有點攰之外，長櫈的硬度有點硬，坐位方便不夠舒適。
繼續閱讀
被朋友推介話呢間邊爐好好食，第一次去完之後覺得好滿意，所以呢段時間已經去過好多次，而每次去品質都保持到高水準，非常難得。湯底度，最鍾意食麻辣湯底，而其他湯底試過亦都不錯。至於食材方面，也有好多種類，包括不少特色食材，而且裝修都幾特別，有唔同嘅包廂，位置都好闊落，坐好耐都唔會唔舒服。更重要的是員工服務態度都很好，只是可能商場位置稍為偏僻，食客不算太多，但好處是通常不用等位就可以入座。希望生意越來越好，好快會再幫襯。
繼續閱讀
天氣突然變凍諗都唔使諗一定係打邊爐呢間碼頭故事是川菜火鍋 其實想試好耐就係等天氣凍呢間分店位於荃灣一個新商場Plaza 88網上訂位仲有8折 價錢實惠在荃灣西站落車之後其實沿商場天橋一路直行數分鐘便到荃灣的商場打通晒就係甘方便餐廳入面都係古舊既裝修 頗古式古香枱與枱之間都隔開了 方便同朋友相聚傾計不得不提餐紙上有介紹唔同既食材要淥幾耐先食又幾細心茶位+醬油 $20/位醬油香碟都有指定的醬油提供可以自行調配香油、蔥花和蒜容重點是有醋同蠔油！長知識時間店員熱心地介紹川菜火鍋食法原來是在混醬入面要加埋醋同蠔油先夠正宗 //鴛鴦鍋 – 大骨湯鍋 & 蕃茄鍋 $118//我地都怕川菜火鍋會太辣頂唔順還是叫了比較溫和的大骨湯鍋及蕃茄鍋大骨百味湯鍋是奶白色的湯加上大蔥、杞子、青瓜片、紅棗香濃的豬骨味道入口香而不膩 材料豐富未落材料之前 首先每人飲了一碗飲完感覺好補暖 蕃茄鍋也好足料整個鍋也清楚見到好多塊蕃茄 入口清新//羊肉卷(半份) $68//羊肉味出又不算是太羶半份2-3人分都好足夠//安格斯肥牛(半份) $118//雪花紋靚 油脂分佈均勻入口肉味較香濃每塊都可以一開二而且夠厚兩個人已經好夠//鬼馬蝦滑 $58//用油炸鬼釀了蝦膠再鋪了魚子店員溫馨提示我們輕輕灼一下便可以果然入口外脆內軟滿口蟹籽口感一流//蘭州拉麵 $38//平時火鍋食烏冬食得多難得見有蘭州拉麵甘特別就試下這是幼細的麵條入口滑溜 彈牙煙韌//安格斯牛筋丸(半份) $48//牛筋肉十分彈牙 咬落有嚼勁入口好juicy濃濃的牛肉汁爆出黎好正//花雕雞件(半份) $48//半份份量都算多雞件醃得好入味雞件啖啖肉之餘質感亦好滑最難得係入口仲帶濃烈的花雕酒香味//紅糖冰粉 $20//食完火鍋一定要加呢個紅糖冰粉冰粉本身係啫喱狀入口無乜味但配埋糖水就好好食廿蚊有飯後甜品無得頂啦如果食完麻辣火鍋再食呢個糖水就更加可以解辣
繼續閱讀
食物份量極少，價錢貴到離譜，上菜果刻仲以為自己睇錯，眼都突埋。食物好普通，食物同價錢完全唔成正比，收醬油錢但唔係自助式咁自己去拎，佢預備俾埋你，香油唔香，又無乜調料。想要其他調料係要加錢既，樣樣都要計錢既明知自己開係d無乜人流既地方都仲敢set個價咁高，但質素唔高呢。做到咁差，想有回頭客都難。寧願去食湊湊好過，起碼有任食小食同埋份量又足全晚10枱客都無，諗返起都覺得勁伏。難怪D人返晒大陸食飯消費，都唔留係香港消費，係香港既商家自己造成，係抵死既。所以想中伏既人可以去試下呢間野
繼續閱讀
今晚朋友請客到呢間（碼頭故事）重慶火鍋，一入到餐廳店內裝修都幾有風格，環境算幾闊落，叫左個鴛鴦鍋，湯底都幾香濃，麻辣就一路食一路滲出，都算係愈食愈麻辣，不果都覺得算係接受範圍之內，至於食物方面就真係比較內地既同類型火鍋店新鮮優質好多，食材比想像中高質，特別係黑柏葉爽脆新鮮，新鮮海帶一般火鍋店少有，安格斯牛肉油花充足，海蝦新鮮彈牙，牛筋丸爽彈多汁，雞子選用新鮮本地雞子，絕非一般急凍火雞子……唔講咁多，大家睇下相片，自行比較。
繼續閱讀