研香

營業中

休息中

之前研香個開心果露係我覺得好香開心果味，今日發現原來開心果露已經變左要硬食埋豆腐花，冇左純開心果露叫🙈佢個豆腐花都滑嘅，不過佢好似有d甜同夾埋一齊怪怪咁唔明點解唔比返人揀開心果露可能開心果貴另外個芒果冰都好食嘅不過就好細碗下希望佢哋會出返開心果露

芝麻糊合桃露，稀過清水，第一次食，真係唔會再有下一次，見佢門面幾靚，裡面又企左咁多職員，貪就腳就買外賣返屋企食，一打開碗野，d水浮晒上面，睇見都唔係咁開胃，食落去就得少少芝麻味，完全無合桃味，其實有無加合桃露落去都唔知

在尖沙咀吃晚飯後朋友話好想去試開心果露話之前來次次都要排隊這晚來到只係排3分鐘就入得去天氣熱本來打算點凍食的甜品不過開心果豆腐花只有熱食提供在其他地方未見過這個配搭，所以熱食都想試以手機下單，幾分鐘後就送上開心果露味道好濃，全糖也夠甜每口都食到開心果果粒底層豆腐花滑溜，豆香味濃，味道很好不過比較適合涼快天氣時食用這晚坐在向門口的角落位置店鋪沒有門，比較熱旁邊有裝飾花槽，空間狹窄不太舒適右拗朋友會撞到手

平日食完晚飯後八點幾去食糖水，依間糖水舖出名開心果露，平時大排長龍，但好好彩因為時間尙早啱啱好入到最後一張枱🤩店舖裝修係日式小清新風格，店面唔大同幾乎冇冷氣。身為開心果愛好者，大熱天時都無阻我食熱辣辣糖水嘅決心！真心好好食，下次想返去試腰果芝麻糊❤️🥜🥣 開心果豆腐花 $𝟜𝟠 (𝟡.𝟝/𝟙𝟘)招牌開心果豆腐花基本上係每枱必點，可以揀全糖同半糖，對我來講食得甜品梗係揀全糖😎意大利開心果味道冇想像中咁濃，同埋溝左豆腐花後全糖都唔係好甜，建議揀全糖👍🏻豆腐花好滑，上面加左好多開心果碎口感好豐富！🌟 Follow @gfgm.hk on Instagram for more 🌟

招牌開心果豆腐花佢哋既開心果露係用特製石磨低溫研磨，用意大利開心果。開心果味香濃，好順口，而且豆腐花好滑，甜度可以自選，唔會過於甜。芒果冰可以再加芒果粒，滿滿既芒果冰！一碗等於一顆芒果，芒果果肉夠甜，加上芒果沙冰、水晶粒，好味！姜汁湯圓湯圓係黑芝麻流心，外面軟綿甜糯，配姜汁暖暖地，好清甜

呢間係IG留意咗好耐，直到佢開咗地舖之後，終於有機會去試吓😗原來最出名嘅開心果露又出爐時間，所以今次九點幾去到就已經冇得食😂同埋記得預番少少時間排隊，每次經過都好多人，我哋星期六晚去食，大約等咗半個鐘🥲⭐️芝麻合桃露食落去好rich，係我食過最濃既芝麻合桃露，如果鍾意食中式糖水，一定會覺得好好食🤤🤤同埋有得揀半甜，覺得甜度啱啱好👍🏻⭐️仙草西米露呢個覺得一般，無咩味，不過西米爽口🤔

開心果糊好滑🤩未去到起沙嘅程度，勁重開心果鹹香，唔小心就食晒左🫢豆腐花一樣超級出色💯💯好滑，重豆味得黎夠清甜又無豆腥味同埋係一片片唔會散哂👍腰果糊嘅烘味好出，又係真材實料芒果同榴槤冰都好食，但就未到必食🙈星期五夜晚去真係好多人🤦‍♀️🤦‍♀️🤦‍♀️

很久沒有去過厚福街，本以為那裡很多甜品店，原來已經所剩無幾，反正不是太多人排隊，選擇了這間研香，環境乾淨，很多年輕店員，個vibe好有活力，而大部份也是年輕的客戶😄 甜品種類不算太多，但也算吸引。我選擇了一個芒果冰，同時也選擇了只有熱的杏仁茶豆腐花，QR code下單，Menu有很多喜好選擇例如；加芒果、加椰果、半甜、加蛋白⋯ 貼心！芒果冰就沒什麼特別，但椰果就夠多同粒粒都脆卜卜！我只能用脆卜卜去形容，因為一咬就爆出卜卜聲😅 杏仁茶豆腐花，香、滑、我選擇了半甜，剛剛好，滿足我喜歡杏仁茶和豆腐花兩個願望，整體滿足，如果豆花多一點就更好了。

第一次試依間嘢平時見好多人排隊就唸住試下點知經歷真係想嘔嘢食好有問題1.我叫左個熱嘅芝麻糊加湯圓我朋友叫咗一個凍嘅芝麻糊唔知點解熱嘅芝麻糊會水啲我朋友嗰碗係明顯濃稠啲2. 我碗熱嘅芝麻糊食到一半食到一個指甲！真心嘔心有影相但係費事嘔心🤮🤮咁多位可以想像佢啲芝麻糊一大煲，煮埋一齊跟住裏面有一片指甲真心呼籲大家唔好叫佢嘅芝麻糊3.跟住我同侍應講收走咗，轉頭返嚟同我講原句：咁你想點？幫你cancel定轉過另一樣？ 態度少差🫠🫠👎🏻👎🏻👎🏻👎🏻👎🏻

宜家周圍都有好多甜品店呢間裝修得幾靚，仲坐得幾舒服糖水仲可以揀甜度添☺️☺️☺️佢嘅開心果糊都好吸引寫住兩個時間出爐下次有機會要試埋佢同埋佢有榴槤糖水甜品我自己就唔鍾意食大家有興趣可以試試🧡龍眼冰沙冰有濃郁嘅龍眼味有啲西米粒粒喺上面，仲有少少龍眼果肉同椰果口感豐富爽脆，好適合夏天食推介推介🤤🤤🤤🧡芝麻糊豆腐花好滑嘅芝麻糊，我揀左用日本天然代糖食落去味道唔會好假，適合健康人士今次仲加左湯圓，湯圓入面啲芝麻流出黎好好味下次食糖水都一定要加呀🤩🤩🤩

晚飯時間過後，門外迫爆人等位，不過小店座位唔多，天氣好熱，等得有啲辛苦。門口有外賣機可以睇住餐牌先。基本上係每台必點嘅開心果豆腐花，低溫研磨意大利開心果，味道冇想像中咁濃，食晒成碗有少少膩感覺，呢間特別嘅地方係可以揀代糖或者半糖，適合要控制糖分嘅人。蛋白杏仁茶，因為要撞新鮮蛋白，所以必須要喺熱食，杏仁味香濃，北杏嘅味比較突出，唔鍾意嘅朋友應該頂唔順。天氣熱唔熱，最好就係有凍嘅豆腐花，加入杏仁茶裏面好滑好香，下次都要食呢個。

尖沙咀厚福街鮮果甜品 近年呢條街甜品好似小左好多 呢次試試佢地鮮果冰甜品.⭐️榴槤冰 $58餐牌寫住用咗¼個榴槤 （不過冇寫幾大個🤔）但呢個價錢 就唔會預期係貴野 再加埋沙冰🤔榴槤味食落的確 唔夠濃 甜度適中如果係榴槤控 想要重口味 食番榴槤果肉會比較滿足整體其實ok 都唔算貴 可以輕輕解到榴槤癮.⭐️芒果冰 $42 成碗食得出芒果幾足 成碗金黃色🥰表面有芒果肉粒粒 芒果汁 同埋水晶粒粒🥰望到餐牌寫住 用左一整個芒果👍🏻今日成碗都幾甜 而且唔酸 合格之上.#hkfunfoodrecord窮遊香港#hkfunfoodrecord_尖沙咀.#研香 (尖沙咀)地址：尖沙咀厚福街7號地舖.⭐️評分：味道：3.5/5環境：3.5/5服務：3.5/5抵食：4/5.（如果鐘意睇飲食紀錄 記住 追蹤/like/分享 感謝你哋支持🙏🏻）..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊

總有一些時候要飯後來一客甜品方會有滿足的感覺。到久未到過的厚福街，食肆依然林立，不過甜品舖只有兩間，而且都大排長龍。剛好較細的一間中式甜品舖研香有空位，就立馬入內。我們叫了合桃露湯丸和薑汁湯丸，而合核露是有半糖的選擇，當然是挑半糖的啦。薑汁夠辣唔淡，喝起來很舒服。合桃露聞起有合桃香味，可能是半糖的關係，食落味道則有點淡。芝麻湯丸的芝麻餡正常，但湯圓口感比較軟綿，唔夠煙韌。整體來說糖水質素okay, 而且有半糖選擇，食完罪惡感好似無咁多

💚 研香📍尖沙咀厚福街7號地舖------------------------------1️⃣ 榴槤冰 $58推薦指數：👍🏻👍🏻👍🏻👍🏻夏日食到有啖啖榴槤肉 味道濃郁的冰 很不錯😍冰上加上了透明的水晶珠珠 提升了視覺和味覺的體驗☺️2️⃣ 招牌開心果豆腐花 $48推薦指數：👍🏻👍🏻👍🏻特別的開心果露 嚐鮮的體驗😂但不太喜歡 吃不到平常開心果的香氣 反而有股酸味 個人不太喜歡😂------------------------------裝潢和座位設施非常用心 適當打卡😂上甜品速度很快 食完坐在那裏聊聊天挺不錯的😍總評味道：⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️

厚福街多食肆，所以好多時候係尖沙咀諗唔到食咩好嘅時候，就會嚟搵食🤣🤣今次咁啱就俾我見到依間新開嘅糖水舖，而且仲要有之前未見過嘅開心果豆腐花，咁就立即去試吓招牌開心果豆腐花 $48+$10（加三粒湯丸）推薦指數🗯️：🌟🌟🌟🌟一上枱唔會話好濃開心果香，唔知係唔係因為旁邊的榴槤冰太濃蓋過咗😂😂，不過食落就好濃開心果味，而且仲有少少開心果碎，而且仲好滑身，唔會有顆粒感，配埋底下嘅豆腐花一齊食，不單止不會過甜和突出，反而更加出色，好推介一試；不過湯圓就普普通通，可以因應自己口味決定選擇加唔加榴槤冰 $58 推薦指數🗯️：🌟🌟🌟🌟1/4個榴槤嘅香味真係唔講得笑，一上到枱，旁邊嘅開心果香完全俾佢蓋過晒，而且份量沒有跟你客氣，滿滿的榴槤肉、榴槤雪糕、西米等全部都是滿滿的；而且榴槤肉食落好香，就算我一個唔係好食榴槤嘅人都忍唔住食多幾啖！榴槤控必試！以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。