研香

營業中

休息中

香港街頭小巷里隱藏的好吃甜品店你吃過了嗎手切整大塊無絲的鮮甜芒果，與香滑奶油融合在薄韌的班戟皮中爆cream芒果班戟爆而不甜膩喜歡芒果的你，試咗未椰皇桃膠燉蛋白精選大顆桃膠，手作現煮，搭配上嫩滑的蛋白，每一口都是滿滿椰香！天氣漸漸轉涼，是時候吃點暖和又滋補的糖水啦～原味芝士巴斯克，入口即溶的感覺。配上龍眼冰特飲，香噴噴的龍眼味，好清新，其他甜品店喝不到這個味，喝完一口，滿滿的龍眼香

午餐都未食就走去尖沙咀厚福街「硏香」喝糖水。糖水梗要空肚喝，可以給予足夠空間容納一整碗糖水。好耐之前在硏香買過外賣回家，印象不差。今日見有時間，店子剛剛開門，未有客人，我喜歡靜靜地可以坐低慢慢嘆甜品。它以各式各様的糊類為主，現在有更多選擇，包括榴槤沙冰之類甜品。自助手機落單，下單後兩三分鐘「合桃腰果糊」$38 已奉上聞到很香果仁味，一口呷下，溫度足，果仁磨得十分細滑，濃稠合意；合桃或腰果比例是怎樣就分不清楚，但果仁味道足，甜度略低，喝下非常順滑，真材實料，價錢合理。

門面裝修好靚，走日式簡約和風路線，食完飯原本打算和朋友找一個聚腳點，之後找到這間人氣店。食物送到上來食物用一個很靚嘅器具裝着，原本很期待食物的味道，品嚐後味道十分普通，芝麻糊和合桃糊食不出有什麼特別，芝麻糊和合桃也不夠香，芝麻糊也攪拌不均勻，有粉狀結塊的狀態，我個人覺得味道和普通在超市買的即溶芝麻糊和合桃糊分別不大。店員的服務態度很差，我用餐完店員已經收起碗，我朋友用餐未完結，一位上年紀的店員阿姐已經催促離開，用餐體驗十分不好，我和友人絕對在不幫襯。

本身間鋪仲有樣開心果豆腐花最出名，不過每日限時出爐，所以唔係成日食到🙈🍹開心果椰汁豆花 $46開心果味唔算突出，椰汁味有少少蓋過開心果味🙈豆花就好滑，豆味都好出👍📍研香 (尖沙咀)尖沙咀厚福街7號地舖

西米好似塑膠粒，完全唔係平時既西米質地巴司克蛋糕一d香味同正常質地都無仲要唔平但只係cut一個角仔上碟好難食無樣好食芒果好假3個人叫左4樣野食係可以4樣都唔好食唔好浪費時間排隊食

食完晚飯當然要去食糖4個人叫咗5款食物1）芒果椰汁西米露正常水準可能唔係芒果季節比較酸2）腰果露都幾好食3）啜啜開心果豆腐花味道比較淡可能抹茶會較好飲4）龍眼冰好清新又夠fresh如果有新鮮龍眼會仲開心5）開心果巴斯克蛋糕正正常常，比較硬身

人龍甜品店～打完邊爐同朋友係附近搵下甜品食啦～夜晚8:00 幾間門口都要大排長龍～！揀黎揀去最後揀左呢間研香，可以拎飛仔排隊，門口都有電子廣告可以睇住Menu 先！等左大約15分鐘可以入去坐低啦，甜品店係日式木系裝修，地方唔係好大，坐得都幾迫下；店員全部都好忙，咁都可以電子落單既，落完單大概10分鐘就上齊啦：🌟仙草西米露 $36 ｜ 呢個普普通通啦，唔係好甜，無乜食甜品既感覺🌟榴槤冰 $58｜ 呢個超好食～好濃榴槤味，榴槤控一定要叫，上面仲有對脆粒粒口感有多啲層次！下次經過既話都會揀呢間再食榴槤冰🤣🏠店名：研香 GRINDIE🚘地址：尖沙咀厚福街7號地舖

今日去食個陣叫左兩碗半糖一食超級甜 點都唔會係半糖甜度然後同店員講 店員話半糖標準係咁然後我同佢講我食過 以前半糖唔係咁佢話 吓 我地一直都係咁然後個樣勁衰咁話 一係換過碗比你囉我話好啊佢之後就拎左碗稀到水咁既野出黎比我我同佢講其實你唔想換 直接講咪得 唔洗溝水佢地堅持話自己無溝水廚房有個人伸個頭出黎話咩我地有cctv 係唔會加水咖唔會加水又咁岩一碗無換既正常一碗換左既水咁稀當人水魚呢間鋪頭真係不了請我都唔再返黎食

今次嗌咗佢哋嘅開心果豆腐花同埋榴槤冰開心果呢個味道本身已經好少有 不過遺憾嘅係佢得熱嘅開心果豆腐花，其他味道都有凍嘅但可能正正係因為佢係熱嘅，所以啲味係浸得超濃 我本身個人都唔係話特別鍾意食堅果類但佢濃得來係真係幾好食 足料味道之後就係榴槤冰，我真係超級無敵推介可能因為我本身都幾鍾意食榴槤嘅製品佢呢個同出邊嗰啲完全唔同 佢係真係每一啖冰都係有好重嘅榴槤味而唔係水味然後喺頂部都仲有半舊榴槤仔喺度成個甜品食落去係真係好似食緊嚿榴槤超正

今次嗌咗佢哋嘅開心果豆腐花同埋榴槤冰開心果呢個味道本身已經好少有 不過遺憾嘅係佢得熱嘅開心果豆腐花，其他味道都有凍嘅但可能正正係因為佢係熱嘅，所以啲味係浸得超濃 我本身個人都唔係話特別鍾意食堅果類但佢濃得來係真係幾好食 足料味道之後就係榴槤冰，我真係超級無敵推介可能因為我本身都幾鍾意食榴槤嘅製品佢呢個同出邊嗰啲完全唔同 佢係真係每一啖冰都係有好重嘅榴槤味而唔係水味然後喺頂部都仲有半舊榴槤仔喺度成個甜品食落去係真係好似食緊嚿榴槤超正

👧🏻不專業食評👧🏻 *評分超過👍🏻👍🏻👍🏻👍🏻為推薦天時暑熱 系時候要去食甜品消暑 就去左目前尖沙咀區評分較高的甜品店 - 研香 入面甜品總類都幾多 但就無我最愛的芋圓 不過見到有開心果豆腐花加湯圓都幾特別就試下 食落開心果味超濃好細滑同埋好大碗 湯圓就系傳統的芝麻湯圓 有花生湯圓的選擇會更好 如果1個人食嘅話都幾飽肚同埋有啲漏 另外，我地仲叫左芒果仙草西米露都好大碗，剛好旁邊坐了另一位顧客點了芒果冰，對比份量睇落就真系差好遠😂 芒果仙草西米露都ok正正常常但有啲西米露痴埋左一塊塊總體來講，呢度嘅甜品都不過不失，開心果愛好者可以黎試下，有開心果一系列的甜品選擇，下次會想試下呢度嘅冰類開心果豆腐花加湯圓👍🏻👍🏻👍🏻芒果仙草西米露👍🏻👍🏻👍🏻

食完晚飯再俾哦耐性等嘅糖水舖～舖頭裝修環境幾靚木系元素，但座位數量不多，所以要排一段時間20-30分鐘先有位，剛好晚餐落格又有戰鬥力可以甜品胃出場啦。楊枝甘露芒果份適中啦，楊枝甘露味道正常發揮龍眼冰唔多地方有得試，龍眼肉好Fresh好新鮮，味道一流夠晒凍紫米露最傳統不過的港式糖水，正常味道椰奶重味正呀！

冇咩服務，個糖水同佢講係隔離個朋友，都係就咁放低就算，好似好大怨氣一樣。其實我都係嚟食糖水遮，唔係嚟受氣，今次真係最後一次啦⋯食唔食就真係自己選擇啦！之前見到d湯圓都係灣仔碼頭，咁扮下野都要啦，就咁見佢剪開個包裝袋放落去～堂食都唔平嘅，但係都俾返小小服務呀？另外又見到，一個媽媽帶兩個小朋友，可能其中個女女扭計，喊咗陣，個職員話佢小朋友好嘈，叫佢出門口湊。所以呢間糖水舖，嘅員工真係需要培訓下先出嚟做嘢啦。

開心果迷對呢間甜品鋪應該有印象，因為佢地出開心果露既時候都好大迴響，不過當時食過覺得有d失望，今日經過決定再俾多次機會佢~今次叫咗兩樣開心果甜品，分別係開心果椰汁豆花同開心果巴斯克蛋糕。兩樣野都算快上碟，賣相唔錯幾吸引~開心果椰汁豆花第一啖飲落好有開心果味!但係搞勻再飲第二啖就淡咗好多……睇黎應該係個開心果醬夠濃，加埋椰汁個味就唔夠啦~不過其實杯飲品味道係唔曾既，豆花幾滑，同開心果都幾夾，唔會太甜開心果巴斯克蛋糕賣相同味道都ok! 佢既texture剛剛好，唔會太實又唔會中間變咗流心咁，甜度亦適中，不過都係有同一個問題，就係開心果味唔夠濃，而呢個蛋糕既問題就更明顯啦，因為除咗開心果味唔突出外仲食到杏仁粉味，作為開心果迷係有d失望，因為呢個價錢值得好d既選擇

人氣港式糖水店，主打自家研磨糖水✨.招牌開心果豆腐花 （ $48 ）聽講成日都賣晒🙈開心果糊味道幾濃，有少少酸，反而豆花味道唔算好出🫣 幾好食幾滑，但如果有淨開心果糊就好🤣 另外合桃露湯丸 ( $48 )質地幾杰同濃厚，堅果味香～ 芝麻湯圓爆餡，唔會太甜！.除咗堅果糊，咁熱都要食番啲凍野先得😂 鮮果冰系列份量唔算大，大約一人份～ 榴槤冰 ( $58 ) menu寫1碗冰=1/4個榴槤，的確用料幾足，滿滿榴槤蓉🤓 推介大家加多$20有榴槤球，啖啖榴槤肉好滿足🤤 至於蜜瓜冰 ( $49 )相對普通，味道較淡😗 面頭都有唔少椰果爆珠增加口感😂.留意返堂食最低消費一人一碗糖水，用餐時間45分鐘