研香

營業中

休息中

厚福街又多一間甜品鋪，每次經過都超多人排隊，點知今次經過見少人問下等一張就入得 ٩(ˊᗜˋ*)و 終於試到了～裝修係簡約無印風，啱嗮文青打卡。自助落單形式，掃 QR Code 落單好方便。不過店舖細，枱與枱超貼近，所以都唔會坐太耐，食完就走，好彩店內都算明亮乾淨。.✔✔ 熱 開 心 果 露 // $48本身一向唔食中式糖水，例如紅豆沙芝麻糊花生糊合桃露，因為每次都係太杰 / 太甜食完好想咳。開心果糊比較少見所以都想試試 ·͜·♡黎到望落質地超濃稠，口感綿滑但唔算好杰，畢起仲係流質嘅，熱度剛好唔會燙到。表面有粒粒脆口開心果仁增加口感，甜度可以自己揀，揀左店家推介嘅半甜，用日本天然代糖，微甜帶出果仁香味，不過開心果味比較溫和，冇想像中咁濃，但都會冇咁膩。.✔ ✔ 龍 眼 冰 // $45睇落好細碗，其實分量剛剛好。上面既爽口椰果 + 水晶爆珠增加多重口感。雪葩質感幼細，龍眼味超濃而且好清甜，就算食嗮D配料就咁食冰都好食。.食物價格黎講偏貴，但份量算正常。依度只收現金，同埋冇紙巾提供，不過有得買一包紙巾 $5 全數捐俾兒童癌症基金會。‎- - - - - - - - - ‎- - - - -

小店位於厚福街，人流較旺的位置。小店主打中式生磨糖水。天氣冷，比較喜歡吃點熱的中式傳統糖水。今次點了杏仁茶，開心果露！杏仁茶味淡，雖然沒有太大粉感，不會過於黏稠，糖水含有杏仁幼粒，但杏仁味還未夠濃郁。反而附近杏仁專門店 AlmondDxxxxxx 杏仁甜品相對岀色！開心果露這個有驚喜，開心果味十分香濃，甘露入口幼滑，讚！

今日喺厚福街食完飯就喺樓下順便搵間糖水舖食糖水，見到有一間新開嘅糖水店好多人介紹過。我哋就決定入去試吓，今次我哋就叫咗一個合桃露同埋榴槤冰。🤤榴槤冰 $48鍾意食榴槤嘅朋友一定唔可以錯過呢個榴槤冰，首先去榴槤冰嘅份量大到好似成座山咁，但係佢嘅榴槤肉亦都係好足料，榴槤蓉加埋落啲冰度一齊食嘅話，令到成個味道非常之香濃。而且榴槤肉嘅口感非常之眩惑，加埋落啲冰到一齊食非常軟綿綿🤪🤤合桃露 $36佢哋嘅合桃露亦都非常之出色，平時食合桃露，因為好多人都話可以補腦嘅。但係佢呢個合桃露好味得來亦都非常之用心製作。佢哋嘅合桃露係用磨製新鮮嘅合桃做出嘅甜品。合桃露非常之香甜甘香，唔會有苦澀嘅味道識落口亦都非常綿密，仲會食到有合桃碎添！

評分⭐️⭐️⭐️⭐️⭐️今日同朋友慶祝生日食完晚餐，一於搞個特別活動😂唔好比佢停，就係食糖水😂😂😂呢間糖水舖地段好方便，入面燈光都好光猛，途中太八卦，偷偷地見到佢地d食材分得好整齊😆見到全部都好乾淨，員工個個都好親切，笑容滿面，我地開始簡糖水食，見到特別幾碗都好特別，賣相好吸引，咁我地就一人叫左一碗。🫖合桃露🫖呢個真係唔話得，好有地道傳統家鄉風味，係我最愛既口味，水準一流，係外面好難食得到咁好，感覺到用心製作❤️☕️杏仁茶☕️好香杏仁味，味道好濃，真係堅好味，每一啖都好吸引❤️🍵開心果露🍵開心果好脆口，顏色令人注目，混入開心果係好有口感、確實係好好飲❤️☕️芝麻糊☕️出奇地好飲，平時都飲唔到呢種咁好既芝麻糊，呢個又係好好飲啦❤️我地一邊食係度有講有笑，跟住一邊食又一邊係度互相試味，呢個生日真係好難忘，我地個個都好開心😬最後傾到唔捨得走😬

💬今日返工真係好唔順利啊，未試過又返得咁開心真係想辭職😭好彩我仲有一班好好嘅同事😔冇佢哋，我諗我真係返屋企自己喺度喊😑佢哋今日帶咗我去食下午茶氹返我開心❤️✌🏻開心果露❤️開心果露，我仲以為會係綠色嘅添😁，食落去真係好濃郁嘅開心果味，中間仲有啲開心果碎，幾有咬口㗎 ！👍🏻芝麻糊❤️超級特別嘅芝麻糊，店舖特登幫我哋加左日本金芝麻，食落去會比平時一般嘅芝麻糊更加香芝麻味。望落去仲好似有啲金光閃閃嘅感覺。呢間餐廳味道同埋質素都幾好，我覺得好值得推介俾大家！性價比都幾高唔算話好貴！最緊要係喺我公司附近，成日攞嚟食都冇問題😌食完之後開心返聽日就要好好返工💕

呢間甜品店係尖沙咀厚福街，鋪頭係自助落單形式，好方便，落完單就可以等甜品送到，正！我地分別叫佐芒果冰($42)同埋開心果露($48)，芒果冰冰凍非常，芒果好多，有芒果粒同芒果蓉，全部都係芒果，每一啖都食到，好滿足，仲要有水晶爆珠，口感好好，超級好食😋另外開心果露都好高質，意大利直送既開心果用石磨低溫磨製而成，非常細滑，用料有保證，開心果好甜好好食，係甘甜，新鮮既味道，一路食會一路食到粒粒開心果仁，好香好好味，愈食愈想食😚

📍尖沙咀新開業甜品店‼️· 濃稠開心果糊🤤 -- 研香💖========================最近發現到尖沙咀新開一間甜品店，佢哋本身係由網店起家，最近開設門市，主打各款糖水、刨冰等等😋weekdays夜晚嚟都坐咗好多人！------------------------------⭐️開心果糊配黑芝麻湯丸 $58開心果糊質感頗濃稠🥰堅果味香濃，食得出係真材實料！🤩我哋揀咗店家推薦嘅半糖，甜度剛剛好～黑芝麻湯丸大粒飽滿，建議要同人share食，都幾飽🙈•⭐️黑麻牛 $38呢個係黑芝麻奶蓋配紅茶，奶蓋味道偏甜，而且似係蛋糕嗰啲黑芝麻忌廉而唔係奶蓋😂小編同朋友都覺得唔洗特別試🙈------------------------------賣相：3.8/5味道：4.4/5性價比：3.8/5推介度：3.8/5------------------------------店舖資料名稱：研香地址：尖沙咀厚福街7號地舖前往方法：尖沙咀站B2出口

今日食飽飯之後好焗熱，突然間想食一啲凍冰冰嘅甜品。咁岩行過厚福街見到呢一間糖水店，見到佢有芒果冰同埋榴槤冰，就決定試一下伏！芒果冰同埋榴槤冰兩款都非常之出色，之後都會想返嚟再食過。首先佢哋嘅榴槤冰都非常出色，兩個口味嘅冰都非常多份量，榴槤肉亦都非常之多，榴槤肉加落個冰到一齊食有多重口感非常豐富。跟住佢哋嘅芒果冰亦都非常之出色，芒果冰份量，亦都好多大到成座山咁，佢嘅芒果肉亦都非常之多，食落去芒果肉也很香甜，很重芒果味。令到整個芒果冰有淡淡的芒果香味。

開心果露($48)以前好似冇咁興開心果既野食，而家周圍都多左好多🤪呢個開心果露既開心果味都好出，不過略嫌佢有啲煲燶左既味道，我地落單2-3分鐘佢已經比到我地，唔知係咪因為keep住煲所以煲燶左？😂蛋白杏仁茶($38)呢個蛋白杏仁茶我就覺得中規中矩，入面都有好多蛋白既絲，其實本身我唔係特別好杏仁茶既，但呢個可能唔算話好重杏仁味，所以都叫做接受到🤪🤪榴槤冰($48)佢個Menu寫原價$68，而家$48，上枱唔算話特別大碗，但有一大舊榴槤肉同埋啲榴槤都好綿滑，好重榴槤味，鍾意食榴槤既我地食得好開心，但唔鍾意食既人應該唔會接受到🤪🤪🤪龍眼冰($45)出面甜品鋪都唔係成日會有龍眼冰呢樣野，所以都叫左一個黎試下，比想像中好味，啲龍眼味有淡淡既清香，上面加埋啲蒟蒻好有咬口，但惟一美中不足係有龍眼肉😂😂同埋同榴槤冰一樣個啲透明小珍珠粒粒唔知點解硬到飛起，比較影響口感🙈🙈價錢：🌕🌕🌕🌕🌕🌕🌗🌑🌑🌑每個post都好想講一次香港啲野食貴左好多，人工就冇咩點加🥹🥹之前去完澳洲真係覺得個邊啲野食仲抵食🤣🤣甜品而家都要$40起跳，係以前食到一餐茶記既價錢，呢到既甜品價錢我覺得可接受喇，不過呢幾樣甜品其實都偏簡單，

一行五人見到新舖頭諗住入去食個糖水攞飛之後等咗一陣 入到去坐低好快就嗌咗三個糖水分別係榴槤冰芒果冰同埋腰果拼芝麻糊上菜非常之快5分鐘都唔洗就上哂3樣野當所有嘢都上晒嘅時候就有個服務員走過來話最低消費要每人一碗，但係我哋睇過Menu冇寫，門口收銀係我哋入座嘅時候亦都冇講，都冇任何嘢寫明係需要每人一碗先可以坐低。於是我哋再嗌多兩碗外賣拎走，其中一碗係紫米西米露，嚟到嘅時候成碗白色 問服務員係咪比錯咗 佢話唔係 紫米只係得一啖😓真係顛覆咗我對紫米露嘅認知。總括而言係完全唔值得食 又貴又細碗仲話每日整八個鐘？芒果冰唔覺得特別新鮮似係加芒果糖漿 就係所謂嘅紫米露？我覺得似椰汁西米露。

我本人真係好中意周圍去試不同糖水、甜品之類，今次想同大家介紹一間位於尖沙咀厚福街嘅糖水店，名叫研香😆 呢間店個店面環境望落幾乾淨衛生，而且店員都幾nice，menu 入面甜品款式都唔少任你揀👍🏻芒果冰 $42呢個芒果冰賣相真係唔話得，岩我呢d 港女打卡😍 而且分量都唔少，我自己一個人就要慢慢食先食得完😂 Btw聲牌真係冇講錯，一碗冰等於一隻芒果嘅滋味😙 第一啖已經係芒果嘅香甜，之後先食到冰，呢款完全好似食緊原隻芒果咁好正‼️環境：💜💜💜💜💜賣相：💙💙💙💙💙味道：💚💚💚💚💚服務：💛💛💛💛💛

我一向都鍾意捐窿捐罅，搵啲少食，小食支持吓本地小店。唔想將來一條街清一色都係連鎖店。呢排畀我係尖沙咀搵到一間，不過不失嘅糖水舖，新開張都算多人，等咗一陣就已經可以入座， 入座流程順暢， 一坐低咩料同一杯水已經在枱面，下單後，餐具連餐巾也放在檯面上， 都算係咁👍 啲職員都算好醒目。臨離開時，啲職員即使背住你，亦都會同你講“多謝曬”，馬上擦枱收拾，準備下一枱客， 請著啲之非常熟手嘅餐務員，整間舖㗎運作真係快好多👍👍 楊枝甘露 $46※ 畀啲楊枝都算多，碗嘢正常size，甜度適中，椰汁又香，又有芒果肉，混合得唔錯！ 研香芝麻合桃※ 呢一個可以選擇半甜🍨或者正常🍨🍨咁呢我就叫咗正常嘅合桃芝麻糊，味道唔錯呀，唔好話太甜。我平時唔鍾意食糖，我都唔覺得甜。 記住呢間係小店🏠🏠🏠，所以帶定現金啦💵💵💵～

平時周圍試食既小吉，今次直擊尖沙咀一間甜品店！聽聞呢間［妍香］話係好好食，等今日同大家試下啦！ 係門口見到燈光好足，新裝修，企理！個個職員都笑容滿面，第一步行入去就有人接應，禮貌同笑容加分一向大食既我，叫左榴槤冰同埋芒果冰，咁就唔需要等太耐，兩個一齊到左，真係好驚喜，意想不到份量好多疊到好高，見到都已經好滿足，賣相合格！ 榴槤冰 $48大大碗，榴槤真係好香，入口即溶陣陣散發著榴槤飄香的味道，絕對唔係出面人造口味，份量多到食唔晒😆芒果冰 $42大大碗，芒果香甜，加西米好夾，凍凍地感覺好清涼，鍾意食芒果既人簡直會迷上😆今次做返個評分： 禮貌合格 食物合格 乾淨合格價錢合格 值得食多次！！ 

呢間甜品店係尖沙咀厚福街，鋪頭都係簡約裝修為主，鋪頭仲有捐錢俾兒童癌症基金會，好有愛心！椰汁紫米西米露🫕蝕統中式甜品，紫米香甜軟糯，椰汁好適中，成碗好清甜，西米都軟硬適中，好綿滑好好食，凍食口感仲正，紫米又有暖胃功效，好有益呀！我勁快就食晒一碗啦！楊枝甘露 $46🥭楊枝甘露整得唔好會好甜好難食，呢度就真係唔會，椰汁調配得岩岩好，唔會太甜又唔會太淡味，西柚酸酸地，加埋香甜既芒果，成碗凍冰冰勁好食，一碗完全唔夠喉，真係要食多幾碗！呢度仲有日本金芝麻可以自己加落甜品，好特別！

環境方面:環境乾淨企理唔會有污糟嘢喺枱度，地下亦都唔會黐立立👍🏻（平時好怕一啲餐廳個地下黐立立，搞到隻鞋污糟晒😮‍💨，好彩依家唔會咋）食物方面:我覺得食物嘅種類同埋款式非常之多，有好多唔同嘅新配搭，有幾樣嘢都令到我哋嘅驚喜😳😋榴槤冰：我最鍾意食榴槤！冇諗過呢度嘅榴槤冰係咁鮮甜！果肉好多好滿，啲冰都有一浸榴槤嘅甜味。😋楊枝甘露:唔會好酸，都幾重芒果味，西米露煮到剛剛好最好係我媽咪最鍾意食嘅味道😋研香芝麻合桃：平時合桃露就食得多，加咗黑芝麻好似未試過，感覺上好似鴛鴦咁靚，芝麻好香，合桃好濃郁。我自己覺得兩者配合埋一齊都幾好食。