研香

營業中

休息中

剛同媽媽一齊係尖沙咀剪完頭髮💇🏼‍♀️又未夠鐘食晚飯🍚於是是但搵一間糖水店坐低食個下午茶，最新有好多人落黎香港購物🛒所以人流都相對較多，職員好有禮貌地就下一張枱到我地🎇咁我地就等下，見到職員親自抹枱，然後就叫我埋去坐！！芒果西米露！☸️呢度既職員做事都有效率同爽快，落單後好快就有🉐食，每次一見到芒果西米露一定係會食，食足咁多年都無改過，裡面既芒果好清甜，全部都大大粒架，份量都好多，同時西米都有好多，食一啖成口都充滿著西米，好食到停唔到口！薑汁湯丸！☸️已經被佢啲湯丸吸引住，裡面既薑汁做到好到位，好重薑味，飲到身體暖笠笠好正阿♒️湯丸都係勁好食阿，入面既黑芝麻真係好豐富，食到成個咀都係添，薑汁同湯丸真係好夾阿 ！

🧊榴槤冰一個好足料好大份既榴槤冰，榴槤味一上枱就聞到，每啖冰都有榴槤味，仲要真係有榴槤肉係度，陣陣榴槤既甜味，加埋甜甜地既爆珠，成碗冰口感好好，又綿密又爽口，大大碗好滿足！🍼蛋白杏仁茶一個好養顏既糖水，平時我好驚飲杏仁茶，因為好驚會整到好苦好難飲，但見到呢度係蛋白杏仁茶，呢排皮膚又差咗，就特登叫黎試吓，估唔到完全冇苦澀味！淨係飲到好香好甘甜，煲得好好，成碗都好幼滑，因為有蛋白更加細滑，熱辣辣既一碗糖水，飲完即刻覺得靚咗！

呢排天氣開始乾乾地，D 皮膚都差左，所以想食少少甜品滋潤返，📔📒順便有時間又可以chill下，就選左呢間研香，位於尖沙咀站，交通咁方便，梗係要來試下啦！💁🏻‍♀️💁🏻‍♀️🗣️🗣️首先來個蛋白杏仁茶，暖胃之選，口感綿密細滑，配合特製花奶增加絲滑程度，好解膩、提升味覺層次。主菜系芝麻糊，💓👅 黑芝麻，營養豐富，能滑腸補肝腎、白髮變烏黑。黑黝黝既芝麻糊，每一淡都係香氣飄飄，黑色細滑有光澤，味道清甜不膩，芝麻味道餘韻悠長。呢D甜品都好得意好似出面食唔到，看得出廚師既用心，大家都來試下😆😆

尖沙咀厚福街街尾新開中式糖水舖 裝修米色為主 聽聞主打係開心果露 但入門口聞到好香榴連味 所以叫左榴連冰佢地menu上可選擇既款式唔多 所以都冇乜好影份量比較細碗 仲細過屋企食飯隻碗沙冰好重奶味 面頭有榴連波波 店員都唔清楚係咩品種既榴連 懷疑都唔係純榴連肉 但上面透明珠珠幾彈牙 唔知邊度可以買到呢？ 餐廳坐位較迫 都冇乜招呼 請埋啲mk妹冇乜禮貌 用餐時間只有45分鐘 其實等甜品黎到都要快快口食 如果想同朋友聚下傾計 實在唔太舒服 因為好快就比人趕走 應該冇下次

食完lunch唔夠飽，如果食個糖水就啱啱好見到店舖門面好新，earth tone，座位都比較多卡位，坐得都舒服。呢度有少見嘅開心果糊，但就要併豆腐花，食落幾香滑，豆腐花唔係十分滑個種，勝在夠豆味。食完一個都幾飽朋友叫左杏仁糊，都幾大碗，黎到熱辣辣，好食嘅，係米自己磨我地食唔岀，但我地都覺得性價比ok😝會再食

厚福街出名最多嘢食，各式各樣既餐廳 / 美食都有～咁啱星期六同朋友係附近食完飯打算下場活動，然後就見到附近有間新開既糖水店，於是我地一致決定入來試下～餐廳裝修主要以簡約風格為主，以木色做主調，加上燈火光猛，不錯！個人幾喜歡簡約style既設計～薑汁湯丸 每日手工製作的湯圓，非常新鮮。湯圓夠大粒，外皮夠透薄又夠煙韌，最重要既係內餡夠豐富，而且仲係流心質感，口感好正！咬落去時感覺非常澎湃！🔥🔥🔥腰果芝麻 腰果好香好好味，而且好fresh，唔會食到潮濕or 防腐劑味，應該係純天然製造的。芝麻糊好香滑，而且補頭髮，營養豐富，抵食。

呢間甜品鋪主打就係手作甜品，為佐做到天然無添加既甜品，佢地真係自己師傅親手由原材料一手一腳整出黎，想試下師傅手勢既就一定要食佢地既硏香原祖系列！芒果西米露🥭芒果好大粒，粒粒都好鮮甜，完熟既芒果切出黎，仲有由芒果榨汁整出黎既糖水底，好綿好滑，有香濃既芒果蓉，西米亦整得好好，軟硬好適中，好煙韌，口感真係好好，凍凍地，食晒成碗都唔會滯呀！腰果露🥣呢個係硏香原祖系列，係鋪頭自家製造，完全無添加，天然腰果磨出黎，食到粒粒腰果碎，又香又濃，食到啖啖腰果既清香，糖水好稠，熱辣辣，更加帶出腰果既香味，好正！

而家天氣真係越嚟越熱，特別係中午時分，大大個太陽曬埋嚟，我地想食下凍嘢，就去咗呢間研香食糖水。見到佢哋有好多唔同嘅中式糖水，不過我哋最想食透心涼嘅冰，我哋叫咗兩個，分別係榴槤冰同埋龍眼冰🤤❤️🍧榴槤冰mggggg 😳 呢個榴槤冰真係真材實料，好多榴槤肉，榴槤肉味道好出，入口超滑溜，係口入面仲散發陣陣榴連嘅香味，不得了。就連冰都食到榴槤香味的。🍧龍眼冰:呢款龍眼冰都幾唔錯，龍眼肉都幾多，啖啖龍眼肉都好清甜❤️，估唔到同榴槤冰一樣好食，最重要係大份又好食🤤

打算搵個地方坐低傾傾計〰️與友人來到尖沙咀厚福街〰️呢度餐廳眾多〰️唯一最想食是甜野〰️路過巧遇見到一間研香門口較為簡潔〰️進入店舖時燈光十足〰️店員主動給餐牌〰️餐牌中的芝麻糊相當吸引，仲有少量解說〰️與友人各叫了碗芝麻糊及開心果露😎〰️芝麻糊〰️☺️剛送上枱時暖笠笠，仲有得自由加芝麻，芝麻味十足〰️質感呈糊狀〰️係我喜歡既口味，芝麻味真係好香，另外食多點芝麻糊仲可以有抗衰老功效，營養中有鐵質同鈣質〰️正〰️開心果露〰️平時好少見開心果既糖水〰️見佢係招牌糖水所以試下，剛送上枱時一樣是暖笠笠，有好香既開心果味〰️質感好幼滑，質地濃郁，估唔到又真係無叫錯〰️呢度既招牌糖水認真好飲，飲完之後成個人都開心晒😊

之前已經係度食過幾次了🕶️一直都無寫過食評，既然都幫襯左咁多次，點都要留返個評語以示支持💃🏻🫖蛋白杏仁茶今次帶另一位朋友係度食糖水，Hea吓，朋友叫左呢一碗蛋白杏仁茶，裡面真材真料，杏仁味好香濃，絕對唔係後期加水，佢加埋蛋白入去，令到成碗杏仁茶質感好絲滑☕️芝麻糊今次我就試試新口味，呢碗芝麻糊夠晒濃黑，濃濃既芝麻味道，成個口都充滿著芝麻味，裡面仲多左少量芝麻，食得來仲有口感添多次來幫襯仍然保持到好既水準，實在難得，係呢度食糖水可以話好食，價錢方面都好抵食，平民價錢，高質享受，朋友都話無介紹錯，下次有時間會再來🤩🤩

呢間係尖沙咀厚福街街尾既糖水鋪整既都係天然既糖水，用既都係自家硏磨既材料，夠晒新鮮。我試佐佢地既蛋白杏仁茶，養顏首選！原粒杏仁手磨出黎，好香杏仁味，又唔會苦，反而係好清香，有啲甘甜，再加埋蛋白，成碗糖水都好滑，熱熱地，飲完會覺得好舒服，有啲粘粘地嘅感覺，幾特別🥰另一個我地試既係腰果芝麻糊，呢個係限量，唔係成日都有新鮮既芝麻可以生磨成糊，芝麻好香濃，食到濃濃既芝麻味，磨得好好，好稠，口感好好，腰果同樣由新鮮腰果整成，好香腰果既果仁香，腰果同芝麻混合起黎真係好甘香，微甜，好好飲😘

今日無意中行過呢一間糖水舖，見佢裝修簡單又有D和風。 店外不是很多宣傳，俾人感覺非常簡潔，思緒可以暫時放下來，於是抱住心大心細,就入去試試。。。～芝麻糊，我叫番個基本甜品。 當一上枱時，還是熱到出煙，黑芝麻散發濃濃的芝麻香，芝麻油香也從中散發出來， 無與倫比 。再加獨家特製的日本即磨芝麻🌋🌋🌋灑在芝麻糊上，食落更有口感。～芒果西米露🌋🌋🌋芒果醬很多，又很濃。芒果肉又多，又酸中帶甜，真實的果肉，果然是好吃D。

今日同呀妹黎尖沙咀行街，行完就黎左呢間甜品店，之前已經試過成地既凍野，今次就試下熱既甜品！👍🏻腰果芝麻糊腰果同芝麻都有啲滑腸既功效，岩晒便秘既我！呢度用巴都係生磨既方法，特別順滑，味道都特別濃，芝麻糊除佐滑仲好稠，撈埋落腰果露真係好夾，配合得好好，一碗糖水食到兩種風味，正呀！🫶🏻腰果露呀妹就想試原汁原味既腰果露，腰果清脆、甘甜、可口，焗完再拎去磨好滑，好柔順，完全係滑入喉嚨，稠稠地又滑溜，口感超好，食完喉嚨都覺得舒服啲！

超級抱歉，影響大家食欲，但本生開頭食，系底睇得唔清，食落到底就難以言喻，根本就唔係豆腐花，好難食，冇味，重要超級鞋！芝麻糊已經唔好食，個豆腐花更難食🙃不建議食，不過同行朋友話佢哋啲冰就好正常！ 真係建議店主分清楚豆腐花同豆腐係差好遠！質感好差，成碗野都冇味

厚福街出名多野食，今日路過發現呢間甜品小店，門口翻下menu發現佢啲糖水唔平，有標榜加入日本金芝麻，8小時慢磨出嘅升級版限量芝麻糊 ，即管入去試吓，可惜太失所望。糖水唔夠稠而且芝麻味亦未見特別濃，唔值$38。