石頭屋餐廳

服務：落單阿叔好晦氣，好唔耐煩，反而姐姐態度正路啲環境：人少，但依然留住汗食，因為孤寒唔捨得開冷氣食物：6點鐘食晚飯，已經嗌咩無咩；點咗牛柳，6、7成熟依然又乾又鞋，好難頂…查看更多

疫情第三波，只需上午上班。Honey來大角咀找我午飯。之前我已幫襯過石頭屋，食物幾好。所以重來。疫情關係，有限聚限制。幸好石頭屋夠大，隔住坐，也相當濶落。午餐價錢不算貴……但之後一上菜……嘩！好大份！所以説，非常抵食！疫情下，只有一位侍應。這位瘦瘦削的女士，可以「一個打十個」。點餐、上菜、收錢、岀外賣……全只有她一人。難得的是，她能一一應付，而且非常有禮！實在難得！未點餐，就先上餐湯和蒜蓉多士。是南瓜湯，挺濃稠，不錯。蒜蓉多士也夠脆！Honey點：超量級豬扒蛋飯 $62真是超量級！大男人手掌般大！非常厚！但重點是，熟透之餘，肉質不過「鞋」，肉質鬆化，真好！而且，豬扒的「外邊」，煎得焦脆，惹味。餐牌上寫「蒜蓉」，但實際是葱油，更好！飯又多，好大碟。我和Honey二人吃完了這碟飯，已差不多飽。連凍檸茶都好大杯，茶多濃。我點：卡邦尼煙肉意粉 $58同樣，好大碟！煙肉、雜菇、洋葱都不少。卡邦尼汁也濃……濃得有點膩。可能是之前的豬扒飯太大碟，我們已飽。…查看更多

大角咀大全街有好多唔同類型既餐廳，激爭非常激烈，但吸引到我既係呢間偏新式的餐廳門口寫住大胃王巨人雜扒飯，我同行果位好肚餓朋友就決定要入去試下因為當時係3點幾 所以有下午茶下午茶餐牌非常多選擇，我揀左好耐，算係幸福既煩惱佢有輕量既漢堡包,多士 都有好多飯,意粉既選擇因為我未食飯，最後揀左厚切豬扒蛋包飯見到既時候俾到驚喜我，因為我以為茶餐廳既水準最多都係將d炒蛋放係飯上面就叫蛋包飯點知係做到標準既蛋包飯，可見廚師有一定既水平味道更證明呢一點炒蛋熟度剛好，內裡的蛋汁和飯混合了飯充滿濃郁既蛋香，好好味豬扒都香口，火侯剛好同蛋包飯互相配合，我眨下眼就食哂而朋友既大胃王巨人雜扒飯就相對普通不過份量真係好多每塊扒都係完整一塊既份量味道都偏好，大件夾抵食我對佢既蛋包飯念念不忘，我同朋友以後會叫佢蛋包屋 haha…查看更多

瞓到安樂醒，下午4點幾拖女去大角咀食我們既早餐，睇到兩個家姐剛食飽離開石頭屋，咁就唔駛諗，就去石頭屋吧！諗食乜係最煩惱既事。其實，我都嚟過幾次，但、有陣子懶打食評，試過叫卡邦尼意粉及焗飯(印象唔得)，反而試漢堡包及扒，當時都ok。今次坐低，諗起二家姐推介過呢度既海南雞飯，反正餓了，食得落飯，就試試吧！(雞肉冇骨，好嫩滑，油飯都唔錯，配埋蒜蓉及醬汁食，正!!)，亞女叫了牛肉漢堡包配水果，我食了大半，亞女個漢堡包都未上檯，正想追單之際，侍應姐姐行過嚟問:係咪有嘢未上?我話係。她便拿了個放著漢堡包的膠盒過嚟，話整錯了，落咗盒(估計係誤會是外賣的吧？)，近門口收銀果位哥哥(可能係老闆)說:轉番上碟喇。我即叫停女侍應，不用轉，這樣便可以(轉嚟轉去，除了整包果位外，又要多經一個人既手，我真係唔想)，對我或我女兒嚟講，都不介意用盒還是用碟，最緊要好唔好食。 但、另一問題來了，亞女攞起個包食時，告訴我:個包凍既! (等咗咁耐，唔凍就難🤦‍♀️，我問女兒，要否叫人幫您翻熱一下?她說:已咬咗一啖了，算吧！) 今次都算是一個意外，但以"這餐"來評分的話，海南雞飯真係得既，個凍既漢堡包就....完全唔掂。加上坐低後，因膠屏風遮擋的關係，舉手，舉餐牌很久都冇人落單，要企起身大叫唔該才有人落單🤦‍♀️，這方面較遜色。…查看更多

之前見fb 有推介,所以專程同fd 黎食。晚市時間味見滿座,但我地都照入,叫左個牛肩肉扒 同 肉眼扒，加10蚊配湯, 蒜茸包同飲品。兩塊扒上個陣配熱石板,可以自己根據喜好而調節熟度,都可以叫幾有特色。但好可惜兩塊扒可能我地烤得耐,幾乎全熟咁,而且好多筋,好似食緊橡筋咁,我地要咬得相當用力,最後都求其吞左落去算。總結唔需要專程幫襯, 係一個正常做街坊生意既餐廳。…查看更多

石頭屋餐廳 (大角咀)大角咀大全街47至49號地舖🐾 石頭屋餐廳 (大角咀) 🐾-菠菜三文魚意大利飯$60✔️紅酒汁牛肋條$60✔️- 菠菜三文魚意大利飯:一開始以為個菠菜係菠菜茸完來只係加幾條菠菜落去😂燴意大利飯我覺得燴得唔係好夠時間，所以感覺有啲唔熟。-紅酒汁牛肋條:我覺得紅酒味可以再重少少，牛都炆淋嘅🤣—————————————(非專業,完全跟據個人口味☺)食物:5/10環境:6/10服務:7/10人均消費:$100———————————————▪店舖名稱: 石頭屋餐廳 (大角咀)▪店舖地址:🔸大角咀大全街47至49號地舖-----------------------…查看更多

第一次到石頭屋食石頭燒牛肩扒，新奇又好玩😄😆，自己燒想幾多成熟都得，牛肩扒肉味濃又多汁🤩😋，跟黑椒汁一流👍👍👍！$138另加$10變套餐(有飲品、湯及多士)。另外我還試了海蜇雞絲芝麻醬冷面,味道也錯。另外店內服務員靚女態度十分友善，下次會再來😄👍…查看更多

我每次去大角嘴下晝都一定要來石頭屋食下午茶，因為下午茶時間真係終極好食又抵食！我每次來都必食海南雞飯，食得出佢係鮮雞，唔係雪藏雞，因為佢就算雞胸都一樣超滑！去哂骨，好食到離譜！下午茶時間$54仲要包一杯特飲唔駛加錢！好抵食！海南雞飯 $54 （下午茶時間，原價$68）佢個汁都一樣超超超好味！另一個必食下午茶推介係登登登凳 自家製牛肉漢堡包 （下午茶時間$38包特飲，原價單點$68）呢個折扣度非常之多，佢個漢堡扒係自家製，超厚又多汁，但有少少蘇味，但都一樣咁好食，好正！不過如果可以多少少酸瓜配料就更正，不過$38，仲要包埋一杯咸檸七，仲想點？哈哈 好正朋友叫左個白汁芝士雞扒撈丁（$52），比較普通，價錢亦唔太便宜，一般般，不推薦。…查看更多

見食評唔錯，所以走嚟試一試，被門口的大胃王套餐餐牌吸引，入座後另一餐牌的肉眼同樣吸引。最後決定飯大胃王雜扒及西冷牛扒蛋包飯。一入座，侍應就立即送上兩碗餐湯及餐包，感覺有點似食客飯送上例湯。餐包脆脆，但餐湯就稀咗D。雜扒先上，賣相靚，完全高蛋白質，雞，牛，豬，蛋，煙肉，配上紫色酸菜及白飯，吸睛又大份。所有扒中我欣賞厚豬扒，扒味濃，牛扒就薄身咗D. 汁微辣，唔差，十分喜歡紫色酸菜，可以減低肉類的肥。另外桌上有三支不同辣味的辣粉，建議大家試吓，十分惹味。另一碟蛋包飯只試了一口，層次豐富，另外欣賞伴碟的哈密瓜，有新意。…查看更多

石頭屋作為大角咀原居民， 石頭屋企呢間餐廳，可以話係平民級嘅抵食西餐廳。 石頭，顧名思義，就同石燒有關，佢有做石燒肉眼，西冷，牛舌等。牛舌之前試過，係抵食嘅！今次評食的係菠菜煙三文魚意大利飯、同埋燒羊西冷煎蛋飯。如果你真係好鍾意食意大利飯，你就可能佢講得佢未達到你這個要求水準。雖然話係菠菜，但係其實只不過不過幾條菠菜，千祈唔好以為會有個菠菜汁。煙三文魚應該都係正常嘅急凍包裝，冇問題。但係個飯，就比較似食緊半熟嘅生米。咁啱隔離枱，都有個女士係叫一個餐，唔係淨係我㗎，隔離嗰個都話唔好食。不過，我超級推介羊西冷煎蛋飯。我就話唔鍾意食羊肉，但係一般西餐廳食羊架，根本就滿足唔到男人嘅胃口，但佢就唔同，分量足夠之餘、仲要煎得好食：香料唔會掩蓋左羊肉本身嘅味道，外面先到啡色小香脆、裏面仲係鮮嫩有肉汁！如果你唔鍾意佢話要執，記得同佢講可以「另上」，咁樣醬汁就唔會欺騙咗你味覺～…查看更多

石燒牛柳配燒汁薯菜餐🥩前菜有南瓜湯，甜甜地又暖胃幾好味。牛肉來到之後佢仲比一個沙漏自己計時控制肉扒熟度，呢方面幾細心📝牛柳煎到五成熟入口就岩岩好，唔算軟滑但係無乜大筋🤔都叫唔錯。配菜有椰菜花蕃茄都係一早焗好，細細舊但蔬菜新解仲超Juicy🍅薯條唔脆但就好粗，係多到一個餐一人食哂勁飽。一百蚊左右有呢啲食都算叫唔錯。…查看更多

今晚是用外賣Apps叫外賣的，叫了個重量級集扒餐驚喜呀‼️‼️一打開見到呢隻邊荷包蛋燶邊‼️仲要有蔥花喺面好有誠意💯‼️‼️包裝非常好👍🏻，飯、雜扒及醬汁分開，仲暖既，雜扒套餐，🥩有半塊厚切豬扒、🐮超大塊牛扒、🐔雞扒+兩片煙肉🥓一片蒜蓉包🧈一碗忌廉湯，最緊要有隻燶邊荷包蛋🍳真係重量級仲好細心配左酸菜，咁多肉食，食返啲酸菜好舒服，第一次食紫椰菜嘅酸菜有半塊厚切豬扒，好脆肉好味道係成個餐嘅精髓出邊買1塊咁厚豬扒都要幾十蚊，抵食牛扒好大塊好薄嘅，好冧大件取勝有驚喜煙肉就乾咗少少，雞扒就冇乜特別肉本身已經好夠味，唔使點醬汁已經好味道蒜蓉包係法包，搽滿蒜蓉，都ok今次餐湯係忌廉湯今餐真係好驚喜，估唔到呢個價錢，外賣有呢個質素，一定會再幫襯店主加油💪🏻我地係兩公婆食一個餐，絶對足夠…查看更多

石頭屋朋友想食扒，我想食其他，所以揀左石頭屋，貪佢夠多選擇。朋友較大食，所以揀左大胃王，巨人牛肩扒，話足400g，睇下有幾大塊先。$138，加$10配埋湯，蒜蓉飽同熱飲。餐廳有好多焗飯同意粉選擇，有選擇困難症嘅我最後揀左蛋包飯伴蔥油厚切豬扒$68。個扒係石頭燒，想幾熟都可以自己控制。塊扒都好大塊，份量十足。仲有配薯菜都好好味。另外厚切豬扒煎得好香口，脆邊而肉嫰👍，如果蛋包飯個蛋可流心啲就仲正。地方好大，兩人可坐四人枱，坐得非常舒適。但聽到隔離枱有漏單，店員都算有禮跟進嘅。價錢合理，值得推薦。…查看更多

男朋友又要OT,我要去接佢放工,跟住一齊食飯,大家都想食好D,但又唔想食西餐,見到石頭屋餐廳好多元化,而家都幾好坐幾閣落所以同男朋友一齊係度食飯男朋友好專一,次次都指定海南雞食油飯好香,海南雞都算滑,皮唔會太厚醬料齊三款,仲有好多青瓜係底,仲有酸椰菜,好好味我就鐘意食肉唔鐘意食菜,最後都係食石燒牛排,肉質非常淋,牛肉味好香無咩肥羔,少少根位,但都好好食牛肉入口即溶,我自己KEEP住五成熟先食又唔會太生仲點左個小食豬頸肉,都十分唔錯,好满意…查看更多

今日lunch time行過大角咀，決定試下呢間餐廳。我就試咗佢既燒汁牛扒蛋包飯。上菜見到個賣相都幾靚幾吸引，塊牛扒雖然唔算大塊，但質素幾好，又嫩又重牛味。佢個蛋包飯都十分唔錯，外層蛋皮嫩滑，入面既飯撈咗蛋汁個口感好濕潤好有蛋香，真係好出色。另外，佢仲有兩舊哈密瓜做伴碟，整體嚟講個餐真係幾好，可以再試！…查看更多