石崗咖喱屋

營業中

休息中

正宗印度人主理的餐館, 一入去先感受到充滿笑容又友善的接待.我們叫咖哩牛 & 咖哩羊午餐, 除了飯, 還有湯、小食、烤麥餅和飲品. 咖哩汁非常香濃, 不論撈飯和沾烤麥餅食都一流, 我食到一滴不漏咁滯 d 羊有羊味而不羶, 也很腍. 而牛肉有點實, 要細細啖咬, 不及羊肉成嚿放入口咁過癮.湯帶有胡椒辣味, 如說它是羹, 少肉絲啊 伴隨小食而上是兩小碗醬料, 其中一碗綠綠哋色的帶有薑、葱和芥末味, 吾辣, 但開胃. 令我諗起食意大利菜食欖橄油沾麵包, 於是, 我用 d 醬沾烤麥餅, 又幾正喎 每個餐跟兩塊半圓形烤麥餅.奶茶茶多奶少, 所以充滿茶味, 正合我意.$38, 免加一, 凍飲不用加錢.

是日就一心到元朗遊街及到此店食咖喱, 進入咖喱屋在餐牌上點了兩個午餐, 1. 雞湯 + 特式炒飯 ( 一般 ) + 小食 ( 當中炸洋蔥不錯 ) + 凍飲 = $38 ( 整體一般 ok ); 2. 雞湯 + 咖哩羊 ( 有驚喜之作 ) + 白飯 + 薄餅 ( 正 ) + 熱飲 = $38 ( 超值之選 ), 咖喱上檯時已香氣四溢, 食落羊微羶咖喱不辣 ( 個人口味 ), 薄餅外脆內軟"點"咖喱汁後...正正正..., 下次再到元朗一定會試齋咖喱牛; 雞; 其他..., 今次食完才醒起拍照可知其茲味.此店估計是家庭生意, 全店人都笑容十足非要好客, 又不收加一, 仲超值過快餐店. 全單結賬祇是 $38+$38=$76

拍拖紀念日同老公黎呢度慶祝，老公不嬲都唔食印度野，俾我游說下就黎左一試。自從上水既印度咖喱屋結業後都唔知新界邊度有正宗又好味既咖喱食，聽講呢間野幾出名就試下。叫左個蔥烤餅，ok。咖喱魚，d魚肉好少同埋好似好老。羊肉同雜菜咖喱角，呢個ok好味，我老公唔食羊既都食晒。串燒雞柳，個樣都幾惹味，食落好鬆好香口。mango lassi，ok。講到環境，其實就一般，有d似重慶果d，唔會好靚，冇上水果間咁靚。2個人食左二百幾，仲以為百幾蚊可以埋單。總括黎講，冇想像中咁好味，但可以再試。

呢間咖喱店我之前經過過好多次，因早排電視講呢間野，所以就計劃要嚟試下～我覺得坐得唔係好舒服，因為多人，我哋要坐門口位，算啦，唔想等呀～我叫左個2人餐，有咖喱牛，鐵板羊膝，咖喱蔬菜，白飯同薄餅，2樣唔知係咩嘅小食同2杯野飲～個羊好好味,係唔係好熱，可能太多人啦咖喱牛好食，唔記得走"嚴西"咖喱蔬菜，好食，一樣唔唔記得走"嚴西"薄餅同飯唔夠熱，野飲無特別我個人認為呢間咖喱屋可以再嚟，但係都係重慶好食d同埋唔係好夠食，唔係好夠飽～～～～

佢地果個印度式烤羊膝真係好我本身唔係太中意食羊，但都FEEL到幾易入口， 唔SO佢仲有個咩咩果汁，唔記得叫咩名， 都幾特別但無食飯， FEEL唔係好夠飽

We specially went all the way from Tai Po to Yuen Long just to have lunch there........Only $38 for a set lunch & as usual, it's very good.If you love Curry with Roti, that's the one!No 10% service charge & tips required.Carpark near-by.

入元朗多次,吃午餐多撰長壽司店,因為真係幾抵食去多幾次後,不如試下呢間既咖喱,往日經過幾次都沒有光顧,今次終於來個午餐芒果汁:味道幾清甜,用的是巴芒(由於門外有新鮮巴基斯坦芒果賣,買了一盒回家,味道一樣,很清甜)咖喱蝦:醬汁唔辣,酸酸甜甜咁,蝦肉算鮮甜,混上印度香料,幾好食選了較辣的咖喱雞:都不是很辣,但內有很多香料,唔錯,薄餅蘸上咖喱汁,好味炸洋葱圈和春卷:唔熱,外皮厚粉,唔好食炸魚餅:幾好食,加埋兩小碟醬料,尤其綠色果碟醬料,幾開胃蒜茸薄脆餅:蒜茸味很香,餅身真的很脆,加上小粒蕃茄和青瓜,混合在一起,滋味無窮

今天我建議家人再去元朗的石崗咖哩屋吃飯，他們都一致讚同，所以再去光臨一下。不知道比上次有沒有進步呢？真期待耶～＝＝＝＝＝＝．小食，洋蔥圈很脆口，裡面加進薯蓉還有咖哩汁再配合洋蔥香料。吃下去味道不錯，不過似乎炸得有點焦；至於春卷，比上次的比較差，有種怪怪的感覺而且很油膩。．蔬菜湯喝下去很清爽，淡淡的又適中。而且加入果皮，健康之餘不會胖。（我覺得）．主菜咖哩系列，先說咖哩蝦，真的不錯嘎。雖然第一次吃，而且咖哩有點令口腔有種火辣辣之感，但跟蝦配合得不錯。咖哩牛雖然是日常食物，但跟其他餐廳、快餐店的不同。香料適中，牛腩吃下去又軟，而且沒有根的。咖哩雞反而就跟上次一樣，一樣那麼好吃！　而且他們的白飯，比一般的米不同。他們的米粒看起來比較瘦削，但煮出來很香～．薄餅反而今次比較差，餅很厚，而且不脆。而且表面有些燒焦的跡象，希望有改善吧。

今晚同阿媽提前慶祝母親節, 同屋企人去咗石崗咖喱屋食咖喱. 講真呢間野不算平，D食物水準只算一般, 個咖喱角簡直不及格。不過, 令我們最不滿的是他們對客人的態度。我們6個人由坐低到離開只有45分鐘, 原因是他們不斷催促我們走。1. 未食完就想收碟, 要我叫住佢先唔收。2. 店內的座位已很擠逼, 但店員仍要在座位中夾硬穿過。3. 明明店內冇位，但仲要放成十個客入嚟企係我們張枱旁邊等。4. 我們啱啱放低隻叉，連飲橙汁都未飲完，更加冇叫埋單，但竟然攞張單嚟叫我們埋單。真係好離譜！我地明白晚飯時間同近母親節d枱會比較緊張，但都唔使咁樣掛，呢餐我地張枱都食咗成400蚊架！我地一致決定以後唔再去！

當日想食印度菜.印度是我比較少食.....入到去環境黑暗...牆上全部記載印度老闆在港的生活.點菜時印度店員好熱心介绍........食物:一個似薯片物體,要點醬食...的醬酸酸地...帶點辣味.好食.....咖喱鷄加pizza....的pizza點落咖喱鷄的汁....辣味佔4成.甜味2成.香味4成,又不太辣.每種味是平均...海鮮飯:有魷魚.雞肉炒的,的汁同咖喱鷄的汁相似......呢餐感想覺得印度人整咖喱好勁...

我們一行三人, 本來打算食第三餐的, 但其實大家的胃力有限, 甜品時間, 改為行街時間. 路經石崗咖喱門口, 全是Mango, 原來石崗餐廳自己入口了巴基斯坦芒果, 自己派個staff係門口開個檔仔賣 (用上了石崗自己既膠袋同睇了入口商地址, 才真正知道是石崗自己入口, 自己係門口賣). 巴基斯坦芒, 自從從英國食慣, 回來後, 發覺國產, 寶島, 菲律賓芒, 完全不是那話兒. 好耐沒有食過巴芒了, 當然不理價錢, 再聞下香唔香, 即刻買返盒. $60有5隻, 12元一隻, 好食麻, 貴都照買. 上西鐵時, 不停嗅到芒果香, 令人垂涎三尺.回到美孚屋企, 急不及待的, 叫老爸揀隻熟d既, 即切. 平常食得多既呂宋芒, 國產芒, 一不好, 就來隻酸既, 而且, 聞落去, 沒有咁濃既香味. 出得口既巴芒, 基本上包甜, 這一隻沒有帶筋, 顯然是婌芒. 甜就是當然的了. 成家人好滿足地分了來食, 再一人一隻拎走回自己家中. 今日寫食評, 真有點想回去飲杯Mango Lassi

今晚入元郎接女皇, 順便食埋嘢見到哩間咖哩店, 窗前貼滿名人相, 好似好勁, 入去試下先入面大把大枱, 但我地得兩公婆, 被人点咗去坐走廊位睇 牆上d相片, 同埋見d waitress都係外國人, 應該幾正宗(1) 餐前小食 free 係炸雜菜春卷同炸薯仔, 幾好味, 似係剛剛炸起, 但又無咩油(2) 炸羊肉燒餅 $36 有三件, 無咩羶味, 熱辣辣, 唔錯(3) 铁板墨魚讓雞肉 $58 我從未試過, d墨魚好大隻, 裡面有勁多餡料, 超正(4) 咖哩雞 $56 d雞都算係幾滑, 咖哩汁好香滑, 無咩油, 又唔辣, 掂(5) 牛油薄餅 $15 無咩牛油味, 但恬上咖哩汁就變得好好食

呢間野元朗都算幾出名，估唔到而家都有外賣。佢地有印度咖喱同印度烤餅既set賣，今次就試左個印度雜菜咖喱。印度雜菜咖喱同港式咖喱好唔同，呢咖喱都算無乜油面。但辣度同平時果差唔多，而咖喱好多料。有椰菜花同薯仔等。薯仔好夠諗，而椰菜花就好新鮮。整體上，個咖喱都幾好食架。印度烤餅呢烤餅同普通既烤餅最大分別係，煎起黎係無乜油既。但又可以好脆口，呢先係正宗既印度薄餅啊。同咖喱一齊食簡直係一流。食左呢餐之後，我有心郁郁想去呢度飽餐一頓。

快快完成了周日行山之旅 (麥徑九段起點 - 大棠), 落到元朗市中心, 行來行去...到了聞名已久的石崗咖哩屋!入到去被安排坐於二人單邊位, 環境幾窄, 原本想叫 Samosa - 沒有, 想叫蔬菜炸卷 - 沒有, 最後唯有只叫一個套餐 - 春卷及炸洋蔥, 咖哩羊, 白飯及烤餅, 奶茶, 另叫多一份烤麥餅, 頭盤未上每人也有一碗湯, 我只飲了一啖便放下了, 好像飲緊生粉水, 春卷細細條, 脆脆, 炸洋蔥沒有味道, 只吃到炸粉漿, 印度咖哩...不似南洋咖哩, 香草味較濃, 少少辣, 白飯有些異物, 烤餅略薄, 微暖, 但另加既烤麥餅就唔錯, 厚些少, 有咬口, 夠熱, 但吃不到麥味 (whole wheat)! 最後送上一般西餐廳既奶茶, 只有奶味, 沒有茶味!沒有收加一, 共 $50 (套餐是 $45, 烤餅是 $8, 不知他們如何計算?), 臨走前, 見到小強在牆上橫行, 回家後, 翻查早前既食評, 也見食家提及小強, 可見他們的衛生情況略差, 唔通印度家鄉都係咁, 俾大家有個"家"既感覺?

這裡地點交通方便,門口有的士,so me and my colleagues went here lunchThe service here is okay, but some waitress cannot speak CantoneseThe shop is a bit small and squeezeBut the service is okayAbout the food, we order lunch set $48, got 1) a soup (幾希的湯, may be Indian soup is like this?), 2) Indian bread (not very hot, 蓬萊咖哩屋的bread is fresh made, so there is better)3) indian rice (normal la)4) Curry (呢個最好, can choose the hot spicy level, the size is ok, meat 都入味)5) drinkbut overall, i prefer 蓬萊咖哩屋 more~~