真亞萊泰

營業中

休息中

今晚凌晨就會掛八號風球,依家橫風橫雨，就特別走去屋企附近嘅泰國菜食晚餐，而呢間泰國菜亦都係我經常幫襯嘅佢哋個沙嗲豬肉串燒同埋生菜包仲有豬頸肉肉碎煎蛋飯都係我至愛可惜呢間泰國菜得好少位置，如果多幾台人食飯都要等位我今晚梗係揀我最鍾意食嘅泰式香葉肉碎豬頸肉煎蛋飯我最欣賞佢呢度每一台都會有一壺清水，客人可以無限自飲，尤其是依家呢啲天氣飲四五杯都唔出奇如果喺第二度成日叫人攞水飲都唔係咁好意思佢哋幾十蚊一個晚餐，但係用料十足佢哋嘅肉碎唔係乾爭爭，而係脹卜卜嘅隻蛋好流心，撈飯一流下次又要食佢哋嘅生菜包了

屋企附近有一間食泰國菜嘅，日日都超多人，我一個禮拜都幫襯佢一兩次，尤其是佢哋嘅豬肉串燒超級好味又抵食…最重要佢哋嘅午餐真係好抵，而且選擇非常豐富平時嘅午餐，我每次都叫佢哋嘅泰式香葉肉碎豬頸肉煎蛋飯…佢哋嗰隻煎蛋恰到好處…一吉開蛋汁就流晒落啲飯度超級好味😂😂平時我仲會叫多沙嗲豬肉串燒添我最鍾意佢哋呢度有一大瓶水俾你飲唔飲清清涼涼因為最近減肥我唔食澱粉質，所以今日淨係叫咗個生菜包佢哋呢度嘅生菜包做得非常出色啲豬肉加少少肥肉好惹味最後唔使+1 ….$68搞掂👍🏻👍🏻👍🏻

父親節各大商場同食肆都排滿人及預約家庭成員食飯，路過元朗大榮華睇到旁邊有間小店，門面乾淨企理又剛好有位，試試先泰國餐廳叫咗一個豬頸肉炒金邊粉，一個豬頸肉香辣肉碎煎蛋飯，青木瓜沙律，加一杯凍咖啡同一杯龍眼2個人食夠晒，如果多兩個人就可以試多好多嘢我見到隔籬枱條明爐烏魚好靚，雖然係小店堂食唔係咁多位，但係就好多人買外賣，份量正常味道都幾好，但係個青木瓜沙律比正常辣（可能本人唔能夠食太辣）自己去試就知總數都係$200非常之合理

成間鋪都由泰國人打理，晚市價大約$56-65一個餐。今次黎就叫左下面三款👇🏻ིོ豬頸肉金邊粉$62湯底係好香九層塔味，酸酸辣辣，幾開胃。佢地金邊粉份量都幾多同好索湯。豬頸肉就正正常常。ིོ海南雞飯$52呢個價包埋都算料多又夠味嘅湯，岩曬我呢啲窮人。個飯粒粒分明，好夠薑味。最正係舊雞，佢個樣唔係話好靚仔，但真係勁滑，咬幾下就貪得！男朋友話舊雞滑過我完全0嬲，因為舊雞真係滑過我😎ིོ芒果糯米飯$52-55最欣賞佢椰汁夠多，每啖飯都可以充滿咸香味岩岩好嘅椰汁。芒果始終未當造，所以都唔係話好甜，但都好彩冇咩酸味。跟餐+12，分別叫左杯龍眼冰同泰式奶茶。龍眼冰性價比好啲，因為佢有勁多龍眼🤣🤣🤣呢到最正係晚市會送埋甜品，岩曬我呢啲食飯一定要食埋甜品嘅人。🦌🐿️呢間鋪無論係google定Openrice都冇評價，搵到呢間平靚正又充滿人情味嘅鋪頭，的確幾開心🥳📍真阿萊泰地址：元朗泰豐街1-5號遠東樓地下2號舖 （大榮華個邊）營業時間：朝早11-下就3/下就5-夜晚11人均：HKD55評分:9.6/10

最近發現了一間元朗隱藏泰國餐廳，幾次光顧後，我真心覺得這裡的菜色出色，讓我彷彿置身泰國。特別是他們的冬陰功湯，與港式的版本截然不同，湯頭鮮香濃郁，酸辣的味道恰到好處，讓人一口接一口，完全能感受到來自泰國的正宗風味。廚師絕對是泰國人，對於調味和食材的掌握非常到位。此外，芒果糯米飯也是必試的招牌甜品。芒果新鮮香甜，與溫熱的糯米飯搭配，口感煙韌，令人回味無窮。每一口都滲透著陣陣的椰香。價錢亦很大眾化。真心推介，所有喜歡泰菜的人都值得來一試。