盛意小館點心粥麵

營業中

休息中

今天來試一試，香港地道點心店，誠意點心位於尖沙咀，由米芝蓮星級廚師打理，店內主打多款唔同點心，環境光猛闊落企理午爐叉燒腸粉$29 經典蘿蔔絲酥$38蘿蔔絲酥餅以新鮮蘿蔔絲加入開陽以及家鄉肉拌炒，包覆在層層酥脆而不油膩的酥皮豬仔流沙包$32Q彈的外皮包入熱騰騰的奶皇流沙內陷滑順，豬仔包造型都非常可愛鮮蝦雲吞$45雲吞一口一顆，蝦肉爽脆，雲吞皮薄且滑狀元及第粥粥底比較綿密，豬膶粉腸都非常新鮮，值得一試花膠瑤柱灌湯餃 $43 餃子的外皮薄，内餡鮮美多汁，加上花膠📍盛意小館點心九龍尖沙咀漆成道南7號地舖

第一次 晚飯係去吃點心，個朋友提議去呢間 果然冇介紹錯， 地方好舒適寬敞叫咗 乳鴿，d肉好夠味塊皮脆卜卜蝦餃皇和鳳爪，蝦餃真係好大粒同埋裏面好多蝦肉， 蝦肉唔係諗係好 彈牙，塊皮又好煙韌。我最鍾意食的鳳爪又大隻厚肉又夠濃味，正！百花蝦煎釀蘿蔔糕，同普通煎蘿蔔真係有D唔同，佢釀咗蝦膠仲有係食到一粒粒蘿蔔，又煎得好香好脆，個口感真係好唔同 好好味燒賣皇，大粒到呢， 我朋友話豬肉同蝦個比例好好，講到好似食家😁，其實我都覺得係好好食見到隔離枱 個流沙包個造型咁得意，我哋都忍唔住叫咗， 鹹鹹地幾好食天氣凍凍地 好似食啲飯好啲 所以叫咗飽魚蒸飯， 鮑魚個size都算大隻厚肉，咬落好煙韌，但係唔會話咬唔開，啲飯係有荷葉墊底一齊蒸，所以啲飯有荷葉味好香好滿足的晚餐😋

呢幾日凍左很多 於是跟男朋友決定去食新鮮即整中菜點心🍲 位於尖沙咀嘅呢間舖頭亦都吸引咗唔少外籍遊客嚟食😳今日我地嚟到尖沙咀呢間幾出名既盛意點心小館粥麵 鍾意中菜既朋友真是不能錯過 呢到很多不同款式既中菜 包括點心，粥麵 仲可以飲到茶呢👍 一次過滿足左我地🤭我地叫左流心鵪春蛋燒賣☺️☺️一見到佢已被佢吸引 🤩佢超特別 個鵪春蛋在燒賣入面 然後蝦膠在上面 😏 食落口口感豐富 且很彈牙👍 真係值得一試😆然後我哋食左豆苗餃 💚 男友十分欣賞 因為佢真係做到皮薄餡多既效果 仲要有原隻蝦係入面 十分驚喜呀😎個皮還要晶瑩剔透呢😊百花釀魚肚也很正 共有四舊 彈牙蝦膠在魚肚上面😝 熱㷫㷫咁食 真係好正 勁暖身☺️蝦米腸也是大推 😝個擺盤好靚 打卡一流！超級多份量😍 真係有細細粒蝦米係到 配埋甜醬同埋麻醬真係冇得挑剔我特別鐘意霸王小籠包 個皮好薄 而且入邊爆曬汁 💦juicy啲豬肉好新鮮 😏冬天嚟食真係大推 水準超高🥹由於我地太餓 我地仲叫左2個主食呢 分別係牛肚河餐 同埋 牛筋麵餐 🍜河粉滑溜 牛肚好淋同埋新鮮 而 牛筋爽口🤪十勝紅豆奶凍 作為甜品 🍮真係很幸福☺️ 個奶凍好滑 紅豆🫘味很出 紅豆都好大粒 咬啲

呢日同事想飲下茶食下點心，搵到呢間食評唔錯就嚟試吓。我哋openrice book咗1300，1250嚟到，問我哋幾位，我哋話bk左枱，佢都完全唔理，淨係問幾多位跟住帶我哋去坐，再講多兩次佢先問我哋bk咗姓乜。唔知大家著唔著緊openrice訂座積分啦，尤其而家通常訂夠三次又有着數，同埋都唔想餐廳之後以為我哋缺席。menu點心款式就一定冇酒樓咁多，但係基本要食嘅點心都有，蝦餃燒賣腸粉春卷鹹水角炒粉麵飯都會有，茶位$5位，Menu有得剔普洱鐵觀音香片嗰啲，全部寫住$5一位，以為咁嘅意思即係可以每人揀唔同嘅茶，但係點知又有個侍應過嚟問我哋要咩茶，我哋問佢佢又話只可以揀一個茶，咁唔知點解Menu又要印住啲茶款比人剔？4個人點咗7個點心，1個炒米1個炒河。叉燒腸粉3條，唔算香同滑，不過入面都幾多叉燒唔算好熱流沙包傳說中嘅嘔奶黃包，都流心嘅，但個皮都幾厚有啲硬蝦餃最正常，隻蝦算大粒，皮唔算厚炒米粉幾乎係凍，但係擺喺度凍晒就咁炒番熱，或者叮番熱，唔係話雪櫃攞出嚟嗰種凍冰冰，但係蝦、火腿、蛋都係唔熱的，米粉都唔係好熱，得面頭一撮少少熱，下面完全唔熱，同埋料都係好少，米粉份量也不多春卷起碼係熱辣辣，都

冇諗過原來尖沙咀近尖東呢邊有間咁掋食既點心店！因為兩個人想食點心，其實而家都好少去茶樓食。除咗點心之外，佢哋仲有好多種類既食物，有粉面，小炒等等。...我哋兩個人叫咗兩隻蟹粉小籠包，真係好重蟹粉味，值得一試！...另外叫咗一碗雲吞麵同埋豬膶麵，大力推薦豬膶河粉！真係超級好食，河粉好滑，湯底好味，豬膶有超多件，食落去爽口彈牙！而且加$15仲有得要碟蠔油菜心！雲吞麵方面正常，有四大粒雲吞，麵底唔算好重鹼水味，好食過出邊唔少面檔。...王子乳鴿都值得一叫，嚟到佢唔係原隻上，一隻分開咗四件，兩個人share啱啱好，燒得好香！...另外，平時好少有燉湯飲，就叫咗花膠響螺湯，非常之足料，有湯料，而且價錢真係唔貴！...飲品方面，凍檸茶因為跟餐所以只需要加$8，飲落去正宗過出邊唔少茶餐廳。鍾意飲熱茶嘅朋友可以試吓玫瑰鳥龍，飲落去好香，多選擇過傳統酒樓。

上網睇見到呢間係米芝蓮級數嘅餐廳於是入黎試吓香片水滾茶靚，飲到啖啖甘香味，茶膽味甚濃！秘制妙齡皇子鴿表面帶點椒鹽粒，乳鴿皮燒得好香脆乳鴿肉都好入味，食落去淡淡肉好滿足！花膠瑤柱灌湯餃灌湯餃皮薄餡靚，篤爛個皮再撈埋個湯一齊飲，再放少少紅醋，味道更鮮！百花蝦煎釀蘿蔔糕師傅煎得金黃香脆，蝦膠新鮮彈牙，蘿蔔糕內亦食到粒粒蘿蔔絲，絕對係真材實料！沙巴鮮蝦燒賣皇鮮蝦新鮮彈牙，表面配上粒粒蟹籽，帶點漲爆口感，味道更佳～脆皮蘿蔔絲紅米腸腸粉外軟，蘿蔔絲內脆，表面再放上海苔，層次感非常滿足！藥膳雞腳藥膳味甚濃，而雞腳亦都浸得好入味，口感都好易咬，肉質唔會太硬太實皮蛋瘦肉粥配油條皮蛋份量充足，白粥口感好綿滑，前面食得太漏，可以中和一下飽膩感！楊枝甘露每一啖都真材實料，食到新鮮芒果粒+柚子粒，為呢餐飯畫上完美句號！

平時真係冇時間去酒樓嘆茶, 好想食點心既時候就會搵D點心小館, 哩間係尖沙咀既環境唔錯D野又好食, 今次已經第二次幫襯啦。有我最愛既人参烏龍茶, 飲落去個陣甘甘地既味係喉嚨位好舒服。主食叫左鳳爪排骨飯同埋皮蛋瘦肉粥, 蒸飯時間幾好飯粒唔會過濕, 料都好足! 皮蛋瘦肉粥都好夠味, 食食下不到有瑤柱絲同埋火腿, 唔怪得咁夠味。 招牌蝦餃大粒飽滿鮮蝦爽口。霸王小籠包做到有湯汁肉汁。豬仔流沙包好得意, 估唔到係哩D小店都有造型點心, 流沙餡都好好味。茶芥只係每位HK$5. 全日免收加一, 絕對係平民美食, 真心抵!

除左坐得舒服，其他野都好差，小龍包無晒汁，味道又超普通，春卷無醬跟，問店員話就咁食，粥超咸，好似好重味精咁服務員態度差，一入到尼又無講點落單放筷子果個位勁污糟又落漏單

由米芝連點心師傅開嘅點心舖，喺尖沙咀好方便，而且價錢唔貴，夜晚食仲免加一。蘿蔔酥好脆，好香，蘿蔔絲好滿，而且唔油。虎皮辣椒釀咗蝦滑，好香嘅椒味，仲會食到少少辣椒籽，好惹味。蝦餃有4粒，皮薄，蝦餡又好香。燒賣好香嘅冬菇味，係我兒時好鐘意食嘅味道。一開珍珠雞就出煙，入面好多汁，又大件。花膠灌湯餃，有花膠之外，仲有瑤柱，個湯好香瑤柱味，粒餃好大舊，餡料好足。咸肉粽舊肥豬肉好香，粽都有豬油味，唔洗點豉油都好香。排骨即叫即蒸，用咗南瓜墊底，南瓜索晒啲汁，蒸得好淋，排骨好香豆豉味。

今次我要介紹一間港式點心舖，呢間舖頭有米芝蓮🌟。我食咗佢哋嘅海蝦蒜蓉蒸龍仔飯、咖喱魷魚同菜苗餃。🦐🍚🦑🥬首先，講下海蝦蒜蓉蒸龍仔飯。龍仔飯熱氣騰騰嘅時候送上嚟，令人垂涎欲滴。米飯蒸得恰到好處，每粒飯都散散個個，入口即化。海蝦嘅鮮甜同蒜蓉嘅香氣完美融合，令人回味無窮。🦐🍚😋咖喱魷魚亦都好出色。魷魚爽脆有咬勁，咖喱醬汁濃郁香辣，入口令人嘴唇留香。魷魚同咖喱嘅組合簡直是天造地設，絕對係一道令人難以忘懷嘅點心。🦑🍛🌶️菜苗餃係我嘅另一個推薦。餃子皮薄軟滑，內裏包滿新鮮嘅菜苗，咬落去清脆可口。配上自家製嘅醬汁，更加增添味道。呢個菜苗餃絕對係一個輕盈又美味嘅選擇。🥬🥟😍總括而言，呢間港式點心舖真係唔使多講，有米芝蓮嘅認證就足以證明佢哋嘅水準。海蝦蒜蓉蒸龍仔飯、咖喱魷魚同菜苗餃都係絕對值得一試嘅美食。如果你鍾意正宗港式點心同米芝蓮水準嘅味道，呢間舖頭係你嘅首選！🌟🦐🍚🦑🥬🥟

本身入嚟喺唸住是但食碗粥嘅，但係見到佢哋又有點心紙，感覺幾得意。呢度有點心，有粉面，有粥又有蒸飯燉湯，用點心紙嘅形式去落單。霸王小籠包($33): 一共有四隻，感覺好精緻，但係入邊嘅肉汁不一，如果可以再畫一啲就好啦。味道方面亦都唔差。紅米脆皮蘿蔔絲腸($38): 本身以為係白色嘅腸粉入邊溝咗少少蘿蔔絲同埋紅米，點知上菜嘅時候完全唔一樣，係紅色嘅腸粉，大小口感有啲似炸兩，幾特別嘅。鹹水角($26): 一碟三粒，味道不過不失。新鮮炸嘅夠哂脆。剁椒香蒜鮮魷籠仔飯($78): 呢個比我感覺好新鮮，好似冇食過呢一類嘅飯，除咗喺酒樓有時糯米飯會用籠仔上之外。調味做得好好，鮮魷份量都好多，有8-9隻，而且都係新鮮爽口嘅。香蒜配上飯底真係可以食幾十碗，同埋真係夠熱，好味。野菌餃($30): 有三粒，自己好鍾意，因為咬落去皮好薄之外，而且菇味好濃郁，鍾意食菇類嘅朋友一定要試。蠔油菜心($26): 正常發揮。十勝紅豆奶凍($25): 純粹唔想再搵甜品嘅地方，所以就叫咗啦。岀奇地幾好食好滑！ 總結：自己都幾鍾意佢呢個諗法，有唔同嘅香港特色野食，仲用埋點心紙黎畫，幾特別嘅體驗。價錢都大眾化。

實力保證米芝連星級點心今日跟好耐既朋友聚餐會面 見到呢間餐廳由米芝連星級師傅主理 於是揀左係呢到食點心😆🔥所有點心都新鮮熱辣出爐 完全係即叫即做 🎉完全唔會令我失望 以下係點左既點心1. 招牌蝦餃皇 （4粒）- 皮薄餡多❤️- 啲蝦好爽口新鮮👍- 粒粒都好大😏2. 原個古法馬拉榚 - 個馬拉榚好鬆軟😛 - 味道剛好 唔會太甜🤭3. 叉燒腸粉- 共有3條 🤭 - 叉燒非常多 同埋唔會太肥 ！4. 蟹粉小籠包🦀- 非常多汁😆個皮薄 但又唔會易穿 很高技巧- 食落口真係食到蟹粉！真材實料🥳- 味道已夠 所以唔沾醬也很可以5. 沙巴鮮蝦燒賣皇- 一定要新鮮熱騰騰咁食- 彈牙爽口 同埋冬菇鮮蝦味幾香幾重 大推介6. 豆苗餃- 粒粒好大隻- 包住很足既豆苗菜 十分嫩芽🌱健康- 皮薄而軟- 沒有草青味7. 雲吞麵- 共有4粒雲吞同埋菜 好足料 - 雲吞個皮好薄 包住大大粒新蝦- 麵的份量也幾多😏8. 蠔油菜心- 啲菜新鮮油綠色🤭 健康之選- 餐廳好細心咁剪開左一半呢到好好坐 我地都可以係到愉快地談天說地 且食物質素一定有保證 會再同家人來食❤️👍

最近想試一些清淡的食品，特意來到這家「盛意小館點心」，享用點心晚餐。這裡環境寬闊舒適，乾淨企理，店員們都非常有禮貌。我總共點了鮮茄魚湯鮮竹卷，紅米脆皮蘿蔔絲腸粉，鯇魚片粥，野菌餃。每人$8 的玫瑰白桃茶，都很清香。最好味係呢度d粥，粥底很好，真的很棉，可以魚片份量不太足夠，多一倍就剛剛好另外，最需要改善的，是腸粉。雖然是寫著「本店推介」，但是腸粉的皮，口感一般，入面d 餡料也非常之少，建議試下其他腸粉，可能更佳。關於野菌餃，d野菌很香

今日黎尖東試下呢間點心店叫左以下點心:✨花膠瑤柱灌湯餃原盅灌湯餃, 湯底金黃, 賣相吸引😀湯餃大大隻, 足料飽滿, 有鮮蝦, 豬肉加埋塊花膠✨豉蒜蒸排骨排骨蒸得非常入味, 肉質肥瘦適中✨沙巴鮮蝦燒賣皇燒賣面頭放上原隻鮮蝦🦐, 大大粒, 外表吸引食落口感鮮嫩多汁✨蠔油唐生菜🥬唐生菜烚得剛好冇咩油 健康👍🏻✨皇子鴿鴿子唔太大隻, 不過火喉十足, 外皮燒得脆香內部則肉質鮮嫩, 配埋椒鹽十分惹味😆✨楊枝甘露🥭除了芒果, 柚粒新鮮香甜外花奶同果汁糖水配搭得好好, 甜度適中✨擂沙湯丸湯丸外皮非常煙韌弹牙入口滲出味道香濃既黑芝麻, 搭配出色👍🏻總結: 性價比較高既一家點心室, 去尖東行街既朋友行到攰時不妨入黎品啖茶, 食個包☺️

尖沙咀行街經過哩間裝修光猛又幾靚嘅餐廳，咁就入去試一試，入面環境都唔錯，7點未夠都坐得幾滿。而且座位都好闊落!以為淨係食點心，原來都好多選擇，有粥有麵仲有其他中式小炒同埋甜品，連羊腩煲都有！賣相都好吸引姬松茸花膠響螺湯 - 好足料，湯好飲仲有好多湯渣雙併牛腩牛肚河 - 睇個湯d色水就知好夠味，牛肚正常發揮，牛腩爽得黎夠林，哩個非常驚喜，推介！花膠瑤柱灌湯餃 - 好耐冇食過灌湯餃喇! 呢隻灌湯餃好大隻，湯有舊花膠，湯都好夠味紅米脆皮蘿蔔絲腸 - 個樣幾特別，中間有d脆皮，個底有蘿蔔絲，食落都幾香口!招牌蝦餃 - 蝦夠爽，皮夠薄流心鵪鶉蛋燒賣 - 鵪鶉蛋放係燒賣入面，同平時唔同，上面仲有大舊蝦肉，賣相同味道都好楊枝甘露 - 隻碗就夠晒靚，味道都ok，份量可以多d就更好喇! 係點心鋪可以食埋糖水，夠晒滿足呀!