皇軒私房菜

👧🏻Wodafoodie in TST今日唔小心去左間樓上高級私房菜 間舖唔大 但環境好舒服 d擺設 裝修既感覺你都會feel到佢係貴價地方但我今日黎其實想食佢個甜品😆🐮蜜椒牛柳粒🐮 $128好味！好味！佢牛柳粒炒得岩岩好 唔會un 但我想講佢既配料薯仔先係重點！應該係落左蜜糖去煮所以係甜既薯仔 好好味🤤🐥XO醬鮑魚雞粒炒飯🐥 $108本身諗住佢用XO醬炒會香d 但我覺得佢同出面炒飯差唔多🤭 味道唔太突出 如果我下次食 可能會試返佢個🌼金瑤五穀炒飯🌼 因為見好多食評都係食個個🌻菊花豆腐🌻 $48功夫菜😍好評係比佢既刀功！想黎食呢個甜品因為唔係到到都有！將豆腐切得咁細咁靚會唔捨得食😝 係熱既薑汁底 岩曬女仔食☺️其實佢仲有好多貴價菜！例如鮑魚海蔘花膠翅羊架乳鴿等等 間舖開到凌晨3點 呢到仲有一部大電視 一班人 如果想靜靜地 舒舒服服食下好西 黎呢到就最岩啦👯‍♂️👯‍♂️👯‍♂️.順帶一提 茶位費每人$15架.📍皇軒私房菜(尖沙咀)尖沙咀柯士甸路4號柯士甸商業中心17樓…查看更多

「涼拌金菇紫椰菜」爽脆清甜少辣。「炸BB鴿」熱鴿皮外層惹味又脆卜卜。「鹹菜胡椒豬肚湯」少酸少辣少鹹，不錯。「蜜椒牛柳粒」牛肉粒香，薯仔蜜糖炒脆面。「津菜玉荷包」師傅心思！「XO醬鮑魚粒炒飯」炒飯乾身唔油膩！「菊花豆腐」好靚呀！…查看更多

話說父親大人同母親大人慶祝結婚週年,由找一間比較寧靜及高水準餐廳,仲一定要係中菜,係我左問右問左搵右搵之下,終終俾我搵到呢間皇軒私房菜地方好優雅,每一枱都有蘭花作為點綴中式的浪費,亦十分有品味蘭花十分漂亮顏色也十分鮮艷茶具帶點藝術氣息整個人快開始平靜下來每人先點了一個蟲草花養生湯,湯清徹但味濃,入口香氣满满的咕魯豬頸肉,用新鮮菠蘿,甜甜酸酸豬勁肉爽口,口感十分好燒汁薑蔥比目魚,魚皮很脆魚肉很滑,十分好功夫香口又嫩滑忍唔住點多個胡椒豬肚湯,胡椒份量剛好,不會太辣搶味豬肚好淋好好食最後呢個美食同藝術結合為一的豆腐花又滑又好味~一流!!…查看更多

朋友生日搵間舒適嘅食府，呢間私房菜雖然唔大，但入面格局非常舒適又整潔， 餐桌似酒樓嘅擺設，環境清靜，好岩我地傾下計。整體食物質素高，無味精，健康又好味之選!溏心蛋拌胡麻沙律︰中餐擺設食西餐野好特別，配搭新穎!溏心蛋做得好好，配上芝麻醬沙律菜好開胃。花雕醉雞︰花雕嘅酒味好香，唔會話太濃帶澀，浸得夠入味!麻辣豬手︰好欣賞佢個豬手，唔肥又唔膩，豬皮好有咬口，食得出豬手經過好多個處理步驟，同埋佢個麻辣有香，好欣賞!炸BB鴿︰新鮮炸出黎，熱辣辣又夠香!魚湯浸豆苗︰豆苗非常幼細又新鮮，魚湯又夠濃!蜜椒牛柳粒︰,牛柳好大粒，好夠鑊氣，唔會過老，有肉汁又夠嫩，配菜都好新鮮，薯仔粒煎過且配上蜜糖後好香甜。XO醬鮑魚粒炒飯︰又係超有鑊氣嘅炒飯，D飯一粒粒，蛋香味十足，鮑魚粒煙韌又有鮑魚香味，配上其他配菜，成個飯嘅層次提高左。菊花豆腐甜品︰豆腐頂部雕琢成很多條狀，賣相似菊花好吸睛，薑茶清甜唔太辣，入口適中，大人細路都會鍾意，又靚又好食。…查看更多

皇軒私房菜環境唔錯，地方唔大，但打理得好整潔，設有大電視，好似屋企食飯嘅感覺咁，舒適傾下計或者講下電視內容，不錯嘅選擇! 溏心蛋拌胡麻沙律︰好新鮮嘅沙律菜，溏心蛋做得好好，配上芝麻醬，又美味又開胃。花雕醉雞︰花雕好香又唔帶苦澀味，雞肉好伕味，又夠林!麻辣豬手︰好鍾意呢個豬手，廚師好有技巧，處理得好好，一D都唔覺得肥， 個辣都好適中，唔會太辣，而且好香。蜜椒牛柳粒︰好夠火候，牛柳炒得剛剛好，唔會過老，有肉汁又夠鮮嫩，配菜都好新鮮。XO醬鮑魚粒炒飯︰好欣賞，又夠鑊氣，飯香好有鮑魚香，XO醬提升左飯嘅香味。菊花豆腐甜品︰豆腐成很多條狀，賣相似菊花好，好靚，薑湯清甜，少少辣，又靚又好食。…查看更多

尖沙咁伊間私房菜都真係要人地帶先識去！鋪頭細細地，差唔多可以包場！溏心蛋伴胡麻沙律：胡麻汁濃，沙律菜亦都新鮮。溏心蛋整得岩岩好，彼算開胃。招牌石崎燒乳鴿：我可能太耐無食乳鴿啦，乳鴿肉味非常濃。肥瘦亦都恰到好處。五香牛𦟌：本來想食麻辣牛展，但同行友人食唔到辣作罷。但都估唔到非常人味，五香味濃，入口甘甜，非常入味稔身。香煎北海道元貝伴飯：元貝非常鮮味，醬汁清爽可以食到元貝鮮味。豆腐底有驚喜，元貝味入左落去豆腐度，非常滋味！津菜玉荷包：津白內有肉碎，蝦米，冬菇粒等等。內涵非常野味。津白亦都吸收左啲味，連內裡一齊食就岩岩好啦！菊花豆腐：師傅刀功非常厲害！豆腐一絲絲而不散不爛，薑汁糖水味濃，同豆腐互補。總括而言，食物水準什高，場地亦好合一班朋友聚會！…查看更多

姥姥既味道濃味花膠鮑魚，湯都吳錯。清清地，不過個炒飯真係好出色，炒得吳油又好香。不過比目魚麻麻哋，蒸得老左小小。個樣羊架都幾好食。幾出色。個避風塘炒蟹都唔錯，炸得好透，連個殼都可以食得落肚。個帶子好鮮，托底嗰個豆腐有驚喜，佢自己整嘅海鮮豆腐。出面食唔到(o^^o)…查看更多

整體食物味道不錯，服務也很好。每項菜式的温度也保持得適當。由於是次17樓被包場，所以安排到令一樓層入座，相信坐17樓會光線足夠些。是次選擇了$530套餐，一供有九味菜，每味菜都巳分了一個人一碟上菜。羊架也會按個人喜歡的熟成程度安排。。推薦食物包括：香煎羊架、招牌石崎乳鴿及津菜玉荷包。但份量較少，比如神草蒸比目魚及金瑤五榖炒飯比我們想像中少。因為食完後還有空間食其他東西。如何可以多一件比目魚就更佳。⋯…查看更多

隨著經濟環境起飛，客人們對食物出品的要求亦隨之提高，一些工序較多，在量販連鎖食市沒有供應的特色菜往往都可在某些私房菜館內找到，加上可以度身訂造適合自己的菜單，私隱度高，服務亦較用心貼身，所以就算有時定價偏高亦不乏捧場客。早前筆者來到尖沙咀一間樓上私房菜，店內面積不大，環境光鮮整潔，座位闊落，裝潢以黑白為主調，牆上掛有一幅幅藝術畫作，雲石枱配上特色亮麗的餐具，刻意形做出堂皇氣派的感覺，雖帶點拘謹但還算舒適。餐牌內有數款套餐提供，亦不乏散點的選擇，當晚一行只有4人，大家亦處於半飽的狀態，遂決定散叫幾道小菜一試龍與鳳。先來點冷盤涼菜，泡椒鳳爪做得光澤雪白，帶點白雲鳳爪的影子，一開為二方便進食頗為貼心，爽口入味，酸辣開胃，清爽刺激。溏心蛋拌胡麻沙律，溏心蛋火喉剛好處於半流心狀態，配上新鮮爽翠的沙律菜與色彩繽紛的車厘茄和彩椒，賣相亮麗精緻，佐上日式胡麻沙律醬，芝麻香濃郁，酸香醒胃，健康怡人。吃完冷盤，再來一點熱湯，當日的時令燉湯為蟲草花茶樹菇燉雞，一打開燉盅已傳來陣陣菇香，盅內堆滿了大大小小的湯料如蟲草花、猴頭菇、雞件和瘦肉等，用料十足。湯色深褐清澈，味濃而不油膩，由於是燉湯的關係，精華完全滲入了湯汁之中，加上完全不加味精，所以補而不燥，喝起來特別順喉舒服，鮮甜滋潤，保健養生。除了燉湯之外亦點來了鹹菜胡椒豬肚湯，胡椒跟鹹菜就仿似是天造地設的一對，兩者搭配鹹香刺激；此湯的胡椒香相對沒有一般的突出，反而多上了一份清醇，是在家的味道，佐上爽口的鹹菜和軟韌的豬肚，豐富了口感之餘亦可驅寒暖胃，濃香惹味。蜜椒牛柳粒，一端上來已感受到那熱烘烘的鑊氣，賣相光澤亮麗；牛柳粒肉香鬆軟，薯仔經預先炸過，外脆內粉軟，蜜糖的香甜混著黑胡椒的香辛，相互交融下提昇起了味道的層次。咕嚕豬頸肉，大廚選用了脂豐爽口的豬頸肉，裹上薄薄的粉漿炸脆，配以新鮮菠蘿、彩椒和秘調酸甜汁拌炒，並用上半邊新鮮菠蘿伴碟，色彩斑斕，單是賣相已十分吸睛。咕嚕肉入口時外皮還是鬆脆的，香口爽嫩，肉味濃郁，襯上酸甜爽脆的菠蘿，果香更是濃郁，滿有夏日氣息，開胃醒神，簡單的一道菜已顯出了大廚的心思與誠意。燒汁薑蔥比目魚，比目魚連骨拍粉炸得酥脆後再以薑蔥燒汁爆香，薑蔥的香氣遠遠已聞得到，蠻是誘人。比目魚炸得外脆內嫩，裹上甜香的燒汁更顯惹味，有點點紅燒斑頭腩的影子，唯因筆者不太懂得啜骨，吃起來少不免步步為營，有點影響了進食的意欲，但持平來說這道菜還是做得十分美味不錯的。雞湯雜菌浸時蔬，菇菌全都裁得大小一致，大白菜切條以上湯浸得入味爽口，看著白菜條條晶瑩透亮的賣相很是療癒，外面少見，盡顯大廚刀功，清新中見鮮甜。最後來一道很有驚喜的甜品~~菊花豆腐，豆腐切成極幼絲，十分細緻，放在熱辣的薑茶中飄散，尤如一朵活靈活現的菊花，賣相超級精緻。薑茶清甜薑味濃郁，豆腐豆味亦算香濃，味道雖不錯但略嫌有點清寡，可能在如此美輪美奐的賣相下難免有點寄望吧？！個人意見如能將菊花豆腐配上濃清湯放在整餐頭段出場，應該會更為震撼，但其實能夠將平凡的豆腐變成一朵賞心悅目的菊花，大廚超卓的刀技實應記一功。整晚所點的雖大都是一些家常小菜，但出品質素算頗到位，尤其從細節來看更是出色，簡單中見功架，技藝精湛。定價雖屬中高檔價格，論恬靜環境食高質出品，以私房菜來說亦無可厚非；反而招呼服務方面沒有了一般私房菜的殷勤貼身，欠缺了點親切感，但整體還算不錯，不妨一試。…查看更多

高級高質私房菜😋之前都有食過私房菜今次呢個私房菜環境好靚食物質素都好高 可以話係色香味俱全之前一早係OpenRice已經見到好多人post相果然係有圖有真相最吸精嘅一定係菊花豆腐一睇就知係考刀工之作另一推介就係燒汁薑蔥比目魚外脆內軟 魚肉仲好滑身添招牌石岐燒乳鴿都好正皮脆肉嫩 味道啱啱好 唔使點醬汁或者淮鹽香煎帶子配飯 賣相相當之掂大大粒帶子 而且仲好彈牙食物無論係味道環境同埋服務質素都相當高質絕對係高級嘅私房菜…查看更多

「涼拌金菇紫椰菜」好開胃，紫椰菜爽脆清甜帶少辣。「鹹菜胡椒豬肚湯」，豬肚清得好乾淨，個湯一啲都唔油，出面飲既豬肚湯成日唔係太鹹就係冇胡椒味，呢個就剛好，OL口味少酸少辣少鹹，不錯。「蜜椒牛柳粒」，牛肉粒煎到好香，但薯仔先至係主角，薯仔應該煎炸過再用蜜糖炒，所以做到脆面，加埋配菜同黑椒醬汁炒，好好食。「津菜玉荷包」師傅好有心機，用津菜包住菇菌、蘿蔔、粉絲等，係心思之作！「XO醬鮑魚粒炒飯」好多鮑魚粒，雖然係炒飯，但飯有乾身一啲都唔油膩，又唔會太鹹，香氣十足！…查看更多

前菜係一個涼拌，金菇紫椰菜，爽口好食又開胃。「炸BB鴿」上枱仲係熱，值得一讚，鴿皮外層惹味又脆卜卜，入口肉很嫩滑，唔會有羶味。「花雕醉雞」好香花雕味，雞肉又嫩又滑。 「菠蘿🍍古佬肉」做到外脆內軟，無骨，醬汁酸甜度適中，非常開胃。 而且不油不膩，多吃一點也不會吃過頭。 👍🏻 甜品係「菊花豆腐」，完全O哂咀，師傅將豆腐雕成菊花咁既樣，好靚呀！豆腐味濃又滑溜，薑汁甜辣適中。好滿意呢餐，吃得出係師傅既用心製作！🤩🤩🤩 …查看更多

炸BB鴿，油溫炸得岩岩好，鴿皮十分香脆，相對乳鴿，BB鴿肉唔多，但勝在鴿肉更鮮嫩，如果覺得肉味淡，可以用椒鹽伴食仲惹味。咸菜胡椒豬肚湯，酸酸辣辣，不錯，湯料足有好多咸菜同豬肚，豬肚芳香有鮮味，而且乾淨軟身但保持到爽口感，煮得剛好唔會太軟或者煲得太「韌」要咬好耐。蜜椒牛柳粒，金黃色既薯仔加上蜜糖而變得又甜又脆，微辣既牛肉粒軟嫩多汁。津菜玉荷包，黃芽白裡面包住唔同既蔬菜，饀料有冬菇、粉絲、紅蘿蔔等，味道好同時做得好仔細。菊花豆腐係驚喜甜品，超級考師傅刀功，薑汁上既豆腐又香又靚。…查看更多

印像中嘅中式私房菜價錢十分昂貴，食材做法亦極度雕轉，過份賣弄。 今晚朋友介紹去咗近佐敦柯士甸路其一間樓上中式私房菜， 喺價錢同賣相手工之間取得平衡。私房菜約有五六張枱左右， 地方唔算大不過好有私人飯局嘅感覺， 比例之下服務也非常周到。先泡一壺靓茶， 一面品嚐靚茶一面點菜。 這裏的私房菜都係單點餐牌上名款餸菜， 不是每位計， 非常好，夠彈性。溏心蛋拌胡麻沙律$58溏心蛋極有蛋香，蛋黃夠滑又入味， 配上日式芝麻醬沙律菜， 炎炎夏日相當清爽， 嘆住茶食沙律又幾過癮！花雕醉雞花雕嘅酒香啱啱好， 又唔會太鹹過量又會有啲苦澀。 雞件浸得夠入味👍。招牌石岐燒乳鴿$88石岐燒乳鴿出曬名皮脆嫩滑， 熱辣辣炸起嘅乳鴿 果然皮脆 肉滑而且有肉汁， 有鮮味。魚湯浸豆苗 $78豆苗非常幼細， 魚湯極香濃 極有住家feel。 每人一 碟上，連湯都可以喝光。咕嚕豬頸肉 $108用了半個鮮菠蘿起出菠蘿肉。 鮮菠蘿特別有果香。 咕嚕肉嘅汁有啲似京式拔絲， 有少少拉絲嘅效果， 唔似豆粉芡咁稠， 完全唔覺得油膩。  味道溫和嘅酸酸甜甜， 食多幾件都唔會滯。咕嚕豬頸肉細細件， 一口咬落劲鬆化， 個炸漿超掂！ 繼而係豬頸肉嘅爽仲有少少肉汁， 非常高質素嘅咕嚕豬頸肉！菊花豆腐$48雕工極細緻厲害， 令我想起中國廚藝嘅飲食節目。 平凡嘅薑味嘅糖水和刀工非凡嘅豆腐雕刻， 令人印象深刻， 亦不忍辣手摧花。。。個人 覺得糖水可以調較為甜一點。各款菜式都做出水準， 價錢唔貴坐得都幾舒服。 要mark 低佢带識飲識食嘅朋友親友們再試其他款式。…查看更多

神秘私房菜。 果然係私房菜，如果唔係有朋友帶路真係唔識得去呀。入到去店子少少，只有四張枱，但係裝修高雅，食具都非常之精緻。我哋一行三人叫咗幾款小菜，試一試私房菜廚師嘅手勢。紅燒乳鴿： 火候烤得剛剛好，外脆內軟，鴿肉非常之嫩滑，食到我哋個個都舔舔脷。辣汁牛𦟌： 辣辣地非常醒胃。 花雕醉雞： 花雕味非常香，雞肉嫩得來非常入味。菠蘿咕嚕肉： 醬汁酸酸甜甜，都係非常之開胃嘅一個小菜，咕嚕肉入味火候夠。 👍🏻 非常滿意！ …查看更多