皇庭海鮮酒家

皇庭蝦餃皇$37 都係正常嘅發揮蟹籽燒賣皇$33 正常嘅！鮮蝦大隻山竹牛肉球$29潮州粉果$24咖哩魷魚$32 呢個都好正好夠味安蝦鹹水角$29芝士長春卷$37 呢個推介呀好味雪山叉燒包$29 都幾好食餡少啲蘿蔔絲酥$29 好一般，皮太厚，也不鬆脆瑤柱雞粒飯$59 呢個飯真心好，好入味，鮮味，啲雞柳滑滑細細粒，仲有粒完整瑤柱黑芝麻卷$24 其實而家好少有得食，見到我都會嗌聖子皇（煎米底）$168 聖子都有四五條嘅炭燒腩仔$78 …查看更多

之前聽講流浮山嘅皇庭海鮮酒家唔錯，所以星期日同屋企人興起就去左流浮山試下。📍首先，叫左個好似都話唔錯嘅燒鵝瀨粉，食後感覺就係正正常常，鵝肉唔算特別，但味道都幾穩定。📍接住嚟嘅鳳爪排骨飯，味道都係正常，鳳爪軟滑，排骨夠入味，飯又香同埋唔會太林又唔會太硬，整體嚟講都唔錯。📍大包係家人指明要食嘅，佢話而家好少見，入面竟然有隻鮑魚仔，雖然唔算特別驚喜，但食落都ok。📍鮮蝦菜苗餃就係一個小清新，蝦仁新鮮，食落口感幾好。📍最後，蛋煎糯米雞又係第一次見，食落都係煎蛋+糯米雞味😂總體嚟講，皇庭海鮮酒家嘅食物都係正常水準，可能我地唔識嗌（加上叫晒野食先見到原來仲有個大餐牌同午市海鮮餐牌…….太可惜😭），所以食咗嘅都係冇咩特別驚喜嘅正常野，但值得一讚係呢度都唔細（可能星期日午飯時間關係，都坐滿人，但等左5分鐘就有位）同埋有免費泊車，十分適合一家人揸車入來食吓野買下流浮山手信～…查看更多

今日同一家人做冬食飯，揀咗呢間流浮山嘅酒樓。因為我哋比較遲先book位，所以就冇得訂房。去到都真係幾多人，好熱鬧🎉雖然係咁，職員都比想像中有禮貌，雖然上菜會有啲慢，但係整體感覺良好。我哋冇嗌一圍一圍嗰啲餐，反而散嗌，同埋之前叫咗啲小菜預訂咗，每圍大約$2000，咁嚟到啲食物份量都好十足，除咗嗰個例牌乳豬，嗰個例牌乳豬就細份量咗。覺得最好食嘅就係嗰個流浮山三寶，鮮味夠又唔會太鹹👍🏻同埋嗰個炸生蠔配生菜👍🏻其他正常發揮。我哋21個人分咗兩圍，可以開開心心一家人一齊做冬食飯，已經覺得好滿足。❤️…查看更多

入流浮山食飯，一心食海鮮，點知酒樓自己得好少海鮮揀，但位置偏僻，不在大街，不方便在外面檔口買海鮮加工。菜式普通，同一般廣東菜酒樓一樣，味道一般。等咗好耐先上菜，幾味餸都要追，兩道主菜漏單，但結帳時照計錢。十分不佳的體驗，以後都不會光顧。…查看更多

流浮山出名，海鮮抵食 今日帶埋遠道而來嘅朋友去流浮山食海鮮因為揸車隨便揀咗一間有好多車位既 唔擔心搵唔到位泊車。 相信間餐廳應該比較新，環境乾淨，女廁都有冷氣。 先叫咗兩個特價海鮮細龍蝦伊麵$338 炒蟶子加煎米底$148 本身睇OpenRice見到好多人介紹，佢係食點心。 輕輕叫小小 咖喱魷魚 99 分 ，魷魚爽口濃味。蛋煎糯米雞 100 分，39 蚊，唔係特別大份每一重點嚟啦！ 部長瑩姐介紹咗幾樣海鮮，最後揀咗奄仔蟹同蘇鼠斑個蘇鼠斑好特別，我人生第一次食， 成圍枱大家都讚不絕口，好難忘！ 再叫左奄仔蟹，隻隻都好多膏，好香。總括嚟講我認為個廚房好勁，每一道餸，點心，海鮮都好評。 唯一少少意見就係男廁有啲遠 ， 喺外面。 …查看更多

諗住興致勃勃來流浮山食個海鮮酒家點知遇着瘋狂甩水老板然後又要送錯嘢首先有好地地嘅餐唔Sell sell 我哋貴海鮮然後嗌咗好多嘢仲未完仲喺度sell 我哋啲例牌(擺到明係今日買剩嘅😅）伏味濃老闆sell到你貴嘢嗰陣就笑口滿面你嗌啲平嘅就黑面:):)嘢食就正常中規中矩但係個西蘭花炒帶子佢冇晒西蘭花跟住夾硬俾咗我哋個西芹而且味道仲要油油笠笠🤢🤢🤢紅燒豆腐嘅汁味道相對較淡都幾油膩🤢🤢🤢🤢最後冇得唔講嘅就係個甜品瑪豆糕上有啲紅油😅😅😅擺到明唔乾淨😅😅😅…查看更多

一直都聽聞流浮山有個飲茶好地方，但係一直都未有機會過嚟試吓，咁啱今日放假就入去望吓。嘩，入到去環境好清靜，唔係人哋介紹都唔知道有間茶樓喺呢度。😂😂原來佢而家出咗早晨孖寶，12點前都有得食，價錢好實惠，食完飽到可以當埋午餐😂😂😂😂😂😂而且佢嘅點心係即叫即蒸，上到枱真係熱辣辣㗎！！！個牛肉球好出色，好有咬口，好香芫荽味真係啱晒我😋😋😋鳳爪排骨飯份量都夠飽個飯唔會蒸到腍pat pat👍🏻…查看更多

皇庭海鮮酒家 (流浮山)流浮山山東街2號地舖同屋企人揸車嚟到流浮山諗緊食乜嘢嘅時候就見到有呢一間酒樓，仲有超大笪空地可以俾你泊車。入到去餐廳都算好大，唔需要點等位。嘢食方面又唔算貴，都幾好食！特別要推介吓呢一個龍躉球炒飯，啲魚全部都好新鮮好彈牙！…查看更多

山長水遠入去流浮山，諗住買啲野過年。諗住買嘢之前同屋企人入嚟飲過茶，驚冇嘢食，預先已經打定電話入嚟話茶市收三點。搭K車入嚟都好方便，喺總站落咗之後向前行幾分鐘就見到酒樓。整體嚟講除咗個乳鴿係熱辣辣之外，其他都係常溫。個芋蓉奶黃流心酥就真係差咗少少好似炸咗好耐之後放涼咗咁，豬腳仔都唔算入味。反而個蛋煎糯米雞幾香，煎過嘅糯米飯係幾遠，但餡料就唔算好足。個芝心蝦丸幾彈牙，另外個蝦餃都幾爽口，但係可惜塊皮厚咗啲。反而我覺得個雞球大包幾足料，其實鮑魚嚟講係一個點綴，反而佢裏便啲雞髀肉都幾多，唔係齋係打爛啲雞肉，真係有一件件雞髀肉係裡面。啲魷魚都夠味，但係都係嗰句點心唔夠熱，味道就打折了！…查看更多

平時入流浮山通常都係食海鮮，今日舅仔話帶路入來飲茶。原來皇庭的位置係較為自成一角，有別於其他海鮮酒家。酒樓外面有足夠的泊車位，對駕車人士好方便。由於有差唔多10個人，酒樓安排我地到較僻靜的位置。食物方面，點心的選擇，味道及份量都算唔錯。雖然並無個別一款食品特別吸引，不過整體都滿意。服務方面，啲姨姨都好helpful，留意到我地有需要幫手都主動。環境舒適，枱與枱之間都有足夠的空間。唔嫌太遠都算係一個飲茶的好地方。…查看更多