皇冠

今日放假去屋企對面做啲嘢,想去嘆過下午茶,入到去叫咗兩次唔該,當陣時嗰三個女侍應掛住傾計都冇理我,基本上係想趕客,如果老細見到這段負評,最好即刻炒曬佢哋三個,包你生意蒸即日上,如果唔係倒不如盡快自動消失,好過等錢落鹹水海.…查看更多

今日去咗間叫「CROWN 皇冠」嘅茶餐廳食晏。餐廳門面簡約，招牌好醒目，黃色好搶眼。入到去，環境舒適，座位寬敞，幾啱慢慢嘆餐飯。我叫咗酸辣豬扒米線同凍檸茶。酸辣豬扒米線，醃製得幾入味，略嫌切得有啲求其，食嘅時候每一塊都係黐住，好難分開，令到進食有啲困難。米線幼細爽滑，吸滿咗酸辣湯底嘅精華，湯底酸辣度啱啱好，食落好開胃。凍檸茶茶味濃郁，檸檬清香撲鼻，甜度適中，好解膩。呢間餐廳食物質素都唔錯，性價比唔錯，但略嫌餐單選擇較少，唔係好多嘢食可以選擇，如果加多啲菜式就更好。…查看更多

一般會幫襯小店，呢間都試過幾次，價錢及食物質量不過不失，可惜今晚外賣好慢，兩班巴士走咗都未有，問下得未竟然個女侍應串串咁話豬扒要煎，先叫廚房煎，食物完成知叫水吧冲好立克，應該想少啲生意唔想做，老闆一定多謝佢唔少。…查看更多

男侍應態度惡劣，同行老人一同入店，好聲好氣同佢講個位好大風，老人受不了，話調位，佢一句話：冇位喎，走囉！真係好嬲，咁樣嘅服務態度真係超趕客囉，食物唔好食，湯粉d湯冇味，沙嗲唔沙嗲，酸辣粉得酸味，飲品嘅檸檬超苦味，唔會有下次，勁嬲。…查看更多

朝早諗住落去樓下食早餐，點知叫完早餐叫佢比張紙巾，佢話我盲㗎。你睇唔到我做緊嘢咩。嘩我果下火都嚟埋問佢講乜，想點呀！跟住水吧佬都問佢咩事咁嘈。佢仲繼續不停口噏噏鬧。其他侍應叫佢唔好再嘈。佢仲要入廚房同班廚房佬講話鬧客咪鬧客囉！又唔係未鬧過。果刻我真係好想即刻走，亦好彩我早餐己經到齊晒，希望無比佢整蠱落嘢啦呢刻佢無再鬧。但就過嚟單單打打唔知講乜其實呢個男仔侍應我係睇住佢由第一日入嚟做到而家都大半年。越來越寸，仲以為入去食一定要受佢氣咁樣，救命。點解佢仲可以喺度做，可能飲食業真係太少人做。…查看更多

【東區】【皇冠】好耐冇出東區 post，呢個地方真係冇乜機會去，亦都唔多朋友會無啦啦同我一齊去，所以都係靠自己。坐 682 巴士入去，坐坐吓就唔想落車，本身諗住砲台山、西灣河落車都冇 mood，咁樣坐就唔小心入咗小西灣。大家如果睇咗我一段時間，都會知道好耐之前有一排我都有入小西灣食嘢。嗰時我係入去小西灣運動場觀賞香港超級聯賽，香港嘅足球唔勁，亦都唔算好睇，不過我哋堅持入場，係淨係口裡支持本土文化嘅人唔會明嘅。入到嚟小西灣，因為都好耐冇嚟，要更新吓呢邊嘅食肆情況。行行吓都發現有啲新嘢，同埋有啲寫過嘅餐廳已經結業。咁我嘅注意力就梗係擺返喺新開嘅餐廳度，上次行經過都冇見過呢間，今次見到佢就當然會入去試吓佢啦。入到去覺得呢間嘢熟口熟面，不過呢度個冷氣凍到我都有啲頂唔順要轉枱。叫咗個「特餐A」，主食係「鮮茄濃湯牛肉通粉」，佢係甜味比較高嗰種茄湯，幾易入口，而牛肉同通粉就正正常常，我覺得成件事算 okay 嘅。小食係「火腿炒滑蛋」，不過個滑蛋炒得麻麻，碟嘢唔夠熱之餘仲有一大片蛋殼。反而塊「丹麥多士」唔錯，佢嘅味道令我終於諗起佢就係旺角嗰間皇冠冰室，係唔錯，佢呢間嘢個丹麥多士係好食過好多地方，鬆軟又酥脆。（按：旺角店現已結業）摷返之前個 post 先發覺自己原來喺旺角店都係食特餐A，明明我就唔中意食茄汁嘢。飲品方面，我飲嘅係「熱咖啡」，都係正常茶記質素啦。咁樣夾埋 $52，早知試吓佢哋推介嘅下午茶車仔麵啦，叫嗰陣唔知自己寫過嘛。。。（地址：港島東小西灣廣場G樓G10號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #1ambackup #1am0643 #thatfoodiething #instagood #love #hkigfood #hkfoodblog #globaleats #foodieman #1am東區 #小西灣 #皇冠 #皇冠冰室 #茶餐廳 #冰室 #小西灣廣場 #特餐 #鮮茄濃湯牛肉通粉 #火腿炒滑蛋 #丹麥多士 #熱咖啡…查看更多

新開的時候太多人，過了新開張的熱朝，終於可以親身試下了😍沙嗲牛(轉通粉)通粉在其他餐廳通常都是煮過火，通粉還有咬口👍🏻如果小朋友吃的話，可以叫煮軟一點。面包實在超超超好吃! 可能見識小吧，我第一次吃面包軟軟綿綿，不喜歡滑蛋的話，也可以轉煎蛋的。最後～ 早餐可以再來吃的。…查看更多

小西灣餐廳不多 好吃的冰室/茶餐廳更是絕無僅有 故此當我和家人得知皇冠要在小西灣插旗時 是仲萬分期待的😍😍😍！-開業第一天 父親率領著我們一眾為食小兵前往皇冠冰室 門外長長一條人龍 當日是剛開業不久 所以職員都不是很ready吧 安排座位是一度場面混亂 一直聽到有客人在投訴😅 大概等候了20分鐘便能入座了 ☺️ 座位很迫夾 不是可以安坐聊天 慢慢品嚐的那種餐廳 也沒關係 但正因為餐廳的這樣設計 我更期待食物的出品😌👅 不然 舒適的環境欠奉 食物的味道又欠奉 是難以立足的🤣-我們11點多便入座了 看看看皇冠的餐牌✨乾淨、簡潔、易明； 顏色、排版也不錯😼價錢也是正常的茶記價錢早餐B😻沙爹牛肉麵一上枱時已聞到濃濃的花生🥜和沙爹醬味道 很好吃！不會過鹹又帶點甜甜的味道 公仔麵爽彈 在小西灣真的是最好的沙爹牛！ 跟餐配的腸仔炒滑蛋（轉熟蛋）、丹麥多士🍞 就是正正常常 眾所周知的味道🤣 用上丹麥多士也是有誠意 有別於一般的白吐司👅-早餐C😻 雪菜肉絲米粉配火腿炒滑蛋、丹麥多士🍞肉絲很多 有嚼口 雪菜香而不太鹹 配上嫩滑的米粉 也是無得輸之作🌟 炒滑蛋吃得到牛油香味🧈但沒有到很滑溜 又不會很乾 不過不失！-早餐F😻 豬扒煎蛋出前一丁 （轉米粉）豬扒醃得剛好 鹹香鹹香 厚薄適中 份量也可以 還能吃到肉的質感 這就沒什麼挑剔之處😌 唯一要挑剔的就是下單時講明要「熟蛋」但上菜時還能戳破流心蛋黃🥵 這餐項就沒跟多士那些的〰️如果有「加$x 有多士一件」的選項也是不錯🤣🤣-早餐2號🌟板燒豬扒 （走汁）配熱狗腸🌭️、炒滑蛋、丹麥多士🍞上枱時也惹來旁邊的客人的側目 大家都被那長長的腸吸引住了🤣 盤子上所有東西都好吃 豬扒也就是湯麵🍜的那塊 就是炒滑蛋的份量會比比上面那個餐點的少〰️-後來一次再去光顧 幼幼的熱狗腸突變成司華力腸🤣🤣🤣🤣 我個人則認為司華力腸的口感更好 豐富一點〰️而且當天忘記了點走汁🤣 不過隨餐附上的黑椒汁 味道也不錯♥️-飲料方面 餐廳沒有即磨咖啡 ☕️ 都是師傅沖的吧 我家人就不是很喜歡 因為附近兩家餐廳裡頭就用上即磨咖啡〰️ 家人說即磨味道香很多 ；凍檸茶🍋就不錯 茶濃 檸檬片份量夠 冰度夠 好喝🥰-餐廳裝潢光猛新淨 有別於周區內其他同類型的餐廳🍴侍應人手充足 唯訓練不足 不過剛開業 還是能體諒啦😙 值得欣賞的是 雖然他們不熟駕步 有點手忙腳亂 但待客人至誠 有求必應的服務態度是很能打動我的🥰🥰 正正因為這樣 皇冠也就成了我和家人的飯堂 我們也反覆光顧了皇冠許多次；之後有時間會補上午市和晚市的用餐體驗😎…查看更多

今晚阿媽唔想煮，決定去皇冠試下。叫咗個菠蘿雞扒焗飯鐵板蒜蓉汁西冷牛扒配飯鐵板黑椒汁厚切豬扒配薯菜 🤤🤤🤤1.菠蘿雞扒焗飯焗到雞皮脆卜卜，正正2.鐵板西冷牛扒侍應生建議可以8成熟，但係黎切開其實都已經全熟😂（牛扒係一塊；豬扒有兩塊）3.鐵板黑椒汁豬扒有驚喜，有2大塊厚豬扒汁都幾正，辣辣地惹味兩個鐵板餐各自跟咗塊酥皮麵包同紅湯阿媽話好香，一口氣隊哂兩塊😑紅湯都正常，遺憾嘅係冇白湯，因我同男人都鍾意飲白湯😂最後四個人叫三個餐都食唔哂😂服務幾好，希望服務同食物都keep到水準…查看更多

這間皇冠茶餐廳新開咗無幾耐，舖頭不算太大，地方尚算整潔及光猛，但座位就比較迫。食物質素都幾好，但品種不算多。另外，以地區來講價錢方面就偏貴咗少少，加上份量並不算太大。跟餐凍飲加$3。凍檸檬茶ok。凍咖啡讚，味濃，因為好多鋪頭的凍咖啡都比較淡。炒蛋就唔夠滑，但尚算ok。多士比較細塊☹，是正常的三分二左右。沙嗲牛麵一般，因為啲牛肉偏甜。如果轉出前一丁就加$5。整體上都唔錯，只是分量偏少。比較大食的就唔多夠了😬😬另外，店舖只收現金，十分之唔方便☹…查看更多

今次第二次去，第一次去果時職員帶錯位又唔俾位，後來的卻有位，明明人數一樣，只係叫人等。服務又差野食其實好一般，凍檸檬茶d冰仲多過茶，飲幾啖已見底。第二次係自己同埋同場果d食客都係咁講俾錯曬野食。明明新開既餐廳d餐具又污糟。。。下次都唔會再去。…查看更多

真心忍唔住要寫呢篇食評，漏單，難食，服務差！一入到黎已經見到勁多枱未執，坐底等一陣先有人處理叫左個早餐B 沙嗲牛肉公仔麵 轉出前一丁飲凍咖啡小甜一黎個前菜，炒蛋勁老丹麥多士勁乾，再望下杯凍咖啡，得3粒冰，已經心知不妙。食完等左10分鐘，見到對面遲我少少入座枱客已經差不多食飽我個麵都仲未到就即刻追佢，原來張單擺左係度無人處理。等多5分鐘左右，我個麵終於都到，點知。。。麵未熟，湯無味，牛肉勁少，食左幾啖就擺低左。唯一要讚係杯三冰咖啡幾好飲，不過。。。一定唔會再嚟。…查看更多