皇冠(呂宋芒)專門店 (耀華街)

今日大熱天，見到甜品店的圖，樣樣都好吸引，坐左陣，都係有選擇困難症的我們。都知自己煩的，好在個紋身肥哥哥幾好人，好有耐性等我地幾個婆娘研究，而且仲推薦左個窩夫比我地，叫我哋考慮下。。。好啦！見你咁好人，就聽下你講啦！咁我哋就叫左4個甜品，樣樣都好足料，好好味。。。D芒果粒，士多啤梨粒，西瓜粒，哈密瓜粒，粒粒都大大粒的，雪糕又好味，唔算太甜，都好岩我口味。個窩夫真係好意外，真係覺得好好味，好香蛋味，又脆，即叫即做，熱辣辣的餅底配凍冰冰的雪糕，個感覺真係好特別，真心推薦哩間，係良心店舖呀！下次，再下次，再再下次，都會再幫襯呀！…查看更多

係時代廣場食完晚飯又想食甜品，特登行去後面耀華街，地方唔算太大，繁忙時間都要排隊，大約等10分鐘都算快有檯。成間主打菲律賓呂宋芒，所以叫咗金飯碗同芒果窩夫，金飯碗芒果夠甜，焦糖燉蛋底，好好味窩夫係即整，所以外脆內軟，上面仲有大大舊芒果肉，滿足晒我地芒果控😍最後食飽飽走人，點知我大頭蝦又上身，電話都唔記得攞，肥仔店員追出嚟俾返我，真係萬分感激下次一定一定再幫襯有禮貌👍🏽👍🏽 服務態度好…查看更多

今日同朋友一齊食糖水，揀咗呢間芒果專門店地方唔太大，不過服務態度好好👍🏻👍🏻 我哋三個坐喺度左揀右揀，服務員都會主動過嚟推介我哋食咩，好有耐性，其實而家香港地食嘢都好少見倒啲咁好態度嘅員工💯最後我地選擇咗芒椰奶西，芒果脆脆，同埋自選車仔冰冰芒椰奶西即是回想起許留山， 俾起許留山更加好飲，用新鮮芒果汁芒果脆脆 個脆脆同埋糯米飯熱辣辣， 加上超重料芒果粒，芒果好甜😋😋最後嗰個車仔冰冰（個名係我改嘅）🤣🤣 好似叫車仔麵咁，自己選擇冰底配料😁 夏天熱屎辣辣梗係要西瓜冰底，再加咗香蕉同芒果爆珠，食完爽晒😍…查看更多

前兩日同朋友食完晚飯，去咗附近一間糖水舖，點知一入座就已經被嚇親 , 服務員全程黑面，態度極差。睇緊餐牌諗緊食咩嘅時候，黑面服務員就過嚟催落單，問多兩句仲要一副不耐煩嘅樣。我哋點咗金玉滿堂同芒果西米露，但味道真係令人失望。芒果汁有D似藥水嘅怪味，西米又冇口感，完全唔值呢個價錢。更誇張嘅係，坐咗唔夠二十分鐘，出面根本冇人排隊，佢哋竟然急急腳清晒枱面，仲邊抹枱邊趕人走，態度極為惡劣。真係估唔到香港仲會有咁嘅服務態度，完全冇客氣同專業可言。以後肯定唔會再去！…查看更多

食物無乜好食唔好食，都係普通甜品，芒果量算多而且都甜，價錢唔貴，只係咁嘅服務真係背脊骨落。.我好有禮貌咁指住餐牌入面有張相好似係一個 set 咁嘅物體「請問呢個係咪 set 嚟㗎？」肥佬紋身店員：『呢張只係一張相！』我心諗 JM9？我得罪咗你？.我懶睇字，決定有相篤相，點知店員極度不耐煩，我篤親都話個甜品生得大份，一個人食唔晒。其實如果你唔想賣大份嘅甜品，或者嫌客人食得慢阻住你做生意，你可以同客人講沽清，「甜品生得大份」呢個回覆作為客人我淨係覺得你好無家教同極無禮貌。.再講，客人叫乜你咪落乜囉，叫咗食唔晒都要埋單㗎啦，你有需要擺啲極其厭惡、極不耐煩嘅樣同態度出嚟？.如果唔係出面咁熱我 friend 唔想再行，隔離排晒隊得你呢度有位，我已經起身走咗了。.我自問個身唔似店員咁有陣汗臭味、亦自認為自己十分之有禮貌，但係由入鋪嗰一刻，到離開嗰一秒，都只係感受到店員嘅黑面同無禮貌。.我哋20零分鐘食完去埋個廁所就準備走，店員粒聲唔出走埋嚟清枱、fing 條毛巾落嚟抹枱，再劈個餐牌落枱面，你都係想趕客走啫，咁我咪走囉🤷🏻‍♂️.20分鐘食完嘅男客就趕，我哋後面嗰枱由我地入舖到食完起身都仲傾緊偈嘅兩個女仔就唔趕，有性格呀肥佬👍.我知你得一個人睇舖，你忙你做到炆憎，但係你唔應該咁樣對客，你要發脾氣應該對住你老闆發。.Anyway，希望你哋可以 keep 住呢個態度待客，然後每個月都輸少少，輸到個約完為止，咁嘅態度做生意包你長輸長有😉…查看更多

食完飯諗住食甜品去甜姨姨，但係見到勁多人排緊隊，就試吓呢間喺隔籬冇乜人嘅甜品舖🤣點知都幾好食喎。不過價錢有少少貴，個人認為佢呢個份量嘅話可以平啲。🍽️爆芒小丸子有好多芒果同埋小丸子鋪喺芒果刨冰底上面，芒果嚟講其實唔算好甜，招牌嚟講嘅話就差少少🥲冰就正常，同甜姨姨比就冇得比啦，係普通刨冰。炎炎夏日食呢個甜品其實幾滿足嘅！🍽️抹茶麻糬窩夫（半份）呢個有驚喜😋個窩夫本身都好好食，有蛋香味，好脆口，裏面有少少煙韌，配上抹茶醬又唔會太甜，推薦！略嫌佢紅豆麻麻，不過我本身唔係好鍾意食🤣…查看更多

夜晚11點左右得返呢間糖水鋪有開，入到去見到個menu 都好貴下，但仍然好多人係入面食糖水。今次嗌左個楊枝雪山，亦等左十分鐘，朋友既糖水都上齊，我呢個係最後一個先到。黎到個畫面都幾震撼，個甜品真係好大，而且係食極都食唔晒，佢溶冰溶得好快，好快個杯就半滿，就算兩個人食都食唔切，建議4個人share 食會好啲。我以為會比較重楊枝甘露味，但佢係重芒果味，芒果唔會酸而且好甜，最後食晒啲芒果就果斷放棄左，下次會試下皇牌，份量都比較正常。…查看更多

✨自選皇冠冰冰🍧✨購自: 皇冠(呂宋芒)專門店（銅鑼灣耀華街31號地舖）價錢:$88推薦度:8/10-自選咗芒果刨冰+芒果粒+菠蘿+金柚+小丸子🍡+寒天 芒果刨冰底用新鮮芒果打成 食落好香滑 口感似沙冰 芒果味好濃郁 一啲都唔淡‼️加咗唔同嘅水果🥭特別係芒果粒 食落香甜冇渣 配埋煙煙韌韌嘅小丸子🍡 同Q彈嘅寒天 我冇再額外加花奶同埋椰汁已經好夠味💛-✨綠茶麻糬窩夫 半份🧇✨價錢:$88推薦度:8/10-綠茶麻糬窩夫即叫即整 口感外脆內軟 上面加入咗紅豆🫘綠茶布朗尼 粟米片 同埋吉士醬 綠茶布朗尼口感鬆軟 食落好香茶味🍵不過偏甜少少🤏🏻 特別欣賞佢嘅吉士醬偏稠 唔會水汪汪🔅整體口感好豐富 但所有配料加埋偏甜咗啲！…查看更多

尋晚早左食完晚飯，行過耀華街，見唔太多人，拿拿聲入黎食返個糖水😁肥仔店員好有耐性介紹我地食乜，雖然睇佢個樣好惡 🤣🤣 原來佢好鬼funny 😁😁同兩個朋友叫左個香蕉朱古力窩夫配雪糕，仲有芋頭椰汁西米露。首先講下香蕉朱古力窩夫配雪糕 😋😋 即叫即整 熱辣辣再加埋雪糕非常好食，香蕉都好新鮮， 推介推介🉐芋頭椰汁西米露 鍾意食芋頭嘅你必食推介👍🏽👍🏽 好香嘅芋頭味 😋仲要非常足料👍🏽 椰汁甜到適中， 西米一粒粒好有口感🉐🉐🉐食完之後先發現 ，嚟到呂宋芒專門店，冇叫到芒果嘅甜品添， 下次一定要留肚過嚟食糖水😁…查看更多

平時好少行去耀華街，除非去飲酒，但每次經過都見到要排隊，今日同朋友出去食飯，食完諗住行吓去散步，見到竟然門口冇人排隊，就衝左入去食，雖然唔使排隊，但係人流都好多。首先入到去環境不錯，之後老闆哥哥亦都細心解答我們的問題。上菜時間亦很快，至於食物質素我覺得很滿意，以前食開都好似飲糖水咁，但今次我覺得個甜度適中，芒果亦很新鮮很甜。價錢亦唔貴。難怪每次經過都見到有人在排隊。係一個很不錯的體驗，會推薦給朋友👍 …查看更多

平時經過耀華街，見到呢間鋪人頭湧湧，大排長龍，今日食完飯見到時間尚早就排左一陣間，好快就有位入到去試。試左芒果小丸子，芒果鮮甜新鮮，小丸子口感煙煙韌韌，不會黐牙。一個人嘅食量太少，下次要叫多啲朋友來試👍👍…查看更多

一試就愛上😋不得了::::::::::::::::::::::::::::::食材新鮮，真材實料啊！難怪排哂長隆啦原來係原因既！係值得架！「招牌皇牌」個份量大碗到呀😅d芒果多到呢⋯要2個人食先食得哂，食得岀係真芒果味並唔係芒果醬同假芒果🥭真係冇揸流攤嫁禍店員肥哥哥仲誠意推介左個新岀品「芒果蛋餅」齋睇賣相覺得平平無奇….原來有驚喜㗎入面用咗（吉士醬），酸酸甜甜好惹味好開胃🤤令我哋一試難忘，每次去都一定會必點！睇到個餐牌種類多款到，想每款都叫🤭但可惜眼闊肚窄，唯有下次叫多幾個人一齊去先得🤗咁就可以試哂所有西式甜品中式糖水…查看更多

聖誕節喺時代玩完飄雪，行吓行吓 無意中發現到一間隱世芒果糖水舖😨第一次試，肥哥哥職員態度好好，好有趣😂雖然佢個樣非常凶狠🤣但見佢同全部客人都有講有笑😂發現佢有好多fans皇牌芒果，勁大碗😂😂建議兩個人食絕對對得住個價錢 啲芒果多到食唔晒🤣仲試咗個店員推介嘅朱古力窩夫即叫即整，入邊仲要有麻糬！！ 勁多人排隊，如果可以多啲枱就更好了。仲有好多嘢都好想試 想試晒成個Menu嘅下次必須會試店員推介嘅椰皇燉桃膠糖水…查看更多

不嬲都留意到銅鑼灣同灣仔唔多糖水舖有紫薯糖水賣，不過終於俾我發現呢間甜品店有！！超足料非常好味非常濃郁，啲紫薯煮到好淋好粉好好食👍🏻👍🏻又夠薑味，個糖水包六粒煙韌芝麻湯圓，我媽咪同家姐都好鍾意食！見佢個Menu都好豐富有好多其他好多選擇，好多唔同款嘅芒果甜品，又有麻薯窩夫，又有刨冰，仲有燉椰皇蛋白！下次會試吓佢哋d凍嘢🤪，呢幾日天氣凍就食返暖笠笠嘅嘢先🤤😝誠意推介👍🏻👍🏻👍🏻…查看更多

刨冰成碗貓肉泥咁，一嚟到賣相已經唔好，荔枝好酸。店員態度差，問雪糕有咩味揀答得唔清唔楚，好細聲咁樣講咗句芒果煉奶朱古力，但又冇示意叫我揀咁，又唔理人，又行到好遠。窩夫$86 得半件份量好細，雪糕勁爆甜，而且浸味好假。如果唔係甜姨多人唔會食佢，冇下次！！食完成個口好甜到好唔舒服。…查看更多