百樂門宴會廳

營業中

休息中

上星期去了香港仔日本城隔鄰的百樂門 晚膳, 叫了12人套餐$4298 第一道乳豬 肥騰騰 皮不脆, 之後菠蘿炒帶子粒帶子做細粒個五毫子, 杏仁蝦球炸到燶曬, 花膠翅羹 一條翅都搵唔到 成碗都係獻汁， 炸子雞不知以為叫了燒春雞， 龍蝦伊麵啲肉唔見曬， 荷葉飯濕糴糴，餃子浸到梅爛爛， 總括來說食物水準不知所謂，分量不足不特止， 經理 冇禮貌侍應見到冇茶都不懂去加水， 當日去不是高朋滿座只得十圍八圍，枱咁大間酒樓 十圍八圍 晚膳等執笠。

之前一直在港島南區長大，每逢過時過節都會回老家附近吃飯，3個人去食件叫左碟例牌鵝，肉得幾件，仲要是霉的，另外2款小菜茶餐廳都不如，百樂門是否付了很多錢給openrice打手?希望有心人去吃寫真實的食評！我相信這輩子不會再去了。..............................！

從來未參加過全海鮮的晚餐，今次係首次嘗試看菜單已經嚇一跳，非常豐盛呀....各款菜式，全部材料靚、足料，加上廚師小炒功夫好，夠火候，好食到唔停到口！必定會再來幫襯！

今日同屋企人一齊食環境....就普通酒樓,晚上所以冷氣夠,坐位唔會太密,碗筷ok乾淨(單純係富臨太離譜....次次都有積)點左燒肉+蒸紅魚set,西檸雞,南乳齋煲,送甜品紅/綠豆沙燒肉ok,個皮ok脆,但芥末醬無味,可惜我唔食魚,但聽屋企人講d肉好硬西檸雞幾甜,但幾乎無雞肉(薄到feel唔到)....味道就過得去南乳煲味道一般,standard野,仲要南乳味唔重甜品....算吧啦,一般野.綜合黎講,口味淡既人可以試下我記得上次個沙律海鮮盒(炸野)唔錯,D生果幾好食,但老人家唔鍾意,算數了但埋單4個人4百蚊.....我都係乖乖食大家樂算了.

今早跟家人來到香港仔百樂門，因為有家人從外國來港，我們預訂了多隻澳洲龍蝦和瓜子班。味道簡直是超新鮮美味。其他點心也非常非常好。今天是星期天，餐廳非常多客人，好熱鬧好氣氛。極力推介！

一行12人到百樂門吃晚飯，食厭咗套餐，散叫小菜，叫咗王子鴨、籠仔蒸蟹飯、燒腩仔、龍躉2味、椒鹽豆腐、蛋白炒素翅、啫啫介蘭煲、皮蛋海蜇、滷水拼盤、五柳黃魚，埋單都係$1450. 都真係相當抵食.除咗蛋白炒素翅無味、燒腩仔唔脆外😟其餘都十分不錯.好似椒鹽豆腐，外脆內軟，重點係佢有琥珀合桃做伴菜，加分不少😝另籠仔蒸蟹飯，有成兩隻奄仔蟹仲要都爆曬糕，飯亦唔會油淋淋，相當好味😋介錢都係$148，性價比相當高👍🏻因真係冇諗住食乜嘢食評，所以連相都冇影一張😜但埋單後真心要俾個讚佢👍🏻

今日下午我們去咗香港仔中心嘅「百樂門宴會廳」飲下午茶！我們叫咗川芎百芷浸魚雲、百樂門蝦餃皇、五香咸水角、雪山叉燒餐包、馬蹄牛肉球同砵仔馬拉糕！川芎百芷浸魚雲嘅魚雲相當新鮮，肉質好鮮甜嫩滑，湯底嘅藥材味亦好香濃！百樂門蝦餃皇嘅餃皮好煙煙韌韌，蝦肉亦好爽甜彈牙！五香咸水角炸得好香脆，餡料亦好惹味！雪山叉燒餐包嘅包質好鬆軟，叉燒亦好香甜！馬蹄牛肉球嘅賣相有啲嚇人，但肉味都幾濃郁！砵仔馬拉糕非常鬆軟，味道好香甜！

百樂門對我來說，是一個熟悉的名字，香港仔百樂門宴會廳近幾年才開業，記起很久很久以前，當我還是小孩子，經常會跟爺爺、叔叔和父母去灣仔百樂門酒樓嘆早茶，腦海裡對當時的環境人物，依稀有些朦朧的記憶，容許我說幾句題外話，這是一個可笑的回憶，在酒樓男廁所門外等爺爺，等了好久都等不到他，驚慌失措之下就站著哭泣，等了很久很久，爺爺才從外面回來找我，帶我回家。灣仔百樂門酒樓很多年前已經拆掉，聽親戚說，李家誠先生當時開始發跡，漸漸成為名人。過了一段日子之後，百樂門在不同地區再開業，年多前大姑媽從英國回港飲喜酒，我們盡地主之誼，在香港仔百樂門吃過一次晚飯，轉眼間，大姑媽已經不在世上，慨嘆人生真化學，應該好好珍惜每一天!重陽那天，本想在這裡飲早茶，九時去掃墓，十時前去搵位，前面已經有十多個6人枱的waiting list，只好放棄，另謀好去處。這裡的食物，水準是不錯的，最近去過幾次，其中一次品嚐過如下的點心：燒味湯粉，一律$16.80，下午茶湯粉的品質相當不錯，湯粉與餸是分開上的，燒腩仔皮脆肉嫩，味道不太咸，叉燒也不錯，少肥多瘦，味道香甜，加上本地風味的芥末醬，吃得很滿意。潮州粉果 $7，很便宜，粉皮不太厚

這一個週末，因為要陪美國回來的Brother-in-law探望太太的大伯而舉家去了香港仔一轉。在街上與伯父見面了，車上的人亦先行上去百樂門。而我就轉入去那一個窄到冇得再窄的停車場。在車場內，外父叮囑我說是第五期的百樂門。出到地面，第五期的一間比較易找，另外的一間百樂門，在第二期，不太顯眼。但我有一樣開心大發現，這一個香港仔中心，有新光、嘉年華、富臨、等等等等，地方細細，酒樓多多，這個香港仔中心實在是飲香港茶的好地方。我來到時，已經叫到成檯點心，檯上的生煎包是搶手貨，菜加肉的餡，食落沒有肥膩感覺，肉汁就有少許。腸粉，以肉為主，牛肉腸夠滑，豉油夠甜，牛肉夠多，很有份量的說。令人欣賞的，是這兒的燒臘，叉燒雖然是瘦，但味道非常之甜，燒腩仔皮極脆，爽爽的，sok sok的，肉又充滿味道。蛋撻，很少食茶樓的蛋撻仔，這兒做得出酥皮，餡甜。雖然是凍了，但是餅店的水準。我吃了點飯，溂粉，味道合格。 一大班人食，能品嚐到的其實不多。最後就點評我的最愛燒賣，一隻完整的新鮮大蝦係面，甜味十足，肉爽，蝦爽，可以說是由頭爽到落尾。 食

這一個晚上我們與一位由外國來港探訪的長輩吃飯，日間他們去逛赤柱，我負責訂位並在晚飯時才出現。為免大家要等位我提前幾個小時打電話來訂枱，百樂門曾經被選為有營食肆，菜單上的食物選擇應該不會太差，果然當晚很多人要排隊等位，這裡真的很旺場。最初選了七道菜，為了好意頭，多加一道，合共八道菜。宋嫂魚羹配脆米，味道普通，脆米一點也不鬆化，而且很硬，喝湯時要把脆米吐出來，寧可只喝湯，不加脆米。順德煎焗魚頭，魚頭先炸過再煮，大大件，很香口。士多啤梨骨，吃厭了生炒骨，換個新口味也不錯，排骨很有肉，酸酸甜甜的士多啤梨汁很開胃。粟子一品齋煲，單看菜名已知道夠健康，材料很多，包括粟子、西蘭花、鮮百合、鮮菇和杞子。米湯牛肉浸莧菜，志在多吃菜，用米湯煮很健康，不油膩。錦繡鮮蝦仁，是一般的腰果炒蝦仁，蝦仁很大隻，有西芹和三色甜椒粒同炒。薑蔥蜆芥牛肉煲，很多牛肉，味道不錯，肉質夠嫩。刴椒蒸金錢鱔，蒸煮時間剛好，魚肉有彈性。晚飯後有糖水送，我選擇了桂花露，啖啖桂花清香，不太甜，還吃到龍眼肉。

一眾友人到南Y島行山，回程由香港仔上岸，友人介紹到這家酒樓晚飯。由於趕不及原定的船期，遲了差不多一小時才到達酒漊，預先在船上致電酒樓通知，估不到酒樓竟然留枱給我們，看見知客枱前的人群，而我們一行十二人無須等候便馬上入座，開心。我們點了些特價小菜，加上多款實惠的餸菜，侍應不單沒有表示不滿，招呼亦算不錯，再加上，自攜酒水也沒有收開瓶費，又一驚喜。餸菜份量很少，幸好價錢不貴，十二人點了十三碟餸，埋單每人不到一百，都算抵食。

二月下旬‧陰天有雨同事請吃飯，真的謝謝。大伙兒來這裡飲茶，筵開三席，熱鬧。這裡的點心還不錯，燒賣是一貫的「重蝦」，海鮮角脆口好吃，韭菜角足料不錯，腸粉不夠熱，但頗滑，海鮮炒河足料，炒飯也乾身好吃。真的謝謝大家，這一年也是難得的經驗。

是日同媽咪一齊出發去旅行, 因為要坐夜機, 所以要食飽飽先起行。早餐一定要食得豐富一D, 所以媽咪決定去飲茶。因為媽咪既身體關係, 所以平時我地都唔會比佢飲茶, 只會同佢去食早餐。既然佢今日咁想飲茶, 就同家姐細佬一齊同佢去飲茶仲叫埋表妹一齊去食添。叫到成枱都係野...睇張單就知啦…最好食既係…煎腸粉…因為係我最愛既點心之一…!去親茶樓飲茶都食佢。呢到真係整得幾好食, 夠晒脆口, 但入面仲好軟, 唔會因為外面煎干左攪到入面都干埋。讚!!下次再食過。

今日去食飲茶, 香港仔間百樂門宴會廳開左咁耐都未食過, 今日約埋D親戚朋友一齊去試下, 九點半去到已經要開始等位, 好在唔係好多人等緊, 所以我地都係等左陣就有位坐啦!叫左蘿蔔糕、叉燒腸粉、燒賣、XO醬炒腸粉、鮑汁鳳爪等等。主要想講既係個XO醬炒腸粉呀~佢個XO醬炒腸粉既XO醬夠晒味, 辣得哩又唔會覺得辛苦, D腸粉又夠晒滑~真係好唔錯~!!而個蘿蔔糕就煎得唔夠香~蘿蔔絲都唔夠多~~其他點心都係一般啦^.^

首次於百樂門晚膳，評分比預期好。香煎藕餅：蓮藕味道雖不突出，但富「豬肉餅」的風味，OK喎！蝦球炒鮮奶：鮮奶炒得雪白不油膩，OK。腐竹斑腩煲：晚市免費贈送。斑腩雖唔係好大件，但勝在用料老實，用真斑腩入饡，加上口感細滑，令人滿意！瑤柱扒豆苗：豆苗挺嫩口，配上瑤柱茨汁，扒飯吃佳！芝麻糊/紅豆沙/綠豆沙：免費甜品，普通喇！