百樂門囍宴

營業中

休息中

以前來過飲茶，又來過吃晚飯，覺得食物味道一般，所以很久沒有來，這晚因為雨很大，不想到遠處吃飯，所以就在地鐵站旁的這家酒樓吃晚飯。點了上湯焗波士頓龍蝦（伊面底）、蔥油雞、清蒸老虎斑和海味雜菜煲。龍蝦算得上大隻，醬汁味道很好，所以伊麵很好吃，蔥油雞很香，蒸老虎斑火候掌握得好，魚肉很滑，海味雜菜煲味道也不錯，只是蔬菜份量較少。總括來說，食物的味道比以前有了很大的進步。這邊環境不錯，服務也不錯，這晚吃完飯，送我們糖水，結賬還有八八折優惠，可以再來。

平時幫襯開京都薈，今次試吓去百樂門囍宴飲茶。環境比較迫，周圍有好多長者飲茶傾計，所以好嘈吵吓蝦腸用料多，啖啖都有爽口嘅蝦肉。灼西生菜，份量大，少油，好清新，讚蘿蔔糕同豉汁鳳爪不過不失！點心拼盤，兩個人食唔晒，好豐富！稍嫌啲餃皮比較厚。

附近陶源執笠，所以來百樂门飲茶。叫左點心拼盤，d餃類皮厚，但都ok好味。見附近有豆腐花車經過，叫左碗豆腐花，加左糖都幾甜，但少左豆味。蝦腸，鳳爪同蘿蔔糕都ok。最後埋單時個吖姐好黑面，唔知點解。

今日一心請朋友食飯，一心諗住就近嚟到呢間食中菜，於7點09分落單，並且早於落單同時提醒叫先起菜。到大約7:45通知職員人齊起菜，點知半分鐘后有職員通知所點的蒸扇貝已售罄，當時已經提出質疑🤔點解落單時冇通知？職員回應「張單吾係佢落」唯有轉蟶子，轉頭又另一職員通知蟶子售罄😡追問職員之下又話吾係佢落單😤又話係計起菜時間，如果係咁，我想知咩叫做叫先起菜🤬其他酒家一落單會留起客人叫嘅菜，我吾明點解呢間食肆咁差，重要落錯原先點嘅菜🤬🤬🤬🤬🤬🤬🤬🤬🤬

一連兩日都咁啱約咗人去飲茶，今次就去了近美孚港鐵站的百樂門，這店地點方便唯一不好處是要爬樓梯上去一樓，如果行動不便就比較不太方便！因為家人已經取位了，所以我就不用等就有位了😊這家酒樓星期日十一點有假日商務套餐，都幾抵呀！包兩碟炒粉、麵、一碟菜、四點心（當然有限定選擇，但算豐富的）😋額外也加了幾個點心，我們七個大人吃到超飽！好抵👍🏻

今日約了朋友到美孚百樂門飲茶，我們二人去到原來要搭枱，還有枱與枱之間太近，有啲好迫嘅感覺，由於太肚餓唯有照搭枱了，我們點了點心同拼盤， 拼盤有 兩粒燒賣，兩粒蝦餃，兩粒粉果， 兩粒帶子餃， 兩粒香茜餃， 一件馬拉糕，一個叉燒包， 二人份量，每樣兩粒，就兩人飲茶都可以食到不同點心，食落味道都不錯，黑胡椒豬肚湯， 豬肚冇乜味， 湯底冇胡椒味，這個有啲失望。豉汁排骨， 排骨有啲肥， 還有雪藏味.雷沙湯圓， 麵粉太厚， 湯圓餡較甜。

星期日約左班朋友飲茶，下午12點幾居然一去到唔駛點等位。雪山义燒包表面唔夠脆，外層有陣幾重既椰香味，偏甜，义燒份量都可以。牛肉腸粉皮都算簿，幾好食。腐皮卷好脆呀，足料，幾好味雞肉都算多，同埋好滑。蒸餃個皮厚左D, 其他都不錯。

今日係同呀爸覆診嘅日子, 係吾係好開心嘅一天, 只好一家人食番餐好嘅, 先可以平衡一點！！去到美孚, 都吾知有什麼好食嘅食店, 呀爸提議去飲茶, 上次聽過同事講百樂門囍宴好易揾位飲茶, 於是我同爸媽便去嗰度試試!!點心拼盤~有燒賣, 蝦餃, 潮州粉果, 菜餃, 叉燒包, 奶黄包同紅棗糕各一件! 蝦餃皮好煙靭, 鮮蝦彈口, 叉燒包有很多叉燒餡料, 菜餃大大隻, 紅棗糕很彈牙, 潮州粉果皮略嫌太厚！！福建炒飯~有許多食材, 雞肉, 鮮蝦, 冬菇, 雞蛋, 菜粒同紅蘿蔔, D食材整得好入味, 飯粒係一粒粒, 加埋多多嘅汁, 好味道！！粟米斑塊~魚塊炸得好香脆, 份量十足, 加埋雞蛋粟米汁, 正呀！！不過只要一家人可以一齊食好嘢, 食什麼都會覺得好開心！！

食味一般，管理卻極差，態度敷衍，一定唔好幫襯，如果幫襯，可能當你係老襯，今日中秋我全家book咗枱，留埋餐最後都係一肚氣，一時又話唔咗見你個booking，一時又打電話嚟話OK，去到現場一時話有枱，一時又話無安排枱，最後叫你等頭圍完，總之，以後唔去

呢排覺得百樂門做得唔錯，所以成日一家人落黎食。我地今日係食火鍋既，叫左鴛鴦湯底，一邊係沙嗲，一邊係清湯。沙嗲個邊味好濃，落左好多花茶醬。我地叫左海蝦，蘿蔔，肥牛，墨丸，腐竹，豬紅等等。除左蘿蔔，樣樣都幾好食。特別一提，呢度既海蝦真係好扺食。拎黎既時間仲係郁緊，好生猛。勁鮮味，肉質爽脆，無得頂。

美孚呢邊可以打邊爐既酒樓都有幾間，不過食翻食去都係覺得百樂門最抵食!圍番每個人都係百幾蚊，算係其中一間最平豬肉同牛肉都無用cheap野，每一塊都係厚切!最重要係肥牛以外既食物都有質素，無偷工減料，算係咁！

今天同朋友美孚飲茶，原本想去富臨，但朋友去錯地方，入錯這間態度超差的百樂門囍宴，首先我哋三個人，佢在點心卡上寫四位，叫佢改好似有仇咁👎🏼😡，點心叫咗成半個鐘都唔嚟，同個黑衫嘅侍應（相裏面的人）講我哋唔要，幫我哋取消，佢黑面'勵'住我哋講，'等多陣啦你阿姐'😡，我忍唔住反問佢，其實我哋係咪欠你錢？佢'咀妙妙'走咗去，啲嘢又唔好食，排骨腸粉淡而冇味，飲茶飲到咁受氣，都唔知為乜，一句講曬不會再去 😡

Yum Cha at park lok mum eat bread 🍞 Drink tea 3 kinds of Chinese bread The shanghai pan fried San chin breadLots of black pepper and onions Black pepper upgrade the taste truly Barbecue pork buns in snow cream form Ok A bit too sweet The flowing salty eggs and egg yolk sweet bunsAre successful in the 'flow 'spring rolls inside rice flour cheung fanSpecial indeed vegetables rolls Shrimps and meat inside steam sausage and chicken rice I think the price is too lowyet Hk mothers love eating rice in

一向有到開美孚的話就知美孚有四大酒樓。 百樂門囍宴價錢算貴， 地點亦都可以話最方便。 一排冇嚟過， 餐廳重新裝修過。 新裝修感覺跟以前不一樣， 現在更像其他百樂門宴會廳的質素， 場面華麗， 很適合任何宴會。 今日嚟飲茶， 坐得比以前舒服好多。 雖然服務員跟以前都係同一批， 但感覺上精神面貌比以往更加好。 強烈推介所有點心系列! 因為真係樣樣都幾好食！ 最後要讚一讚經理同埋副經理， 因為我冇嚟都差唔多成半， 佢哋仲記得我乜嘢名同埋有送糖水畀我食。 今時今日咁嘅服務態度真係抵讚!

好日都唔會黎美孚 但為做就家中老人家無辦法。阿婆話間酒樓新翻新 同區來講百樂門最方便 所以一同六人試左百樂門。上次黎百樂門應該是N年前 當時好熱鬧坐得好辛苦。這次新裝修後場地比以前華麗高級 阿婆讚不絕口。試了幾款點心都很好 特必系放響門口的幾款煲。