百好名宴

營業中

休息中

平時返工冇時間陪屋企人今日放假又慶祝母親節發現新光搬左鋪 好彩仲有百好呢間早茶仲要幾平 就試下啦.煎薄礃😑好淋 口感得麵粉咁綠茶煎堆🍵有點失望 但唔難食嘅排骨陳村粉…太淋啦蒸得牛肉球🍢冇乜牛肉味添流沙包💛好流心啊 不錯菜苗餃🥟正正常常啦

很喜歡中式點心，今日一人來到黃大仙百好名宴飲中茶。餐廳都有很多人，裝修優雅整潔，令人感覺舒適。奶黃流沙包$17.8要了個奶黃流沙包，有3個，裡面的奶黃夠流心，不過感覺甜了少少。香芋鴨腳扎$18.8香芋鴨腳扎用腐皮包著芋頭，瘦肉及鴨腳，香芋鴨腳扎味道帶㸃淡，鴨腳都很腍，如果香芋鴨腳扎裏面的配料多一些會更好。叉燒腸$22.8叉燒腸用長長的碟裝著，豉油比較鹹，腸粉外皮夠腍滑，但裏面的叉燒就顯得比較淡，少了些叉燒味。

今早起床，做過運動，輕輕鬆鬆的走到家附近一間酒樓嘆早茶， 因為時間尚早，所以好容易就搵到位。呢度嘅環境唔算太迫 ，地方都算清潔，所以都幾舒服 。我哋坐低就叫咗幾個點心，聽啲朋友講這裏鳳爪排骨飯係好好味，好多老人家都會朝早嚟食碗排骨飯，因為佢嘅飯夠乾身、唔會太硬、亦不會太乾，所以很多老人家，都好喜歡來喺度吃呢個鳳爪排骨飯。 至於我最鍾意的就是檸蜜蛋散，啲蛋散很香脆，佢甜度適中，好惹味、好好食，每次我都會食嘅，最後甜品。

今個月15號………… 咁啱我放假，於是就同媽咪約咗四姨、公公、仲有公公兩個工人一齊去黃大仙間「百好名宴」飲茶。味道幾好，小籠包入面有湯，夠熱味道夠濃，非常入微味 味道幾好，價錢超抵烏冬嘅煙韌度適中，味道調教得幾好，唔會太甜。賣相同味道都非常好，勁價錢超抵！ 蝦餃皮煙韌度適中，入面啲蝦夠新鮮。味道尚算可以，不過薄罉上面嘅材料有待改善 ，可以多番少少。味道ok，如果啲菜嘅豉油可以另上就更加好。榨菜同蝦嘅份量都好足夠，味道非常好。鳳爪個汁唔算太「傑」，味道幾好豆腐花好滑，配埋黃糖超正。

今天2018年8月9日和母親去飲茶。入到去就問門口知客要不要帶位入座。她說不用叫我自己找位座。當我找到位之後更叫樓面開茶，但那個男性發福的樓面像不情願的，開了茶后叫他開點心咭但他像聾了似的，沒有理會我們。正常開茶后就會開埋張咭比茶客。但這間垃圾食店完全趕客，之后找另一位女樓面更離譜，對我們說做乜咁急要叫佢開咭，當時我火都來啊！開咗茶無點心咭怎樣叫食物，唔通齋飲咩！之后佢開咭時問我多少人，我便說兩入。她便着和坐隔離枱。當時茶位已開好。入位時她媽的又叫隨便找位。她們的所為認真趕客。

今早嘆早茶。黃大仙酒樓奇多，最終選百好，因為百好有川芎杞子雞呢款點心，唔係邊度都有。選個早餐特價餐20幾蚊，叫個飯加埋呢個雞送飯，又平又好食。個飯唔錯，唔鐘意啲飯咁淋身，有嚼口，鐘意泰國米feel 既人一定喜歡。吹下水，又坐到11點，叫返個麥米粥，呢個係甜品，唔係真係粥，以前，好多地方都有得食，而家就好少有得賣啦。想懷舊既朋友，真係要叫番個，食完真係咩童年回憶都返埋嚟。認真唔錯㗎。嘆過一個早飯，充足電，下晝又可以去博殺啦！

而家去酒樓晚飯多選擇套餐，抵食又可以多幾款餸，好似黃大仙百好名宴推出一款抵吃套餐全包假期都唔使2000一早訂了12人枱，今日佛重有一舞獅助慶套餐全包有啤酒汽水送埋九樣餸，多款海鮮名菜和花膠肚翅都好夠份量乳豬全體不肥燒得入味焗大隻珍珠蝦球伊麵果仁翠蚌片兩斤蟲草蒸海班大大粒百花球枝埋單好抵1998

以前去食個2次海鮮蒸鍋，昨天星期五打電話去訂位，3月4日星期日 7位，預算食海鮮蒸鍋。啱啱22:00突然打來，話明天不做蒸鍋，我話食晚飯都可以，佢先講晚飯都冇檯，根本就係有熟客攝位，退我地呢D街散客，因依家咁夜，聽日又係星期日加上年初多春茗，都唔知訂唔訂到其它酒樓位。呢間咁樣做法嘅酒樓，真係冇道德，遲早執！

初四啦，假期既最後一日，團拜後我哋一行人去咗附近嘅酒樓食飯，提早落訂減$300，下午落訂當晚都可以即減，$2398算唔錯啦鴻運乳豬全體 燒得好脆口，皮切得薄薄，皮肉分明。上湯焗蝦球伊麵底大大隻蝦球，雖然炸粉都幾大舊，不過都算唔錯。個人認為好過龍蝦伊麵，起碼一日人都食到一隻。翠玉美果雙蚌片有翠玉瓜，荷蘭豆，珊湖蚌， 貴妃蚌，份量平均， 腰果仲打炸得脆卜卜 添金絲海皇球其實係蝦丸，酸酸甜甜帶有青檸嘅香味，好 清新，頓時減輕油膩感。竹笙花膠燴生翅好足料，啖啖花膠竹笙，不過杰咗啲發財好市大利份量好夠喎，點少得發菜蠔豉豬脷下面仲有好多生菜，真係要多多生財吖清蒸生猛海班大大條魚，火喉剛好，肉剛剛離骨醬皇一品燒雞燒到雞皮脆卜卜，有南乳味。臘味糯米飯仲有蟠桃，生果總括黎講，碟碟分量都幾大，13人食一席都食唔哂

由於今日大表弟喺加拿大返港半個月，而佢亦好有心想約齊一眾親友出嚟請晒我們飲茶，但因為其他親友有工作在身，祇有小部份一齊飲，所以舅父就約咗我們去黃大仙龍翔道嘅「百好名宴」飲下午茶！我們叫咗鮮竹牛肉球嘅牛肉味好濃郁，肉質相當嫩滑多汁，而且有好清香嘅芫茜香味！金珠鹹水角炸得外層好金黃香脆，質感都幾酥脆煙韌，入面嘅餡料亦好惹味同足料！碧綠叉燒腸嘅腸粉好軟滑，叉燒嘅肉質好鬆軟，而且份量相當多！蜜汁叉燒包嘅包質好香滑軟熟，蜜汁嘅味道好香甜，而且甜度適中！蟹籽燒賣皇嘅肉質好爽滑彈牙，而且肉汁都幾多！豉汁蒸鳳爪醃得好入味，醬汁嘅味道相當惹味，而且質感亦好腍身！

每月必經最痛，生冷野吾食得就食番D熟野啦。 精盈鍋 好抵，$698 4個人，有成十樣野食。一食就食咗成2個鐘龍躉片好肥美，用咗蒜蓉調制，幾好味，同屋企人平時整的一樣。吸水花甲皇，洗得都算乾淨，只有一兩粒有少少沙，但食落好鮮甜鮑魚拎到黎仲係好生猛另外，蒸完出黎，味道好鮮元貝望落就已經有手掌甘大隻，同埋，落的粉絲吾會太多，吾會好似平時有D,食元貝變咗食粉絲蒸完出黎都仲係好大隻，可惜的係，有兩隻好多沙，咬到我牙樂樂聲一串串的蝦，感覺好貼心，蒸完出黎吾怕太熱拎吾起。食蒸窩點少得蟹呢，整體肉身多肉多汁，蟹膏就適中啦，係幾新鮮食到最後仲味飽，可以食下手打的鮮蝦丸，可能食材新鮮，味道吾會太咸，好味道 薄切牛牛係送架，口感同咬感吾錯，好有鮮味食咗甘多肉，緊係要食番的菜啦，最後食埋個淮山南瓜排骨粥，真係飽到好滿足

不知所謂.叫個掦州炒飯上錯個x哥炒飯.叫個青菜張單又錯.變咗牛仔骨 .好彩睇張單 未上菜.即刻改返 .問佢地又話個code改咗 .改返張單 .最後叫條魚等咗1個鐘（等咗半個鐘頭已問是否漏單）又話無漏落單 .問個光頭經理又亂講 .話湯唔切又話多野做 .又話蒸緊.1個多鐘頭都沒有上菜 .隔離兩張枱遲半個鐘到都巳上（同一款魚）服務態度極差差差 最後連叫都不理，叫4個菜錯3⃣️個 做街坊生意都到咁.樣永🈚️下次 !!!!!!!

星座屬於「巨蟹座」 的我，不得不承認自己是一個很有家庭親屬觀念的人，就算跟自己關係疏離的親戚，我仍可以記得他的樣貌，和跟他的血緣關係，關鍵只是我可能記不起他的名字。就例如我媽那邊的親戚，我外公外婆早已經不存在於世上，他們的婚姻狀況，有多少個兒女也完全不了解，我有幾多個表兄弟姊妹都無法確定清楚。相對我媽那邊親戚的結構，我老豆那邊的反而清楚簡單得多。我老豆那邊親戚，爺爺已經仙遊，嫲嫲年紀大，早已經被安排了入住政府的安老院內。我有大伯和四個姑姐，四人已經結過婚，當中還有一個外國人的姑丈。所以我還能搞清楚老豆那邊親戚結構，阿媽那邊的我反而做不到。恰巧，我媽那邊有一位，身體有殘疾的大哥舅父，大舅父近年已經年事已高，加上身體患上了疾病，現在已經被送入了在東華三院黃大仙醫院的療養院，不久之前我跟隨阿媽、阿姨、其他舅父們，前往慈雲山療養院探望大舅父。去到療養院，我看着已經失去兩腿，我小時候曾經見過他，現在躺在病床上幾乎動也不動的大舅父，還有附近其他的病人，其實我是有點同情他們，因為我現在的身體狀況都不見得比他們好很多，都是在等待那一天的來臨。由於我始終曾經經歷大病，身體免疫能力已經大不如前，再多逗留在

垃圾食物。無心做酒樓。有家人生日(平日星期二)環境算ok。訂了一圍約3000元。頭菜乳豬全體，得一半12個人食，每人得2塊甘叫全體。炸海鮮卷咬落厚粉，有d碎硬到要吐。海心粉翠玉瓜，一試就知剩係用蠔油炒。魚翅仲衰，似係硬膠甘，成塊。去到食魚。死魚一條一睇就知，成條魚硬身，仲有太多。同店長反應無人理食到一肚氣。3000蚊，我唔知係咪太cheap ..做得呢個餐，你就唔好俾d甘既人食。呢間野無下次。大家不要去

不過不失，都唔算太貴。有三款特價小菜最平＄38，最貴都係＄58。其他小菜都係每款約＄100，唔算太貴，但酒席就貴啲，起碼要大約＄8000。 啲餸都唔駛等好耐就上菜，出晒煙，但其實食落中間又唔係好熱，都幾得意！份量就唔係太大，唔似一般街坊酒樓咁碟頭都會大啲，呢度就好細。兩個人、三個餸，都夠食。最後仲有糖水送！係紅豆沙，最有驚喜嘅反而係個糖水，食落幾好食，好似真係傳統嘅中式糖水、煲左好耐煲出嚟！熱辣辣！好好味！