百好名宴

營業中

休息中

今早嘆早茶。黃大仙酒樓奇多，最終選百好，因為百好有川芎杞子雞呢款點心，唔係邊度都有。選個早餐特價餐20幾蚊，叫個飯加埋呢個雞送飯，又平又好食。個飯唔錯，唔鐘意啲飯咁淋身，有嚼口，鐘意泰國米feel 既人一定喜歡。吹下水，又坐到11點，叫返個麥米粥，呢個係甜品，唔係真係粥，以前，好多地方都有得食，而家就好少有得賣啦。想懷舊既朋友，真係要叫番個，食完真係咩童年回憶都返埋嚟。認真唔錯㗎。嘆過一個早飯，充足電，下晝又可以去博殺啦！