百匯軒

營業中

休息中

今日係母親節🎉，當然要同母親👩🏻食返餐好啦！我哋也米😍一家大細👵🏻🧑🏻👩🏻👧🏻一齊去酒樓食飯！由於我哋冇訂位，所以我哋六點就去咗拎位啦！我哋叫咗個套餐🍽，成個餐係$998，另收加一同茶芥。-🍴上湯焗澳洲龍蝦伊麵🦞(1斤4) - 基本上每次晚巿去酒樓，都會食一碟龍蝦伊麵，今次都唔例外😚。調味唔錯，好香！龍蝦數量都唔少，唯一可惜嘅係唔係好新鮮，龍蝦肉有少少霉🤭。-🍴金瑤原隻鮑魚伴鮮蔬🥬(6隻) - 有六隻鮑魚，食落似罐頭鮑魚，下面係生菜。醬汁唔錯，有乾瑤柱調味。-🍴即日豐料燉靚湯(1盅) - 目測好多油浮係面😨，見到湯渣有西洋菜、雞腳、魚、南北杏，所以也米😍推測係西洋菜湯🤔。-🍴醬皇翡翠炒蚌片(例) - 翡翠係指西芹，除咗會有象拔蚌片之外，仲有魷魚片同三色椒，令到成碟嘅顏色非常繽紛😆。調味幾好食，店家亦會提供一碟蠔油比客人點象拔蚌片同魷魚片。-🍴清蒸生猛海石斑仔🐟(1條) - 魚嘅製作時間係最長，差唔多食到最後先上枱。調味正常，不過略嫌可能蒸得太耐，魚肉有啲過熟🤭。-🍴金牌一品脆皮雞(半隻) - 依個好好食😋！喺屋企好難整到嘅菜式，雞肉煮得啱啱好，而皮係脆嘅，好香口🤤！

終於等到4月1～諗住入去外買2隻，收銀姐姐話要堂食。姐：外賣要收正價，遊戲規則我：廣告無寫堂食，亦無寫外賣，唔係加10就可帶走咩?咁茶位幾多錢位？我坐底比錢再拎個盒帶走可以嗎？我比埋茶錢同個盒錢你一次過計，咁樣又得唔得？姐：公司規定唔得，已經無得賺。咁我個時間就出左去影張廣告相再搵佢慢慢傾。入到去見到經理同收銀姐姐講緊頭先既問題 咁我當然走埋去據理力爭啦～我：經理，你好～個鴨係唔係要堂食？經：如果你要外賣就要收正價，堂食帶走要收正價，因為特價野你食唔晒要倒左佢，總知唔帶得走。我：我食唔晒帶走都唔得？特價物品就唔得？打個比如咁早茶特價點心加個盒帶走又點解又得？點解我比錢你可以倒我d食物？仲有商品條例woo.......經：總知就唔得，唔想同你嗌.......我只好走人。 回家上fb取暖 × 食自己

難得颱風有一日假期，就到附近嘅酒樓飲茶，估唔到中午時段，都坐了八成滿，現在可以四人一台，就可以食多一啲點心。呢間百匯軒都坐得幾舒服，鹹水角新鮮炸起脆卜卜，好新鮮好好食。另外腸粉即叫即做，雖然等得來一啲，不過都好呀，而且份量都大。叉燒包就係飲茶一定要食嘅點心，白雪雪幾靚仔，叉燒餡份量適中，汁也唔會太多。好好食，好滿意。今日叫咗一個炒麵，就係薑蔥牛肉撈粗麵，可能牛肉真係太貴，所以成碟野好難搵到牛肉，不過面就有好多，所以一定夠食，而且會夠飽，味道就比較鹹，食完都有少少口乾。飲呢餐茶我哋三個人，都要$220 ，所以飲茶都幾貴，不過打風係計假日收費，所以就冇平嘅特價點心。

簡簡單單陪媽媽飲一個早茶， 已是一個最好的母親節禮物🎁！到屋邨酒樓飲茶， 所見大多數是成人及長輩， 小朋友比較少見， 始終都是人口密集地方， 加上每枱放寬可以坐八個人，而枱上没阻檔， 可以搭枱，有見及此我們匆匆飲完就離開， 再找節目！酒樓點心味道方面， 水準都不錯。 價錢方面 ，在母親節都有早晨優惠，不過要早些起身， 才可享有！祝願天下母親身體健康！

晚餐叫左個京都骨外賣， $68 ， 已為有白飯跟，點知一大個飯盒打開，得餸， 仲要一睇就知煮好一大盤個隻。已為佢俾少左， 返轉頭問，侍應話，系甘家，唔跟飯。大酒樓，系唔同d, 唔同一般茶記。大開眼界。

中午和一班同事到頌安邨喝茶，這酒樓提供的茶點絕對不遜色。我最喜愛的是豉椒鳳爪，汁很濃郁，配上爽滑鳳爪，絕對是必點。而喜歡的蝦餃，配上晶瑩剔透的蝦餃皮，加上大大隻的蝦肉，是我的喜愛呢。總括來說，馬鞍山絕對不是美食沙漠，能夠中午來這裏喝一喝茶，簡直是人生樂事。

今日喺馬鞍山，近近地就揀咗喺頌安邨嘅百匯軒食飯。之前依個舖位好耐好耐都係稻香，係幾個月前就唔續租做。裝修咗之後就，變咗而家嘅百匯軒，好似係百樂門的。間酒樓人士行過見到都幾多人，可能因為近街坊地方啊，之前新開黎過一次食晚飯，感覺都唔錯，今次又嚟咗食飯。叫咗一個孖寶，即係清蒸石斑一條，配半隻吊燒雞。另外都見到佢幾多海鮮嘅選擇，不過不過今日隨便嚟食飯，就嗌左幾個小菜就就算啦。除咗個孖寶，然後再叫多個特價嘅懷舊小菜，咕嚕肉同金銀蛋莧菜，三個人都應該好夠食。最快來的就係一品吊燒雞，一上枱嘅時候我哋都有少少呆左，因為真係好細碟，好似半隻燒春雞咁瘦小，影出嚟玩OK，但係可能佢擺得有啲鬆散，變咗成個感覺好似好小好細嘅。味道都還可以，雞皮係非常之脆，雞髀地方肉質都幾嫩滑，配嘅甜豉油都唔錯。但係可惜就係，雞胸嘅部份就比較乾，係炸到乾晒咁，就比較差一啲。因為份量比較少嘅關係，如果係四個人應該都會麻麻地夠食。另外嘅特價小菜食咕嚕肉，都係比較細份，其實你話特價佢都已經成$60，咁味道就一般，好似比較清淡，唔太夠味咁。反而另外嗌嘅金銀蛋浸莧菜就唔錯，份量都幾多，好大碟，菜比較嫩口，應該係有揀過，所以整體感覺都唔錯

早茶有孖寶套餐提供，價錢$26.8號，令需加一服務費，及另計茶錢。今日第一次嚟食，酒樓裝修光猛，地方尚算寬敞，早茶需要搭枱，早上九點來到，也不用等。顧客主要係村內長者居多，由於人不太多，坐得都幾舒服。食物方面，今日點左柴魚花生粥，以及家鄉炒米粉，另外叫咗一個菜苗餃，食物份量特別係孖寶套餐，就略嫌較少。男士叫一個餐，應該唔夠飽。柴魚花生燭入面，其實冇咩柴魚，炒米粉味道OK，不過真係太細碟，兩啖就食晒。至於菜苗餃，等嘅時間比較來，不過質素比想像中好。

百匯軒早茶 110蚊馬鞍山開左間新酒樓就試下佢，假期早上唔太多人等左約10分鐘就入得，落左5樣早點入單後都唔洗15分鐘就出齊，效率幾快。叫左個鳳爪排骨飯同菜乾粥(~$26)平但抵食，個茶點都夠兩個人食。之後黎左個薑汁千層糕薑汁味淡，但蒸得都幾好火候。馬拉糕蒸得鬆軟，食落仲熱騰騰，都可接受。但個鮮蝦腸粉既腸粉皮太厚，蝦腸粉除左包蝦仲有包青瓜，係有d驚喜。整體酒樓新裝修環境幾舒服，燈飾金光閃閃，同埋侍應都快處理客人既要求。

晚飯環境不錯，座位寬闊。服務很好，所有事情經理都親自處理，令客人覺得備受尊重，食物質素都可以，推薦該店的蒸海班，昨天試了，肉質鮮嫩，而且價錢不是很貴，屋村酒樓中亦是一個不錯的選擇