百份百餐廳 (新屯門商場)

營業中

休息中

因為住在樓上，無可奈何都要食佢。無論早餐、午餐和晚餐見啲客食到咁上下就會叫人入黎同你坐，好想趕你走叫你食快啲，4人位逼至6人坐，5-6人位逼至8人坐，令原本坐在該位置的客人和剛入黎的客人都覺得過份。另外，服務態度都太差，街坊生意都做唔好，何況其他只黎食一兩次的客人？食物方面都一般，如果有更多選擇都不會選擇這間。

呢間嘢都好旺，平時去有時都要等位， 以集團式經營嘅餐廳嚟講食物質素都幾好， 而且種類都幾多，特別係下午茶時段 ，我最鍾意食係佢嘅湯粉類， 有麻酸辣脆雞米線 同埋蕃茄湯底 豬扒麵。另外我最欣賞嘅係佢哋啲麵包，每次臨走我都會買番一兩個，例如： 咖哩雞肉包、菠蘿叉燒包 、黑椒牛肉包……

唔知其他百分百既分店係咪咁，不過食左尼間就唔想再去其他分店幫襯。間野雖然唔大，其實坐落係ok，唔會好逼，但係d服務真係世界級咁差。諗好食咩之後要叫人黎落單，舉到隻手痺都冇人理，個個都企係個廚房出菜位吹水，完全冇人黎serve。落單戈陣又可以講幾次都落錯，又話張單出左就冇得改，講到好似佢一秒就煮好，冇得void單咁。點知，都係叫完好耐都一直唔上菜。咁唔知係咪廚房慢定點啦，都冇催，啲waiter上菜都係掉碟野係台面，仲差過某D茶餐廳。個飯同通菜炒牛肉唔係唔好食，但成個食飯既過程係咁既服務，食咩都唔好味。

銀聯雲閃付最近有個推廣話買$30減$20，裝完個app諗住俾錢，點知收銀掃咗兩次都唔得，個收銀就好不耐煩話：人人都得，係你唔得，比錢啦你！仲問我之前用過未，我話第一次用，佢就話我未裝好嘢叫我唔好用，我話裝咗個app綁定埋咭仲要裝乜嘢？ 後來有第二個人俾錢，佢又態度好差問：你得未呀？希望呢間餐廳管理層留意下員工培訓，完全無禮貌，對新嘅付款程式一無所知就亂咁答！其實嘢食唔算差，但職員態度咁樣就真係扣哂分，有時成間餐廳大把位嘅時候，都總係要迫人搭枱，唔知點解！

同女朋友一齊去食，去到見到有好多位，但係有個啊姐要我地搭枱，我地當然唔肯，咁就搵左個卡位坐。已經有2杯水放低左，餐牌都睇埋，竟然個啊姐叫我起身，有4個客人入黎要坐。即時嬲到拍枱走人，以後唔使去食。唔怕受氣可以去試吓

点了三个餐。等了一个小时。还只上了一个饭。三杯奶茶。一个口水鸡。我们带了三个孩子。简直没法吃。把饭吃完了，催了无数次。还不上。服了。以后再也不会来。也会告诉所有的朋友不要来。

百分百是一所連鎖餐廳 大家也十分熟識認識它我也會間中去百分百吃一些茶餐或早餐今天早上我也去了百分百吃早餐！百分百的環境尚算舒適 座位的空間也大可以讓人舒適地吃嘆下早餐我叫了1 set 早餐 當中包括一碗通粉 黑松露炒蛋 多士及飲品今次食的通粉不夠爽口，可能需要改善一下黑松露炒蛋味道不過不失 多士剛剛烤好 因為這個也值得讚一下!以這個價錢來說 這個早餐也算是物有所值就是希望可以改善一下通粉煮的時間 期望下次會食到更好的百份百早餐1

兩支公去食飯，只係叫左一份餐！就係犀菲利銀芽雞柳雜菌炒麵。唔係講笑，份量真係多到一個男人都食唔曬。個麵真係超超超超脆！而且份量超多，啱啱開始食還好，但食左三份一已經覺得不行子。個配汁都幾好味，味道唔算話好濃。不過個麵真係震驚了我！其實似炸麵多過係炒，如果消化力不太好的話就唔好試啦。

日期 : Feb 04 2018時間 : 19:50晚餐，原本見佢有火鍋出，諗住試下 ，點知已經賣曬。咁就唯有睇下有乜好食，我哋兩個人，叫咗兩個鐵板餐，一個雜扒，一個牛扒，當然我都明白圖片只供參考 ，食物來到嘅時候 ，雜扒睇落唔錯，配意粉，牛扒嚟到，同街市買件bbq牛扒冇分別。食落問題出現了，先講雜扒餐，雞扒豬扒，比啲分拿度好嚴重， 基本只得鬆肉粉味，整咗兩啖已經頂唔順，跟住個牛扒，冇乜牛扒味就預咗，仲好好切添，真係百分百粉味十足。 完全零分。百分百集團以前都冇咁差， 個牛坑腩話攞獎，我亦試過，係幾好食。不過每次份量都唔同(試過幾次，新屯中，卓爾居，青衣)，三間都係成兜牛腩得四粒，其實咁大間集團，可唔可以質素穩定啲呢? 老實講，真係冇乜膽再試，但亦希望貴公司有改善。

連續上了3小時的攀石課後，又累又肚餓，家人特意來到就近的新屯門商場和我吃晚飯. 見到百分百餐廳食客不多，就到來用餐了. 下午5:30左右，仍然有下午茶餐供應，當然就點茶餐划算得多. 鮮茄焗雞扒飯 ($34) 非常肚餓的我捨棄湯粉麵，選來了邪惡又飽肚的焗飯. 即叫即整的焗飯需時約10mins，焗到外層金黃色的芝士很吸引呢! 鹹香芝士下是一小塊雞扒，當然是不敢吃雞皮la，除了吃烤雞/ 雞翼才敢大啖大啖咬雞皮咋! 另外，焗飯也伴了不少蔬菜，包括: 冬菇、甘筍、翠肉瓜& 番茄等，再加上炒得乾身的炒飯底，既飽肚又好吃，這價錢便宜得沒話說. 原隻炸雞脾+薯條 ($30) 家人則要了更不健康的炸脾薯條. 可惜炸脾炸得過火，是來自非州的炸脾嗎? 炸得太耐肉汁都沒有了，不好吃的. 熱檸水 以一杯消膩的熱檸水作結. 沒想過這店的焗飯幾有水準，既便宜又好吃，有機會也要再來吃焗飯呢! 屯門龍門路55-65號新屯門商場3樓134-135,143號舖 2420 2308

來到新屯門中心，其實一點都不肚餓，只想找個地方坐坐，吃點輕食. 這個商場的餐廳全都吃過了，除了這間百分百，就進來吃個下午茶. 翻開餐牌，發覺選擇相當多，而且定價相宜，怪不得吸引不少食客. 來到餐廳碰巧是下午4時多，正好可以享用菠蘿油配餐飲 ($11.8)這優惠，只想吃輕食的我，選這套餐就最適合不過. 菠蘿油 都不知有沒有2,3年沒吃過菠蘿油了，連菠蘿包都甚少吃，一年也吃不到一個，這包太肥了吧! 不過這天就放任一下啦! 菠蘿包是暖烘烘的，內裡夾著冰凍且帶有厚度的牛油，一冷一熱，很是滋味，不過如此美味的食物，通通都不太健康，所以胃部得到滿足後，就要多做運動了. 熱檸水 其實最想喝奶茶，不過怕喝後整晚眼光光，故此，只好喝檸水，酸酸甜甜又消膩. 屯門龍門路55-65號新屯門商場3樓134-135,143號舖 2420 2308

百份百餐廳我都幫襯過幾次，d野唔算好好食，但係都幾精緻，高級過一般茶餐廳咁啦！今次去左食早餐∼腸仔雞扒麵餐，腸仔係雞肉腸，咸左d，雞扒有d碎碎地上咁，不過碎有碎既好，唔使切咁麻煩！湯底就無乜特別了，又唔似水既，少少味咁啦，公仔麵煮唔得耐就拎出黎啦，黎到硬硬地，要浸多陣喎！再重點講下個態度問題，問我似乜，好似趕牛咁，仲叫我快d，早市咋喎！好趕咩宜家！食個早餐都受氣！咪使有下次呀！

去完美樂碌ling,個邊搵唔到有咩食就行左黎新屯中搵眼見都係冇乜選擇，但肚仔又令，就係唔想揀嘅餐廳入面揀間最想食嘅餐廳😂 就揀左呢間舖滿芝士正，有足夠醬汁去撈飯，味道適中有芝士味除左雞扒同腸仔外，仲有少量瓜類令碟焗飯唔會咁heavy普通檸茶，稍微厭茶味仍唔夠濃

講真嘢食一般，價錢亦唔算平，但D侍應態度差到你不能想像。佢地圍埋傾計就有講有笑，一揮手叫你落order就即刻黑口黑面態度惡劣。問吓餐單內容又唔耐煩，攞杯清水都要求你先有。有次食食吓侍應走來話要換餐牌，就係你對嘢食上邊攞嚟攞去，衫袖仲掂到我啲食物，咩灰塵都跌晒落去啦大佬。全場冇個侍應態度正常，全部西口西面，想同經理表達下意見，點知收銀個樣仲西！求助無門之下，發誓呢一世都唔會再去。真心奉勸附近街坊，唔好俾成日出邊排晒長龍嘅假象誤導，呢間野真係食唔過。咁嘅服務同食物，絕對唔值咁嘅價錢！

首先,本人對食物要求唔高⋯呢間野真係好唔掂⋯之前早上9點幾去食～很好唔使等位⋯但星期六日就真心等好耐（聽朋友講）然後坐上去,張枱冇抺⋯心諗算啦應該唔記得啦⋯叫左吉列魚柳餐後一直等等等,15分鐘都未泥⋯催啦,個經理成日話1分鐘好快～然後過左好多個1分鐘後～至少泥到有得食～食物真係一般,無咩新鮮感,條吉魚全炸仲有D焦黑色、細細條～配上的滑旦還可以,最重要是我叫左走茄汁豆都無走到⋯差不多$30既早餐～服務真係好差（原來$30唔係錢既）仲要見到隔離張枱相同餐人地有沙律醬我冇既（歧視？）～之後都費時叫侍應拎之後順便叫餐飲熱朱古力～又係相同情況（等餐時間）⋯仲要明明送到黎杯野係咖啡,然後個侍應講係朱古力（當客人傻？）今次真係忍唔住叫佢換～最 係聽到D侍應背後說人不是（話咩諗清楚先叫啦～上餐先話唔啱）以上可以係個人因素啦～但聽人講呢間野真心差,等位耐～成日好早截早餐～又話未到午餐時間～上錯哂D野～廚房入面同侍應高談闊論講粗口黑面講是非～催餐淨係話好快好快最後,呢間野趕時間唔好去～有時間可以慢慢坐～不如去遠少少碼頭意樂（同一集團）仲好啦