百份百餐廳 (九龍酒店)

營業中

休息中

今日經過尖沙咀，打算搵間餐廳食lunch，入到去餐廳舉左十幾分鐘叫待應落單，個個待應都係叫要落單嘅客等，有啲待應睇到都扮睇唔到！我等左十幾分鐘，忍唔住離開左呢間不知所謂嘅餐廳！

早午晚餐時間一向多人～每次也需要急速立刻下單（當侍應拿水來您見到她的第一刻），否則有排等！冇人會主動埋來幫忙下單！長年累月也是如此由於我常常來她們都是這樣～也是不夠人手！其實我覺得是不懂得安排工作人員的後遺症～～沒有好的訓練分配工作沒有督導，只有一個理由繼續來！是勝價比不差，只差服務質素！

午餐縱容一下自己，叫咗蔥油雞扒飯 + 椰汁紅豆冰，另外單叫一個菠蘿油。蔥油雞扒飯大大份，好多蔥油，好香好滋味！雞扒先炸後煎，雞皮脆卜卜，入面仲好 juicy😍。套餐加 6蚊有椰汁紅豆冰，味道正常，不過個杯太高，或者應該話個羹太短，攞住會整污糟手 😂。菠蘿油有少少令人失望，因為個菠蘿包唔熱亦唔脆，但入面牛油長方形，好大塊，$16黎講性價比都算高。

去咗接喺附近返工嘅朋友仔放工👯相約去海旁散吓步！但係長期糧尾嘅佢話收工好肚餓所以想就近平平哋食啲嘢先！Be諗來諗去海旁周邊除咗麥記平平哋之外…仲有乜揀🤨終於佢好熟路咁帶咗我去呢個隱身喺酒店basement嘅平民餐廳！長知識了！.佢肚餓所以點咗⭐咖哩牛坑腩配白飯 $55⭐飲凍奶茶！啲咖喱聞到幾香喎！佢都話呢個皇牌熱賣嘅牛坑腩炆得幾腍又入味👍Be就點咗⭐炸原隻雞髀配脆脆薯條 $35⭐飲茶走！呢個茶餐就普普通通不過不失！雞脾大大隻夠多肉！正常茶記水準！而薯條就係懷舊式嘅波浪形炸物！正正常常👌全餐Be最滿意杯奶茶！可以為杯奶茶回訪！

夏日爽冰點讚百份百今期的夏日爽冰特飲，大大杯消暑解渴，我跟餐order 咗奶茶涼粉冰走甜，只加$6，好飲，好開心。Tea set我就order半件西多士和雞翼，剛剛好，合共$41蚊。爽

已經幫襯過無數次，因為近返工地點，不過繁忙時間比較多人排隊，慶幸每次出餐都唔駛等太耐。口水雞套餐是我跟同事幾乎十次有九次都會點的套餐🤤 之前去過黃埔，原來唔係間間都有口水雞餐。一個套餐只係$64 （連加凍飲了），好驚奶茶會中伏，所以點凍鴛鴦會較穩陣，有之點左凍檸水...點知杯野黎到一塊檸檬都見唔到，原來係就檸檬汁直出🤗🤗你可以話好有誠意...但我同同事們飲過一次都真係怕怕（酸）口水雞套餐跟黎麥飯，但會偏硬，我有時會轉普通白飯（不過都係一時有得轉，有時又無。）

叫豬扒火腿飯，餐廰冇比火腿，又做錯嘢，我冇理由為咗塊火腿冒著大雨行落舖，已經唔係第一次。上次叫雞扒飯又比米線,叫凍檸茶就比檸水，次次remote著單都出錯嘢，真系唔想再幫襯。

出品不錯啊！第一次來，一位黑色服裝服務員態度好，要加些煉奶她樂意給我，另一位老員工灰色衣服戴眼鏡耳機的就差了，很有禮貌問她有沒有醬油，她假裝沒聽見跑開了，第二次我大聲問其他服務員積極提供。老闆就應該放個監控器看看這些領班的態度。

連續數天幫襯，下單列明飲品走甜，一次也沒做到，食物又經常攪錯，叫乾炒牛河就比錯米線，就算門口服务员招呼再好，客人最後都係比劣評。希望店舖管理人員認真處理問題，免得客人為外賣經常要回頭。

當大家係TST行到好攰，唔知去邊食個快靚正既下午茶，呢度都真係幾方便，位置好隱蔽(收埋自己就一流)。九龍酒店下層，可直通地鐵站。環境正正常常，都有好多附近做野既人仕黎食。減緊肥ｃｕｔ緊唔夠膽食太多野。黑松露炒蛋菠蘿包，無野飲跟，飲水當減肥。個菠蘿包偏左有啲唔開心，菠蘿包甜蛋咸，唸呢ｍｉｘ　＆　ｍａｔｃｈ都係可以既。

工作關係耐不耐都會來到尖沙咀，呢間餐廳位於酒店地庫，一般比較難搵到，但係都經常爆滿人。店員姐姐會比較難有得閒的時候，所以要耐心等。環境乾淨舒服，價錢合理。 呢道野食認真比普通茶餐廳好好多，亦有新意。今日點左印尼炒飯， 飯一粒一粒有咬口， 味道濃郁，鹹鹹地又好香，加上蝦片更好食。跟餐叫左凍檸茶，黎到呢到凍檸茶係必點既！檸檬係打碎左完全溶於茶內，係其他地方飲唔到的！！

百分百餐廳有多間， 我特別多去尖沙嘴九龍酒店旁邊的這間， 方便又地方比較大， 坐下來吃早餐都舒服的！ 早餐我點了火腿蕃茄通粉配鮮奶炒滑蛋加埋有法包和美味咖啡的！食完精神又滿足呢！

在L4出口，通往九龍酒店地庫，有間百份百餐廳。 對呢間餐廳並不陌生，佢地好多地區都有分店。我和老公打算去LCX的清酒展，在飲酒前想食啲嘢打底，就選了呢間順路的百份百。睇到餐牌樣樣都幾唔錯咁，仲要唔貴。我地入座時是下午1：30， 要等30分鐘才有下午茶。先叫一個焗豬扒飯加凍檸茶，食住等下午茶。焗豬扒飯賣相一流，芝士份量慷慨，拉晒絲，茄汁豐富鮮味，唔係果啲曖昧燴汁，食完成個飯都一啲唔膩，好讚！ 檸檬茶又是驚喜。作為檸茶關注組的榮譽會長，每次飲到好嘅檸茶都有責任即時報告！佢地都係檸茶走檸檬片，但檸味鮮活，茶香濃郁，成杯茶近乎完美！ 餐廳呢款檸茶是用叫「冷壓」方法製成， 其實唔明點樣冷壓法😅，不過唔理啦，好飲就得啦。等到2：00， 掙扎左一陣叫迷你魚片麻酸辣米線好定炸髀薯條好，好多選擇好懊惱。最後當然是炸髀完勝😋 皮脆到薯片咁，肉嫩多汁， 中間沒有太多多餘的脂肪，配埋新鮮熱辣的波浪薯條，大滿足呀！兩個人食到飽飽又滿意，都是$100唔駛。在市區仲要在地鐵站內，呢種價錢，選擇同環境真係非常難得！ 唔怪得我地食完一出門口，見到排隊等外賣的人塞到爆晒啦。飯堂之選！

於12:53落單，等到13:30先可以取餐。以為用咁耐時間係即叫即整，點知返到公司發現肉餅係凍既，公司到餐廳路程只係10分鐘內而且肉餅係錫紙盒存放，成個餐只可以食飯

It's always easy to find a local fast food restaurant in Hong Kong especially in Tsim Sha Tsui. I and my husband were looking for a local restaurant for a quick lunch. We found a hidden gem in the basement of a shopping centre, the Cafe100%. Despite a hidden location, Cafe100 surprisingly was flooded with patrons, mainly with local white collars. The ambiance was energetic and vibrant. Tables were still scattered due to the virus arrangement. There were a variety choice of food in the menu, rang