百份百餐廳 (+WOO嘉湖一期)

營業中

休息中

人多等25分鐘外賣, 平時都接受. 但今次等超過40分鐘, 太離譜. 星期四11：30 叫2個午餐外賣, 要追多次先處理, 明白知道有幾張單有十幾個餐,好多外賣, 但員工唔識分量處理, 唔會先做少餐嘅先, 叫枱堂食都會分人數, 外賣又唔會, 每次問仲有幾耐, 只識答有好多外賣,未得, 又唔話有幾張大單要等25分鐘以上, 知道太耐, 客人可以選擇唔等嘛。叫外賣想快, 但變咗仲耐過堂食, 員工嘅處事應變能力有待培訓。

今日難得放假，諗住去銀座百分百食下午茶，我地一行5人，拎左張籌，無員工安排入座，但不斷俾4位以內既人入座。直到我地問員工可否安排一下，佢地就叫我地隨便坐，直到隔離枱走就要埋隔離。到叫餐時，好無禮貌咁。。講number, 下一個餐number 呢？唔該都無。態度超差。

今天下午去了這間餐廳，喺門口已選中梅菜蒸鯇魚，入到去我向服務員要蒸魚但不要尾，點知服務員話不能選擇，一定係廚師話事，如果佢入去向廚房要求會比人鬧，佢一路話鬧佢唔係鬧你。顧客永遠是上帝，現在發覺上帝是你哋就真，你入到唔入去廚房問下已經拒絕客人，還要比說話我聽，之後我唔要就叫餐肉滑蛋三文治，滑蛋不是滑蛋（見相大家評估是否滑）。其他嘢都OK。

吉列魚柳乍得金黃鬆軟香脆，麥皮香牛奶味順滑，粟米粒粒飽滿又甜又多汁， 焗多士香脆鬆軟脆博博，炒蛋好好味，好鮮甜香滑，成個早餐好豐富，食得好飽好滿足，暖粒粒，熱檸水係粒粒檸檬，好健康

#通心粉 #减脂餐 #吃瘦不饿瘦 #低卡低脂餐 #温哥华brunch 大滿足吃到飽飽的豐盛早餐，多士烘焙香脆鬆軟，粒粒粟米，飽滿香甜多汁，厚度剛剛好的豬扒鬆軟好吃，加上太陽蛋放在火腿通粉一起吃可以變成湯底濃郁非常好，配上一杯熱檸水非常健康 10:00食早餐冇咁多人爭位，同埋坐得舒服啲可以慢慢嘆

午餐🌶️椒鹽豬排飯$57望落好辣 實際吾辣 豬排新鮮軟口 不會死咸略嫌椒鹽味不重熱杏仁霜好大杯 等於平時熱飲兩杯的份量 而且好濃好滑🌶️麻婆肉鬆豆腐飯$54望落超正🤩見到好多枱都點左，食辣好香麻味，略嫌不夠咸，但都算抵食同足料！凍檸茶📍 百份百餐廳 (+WOO嘉湖) (天水圍)天水圍天恩路12-18號+WOO嘉湖一期地下G77-78A, G79&G80號舖🔍#nseat_天水圍#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #食評 #美食推薦 #天水圍美食 #天水圍 #椒鹽豬扒 #麻婆豆腐 #麻辣 #辣 #百分百餐廳

疫情近尾（希望係），期間都有同家人出去吃飯同聖誕，但無乜影到，今日收工去咗呢到食飯，叫咗個胡椒豬肚雞湯加飯凍檸水諗住天寒地凍暖吓個胃同身，一上枱見佢少少奇怪，第一啖湯入口，鹹度還可以，但硬係爭咁啲⋯⋯食吓飲吓，終於知道爭啲乜⋯⋯唔該⋯可唔可以比樽黑白椒我自己加落去⋯⋯🙄🙄，找粒椒睇吓都無(唔好話我知溶咗入湯呀），一啲辣都無⋯唉⋯⋯鷄好啲起碼無翼同尖，豬肚有三條加兩嚿⋯估唔到今次⋯⋯直昇機⋯伏伏伏伏伏🤦🤦🤦

為咗避開人潮，揾食肥華原本約好，大細仔仔1月14日提早食團年飯，但細仔仔突然中招，宜外出，肥華和靚媽就改變一家大細在酒楼食團年飯嘅安排，而改到大仔仔住處附近商場呢間餐廳，食晚飯而今晚此餐廳嘅中式套餐，給肥華嘅感覺真係怪怪哋，每樣嘢唔講得好食，但又唔算係難飯，個價又唔算係平，但又唔話得佢收得貴，最奇怪係靚媽個杯熱檸水，和肥華杯凍檸茶，竟然杯内係冇檸檬嘅，但兩杯都有檸檬嘅味道，在呢間百份百餐廳，肥華自問俾佢百份百考起，差啲唔識點俾評分給呢間食店🙇‍♂️🙇‍♂️🙇‍♂️

百分百嘅早餐同午餐平時返工都經常食，你今日同事去叫外賣嘅時候問我食啲乜，鍾意食辣嘅我睇到餐牌之後見到有一個麻辣牛肉炒飯隻眼即刻發光😍未到我覺得唔錯，好香口，花椒同乾辣椒嘅份量都幾多，都幾惹味㗎，但係就冇我想像中咁辣，而我每次必嗌嘅就係佢哋嘅凍檸茶，因為同出邊普通茶餐廳好唔同，佢哋嘅凍檸茶每一杯都唔會有檸檬片，因為佢哋已經將檸檬篤好之後，隔走咗檸檬片、真係超方便飲落去又唔會苦，去親百分百我一定唔會嗌第二樣嘢，一定係嗌佢哋嘅凍檸茶，真係好出色，真係冇第二間茶餐廳可以做到呢樣嘢👍🏻👍🏻

叫左跟餐具都冇跟，造成用餐唔方便，影響用餐感受，希望改善！！！三個餐嘅口味都可以，但係梅菜蒸魚腩果個餐嘅米飯口感唔夠好，希望商家可以親身體驗，改善一下，期待下次外賣有唔錯嘅用餐體驗

晚餐點咗兩個套餐🍽椒鹽肉扒飯 凍飲加$3🍸賣相吸引，唔算太辣、肉扒好軟口，加埋啲洋蔥一齊食勁惹味😋酸菜魚配飯 包熱飲☕️湯底味道適中，唔會太酸都唔會太辣，感覺似係屋企自己煮嘅味道。魚好大塊，都幾滑，略嫌份量太少，但係配菜就好多。配菜有少量萵筍同酸菜、大量木耳同芽菜，底下仲有好多薯粉。不過薯粉好滑又煮得夠軟，幾好食。都算幾滿足嘅晚餐二人消費合共$154

下午茶海南雞飯配碗仔翅，啲海南雞凍，啲飯硬，同侍應講，對方話啲鷄係凍，講完之後走咗，無處理過我啲飯硬，走左，去服務態度非常差。本人以為佢會處理，等左1陣唔對路，再叫另一個侍應嚟，轉左另一個餐。

其實佢既餐牌都好多選擇，食過好多唔同嘅飯麵。呢個椒鹽豬扒飯味道唔錯，不過啲豬扒就肥得滯，所以變相食幾啖豬扒後就好似冇曬野食，然後就會剩低好多飯。個飯有少少辣嘅，如果係一啲辣都唔食得既人要注意。

叫外賣黎左兜咁嘅野，依家湯浸曱甴？做廚房做到咁，執左佢啦，食嘅唔系你啊，有冇尊重過個客啊，你成3隻咁大隻都睇唔到，未L計未搵出黎果啲，垃圾到咁，煮果系咪未訓醒發雞盲？

呢一間餐廳已經食過唔少次，特別係下午茶時段，選擇多，又有唔同種類嘅嘢揀，實有樣嘢啱你食。而我就每次都一定會加小食，魚蛋雞翼兩樣都好食😋。所以每次一諗唔到食咩就會去呢度搞掂。