13
5
1
| 餐廳: | 白咖喱公司 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
影片
相片
厚切吉列豬扒飯+上湯西蘭花
+189
+65
🇭🇰🥢🥣無敵港式餐廳🔔QR code 點餐✅白咖喱！好鬆脆！厚切吉列豬扒椰菜花粒粒 -$84白咖喱嘅味道就唔多講，最欣賞係呢度可以提供椰菜花粒粒當飯，令低碳水嘅人多個食好西嘅選擇。吉列豬扒好大件，厚肉但炸粉唔算好厚，鬆脆，但肉會比較靭，我都係鍾意香茅豬扒多啲，旁邊會有少量蔬菜。✅不漏洞拉！越南春卷（2件）-$122個半條黎，但份量都算ok, 餡料飽滿，炸得鬆脆吾油膩✅白咖喱！煎荷包蛋MeatHunter三扒飯（香茅豬扒•燒雞扒•漢堡扒） -$85可以揀少飯，呢款就有三款扒加埋荷包蛋，款式比較多。漢堡扒就真係一般，肉質比較散同埋冇咩味，香茅豬扒就一如既往咁好食，雞扒燒得幾靚，肉都嫩，同樣旁邊有少量蔬菜，配咗招牌嘅白白咖喱汁。🆗海鹽三文魚脆魚皮（細） -$12魚皮係幾脆，但係唔係好夠鹽味✅酥皮濃蝦湯 -$18濃蝦湯一向都幾好飲，滑得黎味道都好香濃，而家仲新出咗有酥皮嘅版本，又有另一層風味✅停唔到口！奇脆卜卜薯條 -$24份量都算多，都真係炸得幾香脆，比麥當勞嘅薯條粗身少少，咬落有薯仔口感，如果可以有松露沙律醬就更好🙈✅榴槤椰子沙冰 -$35有一球榴槤蓉係頂，而沙冰都會有少少嘅榴槤味，反而椰子味就唔係幾出，但係整體嘅味道都唔錯
繼續閱讀
白咖喱公司，位於觀塘觀塘道410號觀點中心1樓1號舖。 餐廳是沙嗲王的全新副線， 以白咖哩作為賣點。店內裝修簡約舒適， 當晚的二人套餐$198，包括龍蝦湯、酥皮龍蝦湯$8、 越南春卷、 上湯西蘭花、 白咖哩溫泉蛋自家製漢堡扒飯( 蒜香蕃茄汁) $8、 白咖哩香茅豬扒飯、 一口流心特濃朱古力心太軟、 椰汁榴槤肉芒果配酥皮條$8、 即磨咖啡、凍烏龍茶。 ▫️龍蝦湯 & 酥皮龍蝦湯 ～ 套餐包龍蝦湯 ，如果要酥皮另加$8。 ▫️越南春卷 ～ 春卷香脆。 ▫️上湯西蘭花 ～ 上湯味道太淡。 ▫️白咖哩溫泉蛋自家製漢堡扒飯( 蒜香蕃茄汁) ～ 漢堡扒鬆散， 口感麻麻地。 ▫️白咖哩香茅豬扒飯 ～ 相信大家對沙嗲王的白咖哩香茅豬扒飯已經很熟悉， 味道依然不錯。 ▫️一口流心特濃朱古力心太軟 ～ 細細粒的心太軟， 朱古力有流心。 ▫️椰汁榴槤肉芒果配酥皮條 ～ 餐牌上寫榴槤肉有兩頭，但送上來的時候只有一球。 ▫️即磨咖啡 ～ 味道可以。 ▫️凍烏龍茶 ～ 烏龍茶味道一般。 價錢合理，可以一試。 🏷️溫馨提示～ 整個用餐體驗均屬個人分享意見， 只作參考😊。
繼續閱讀
觀塘終於都有沙嗲王食啦，晏晝悶悶地嗌個外賣先！食返佢個招牌白咖喱豬扒飯，豬扒有兩塊份量都OK，白咖喱送到嚟仲係熱辣辣！晏晝食白咖喱，即刻胃口大開！佢嘅白咖喱一如以往咁好食，午餐諗唔到食咩嗌佢外賣就冇死啦
繼續閱讀
兩條友夜晚去食咖喱王，簡直係兒時回憶 😂 細個覺得好抵，不過衛生就唔好計 🥴 大個都好少去食，今次就俾個機會佢。其實講食物質素，講真冇嘢可以挑剔，呢個價錢，仲想點樣？一個二人餐又多選擇，食到勁飽！芒果沙冰賣相有驚喜，非常之多芒果、榴槤椰汁冰都係，有一pat好大pat嘅榴槤！當然，唔好期望兩杯飲品有味道 😂 清淡之選～ 🫶🏻最有驚喜係佢嘅炸薯條！炸得非常之脆，調味亦都非常之完美！本身我係薯條控，已經食盡天下嘅薯條，佢嘅薯條真係唔差～👍🏻最差係乜嘢？經理嘅態度，不論對自己員工定係客人 👎🏻成晚不斷聽到經理大叫，話啲單亂咗、出咗單未之類，其實食飯時間，餐飲業比較忙，人之常情，員工都係人，點解要呼喝人哋？講返用餐體驗，當時大概7:30 ，餐廳中間嘅位置已經坐滿，窗口位仲有好多吉枱，眼見有好多兩位客人坐四人枱，我就行埋去四人枱諗住坐低；點知經理叫我哋坐二人枱，因為一陣間會坐滿客人。由於二人枱真係太迫，我哋亦都拎住好多嘢（剛剛買完電器），我哋自己調位，再同經理講真係唔太逼。經理話冇問題，不過一陣有客人嚟，點都要我哋坐返去二人枱。素聞呢個年代已經唔係好多人會食咖喱王，搵唔到點解喺咁多吉枱嘅情況底下，會突然之間坐滿人，所以冇理佢繼續食。結果，當我離開嗰一刻為止，只有左邊一枱客人，右手邊好多都係一枱。明白要做生意，唔應該兩個人霸四人枱；但係做人真係要有自知之明，明知自己餐廳從來都唔會喺嗰段時間坐滿客人（特別係疫情後，唔係特別有名氣嘅餐廳，幾可會星期日晚上坐滿人？ ）整體嚟講，呢個價錢，呢個食物質素，算係咁，冇得挑剔，亦唔應該挑剔。唯一挑剔嘅係，經理喺待人接物上嘅處事方法有待改善。
繼續閱讀
大癲呀，二人餐兩個湯、兩個小食、兩杯飲品、兩個甜品、兩個主食，都係$198咋！！！每樣嘢嘅食物質素都係超高、超好食！成餐飯都勁有驚喜！超高質酥皮龍蝦湯、爆炸好脆好食薯條、勁有驚喜嘅流心朱古力心太軟。主食就唔使多講，咁耐都係咁好食，my all time fav！// 加$8酥皮 龍蝦湯超香濃龍蝦湯，爆炸高質酥皮！！！勁有驚喜！個酥皮係勁鬆、勁軟、又多層！直程後悔冇兩個湯都加$8要酥皮！！！下次要再encore！// 停唔到口！奇脆卜卜薯條嘩完全又係勁有驚喜，literally 好耐冇食過咁好食嘅薯條！新鮮炸起幼身薯條，外勁脆、但內裏仍保持有薯仔質感！// +$12 蟹粉豆腐鍋配飯呢個蟹粉鍋飯完全係白咖喱豬扒飯之外，沙嗲王必食之選。滿滿嘅蟹膏、鹹蛋黃佈滿喺豆腐上，配飯食簡直係一流。每次送上嚟嘅時候仍然會熱辣辣，喺鐵板燒／鐵鍋上卜卜卜卜煮滾嘅聲。// 白咖喱香茅豬扒飯呢個一定係沙嗲王必食之選，連而家改咗名都叫做白咖喱餐廳，就知道係signature。香茅豬扒保持超入味，白咖喱超香濃伴飯。// 一口流心特濃朱古力心太軟呢個真係超驚喜，送上嚟外貌平庸，勁似土耳其甜品🍨。完全冇諗過真係做到流心，仲要超香濃、唔會太甜到漏嘅朱古力味心太軟！配上新鮮芒果粒再有啲椰奶成個甜品唔會太甜、太多、太有負擔，三樣嘢做到彼此平衡，完美收結！成餐飯簡直超水準！
繼續閱讀
您可能會有興趣的...