登打士茶餐廳 (已結業)

💖貓貓🐈cafe就聽得多，有無去過貓貓茶餐廳呢？😽油麻地呢間茶餐廳有貓玩，仲有抵嘢食😋，今日中秋節🎑同屋企人黎食。裝修都係貓貓圖案，仲有好多靚女👩🏻店主畫嘅貓貓畫😻1⃣️椒鹽鮮魷🦑 $83💖menu嘅小菜套餐全部免費🆓跟白飯同例湯。椒鹽鮮魷炸皮金黃薄脆，入面爽口彈牙，切得大大件，足料！食落唔油膩，配上微辣🌶️嘅調味🥰2⃣️咖哩牛腩煲🍲 $88💖牛腩切成入口size，份量幾多，燜得軟嫩入味🤩咖喱汁濃稠，唔會辣，送飯一流！3⃣️例湯🥣 $0💖係西洋菜🥬豬🐷骨🦴湯，勁多菜同豬肉，足料！4⃣️白飯🍚 $0💖一人一碗飯，飽🤰🏻💖一入去發現左新嘅貓貓🐈！聽店長講原來係兩個星期前先收留嘅貓貓，店長好有愛心💗侍應全部態度好好，同我地講貓貓係邊😂上菜都好快。好多食野嘅街坊同貓貓都好熟，不過今日白經理🐈同金經理😺訓大覺，我地食完都未起身🤣大家經過油麻地可以黎呢度食野玩貓！😸

今日同同事去油麻地做嘢 咁啱行過見到間茶餐廳 就入咗去醫肚先 非常肚餓啊😗依間餐廳一定係愛貓之人 成間餐廳都佈滿左貓貓既設計 同埋真係有貓貓喺度😆兩隻貓咪肥嘟嘟好可愛！坐低點個餐先 午市時段都幾多人下 叫咗個生炒牛肉飯同埋咖喱薯仔牛腩飯😋炒飯唔會成個飯好濕 啲飯都粒粒分明 因為最驚食到濕笠笠嘅炒飯 所以都幾好食😝而咖喱薯仔牛腩飯 食落去唔會覺得好辣 隻咖喱汁撈飯都幾正 啲牛腩炆得啱啱好 唔會好韌！邊可以去茶餐廳唔叫凍檸茶飲😆😆

呢間餐廳最出名係佢有幾隻好可愛嘅鋪頭貓。好多食客都會嚟睇下貓貓😻😽。今日嚟到見到三隻貓貓有兩隻瞓緊午覺。餐廳嘅裝飾同埋佈置都以貓貓為主題，非常適合愛貓人士。🥢吉列龍利柳 $40套餐可以配雜果沙律/薯餅/薯條/奄列。魚柳好大塊。炸成金黃色，口感香脆，而且魚肉一縷縷咁，食落一啲都唔霉。金黃色嘅奄列有好多火腿絲，而且雞蛋唔會煮得過熟，裏面好滑溜！.下午茶餐送熱柑桔蜜/柚子蜜。柑桔蜜味道清新，啱晒夏天飲。

最愛吃住家風味嘅鹹蛋肉餅飯 蛋王味香濃 新鮮豬肉口感彈牙肉質鮮嫩必食常餐同埋性價比真係超過又有大碗白飯又有野飲 仲有餐湯送唔想自己落手落腳煮平平哋落街食超方便除咗寫食譜之外順便可以探埋舖頭嘅可愛貓咪真係有賓至如歸嘅感覺

今日做嘢經過嚟度諗住食少少嘢醫下肚！餐廳不算大，但座位算舒服餐牌都好有特色有貓咪響度，坐坐下感覺腳有啲嘢撞我嚇死我以為有米奇當時嘩咗一聲望一聲原來係一隻金色貓咪同一隻白色貓咪好可愛！女職員（都幾靚女下）即時過嚟講聲唔好意思即時抱起貓咪！跟住我隨便叫咗個炸脾餐。。。幾有水準有咬落有肉汁咇出嚟不過皮就未炸得好透有徒改善下！整體都好好味。。。

呢排天氣炎熱，去到餐廳又唔想食飯，食粥又太淡口咁，呢到比我見到有鴨腿湯飯，本住試下既心態去食，先飲啖湯已經夠吸引味道濃而不俗，食埋鴨腿已經開始停唔到口加上浸左湯既飯，真係回味無窮加埋杯雪山阿華田，本來冇乜胃口都瞬間開胃

叫了個菜遠牛肉飯午餐，份量很多，但真心唔好食，牛肉有很多渣，同埋有少少嗅，好似壞左既嗅味，飯好似爛爛地，口感得差，$50唔包飲品，旺角區餐廳數量多，此價錢可以好多選擇，及包一杯熱飲，外賣餐具欠奉，一定不會再光顧

同男朋友購物經過油麻地，一直同男朋友都鍾意食中餐,尤其是鍾意廚師煮出嚟嗰種鑊氣真係好美味。這間餐廳特別之處就是早餐午餐特別豐富。用料特別講究。早晨雞蛋是用美國雞蛋新鮮而且營養豐富,適合喜歡運動嘅男朋友。適合喜歡運動嘅男朋友。加上距地無敵凍奶茶簡直就冇得彈。餐廳位置鄰近地鐵站基本上走兩分鐘就到。真係非常方便。男朋友叫左個芥蘭炒牛肉。這個午餐特別之處是牛肉非常新鮮。可以同日本嘅和牛有得比。我自己女仔比較鍾意凍檸茶，有檸檬味而且紅茶v gd..無論裝修服務我自己覺得唔錯。😊

餐廳：登打士茶餐廳 (油麻地)地址：油麻地砵蘭街105號地舖貓cafe就見得多，貓茶餐廳你又見過未🐈？油麻地砵蘭街有一間登打士街茶餐廳，餐廳主人養咗幾隻貓，吸引到我專程過去朝聖一下貓貓們🐱，中午時間嚟到都坐滿晒人😎叫快餐都係$48，仲要每日有唔同嘅選擇，就連每日嘅例湯都唔同，今日飲嘅喺冬瓜薏米豬骨湯🍲，超足料好入味，飲落亦唔覺加咗味精叫咗個乾炒牛河($48)同臘味生炒糯米飯($48)，呢到嘅嘢食都幾有鑊氣🔥，乾炒牛河唔會好多油，每條河粉都好分明，唔會痴埋一舊舊；而糯米飯香得嚟仲加咗花生喺入面🥜，食起上嚟仲增加咗口感，我同朋友都覺得好掂🤤值得留意嘅喺餐廳唔同角落都有好多貓貓嘅元素，無論牆上、餐牌等都有，非常特別；不過有啲人喺餐廳外食煙🚬，食嘢果陣時不時會聞到陣陣煙味

早前經開旺角附近又有d肚餓，就走咗入登打士茶餐廳醫肚，今次點咗椒鹽豬扒、魚香班腩煲同埋 川味辣子雞。椒鹽豬扒超厚身而且椒鹽煮得好惹味，絕對係送飯之選。魚香班腩煲份量超多，茄子超大塊及新鮮，斑腩亦都好有魚嘅鮮味。川味辣子雞就比較辣，食得辣嘅朋友一定鍾意，因為指天椒嘅辣味出曬嚟，雞件亦都好嫩滑，亦都係送飯之選。值得一提既係呢度有兩隻可愛貓咪，可以畀大家打卡影相，兩隻貓咪都超可愛而且好靚，鍾意貓嘅朋友可以嚟呢度探一探佢哋㗎！

一早就去食番份醒神早餐先，肚子餓就會無力工作💪🏻但我又想食早餐，又想食午餐，咁不如叫常餐啦🤭 常餐 $45我叫咗份 雞翼公仔麵餐🍜，有4隻炸到金黃色嘅雞翼🐣，外層香脆，內裡肉質嫩滑；公仔麵麵質適中，唔會太淋 套餐配埋 火腿奄列 + 多士滑蛋包住暖粒粒嘅火腿絲，烘得好香脆嘅多士🍞 柑桔檸檬 🍋 (特飲)冬天啦❄要飲番杯熱辣辣嘅柑桔檸檬，酸酸甜甜夠哂好飲，仲可以滋潤喉嚨又暖胃 登打士茶餐廳 (油麻地)油麻地砵蘭街105號地舖

無論餐牌、宣傳海報等，都有貓貓的蹤影，這兩隻定是鎮店之寶吧。可能晚餐時分，兩只可愛小主角暫不在店，無緣見牠們一面呢。芫茜滑蛋治身為芫茜愛好者要一試，吐司塗上一層牛油，烤得脆脆，夾著飽滿的餡料。厚厚的蛋帶濃郁芫茜香。雞蛋滑溜，芫茜切得碎碎的，令其味道更為突出。雖然餐牌有很多小炒、粉麵飯的選擇，但還是簡單點一份常餐已經夠了。叉燒米線滾熱的湯，即點即製作。叉燒偏瘦，是我喜歡的肉質。另外還有多士配雙蛋，份量剛好。

今日上完堂有少少肚餓，啱好見到間茶餐廳就入去叫左個下午茶餐醫肚。雞脾沙律配杯我風雨不改的凍檸檬茶。雞脾外脆內嫩，一口咬落去，仲好juice，生果沙律酸甜可口，仲加左我鐘意食的薯仔。凍檸茶清爽唔嚡口，甜度適中。可能係太開胃了，我又叫左個西多士，個西多好厚身，上面的牛油仲係新鮮牛油，岀邊煎到金黄色好靚，入邊好軟，咬落去，有唔同的層次感。餐牌好得意，有貓貓圖片，不過更開心原來真有貓貓見到。白色隻貓貓好八卦，係咁睇住我食嘢，黄色貓好可愛，仲攞頭來磨我的脚。好開心的一個下午茶，下次過來一定带零食俾你食。

在旺角登打士街及砵蘭街交界，這間登打士街茶餐廳牌匾亮麗，招牌金黃色有七彩燈光閃耀着，再向街上的路人揮手。餐廳內全是卡位，很闊落坐得很舒服。兩個人叫了兩個小炒套餐及一個白灼菜心，份量好多吃不完。⭐️小炒皇 $73 - 炒得夠香，又能夠保持適當的濕潤，伴著XO醬、蝦乾等材料鹹鹹香香，鑊氣十足好好食。材料有必備的都是韮菜、蝦乾及魷魚，韮菜好新鮮，爽脆又帶有幾分蔬菜的甜鮮，不錯。⭐️黑椒薯仔牛柳粒 $82 - 份量有誠意，牛肉好多，而且肉質稔身好易咬開。薯仔吸收了黑椒及牛肉的精華，零舍入味。⭐️白灼菜心 $30 - 煮到軟硬適中，不會太硬或太老。每一個小菜套餐都包例湯、白飯及熱飲（凍另加$5），感覺好豐富踏實。

今晚想食下家常小菜，行過油麻地見到哩間餐廳貼左好多貓貓相，原來真係養左兩隻好可愛既貓貓😜佢地叫金金同白白，鐘意貓既朋友一定好喜歡☺️呢度既野食質素都好好啵☺️🔸蘿蔔豬骨湯無味精而且好足料，蘿蔔同粟米有好多呀，味道夠哂甜，加埋大大舊豬骨煲出黎既湯又點會唔好飲呀，真材實料正呀！🔸蝦仁炒蛋大大碟呀，蝦仁整得好爽口，蛋亦都好香滑，最最最重要既係師傅唔會用好重油去炒，所以食落口唔會有油腍腍既感覺，好健康呀☺️🔸霸王雞勁吸引人呀，鋪喺面嘅薑蔥好大量，賣相一流呀。雞肉好滑呀，加上雞味好濃，配搭十分足料嘅薑蔥，味道互相補足，好有驚喜呀😍🔸白灼菜心好新鮮，火侯都掌握得好好，菜唔會好老，食落去都好爽，好好味😋