生隆餅家

營業中

休息中

自從搬離深水埗都會經常跨區返嚟幫襯嘅餅店，比同區其它餅店我覺得這間最好和價錢吾貴。最喜歡砵仔糕，白糖糕，芝麻糕，牛耳仔，光酥餅，馬仔等等。特別係白糖糕質地軟糯冇酸味，好多有得賣嘅餅店都做得吾好食。食咗好多年都保持到水準好難得所以要寫幾隻字嚟表揚下這間店。

傳統的糕點，買少見少，來到深水埗，今次嚟試吓生隆既糕點分別買了迷你砵仔糕、芝麻卷同西樵大餅我買咗兩隻色都有，迷你砵仔糕一盒有8粒，細細粒，方便多人分享，食落紅豆都幾多，口感偏彈性那種，唔會過甜👍芝麻卷食落軟滑，唔會過甜，如果芝麻味濃些會更好西樵大餅食落香甜酥軟，唔會有臭粉味，懷舊嘅味道🤗

中秋必定要食傳統月餅我就最鐘意蛋黃愈多黃愈鐘意而生隆既四黃月餅最得我心❤️除左蛋黃出油之名佢地既蓮蓉餡唔會過甜今年第一次試紅豆月餅原來都幾好食紅豆餡好棉 搭埋蛋黃都幾襯除左月餅佢地既糕點都幾正由其係芝麻卷 好香

中秋團圓的懷舊小食 - 豬籠餅因為中秋節，想搵豬籠餅送俾小朋友，以前係長輩送俾小朋友食！呢間餅店無論裝修同味道都好有傳統節日氣氛！ 係店舖入面，有砵仔糕，紅豆紅豆糕，芝麻糕，糯米糍，發糕，紅包，雞屎滕等等。。。。。。全部都好吸引！試左幾間傳統餅店，我覺得呢間最正宗！這款豬籠餅外皮酥脆，令人回味無窮！以前係長輩送俾小朋友食！而家好多地方都用新頴包裝，設計多變，但傳統的透明塑料包裝，搭配金色印刷，仍然勾起一份懷舊感。每一口都帶著濃濃的香氣，咬下去時，外脆內軟的口感讓人感受到一種幸福的滿足。

花生糯米糍（$25）有花生餡/豆沙餡，糯米糍就梗係襯花生多啲啦。一盒有六粒，正常size，可以一口一個。糯米粉皮軟糯，餡料除咗花生，仲有椰絲，唔係好甜，花生味唔算濃。芝麻糕（$6）本來想買「菲林卷」，但至少兩條起，見到隔離有芝麻糕，咁就啱嘞。芝麻味是有的，亦香，但未算好濃味，而且唔算好甜。紅豆糕（$6）諗住落單嘅時候，見到紅豆糕新出，忍唔住買埋。勁多紅豆，成個底舖到密密麻麻，咬落好實在，同樣不是好甜。砵仔糕（$6）睇睇吓見到，又好似好耐無食過，一於買埋你啦。紅豆粒適量，咬落都好實在，少少甜，小時候的味道。

買少見少既傳統糕點.同區另一間糕點老店結業 今次黎試下生隆既糕點🙌🏻見到門外好多人 要排隊 但都流轉得好快🙌🏻 大多都係買糕點 蒸蛋糕同皮蛋酥.｜迷你砵仔糕 $18一盒有8個 細細個可以share 又唔貴 抵食❤️ 可以揀有豆無豆 雙色 白色/啡色口感軟滑得黎有彈性 紅豆都幾多🤭 市面上有太多砵仔糕一係好粉/好實/好冧🥹 呢個砵仔糕口感好好 好食！.｜芝麻糕 $6大大塊都係$6 厚度大概7-8cm 口感軟糯 但我會比較鐘意厚身啲 咬落會有口感啲

途經深水埗生隆餅家，見舖外熱鬧選購，一於買包光蘇餅回家當下午茶餅食。生隆的光蘇餅頗受歡迎，一包內有四件，質保十天，但不用一天，我們已享用完，餅質甜度適中，一啖啖金童年餅食回憶湧現。

係深水埗菜市場和排檔裡，是香港傳統懷舊餅家，好多懷舊糕點，試左💰糯米糍 花生/豆沙 $25盒皮薄爆餡，一咬落去花生椰絲餡爆出黎，甜度適中，25蚊有6粒抵食，如果有更多味道選擇就好。

🇭🇰Hong Kong - Sham Shui Po 📍生隆餅家芝麻糕花生糯米糍_____________________________細細個每次係深水埗都去坤記買砵仔糕同白糖糕食，好可惜坤記已經無繼續做。之後發現好多人都介紹生隆餅家，今日去開就去買嚟下！下午五點幾去到，人頭湧湧插針都插唔入，係周圍徘徊咗一陣之後就衝去姐姐前面「唔該！一盒花生糯米糍、一舊芝麻糕、一袋光酥餅」速戰速決。好可惜我最愛嘅白糖糕賣晒。芝麻糕淡淡嘅芝麻香，但如果再濃啲芝麻味會更好食。最出名嘅花生糯米糍，呢個真係絕對會再去買！外皮厚度啱啱好，唔會太厚又唔會太薄，因為個人偏外食糯米皮所以唔中意太薄嘅皮。外皮好香糯亦都有淡淡嘅甜味。而內餡有花生或者豆沙，花生唔會碎到好似粉咁會有啲粗粒，增加咗個口感，而入邊唔會撈咗大量砂糖，配合埋甜甜嘅外皮，甜度啱啱好。📍 深水埗北河街66號地舖

生隆餅店係一間傳統中式糕點餅店，到了中秋節就有月餅賣，又係食月餅嘅時候，餅店月餅每日新鮮出爐，選擇都幾多，最欣賞可以單個買，試多的味，喜歡食邊款再嚟買過，揀埋四個可以入禮盒，唔要盒仲可以減10蚊。蛋黄綠豆蓉月餅嘅皮好薄，餡好似綠豆餅嘅綠豆蓉，蛋黃有油水，咸咸甜甜，味道麻麻，試一次都還好。陳皮紅豆沙月月餅嘅皮好薄，餡中有粒粒陳皮碎，豆沙蓉夠香滑，陳皮嘅甘味會慢慢咁出嚟，同豆沙蓉互相融合，口感軟滑香甜。

今日去開深水埗，路過見月餅已經上市，很多人幫襯買月餅，以一盒4個既價錢，要2百幾一盒，比坊間連鎖店平咗少少而已。想買糯米糍，唔見有。唯有買其他糕點試試，紅豆糕多紅豆，但完全無甜味，口感一般。白糖糕唔酸，食到有少少甜味，算正常。個人好怕食親糕點／甜品，完全無甜味，口感似食舊蒸熟咗既粉而已。

店面不大但有勁多款傳統糕點賣除咗討論度勁高嘅糯米糍同芝麻味產品仲有摩羅酥、紅薑皮蛋酥、雞屎藤呢啲少有糕點p.s. 趁住就中秋，係時候幫襯佢地買月餅啦！𓂅 花生糯米糍 ( ᴴᴷᴰ 25 )有花生/豆沙味，一盒有六粒，粒粒都包得脹脹的✨咬開去是滿口的花生碎、椰絲同糖味道偏甜且口感有種巨巨份量的厚重我自己就比較喜歡滑嘟嘟那種花生炒香到驚艷的味道𓂅 芝麻卷 ( ᴴᴷᴰ 15 ) 🖤絕對、絕對、絕對要推薦的一定是他們的芝麻產品吃下去的瞬間口腔已被濃郁的芝麻香覆蓋芝麻卷保持到彈牙不黏口也不易爛平時好少食街外的芝麻卷但這實在令我一試愛上

一直都好鍾意食傳統糯米糍，整得好食都唔容易，我鍾意買嘅鋪頭其中一間就係深水埗嘅生隆餅家我買左1️⃣花生糯米糍💰25一盒有六粒，每一粒都皮薄餡靚，糯米皮好柔軟好薄，花生🥜碎+椰絲+糖好好食😋，每一次我都會買多一盒送比人2️⃣芝麻糕💰6另外買左芝麻糕，大大塊都係6蚊，食落好香黑芝麻味同埋好清甜😍😍另外，之前買過蛋捲同鳳凰卷都好食，不過唔記得影相🫣消費價錢：💰56結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️⭐️餐廳名稱：生隆餅家餐廳地址：深水埗北河街68號地舖

每次行完鴨仔都總會過生隆買傳統糕點，我最喜歡生隆係紅豆糕，白糖糕同芝麻糕。生隆除左賣中式糕點外，仲會賣一些老餅，好似炒米餅，雞仔餅，杏仁餅，老婆餅，南乳酥.... 今次就買左紅豆糕，雞屎藤同紅薑皮蛋酥：紅豆糕一如以往保持水準，紅豆數量就好似深水埗鴨仔人流一樣咁多，所以紅豆味好出，非常好食！雞屎藤細細個，味道雖然未致於非常出，但已經做得不錯，再加上唔會太粘影響口感 最驚喜係第一次買嘅紅薑皮蛋酥，好少皮蛋酥會落紅薑，皮蛋味濃再有紅薑酸辣中和， 成個事都做得太好了。

《深水埗傳統餅店懷舊糕店》位於深水埗傳統餅店最近由細店搬去了大店，食物味道依然不變！多款懷舊小食例如白糖糕、光酥餅、燒餅、魚皮花生一應俱全。每一道小食都是師傅傳承的手藝之作，吃出多年功藝的功夫!____花生糖 HKD $20不要小看這包花生糖，它會令你不知不覺中吃完一整包。花生糖非常脆口，咬落有口感而不會過份硬身，花生與麥芽糖比例勻均，甜中吃出花生香，非常可口，絕對值得一試。馬仔 HKD $25相信馬仔是不少人小時候的家中小吃，但好吃的馬仔也不是隨時隨地都能買到。生隆的馬仔咬著煙韌黏牙，質感黏軟，有著陣陣的蛋香，拉開更能見到一絲絲的麥芽糖，甜而不膩，是兒時的味道。下次介紹其他產品評價：🖼 懷舊糕店🎎 文化傳承👍🏻 質素保証😍 CP值高推介指數：❤️❤️❤️❤️❤️（五個心心為滿分）___地址：深水埗北河街66號地鋪