生記滷味

本來諗住搵間小店醫肚，好耐無來食就來咗生記！一行到門口已經感受到老字號的氣勢：牆上貼滿報導、名人合照、獎項相框，連老闆娘都同人氣明星影過相🍚 我哋點咗兩個套餐：•滷鵝片飯：佢個汁有花膠，係經典，配埋滷豆腐同鹹菜，鹹香平衡得好好～但而家好似少咗，而且鵝肉薄咗無以前咁厚有點可惜，而且加咗價添🥲•滷豬手飯：豬手炆得夠腍，啖啖膠質滿滿，滷汁滲透肉裡，食到最後都唔覺重口味。其實最有誠意係每個餐仲附送一碗 足料黃豆涼瓜煲湯，唔係得個樣，真係夠熱、夠清、夠潤，喺街食飯都有媽媽煲湯嗰種窩心感覺…查看更多

話說老朋友想食返哩間話米芝蓮乜乜所以就買左1/4隻鵝，雖然其他朋友推薦附近另外一間。之後買嘅時候買埋其他嘢稱完距就放一邊，唔知係我咁啱見唔到定係距專登擺一邊遮住，俾完錢就俾另外一個斬但係感覺好似啲鵝色水有啲唔同左，不過我都無太大反應因為當時都多人，唸住好食有下次唔好食就無。重點係返到屋企食嘅時候真係好難食，難食到我真係要特登開open rice俾之後嘅人少少意見。啲鵝非常之硬，我係6點半左右買7點半左右食，難食程度係作為潮州人食咁多鵝都可以排到尾三。總之有無換都好，最主要係唔好味，好味嘅話其實少左都無所謂，當然其實做生意係唔可以咁做。純粹個人意見，第一次咁有評論嘅意願。鋪家一係透明啲斬鵝一係整好味啲，靠產品贏口碑先係長久生意，完。…查看更多

早幾年我幫襯過好多次，以前的滷水味好香，食完都唔會口渴，但今日買了半隻鴨、豆腐、腸..鴨算入味，但豆腐表面唔入味，而味道同出面沒有米芝蓮的都差不多，不用特登去西營盤買，今日真的有點失望😞…查看更多

在openrice上看到這家店收藏的人數比較多，因為離住的地方很近就決定去嘗試一下。店裡環境一般，臘燒價格比較實惠。買了一份豬頭肉蓋飯外帶回家吃，打包外帶是沒有另外收費的，帶一小份靚湯。回到家打開吃，豬頭肉味道一般且油很大，幾乎全是肥肉，肚子餓也就吃完了。沒有想到晚飯後不久就腹瀉，半夜還拉了一次。晚飯後沒有吃其他東西，嚴重懷疑是食品衛生存在問題。後續吃了一天抗生素身體才恢復。非常糟糕的體驗，再也不會去…查看更多

啲鵝超鞋，得好少肉勁多肥膏，飯勁硬，有冇搞錯，仲話米芝蓮，垃圾餐廳，今日呢餐晏嬲到傻，又唔係收得平🤬😡🙈以後都唔會幫襯！！自問平時唔奄尖，但佢真係垃圾到我要寫劣評，嬲！嬲！嬲！好難食呀！！…查看更多

呢間西環新記鹵水 鄰近呢個西環街市啦交通都尚算可以 佢食滷味嚟講啦佢算係一間老字號嚟㗎舊式裝修環境乾淨企理嘅 佢啲燒鵝啦真係好好食嘅 就份量適中啦 性價比都高嘅 佢會跟埋一個 老火湯啦都好好飲嘅 咁鍾意食鹵水嘢嘅朋友呢都 都可以去試下 佢仲有一啲鹵水鵝肝呀鹵水鵝頭呀等等其他嘅 鹵水 嘢食嘅 都唔錯呀 埋單大約50蚊左右…查看更多

用外賣平台叫鵝片飯，打開盒飯發現一片鵝片都無，全部都係一舊舊嘅鵝肉，仲要韌到傻，咬咗我好耐先食得完。但錢佢就照收鵝片價。其他滷味店最多係鵝肉豆腐墊底，上面再鋪鵝片。佢就直頭走晒D鵝片，得翻墊底果D鵝肉。仲話咩米芝蓮推介。做生意咁唔老實，咩推介都係假。我比5隻黑豬你先係真。無下次。…查看更多

放假同另一半去港島西半日遊，行下行下就肚餓了，碰巧行到生記滷味門口，一望入鋪面就覺得幾特別（恕我以前無聽過呢間西環有名滷水店），牆身除左餐牌外，就黏滿生記滷水新聞報導，老闆老闆娘同各路名人嘅合照，咁特別嘅鋪頭當然入去試一試。坐低先發現原來仲係米芝蓮2024 新上榜餐廳💯😍。我地叫左兩個套餐，滷鵝片飯同滷豬手飯，鵝片肥瘦適中，味道都唔錯，飯配有滷豆腐同鹹菜，唔會太鹹，送飯一流。最有誠意係每個餐送碗足料熱辣辣黃豆涼瓜湯，出街食飯都有湯水滋潤🥰，滿足。堂食客人唔算太多，但外賣客源源不絕，有機會都斬料返屋企俾屋企人又試試呢間米芝蓮滷水。…查看更多

生記滷水見門口大大隻米芝蓮、大量明星光顧的相片和報紙報道，就入咗去試下。入面有大約有十個堂食位置。但絕大部份人都買外賣加料，外賣keep住賣過不停，生意十分好。滷水獅頭鵝（例牌）$168白飯$15老細免費送湯（苦瓜黃豆湯）例牌唔細，用豆腐墊底，吸曬滷水汁🫶🏻鵝in general 唔算肥，有一部分鵝片都冇肥膏，肉嘅部分幾多👍🏻 配有一碗酸醋汁，夠酸，不用點太多已經十分夠味👌🏻滷水加鵝油撈飯一流。兩人share，分量岩岩好🙆🏻‍♀️結論小編覺得啖啖肉食得幾滿足，有湯水潤下，老細都主動建議我哋食滷水鵝例牌，亦好風趣有人情味。至於屬米芝蓮，小編則覺得有點太誇張。如果經過可以一試～PS 由細到大都聽對中醫來説是「發/毒」物，不過上網搜尋原來鵝「適宜身體虛弱．氣血不足，營養不良之人食用。補虛益氣，暖胃生津。」、「無病無痛者，吃鵝不妨，身有疾特別是有皮膚病或傷口者，不宜吃鵝」。所以適量食鵝（於肉類中含較多好的油脂-不飽和脂肪）是有益的🫰🏻…查看更多

行西環，想食滷水鵝，竟然就停左係米芝連推介的生記滷水味。選擇唔多的，但咁先好，專注做一樣野做到最好！ 我地五個人點左半隻鵝，好夠食，肉汁鮮美，又嫩又夠味。而且服務態度好好！ 👍🏻 …查看更多

点了鹅片饭打包带走，60块，味道还行，中规中矩吧。鹅片切的挺大块的，但不是很多，有两大块带骨头的有点锋利，米饭比较标准，汁稍微少了点，送的汤也不错。服务可以的，墙上有很多照片感觉很有历史了。…查看更多

鵝肝好食,分享下經驗,有次去買外賣,抨完後比錢,轉頭見佢斬緊,福至心靈見到剩左一份無斬,先問佢話應該無咁少,點知惡過你話就係咁多,跟住我指住板上同佢講呢舊未斬,收錢過即刻打㘣場話做乜咁唔小心,跟住送左兩舊豆焤.…查看更多

今日在上環百無聊賴，周圍亂行之際，見到呢間貼滿晒明星相嘅滷味店，寫住李嘉誠都食，即刻提起左興趣。係店舖附近觀察左一會發現到很多人買半隻滷水我返屋企加送，咁啱今日人齊食飯等我都試吓買半隻，斷斤即稱半隻滷水鵝盛惠$274，價錢來講我覺得都合理，因為平時深井買一隻燒鵝都要五百幾。揀好鵝之後師傅就幫忙切肉起骨片鵝片。返到屋企就即刻試吓鵝片，不得不讚老師傅刀工很好，鵝片片得很薄，係比平時出邊滷水鋪片得更薄，鵝片肥瘦適中，食得出有鵝味，令人食唔停口，不過滷水味就唔係太出，點嗰啲豉油汁都比較鹹。整體嚟講佢都冇對唔住佢呢個老招牌，可以值得一試。…查看更多

今日3號風球坐車去買外賣🤭之前一直都想試呢間滷味係因為睇過香港美食一條街嗰3位矮俠介紹過😎😎😎所以成日都心思思😆😆😆今次對佢哋啲滷味方面係ok同滿意😊半隻鵝$290鵝肝 $300兩個腎$80豬大腸$20鵝紅 $302盒飯 $20承惠$740…查看更多

以前係紅磡生記fans, 雖然貴，但鵝肉嫩滑，滷水味香又唔覺有味精。見上環尾有，特登去買外賣。激死人啦！買咗下裝，d肉唔係太入味，肉又硬，好似用d雪藏咗唔知幾耐嘅鵝去鹵。又唔香鵝味！ 唔會有下次！:(…查看更多