生生市場 (捷榮樓)

營業中

休息中

早排去完韓國一直都念念不忘的韓國食品! 見元朗有間開左好一段時間既生生市場只做外賣但未幫襯過! 今次就決定試一試佢😁裝潢好有韓式小店感覺, 乾淨整潔👍🏾 而佢地menu都簡單又清楚, 唔會令人花多眼亂👍🏾我二話不說見到佢地個2-3人餐(套餐B)已經揀好, 因為的確係抵食！😁1/ 韓式辣炒豬肉伴飯🍛辣豬肉一早醃好左再炒, 非常惹味, 配上辣椒醬同埋香料撈起黎食超正!👍🏾2/ 韓式水冷麵🍜帶到返屋企都仲好冰凍, 水冷麵幼細彈牙, 而湯底酸酸甜甜好開胃! 3/ 泡菜煎餅🍕面頭脆薄金黃, 食落酥脆但內裡有嚼口, 泡菜味出同樣好開胃👍🏾4/ 魚餅串湯🍢味道濃郁既魚串加上熱辣辣既濃湯, 好岩天氣凍食, 食完好暖身😌5/ 新鮮辣泡菜 (中)👘佢有大中細分, 我覺得咁樣超好, 可以因應自己想食既份量多或少👍🏾 因為佢地我中意左食新鮮泡菜因為食落更爽口6/ BB涼拌荳芽🫘好抵食既荳芽, 做前菜一流呀其實佢地有好多款前菜, 好多選擇! 買呢的都幾方便又好食👍🏾

一向喜歡吃韓國菜，無論是傳統韓國餐廳或小店也喜歡，今晚來到元朗買東西，便順路買一些韓國菜回家品嚐。餐廳做外賣的，款式頗多，無論炸雞、拌飯、冷麵、飯卷、前菜等都有，但可惜今晚粉絲和蛋卷賣光，下次有緣再試。涼拌豆芽$25這道菜以清爽的豆芽為主要原料，豆芽經過適度的烹調，保持了豆芽本身的脆嫩口感，並帶有淡淡的甜味，而調味很輕，吃到豆芽天然的味道。韓式水冷麵$48水冷麵以的麵條彈牙，配上了青瓜、蘿蔔和蛋，沒有太多的林料，靈魂在湯底中，它以清澈的牛肉高湯混入果醋及水梨汁，部分冷凍成冰塊，味道清爽清新。蘿蔔魚糕湯$65這道湯以蘿蔔和魚糕為主要材料，湯底鮮美濃郁，蘿蔔大大件，經過燉煮後入味而軟硬遉中，魚糕有薄片狀及長條狀，帶給不同的口感，咬下去也有魚香，湯底帶胡椒辣味，冬天喝可以暖身，令人想起首爾車仔檔的街頭風味。人蔘雞湯$65人蔘雞湯可以選半隻雞，雞肉有兩大件，雖然經過熬煮，但肉質依然嫩滑，湯中帶有糯米粒，有點像粥，味道鮮甜中帶人蔘香味，也增加了滋補功效，這道人蔘雞湯是一道營養豐富的湯品，給人一種溫暖和滿足的感覺，味道濃郁。韓式炒魚仔紫菜飯卷$50韓國飯卷中，以炒魚仔作材料比較特別，原來魚仔是很多

好耐冇食過韓國菜啦，呢日行經千色店，見到對面呢間韓式外賣店「生生市場」好多人幫襯，睇到餐牌價錢都幾合理，就外賣咗幾款菜式返屋企試吓！🐽 辣豬肉紫菜飯卷$48🐟 吞拿魚紫菜飯卷$50 兩款飯捲都好足料，包得紮實，豬肉飯捲唔算好辣，除咗有蛋、青瓜、蘿蔔絲之外，仲加咗爽脆嘅生菜，材料豐富。🍜 韓式炒粉絲$45 粉絲炒得乾身，配料有木耳、菇、蘿蔔絲、菠菜等等，撈埋韓式辣醬，非常惹味！份量都好多呢！🐔 甜辣無骨炸雞$48 炸漿略嫌比較厚，食落唔夠香脆，雞肉都炸得過熟，唔夠嫩滑，有進步空間，不過醬汁嘅調味都唔錯，甜甜辣辣！🍚 烤牛肉拌飯$63 牛肉拌飯色彩繽紛，賣相吸引，雖然材料簡單，難道唔高，但重點係韓式辣醬，加咗之後味道即刻生色不少！

這韓式外賣店價錢親民，款式也算多。之前食過烤牛肉拌飯、甜辣炸雞、芝士炸雞、人蔘雞湯、吞拿魚卷、韓式炒粉絲和素菜煎蛋捲，樣樣都好味兼且夠大份，但我冇影過相，因為每次開蓋後都會馬上吃，時常覺得外賣回家已有時差，再等就不好吃了。唯獨今天得知未來至少2個月都沒有蛋捲賣了，因為店舖唔夠人手。所以今日都想分享吓呢個蛋捲，希望日後佢可以江湖再見。佢一盒有9件，有蛋有素菜，唔想食咁多澱粉質嘅人，算是一個好選擇！

🐽 泡菜呢個韓國菜嘅經典之選，味道酸甜小辣，而且酸辣味道恰到好處，真係好開胃！🐽 韓式炒粉絲粉絲炒得爽滑，配上韓式醬汁同埋新鮮嘅蔬菜，配菜必叫之選🐽 韓式海鮮煎餅酥脆嘅外皮包裹住豐富嘅海鮮，每一口都好鮮味🐽 雜菜煎蛋捲煎蛋卷包裹住新鮮嘅蔬菜同豆芽紫菜，口感好正，雞蛋調味啱啱好，味道少少鹹帶出到雞蛋嘅蛋味。好適合做為開胃小食。🐽 甜辣無骨炸雞每塊雞肉都炸得金黃酥脆，外皮醬汁融合左甜辣味，食落酥脆嫩滑🐽 牛肉紫菜飯卷烤牛肉香嫩多汁，再加上蔬菜同紫菜包裹住飯，一口咬落去，味道好均衡

🍙烤牛肉紫菜飯捲 $50比平時食嘅多餡，而且好少有烤牛肉，芝麻油味濃，蘿蔔絲冇青味軟身，唔錯。🍗芝士無骨炸雞 (L)$88大小比一口大啲，雞面灑上芝士粉，皮脆肉juicy，可惜車程半個鐘，返到去食有啲淋。由於叫左大份，2個人食唔晒，留左啲晚上翻焗都好好食，即食應該好正。🍛韓式蜆肉大醬湯 $68冬天好想食個暖笠笠嘅湯飯，由於唔食辣，叫左大醬湯，湯夠味唔咸。蜆大隻不過有啲沙，仲有翠肉瓜，豆腐，金針菇。🫓海鮮煎餅 $58我好鐘意食煙煙靭嘅煎食餅，有嚼勁，個汁酸少辣好開胃，鐘意。🌟除左雞都係澱粉，好飽，可能叫蛋卷，粉絲平衡番會好啲😅

去野餐又唔想自己整, 就去左屋企附近間外賣舖買野食去,就係貪佢飯捲帶去食乾手淨腳, 又好睇。呢間有飯捲, 湯類同小菜, 價錢合理。想食多D野食, 就叫左個2-3人套餐 $198K1 烤牛肉飯捲唔係平時見到一條條咁上, 而係將一條切好左, 整齊咁放係外賣盒到封埋膠,咁就唔怕會整到飯捲,飯捲本身都好大舊, 足料夠味。 T7 魚糕湯佢個湯清清地, 裡面有好多魚糕,仲有雞蛋。 F2 原味無骨炸雞一口炸雞又冇骨, 食得好開心。炸粉唔算好厚, 裡面既肉都唔乾身。B2 新鮮辣泡菜一盒有好多, 呢個就拎左番屋企食, 佢係成條菜上, 可以自己切番中意既大細食。 另外都加多左2樣野,芝士蔬菜飯捲 $48材料切絲又炒過, 加埋芝士真係好正,加上佢又大舊, 一啖放落口好滿足。雜菜煎蛋捲 $48比我想像中大好多, 除左蛋, 仲有紅蘿蔔粒, 蔥粒, 好香蛋味, 成舊食落外厚內軟。-野食好食, 影相又好睇, 下次會再買。

喺元朗行街，經過間韓國街頭韓式小店，種類多元化連Party到會都有，買啲嘢返屋企食吓～外賣全部都係，獨立包裝乾淨衛生，返到屋企同公司叮一叮就食得快捷方便，啱晒啲打工仔🇰🇷新鮮辣泡菜$35🇰🇷辣蘿蔔乾$40🇰🇷炒海帶絲$40揀咗三款醃菜都係我至愛都夠鮮味道醃得適中餸飯餸粥都一流🇰🇷紫菜飯卷x2 $48/$50揀咗兩款招牌芝士味/烤牛肉口味烤牛肉香氣；芝士味突出，捲着爽脆雜菜餡多個飯，麻油味仲好生🇰🇷韓式炒粉絲$45充滿麻油香氣，口感Q彈素菜多，適合素食者，份量足夠2人用，好健康嘅菜式

生生市場只做外賣 不設堂食～ 由韓國人主理 價錢唔算貴 仲有多款韓式食物揀🤩2至3人套餐A $198K2 辣豬肉紫菜飯捲紫菜 珍珠米飯包住滿滿辣豬肉同蔬菜 口感豐富 一啖一件好滿足🍙T2 人蔘雞湯人蔘雞湯清甜 配料有紅棗 糯米 相當足料🐔 雞肉煮得軟腍 糯米煮得夠綿 吸收哂人蔘雞湯既精華 感覺滋補 秋冬食岩哂 另外配埋白飯 做湯飯飲哂個湯一流 暖笠笠🌬F1 甜辣無骨炸雞炸粉唔會太厚 甜辣醬平均包裹炸雞 甜甜辣辣好開胃 都唔算太辣 咬落多汁啖啖肉B1 新鮮辣泡菜泡菜咬落爽口 醬汁濃郁 酸味比較少 新鮮泡菜係唔同啲～套餐仲包2款韓式飲品 揀左青葡萄汁 梨汁🫶🏻泡菜煎餅 $48煎得香脆 超多泡菜超足料 配上正宗韓國醬汁 香口好食😋性價比極高 三個人食都夠哂飽 足料又好食🤩 生生市場📍元朗教育路2-6號捷榮樓地下C號舖

話說元朗千色附近有間韓式外賣店，有唔少人幫襯價錢又幾經濟「一陣可唔可以買炸雞食🥺」個大食妹上堂前都掛住食，長期嗌肚餓食都比你食窮呀🥹◂ ◂ ◂ ◂ ◂ ✐☡ ▸ ▸ ▸ ▸ ▸▸ 芝士無骨炸雞 (大)無骨雞件份量有不少又幾大舊外皮薄又脆每舊都沾滿芝士粉，肉質嫩滑又保留肉汁唔乾身，略嫌芝士粉有點多有少少漏整體還不錯🥰▸ 韓式年糕餃子湯飲落係有韓國味道，湯底唔太咸無乜味精，五隻現成韓國餃子少許煙韌韓國年糕，感覺好似好少但食落好夠飽🤰🏻▸ 烤牛肉紫菜包飯紫菜包飯比較港人口味(韓式的較多芝麻油)餡料多多除香烤牛肉仲有唔少爽脆紅蘿蔔青瓜黃瓜，簡單方便口㾗買條食都係好選擇▸ 韓式炒魚糕 (中)魚糕彈牙加上蔥段紅蘿蔔絲仲有海帶(?)甜甜地，整體一般如果有辣的話會更好

之前見生生市場喺港島區都有分店，估唔到元朗都有，以下都係啲對舖頭有興趣嘅嘢食，大家可以參考吓揀左2款無骨炸雞，啱曬我呢d懶得lur骨既人🤣👍🏻 甜辣無骨炸雞 $48炸雞甜辣味道適中，辣嘅味道10小辣左右，外層嘅炸粉又唔會太厚，甜辣將到平均地包住每一嚿炸雞，咬落去啖啖肉，唔使lur骨好方便😝原味無骨炸雞 $42呢個係食到原汁原味嘅無骨炸雞，一份自己真係食唔晒，要同朋友分享烤牛肉紫茶飯卷 $50烤牛肉嘅份量剛剛好，有啲蔬菜做配搭幾有口感，同埋幾健康，飯都唔會太多👍🏻辣炒年糕 $45辣炒年糕係韓國好常見嘅小食之一，辣度都好出色，佢有小至到中辣嘅程度，鍾意食辣嘢嘅朋友唔好錯過啦，同埋佢哋嘅年糕非常有咬口，煙煙韌韌非常有韓國街頭小食既味道韓式炒魚糕 細$40炒魚糕係韓國家常菜嘅一種配料，普遍食親飯都會見到佢嘅出現，一樣好煙韌 份量好多，味道唔會太鹹啱啱好

呢間韓國食店好多時都包辦左我平時返工lunch同放假時既膳食😂因為佢有兩間分店而兩個地點對我黎講都好就腳！店舖雖然唔係好大而且主要做外賣, 但食物質素就同係餐廳食冇咩分別但價錢就好抵食！👍🏾我地就叫左佢既2人餐再加多個韓式辣炒豬肉拌飯😄2人餐既選擇都幾多, 基本上我覺得有2個人食係必定選呢款!2人餐包括有：- 芝士紫菜飯團🍱精心製作, 紫菜內包住香噴噴既飯同芝士, 而且相當多配料, 味道十足👍🏾- 韓式蜆肉大醬湯🥣濃郁既湯底因加上蜆肉飲落多份鮮甜, 再加上不同既蔬菜同豆腐整個層次感提升！🆙- 甜辣無骨炸雞🐓炸雞外脆內嫩, 咬落又多汁好juicy! 醬汁帶有微辣同微甜口味令人好開胃, 一定要叫!- 新鮮辣泡菜👘新鮮泡菜意思指岩醃製唔係好耐, 所以泡菜仲係咬落好爽, 而醬汁味同樣濃郁, 辣得刺激, 個人認為新鮮泡菜正過傳統(醃製時間長的)🤩飲品2款🥤有多款韓式飲品揀！梨汁, 濟州橙汁, 青葡萄汁同甜米露可以選擇👍🏾- 韓式辣炒豬肉拌飯 $63呢個唔係第一次食, 每次黎都會叫呢款, 做得好正宗如同係韓國食一樣! 整個飯撈埋口感同味道都相當豐富😍

在十數年前遷就孩子上學，由元朗遷往九龍區居住。今天舊地重遊，教育路兩旁有7成店舖已改為經營食店，可算是元朗的美食街了。又到用膳時間，不想花時間到食店去找位，就在元朗教育路街頭(即教育路2-6号，即元朗千色廣場對面)的一間新開韓式食人物外賣店吸引住~店名：生生市場。見有人排隊下餐，這間主打全韓式料理的外賣店，裝修新穎，我看了餐牌就下單:1,烤牛肉拌飯、2,韓式烤雞拌飯、3,芝士無骨炸雞(大号)及4,原味辣泡菜-共$249等了約8-10分鐘，包裝精美的外賣已弄好。與家人細意品嚐後，大家認為芝士無骨炸雞香脆可口，伴甜酸調味醬又很合適，調濃列芝士香味的炸雞適合用啤酒伴食，味道濃厚。其他的烤雞、烤牛伴飯是典型的韓式味道，我們建議用泡菜伴食最合適，這可帶出韓式伴飯的感覺。

生生市場 (元朗店) ，韓式食品外賣店，位於千色匯對面馬路，2021年開業，有售韓式泡菜、拌飯、麵食、炸雞、湯、紫菜飯捲、蟹油蟹、煎蛋捲、煎餅等等。是日夜放工，唔太想煮飯就決定買外賣回家，J最喜歡韓式辣炒豬肉拌飯和炸醬麵，味道好而且大碗，性價比高！🍜 炸醬麵 $62春醬，味道微微淡甜，配料豐富，有芝麻、青豆、豬肉粒、薯粒、黃蘿蔔、青瓜、洋蔥、紅蘿蔔，拌配質感煙韌粗彈的麵條🍱 2至3人套餐B $1884選1 ： 烤牛肉拌飯 / 韓式辣炒豬肉拌飯 / 韓式烤雞拌飯 / 韓式炒野菌拌飯選了韓式辣炒豬肉拌飯3選1 ： 韓式水冷麵 / 韓式炒粉絲 / 拉麵(公仔麵)炒年糕選了韓式水冷麵泡菜煎餅魚餅串湯飲品4選2 ： 濟州橙汁 / 青萄葡汁 / 梨汁 / 甜米露選了橙汁、梨汁_______________生生市場 (捷榮樓) (元朗)元朗教育路2-6號捷榮樓地下C號舖_______________

每次去完韓國，很快就想起韓國美食，於是來到這間外賣店，挑選一些不辣的韓國菜餚，拿回家和長輩們分享人蔘雞湯 全隻$110經典的韓國菜，有紅棗、人蔘、雞和糯米。一隻雞的份量不少，足夠4個人吃。雞肉、雞骨和糯米已煮至軟綿綿，糯米吸收了人蔘雞湯的味道，感覺很滋補，秋冬天時節飲用最為適合。所有湯燉配白飯，吃掉所有材料可以成為湯飯，把所有湯喝掉，爽呀！炸醬麵 $62最近去韓國在當地吃，於是這次就選了這個。醬汁香濃，內有青爪條、豬肉粒、軟綿綿的洋蔥粒和芝麻，還有一隻脆邊太陽蛋。麵條爽口，混合醬汁一起吃，滋味滿足。海鮮煎餅 $58想不到外賣的煎餅，拿回家後仍然有點外皮脆口，而且餡料充足，有不少八爪魚，使軟綿的餅皮帶點嚼勁。吃得辣的朋友，可以蘸上附帶的辣味醬油，更加惹味。魚餅串湯 $20/2pcs回味韓國之旅而挑選的，在韓國街頭檔口吃魚糕，呷一口湯，甚有風味。這間小店也能把韓國的風味帶到香港，魚餅厚實，湯味不錯。除了元朗外，原來灣仔也有分店。如果在灣仔上班，那就可以午餐時去買外賣吃了。