甜蜜的家

營業中

休息中

同屋企人食飯最好食中餐，但佢都係嗰啲嘢，唔係片皮鴨，就係上海菜。竟然比我喺網上見到咁特別嘅福建菜，同平時個啲好唔同。好有驚喜，啲餸好多都未喺香港食過，好得意，好味，好有新鮮感。呢個煎堆外硊內暖，入面芝麻香甜，剛炸起好硊口，放咗一陣，凍咗都好食，好煙韌。煎蟹非常香，記得熱食，好香又多汁，半隻唔夠喉，要食一隻。呢個燉湯好養身，超熱口，肉汁鮮甜。小店好有誠意，擺碟好靚，員工唔多，但好有家的感覺。第二次lunch time 去，個湯要再試，老闆娘介紹咗個麵線，冬天咁食超正，有台灣小店感覺。雖然位置係巷仔，唔易搵，但可能就喺係巷仔，感覺好有民間小店感覺，好似去咗旅行，心情好放鬆。

我哋一行三人想搵個地方傾吓計，係街邊見到一個唔起眼嘅牌寫住係餐廳，跟住係小巷行咗陣都未見，仲以為行錯路，估唔到係地裝修店後面竟然有個世外桃源！見到有廚師發板餐，$98/人，我哋唔知食乜好，就將個波就俾廚師。另外每人叫多碗養身蔘湯。呢個蔘湯真係必叫！老板娘話係用西班牙黑毛豬，手打成肉丸，飲完之後覺得身體暖曬！蠔仔麵線都係推介！ 成日去啲台灣店都有，但啲台灣店通常好少麵線又無咩蠔，呢到真係好多蠔同麵線！我朋友係從來都唔鍾意食蠔，覺得好腥，今次佢係第一次主動食完又食，佢話原來係烹飪技巧嘅問題！最重要都係女神卷，好多菜，好好食！呢度嘅菜式好多都係出邊食唔到，真係好神奇！

在網上群組得知這間小店，在公司附近當然要去試菜啦！原來這店嘅菜式是福建菜。一入店內老闆娘第一時間問想食咩？我第一次光顧不知道有什麼好食🤔。老闆娘提議$68由她發辦（即是廚師發辦）。心想正喎！有新意。坐低第一刻即時給你一杯薏米水，廚師發辦有芋頭有味飯、有菜、有雞、有湯、及非常美味嘅春卷。飯有少許芋頭粒、蠔豉，少少咸味又不太濃；雞非常有住家味道，有少少鹹味雞肉又不嚡；湯很清材料有漢芹及肉；春卷餡有紅蘿蔔及其他蔬菜絲，春卷真是必食。第二次碰巧是烏雞，又是非常美味給充滿住家菜味道。第三次有炆冬菇，另外炆豬肉及豆腐，每樣餸都烹調非常入味。第四次即煮蠔仔麵線，非常有特色，蠔仔新鮮又不腥，份量充足。第五次有馬友魚、麵（忘記名稱），喜歡食魚必定要食。老闆娘阿姨非常細心，每次都會問你夠唔夠飽，好唔好味，啱唔啱食。店內其他阿姨都好好，見到一班阿姨做得開心，有家的感覺，所以我都非常喜歡在這店食午餐。