甜牙牙

營業中

休息中

食完飯又未想走住緊係去食甜品做下場🤣呢間鋪真係百食不厭.💎$60 蜂蜜玉桂窩夫好好味嘅窩夫😆溫熱香脆嘅窩夫外皮配住雲尼拿雪糕 忌廉 玉桂粉 同香蕉好正😍😍每一啖都係幸福嘅感覺🥰食完成碟都意猶未盡咁🤩.💎$40 椰汁桃膠入冬緊係要叫下熱嘢食碗桃膠好足料 仲有好多木耳😍食完暖笠笠🥰.🛋環境：環境好光猛好舒服😍無論係兩三個 定係一班人嚟食都啱哂🤣.📸打卡位：靠牆沙發座位🧚🏻‍♀️.⏰等位時間：平日嘅7點去到唔算多人🙈

食完飯心思思想食甜品閒日8點無乜人唔洗等位✌🏻中意甜牙牙環境光猛又夠乾淨牆身、枱面唔會痴笠笠👍🏼👍🏼👍🏼仲有好多梳化位坐最岩同朋友舒舒服服嘆甜品😋甜品種類以西式為主款款都勁岩我胃口😍啲窩夫無論賣相定實際味道都好正不過今日晚餐食得太飽都係食碗冰算了😅連自家製花茶都有好特別！『抹茶綿綿冰』係甘香嘅抹茶味😍配埋甜甜地嘅紅豆同煙煙韌韌嘅小丸子完美組合💯再加埋脆珠令口感更加豐富半溶嘅冰令茶味更加突出👍🏼『益力多綿綿冰』綿綿冰嘅益力多味勁濃好正呀！旁邊嘅芒果爆珠同雜果條比較甜配埋QQ嘅芋圓一齊食成件事平衡返好多😋

喺旺角我同朋友食完泰國菜之後慢慢行吓花園街附近啲小舖，買吓嘢，滿載而歸，近廣華醫院也有很多食肆，甜品店亦不少。見到甜牙牙有窩夫食，即刻心心眼，人人都話女人有多一個甜品胃呢🤪急不及待叫咗個芒果窩夫，我同朋友講：可以揀綠茶雪糕就好啦，店員聽到喎，話可以幫我轉綠茶雪糕！嘩！好開心呀⋯⋯😍😍今時今日嘅服務態度真係令人非常、非常之滿意啊～即做嘅窩夫🧇好香、好脆👍🏻，芒果又甜，仲有我嘅至愛：綠茶雪糕，完美🥰🥰朋友叫咗個榴槤小丸子西米露，佢一路食一路呼出濃郁嘅榴槤香味，引死人啦😋😋

食完晚飯，行左陣街見時間尚早，就決定去食甜品。🔸芒果鬆餅配料及醬：芒果雪糕、芒果忌廉、芒果、焦糖鬆餅鬆餅需時製作，但等待食到熱辣辣的鬆餅都唔錯。鬆餅並不是梳乎厘鬆餅，而是偏向蛋糕質感的，口感較為紮實，優點係蛋味較為突出，外層煎到有少少焦焦脆脆的感覺，所以食落好明顯食到脆>軟既口感。芒果雪和芒果忌廉都是味道不錯的芒果，而芒果都好甜。🔸榴槤小丸子芋圓中間榴槤肉好紮實而且真材實料好香榴槤味，芋圓比想像中煙韌同份量多，小丸子亦好軟糯。除左呢三樣食材，仲有大菜糕丸子同西米，兩者提昇左成碗甜品既口感同令其更多豐富有趣。個人覺得椰汁唔錯，明顯食到椰汁同夠濃。甜牙牙係我心中係一間好務實既甜品舖，雖然每年都會有好多過江龍或者五花八門新興既網紅甜品，但甜牙牙依然保持初心，或者佢地既甜品無誇張打卡既外形，但絕對唔係只有打卡而唔好食，最重要係價錢好合理，唔會下下都賣過百一份甜品。

今日夜晚walk in嚟咗呢間甜品店 咁啱有位 唔駛等就入得去 （行慢一步都要排隊）周圍都有公告寫住45分鐘用餐時間 最低消費一樣食品👀 同大多數甜品舖一樣 啲位都係好窄好細 坐得唔係幾舒服 就係想等你快啲走🤣🤣🤣叫咗個抹茶心太軟 （$60）大概15分鐘 甜品先至嚟到 雪糕已經係溶溶地😅😅😅好快就溶到成個碟都係不過個心太軟幾好食 一督落去個留心流晒出嚟 仲係熱既 抹茶味好濃 配左1d水果 有士多啤梨 藍莓 等等 食落去唔會太甜 👍👍👍👍

甜牙牙呢間甜品店響旺角已經有好多年既歷史 - 無論附近廣華街﹑黑布街甜品區點樣改變都好，甜牙牙似乎都仲係唔少人會選擇既地方。趁而家仲係晚上7點幾時間，早少少響晚飯後去食個甜品先。雖然剛食完晚飯，不過見到餐單有關窩夫同鬆餅既圖片，都係會忍唔住想試下。諗左陣，決定試下佢既蜂蜜玉桂窩夫，以及朱古力鬆餅。大約10分鐘後，離遠都已經聞到濃濃玉桂香味既窩夫首先到場! 香蕉及窩夫既擺法，感覺就好似有個哈哈笑既圖案咁；窩夫本身都整得幾脆，響餘溫既威力下，配合雪糕一齊食就可以減低飽肚感；再加埋已灑滿玉桂粉既香蕉，味道尚算豐富。而朱古力鬆餅隔左陣都送到喇! 鋪滿餅碎既鬆餅食個陣雖然唔算好滑，但配合朱古力雪糕一齊食味道都唔錯! 當然將附加既棉花糖連埋朱古力雪糕一齊食，邪惡感即刻提升左好多!

甜牙牙都開咗好多年 以前佢喺尖沙咀 大學嗰陣落堂就成日同朋友嚟食下糖水 傾下偈 好開心 而家只得返旺角分店今日同男朋友食飯之前想食啲甜野過下口癮 所以去咗廣華街搵甜品店 嗰度其實有好幾間甜品店 但最後揀咗嚟呢度益力多綿綿冰 有我最鍾意食嘅芋圓加埋爆珠 芋圓仲有幾隻口味添 包括綠茶芋頭蕃薯等等 煙煙靭靭既口感好啱我 另外當然就係主角益力多綿綿冰啦 益力多味濃 D冰綿綿嘅質地唔會過硬 好味道冰南北杏雪耳燉木瓜咁啱呢排開始轉涼 所以食冰嘅同時都叫咗碗熱嘅滋潤中式糖水 裏面有桃膠同雪耳唔會過甜非常暖胃

早了吃晚餐, 結果8點多在街上百無聊賴, 另一伴建議去醫第2個胃, 就選擇了旺角就腳的甜品鋪餐廳不算大, 但也有不少年輕人, 氣氛熱鬧. 題外話, 進食到1半時, 餐廳突然熄燈, 原來是要上一道“火焰雪山”給另1枱的準備, 漆黑中的火焰非常觸目, 這小小驚喜令全場都開心起來.朱古力心太軟一切開, 微暖的朱古力便不停流出, 鬆軟的外層朱古力蛋糕, 朱古力流心, 濃厚的忌廉, 還有冰凍的雲尼拿雪糕, 是邪惡的絕配, 冷熱交融, 多種綿密的口感, 恰到好處的甜度, 實在令人興奮.小黃菊水果茶為了消消晚餐的飽滯, 晚餐過後來1杯暖茶的確令人舒暢不少, 不同的水果清甜配上小黃菊, 不只是腸胃上, 更令人精神放鬆.總結:甜品鋪的甜品種類非常多元化, 亦會制造小驚喜, 實在令人開心

每次係旺角食完飯想食糖水都會行過去旺角東個頭，因為貪個頭有幾間糖水舖，可以用人海戰術分散排隊😎呢日其實想食嚐糖🍬但最後淨係排到甜牙牙😶‍🌫️~~~🍯蜂蜜玉桂窩夫($56)🪄6.8/10一上檯已經聞到好重玉桂味waffle食落外脆內軟，但比較細塊隔離條🍌似為擺而擺，只係一隻有玉桂粉嘅普通香蕉，本身仲以為起碼有個焦糖面😹😹完全唔覺得佢同個甜品邊度襯.🍡榴槤小丸子西米露($52)🪄7/10有榴槤嘅甜品就係無敵🤗中間有pat 榴槤肉，份量唔少但西米露太細粒又腍，食落去唔似食緊西米😐.🌿水晶仙草芋圓杯($48)呢個我冇食就唔評論但佢粒💎好得意🤣🤣🤣打卡able👍🏻.🍫朱古力心太軟($55) 🪄6.9/10即叫即整熱辣辣😝外脆內軟裏面好濃朱古力味😋配嘅雲呢拿雪糕就味道一般隔離仲有一大pat忌廉，應該唔係自己打發的不過唔知佢係用黎裝飾定夾埋一齊食😅因為本身心太軟已經夠曬甜，唔需要再點cream~~~⭐️回頭指數🌕🌕🌖🌑🌑之前食過幾次都係味道一般，不過不失啦🙂黎食嘅主因都係因為佢就腳咋嘛🤷🏻‍♀️

記得幾年前在日本吃過棉花冰，當時感覺刨冰原來是軟綿綿的，入口即溶，不會有令人牙仔軟的感覺，當時在想如果能在香港吃到就好了。這裏的棉花冰正是當年的回憶！芒果綿綿冰：賣相極之吸引，芒果粒分量十足，配有紅白色的粉條和芒果味爆珠，連同芒果味濃郁的綿綿冰放入口，綿冰即溶之外，爆珠和粉條令口感倍添豐富，正是夏日透心涼的最佳甜品之一。益力多綿綿冰：愛吃綿綿冰的粉絲當然不會錯過益力多味啦！酸酸美味的乳酸味冰配合色彩繽紛的芋圓，多一份飽肚感真好！

間鋪都好多甜品揀，又有tiramisu又有心太軟、窩夫、芋圓、水果茶、焦糖燉蛋、pancake、綿綿冰等。原本打算食三層窩夫塔🧇但個quota比隔離枱嗌咗，個爐淨係整到一份😢😢又無得食！✨抹茶心太軟 $55係就係有流心，但個抹茶醬甜到不行了，蓋過了啲抹茶味，今鋪真係甜得濟。✨榴槤鬆餅🥞 $68有榴槤蓉配雲呢拿雪糕🍦正呀！唔會太甜，蛋糕加埋一齊食啱啱好。不過啲鬆餅其實是蛋糕texture。✨朱古力窩夫派對🍫🧇 $98啲窩夫係幾好味，上面又有撒好多配料，Oreo呀碎碎呀、朱古力脆球、杏仁，夾埋啲雪糕cream呀食唔停。唔錯嘅。不過間鋪只要有人叫火焰雪山堡🌋就會熄燈一次，有啲困擾🤣🤣🤣🤣🤣想專心食嘢..推薦：🌕🌕🌕🌑🌑

今日好早就食完晚餐，趁時間還早未有太多人，可以舒舒服服嘆埋個甜品呢間「甜牙牙」已經好多年了，第一次幫襯係2014年，真係充滿回憶能夠生存到咁多年，質素通常都有保證餐牌選擇好多，都係新式甜品為主，心太軟、窩夫、鬆餅、刨冰呢d一應俱全款款都非常吸晴因為食飽晚餐，我地都無揀d太飽肚既窩夫、鬆餅（但其實真係好吸引）我地揀左水晶芋頭芋圓杯$48有成五款配料，寒天水晶、芋圓、仙草、西米、脆珠！每款配料份量很足，係椰汁少左d不過味道就好唔錯，芋圓好好食，好煙un唔粉仙草芋圓西米露$42

🔗甜牙牙-「上個甜品要咁高調⁉️😳」-🏔️ 地獄火焰雪山 $88🔎 端上時全場熄燈，店員先澆上橙酒，再以火槍炙燒外層，視覺享受一流。外層為蛋白霜，洋溢馥郁酒香；內為熱流心朱古力漿及雲呢拿雪糕，冷熱交融；口感、味道均極具層次。-🧇 抹茶窩夫 $58🔎 配料有抹茶雪糕、紅豆蓉及忌廉，香甜且絲滑；美中不足為窩夫的口感未覺鬆脆。-🍨 四重窩夫派對 $118

好似好耐冇出嚟食飯今晚一定要食埋甜品先走嚟到甜牙牙梗係要食窩夫啦🤤❤️【朱古力窩夫派對】❤️雪糕窩夫永遠是吃不膩的甜品組合見到都興奮窩夫暖笠笠，外脆內軟雪糕就凍冰冰配埋杏仁碎和餅乾碎口感就更豐富了兩個人share啱啱好不過略嫌雪糕唔夠硬身加上窩夫本身暖暖地令雪糕溶得更快我哋食嘅速度都要跟着加快😂😂下次試埋其他味嘅窩夫派對先得😍甜牙牙都好旺場我哋八點左右入座就未有太多食客但8:30左右就開始多人如果大家都想食記得早少少嚟啦～

和朋友吃完晚餐後意猶未盡想再吃甜品，正巧經過甜牙牙，便進去吃飯後甜品😁餐廳寬敞整潔設卡座，我和朋友坐下後看着餐牌十五十六，因為餐廳很多選擇，圖文並茂，每款甜品都十分吸引，最後打定主意點了一個火焰雪山和一客提拉米蘇鬆餅。因為提拉米蘇鬆餅製作需時，所以火焰雪山首先送到，餐廳貼心地為我們關上燈，倒酒和用火槍燃燒整個火焰雪山，藍色的火光燃燒了一陣子才停下，場面十分華麗，我和朋友都拿起手機拍照錄影記錄這值得留念的一刻。火焰雪山外層的蛋白霜燒得金黃香脆，帶着濃濃的酒香味，每一口口感都很豐富，而且入面內有乾坤，有雲尼拿雪糕和原味窩夫，既美味又很搭。提拉米蘇鬆餅其後亦很快送上來，兩大塊厚厚的鬆餅、雲尼拿雪糕、手指餅、咖啡酒和提拉米蘇忌廉，擺盤很精美豐富，令人食指大動。鬆餅蛋香味濃又鬆軟，再配搭雪糕和提拉米蘇忌廉，香甜又富層次感。